رواية طفلة وحيد الدباغ الفصل العاشر 10 بقلم اميرة خالد

رواية طفلة وحيد الدباغ الفصل العاشر 10 بقلم اميرة خالد

رواية طفلة وحيد الدباغ الفصل العاشر 10 هى رواية من كتابة اميرة خالد رواية طفلة وحيد الدباغ الفصل العاشر 10 صدر لاول مرة على موقع التواصل الاجتماعى فيسبوك رواية طفلة وحيد الدباغ الفصل العاشر 10 حقق تفاعل كبير على الفيسبوك لذلك سنعرض لكم رواية طفلة وحيد الدباغ الفصل العاشر 10

رواية طفلة وحيد الدباغ بقلم اميرة خالد

رواية طفلة وحيد الدباغ الفصل العاشر 10

دخل أيمن وأمين الصالة وهما مستغربين جداً إن ستاتهم مش موجودين في مكانهم.. ولسه هيسألوا، شافوهم نايمين كلهم على الأرض في معسكر كوميدي، و جنبهم العيال .
حمدي (بضحكة خفيفة): تعالوا صحوا نسوانكم من النوم.
إنعام (بحمشة وغضب مصطنع وهي بتقف قدامهم): لأ.. ما حدش ليه دعوة ببناتي! أنا اللي هصحيهم بمعرفتي!
الكل استغرب طريقتها ورد فعلها المفاجئ.
أيمن (باستغراب): مالك يا ياما؟! في حاجة حصلت ولا إيه؟!
إنعام: لأ يا قلب أمك.. مافيش حاجة خالص.
حمدي ابتسم في سره عشان فاهم دماغ إنعام وعارف هي بتعمل كده ليه عشان تحميهم.. وقرب من ضحى ودعاء وصحاهم بالراحة بحنية:
إنعام: يلا يا قلب أمك أنتِ وهي.. اصحوا عشان نعمل الفطار ونظبط الدنيا.
ضحى (بتثاوب ونوم): صباح الخير يا ماما إنعام.
إنعام: صباح الورد والياسمين على عيونكم يا حبايبي.
ابتسموا البنات وقاموا دخلوا المطبخ على طول من غير ما حتى يبصوا لرجالتهم أو يكلموهم من كسفتهم، وإنعام دخلت وراهم بسرعة تقفل الباب. حمدي بص لأولاده بجدية:
حمدي: بقولكم ايه.. أي كلمة أمكم هتقولها النهاردة تقولوا عليها "حاضر ونعم".. فاهمين ولا لأ؟!
أمين (باستغراب ودهشة): هو في ايه يا حاج؟! فهمنا!
حمدي: اسمعوا الكلام وأنتوا ساكتين، وبعدين نبقى نتكلم.
أيمن: خلاص يا حاج زي ما تحب.. المهم، هو وحيد فين؟!
حمدي: زمانه طالع اهو.
وفي الأوضة جوه، كان وحيد قاعد على السرير جنب حورية بهدوء، وبيمشي إيده على شعرها بحنية بالغة. حورية فتحت عينيها ببطء، وأول ما شافته قدامها ابتسمت بخجل وكسوف:
حورية: صباح الخير.
وحيد (بابتسامة دافية وعيون لمعانة): صباح الورد والياسمين.. ينفع كده يا هانم تنامي في الصالة بره مع العيال والكل يشوفك؟!
حورية (بعدم استيعاب وهي بتبص حواليها): ها؟! هو أنا دخلت الأوضة إزاي؟!
وحيد (بغباء جميل وبصت خبث): أنا اللي دخلتك وشلتك يا هانم بيديه.. قبل ما أيمن وأمين يشوفوكِ وأنتِ لابسة البيجامة دي! بعد كده ابقي خلي بالك.
حورية (باعتراض عفوي وسرعة): وهي مالها البيجامة بقى؟! ما هي حلوة أهي و...
وحيد (وهو بيقرب وعيونه بتلمع برغبة وغيره): هي حلوة آه.. بس دي تاخد العقل كله!
حورية نزلت عيونها على نفسها وفجأة اتفاجأت إنها لسه لابسة البيجامة الشورت.. فوشها احمر جداً من الكسوف وبقت زي الفراولة:
وحيد بمشاكسه: إيه اللي حصل دلوقتي؟! ما انت كنت بتتكلمي بجراءه من شويه؟!!
حوريه بيكسوف: ممكن تقومي عشان أغير هدومي عشان اطلع افطر معاهم؟
وحيد (بمشاكسة وغرور رجولي): لأ.. مش هقوم! والبيجامة عجبتني كده وخليكِ بيها.
حورية (بخوف طفولي): لأ والنبي قوم.. هو أنا هطلع بالمنظر ده بره للناس؟!
وحيد (بغيرة عمياء وصوت حاسم): لأ طبعا.. مستحيل! وبصي بقى، من هنا ورايح مش هفكر أبداً إن شعرك ده يبان قدام أي مخلوق بره، ولا حتى وشك.. كل ده ملكي أنا لوحدي! فاهمة ولا لأ؟!
حورية من خوفها وكسفتها هزت راسها بسرعة بالموافقة من غير ما تطلع حرف. وحيد ساب إيديها بحنية، وقرب منها وباس راسها برفق:
وحيد: حقك عليا.. مش قصدي أخوفك والله، بس بغير عليكِ.
حورية ( بصوت واطي ومكسوف): مافيش مشكلة.. ممكن أقوم بقى؟
وحيد: طيب.. أنا هخرج دلوقتي أسبقك، وأنتِ اخرجي بعدي براحتك.
حورية (بخفوت): حاضر.
أما بره في الصالة، كانت إنعام قاعدة قصاد أيمن وأمين ومش طايقاهم ولا طايقة بصتهم من كتر الغيظ من عمايلهم القديمة.
حمدي (وهو بيضحك بخفة): جرى ايه يا حاجة؟! مالك واخدة جنب وطالعة في العالي كده على الصبح؟!
إنعام (ببرود): مافيش يا سيدي. وبصت لأدم بصرامة:
إنعام: يا أدم.. قوم خبط على حورية وقول لها تعالي عشان تفطري معانا.
وحيد (وهو طالع من الأوضة ومقاطعها بثقة): ما لهوش لزوم.. هي هتيجي دلوقتي لوحدها!
إنعام سكتت وما ردتش، وبصت له بابتسامة خبيثة وهي عارفة إن ابنها وقع ولازم يعترف بده علشان يعيش مبسوط! 
وما عداش دقيقتين وخرجت حورية، وقعدت على سفرة الفطار وهي مكسوفه وعيونها في الطبق.
​إنعام (بحماس): كويس قوي إن كلكم متجمعين.. احنا عايزين نسافر نغير جو في الساحل أو اسكندرية!
​أيمن (باستغراب): سفر إيه يا ياما على الصبح؟!
​إنعام (بحدة): هو أنا كلمتك؟! أنا بكلم جوزي!
​أمين: هو في ايه يا ياما؟! أنتِ قالبة علينا ليه كدة من أول اليوم؟
​إنعام (وهي بتبص لحمدي بدلال): قلت إيه يا حمدي؟!
​حمدي (بابتسامة رضا): من عيوني الاتنين.. اللي أنتِ عايزة كله مجاب يا حاجة!
​إنعام: ربنا يخليك ليا وما يحرمنيش منك أبداً.
​أيمن: طب وشغلنا والمصنع يا حاج؟!
​إنعام: ما له شغلكم؟! خدوا إجازة كام يوم.. هو ايه يا حمدي، أنت مش هتعرف تسيطر على عيالك ولا ايه؟!
​ضحى ودعاء كانوا قاعدين مبسوطين وبيضحكوا على سيطرة إنعام الكاملة.
​حمدي (بصوت حاسم): خلاص.. ما فيش كلام تاني، بعد بكره هنسافر، عشان ده هيكون آخر يوم في امتحانات حورية.
​إنعام (بسعادة): ربنا يخليك ليا يا حمدي.
​حمدي (بابتسامة دافية): ويخليكِ لينا يا أم وحيد.
​إنعام: طب.. إيدك بقى على قرشين حلوين عشان عايزين نزل نشتري حاجات كتير قبل السفر!
​في الوقت ده، كان وحيد قاعد عينه مش بتفارق حورية وهي بتاكل بكل راحة..
​حمدي: حاضر من عيوني الاتنين.. الفلوس هتكون عندك في جيبك.
​إنعام: ماشي يا حمدي.
​وقف وحيد فجأة وهو بيبص لأمه:
​وحيد: أنا نازل الورشة.
​إنعام (بابتسامة): تحب أعمل لك إيه النهاردة على الغداء يا حبيبي؟!
​وحيد: أي حاجة يا ياما.. تسلم إيدك. وسابهم وخرج بسرعة.
​أيمن (وهو بيبص لمراته): بقولك ايه يا دعاء.. عايزك تكوي لي الهدوم بتاعتي عشان رايح مشوار مهم بالليل.
​إنعام (باعتراض وقرف): ابعت الهدوم للمكوجي.. البت دعاء مش هتعمل حاجة! أيمن كان لسه هيرد ويتعصب، بس حمدي قطع كلامه بحزم: 
​حمدي: خلاص.. يلا انزل على شغلكم يا ولاد من غير كتر كلام. ونزلت الرجالة كلها على الورشة، ودعاء وضحى جريوا على إنعام وحضنوها بفرحة ومحبة عشان هي دايماً في ضهرهم.
هدير ​​كانت قاعدة في الشقة بتتكلم في التليفون مع المحامية بتاعتها وقفلوا المكالمة.
​رضا (بلهفة): ها يا هدير.. المحامية قالت ايه؟!
​هدير (بثقة خبيثة): المحامية خلت المحامي اللي شغال معاها ما يوديش أي إعلان رسمي لوحيد دلوقتي خالص.. لحد ما الجلسة الأولى تعدي وهو ما يحضرش، عشان القضية تلبس فيه!
​رضا (باستغراب وتفكير): أنا نفسي أفهم المحامية دي بتفكر إزاي؟!
​هدير: بتفكر صح طبعاً.. واللي بتعمله ده هيخلينا نكسب فلوس قد كده من ورائه!
​رضا: طيب يا قلب أمك.. وأنتِ هتفضلي قاعدة هنا كده كتير، مش هتشتغلي ولا تشوفي حياتك؟!
​هدير (ببرود): تخافيش يا ياما.. أنا نازلة أجر شقة وأقعد فيها، مش هقعد كتير في وشكم هنا!
​رضا (بعصبية وغضب): لأ والله؟! وأنا بقول لك كده عشان تقولي لي همشي؟! أنا بقول لك كدة عشان تدفعي في البيت وتشاركي بدل ما تضيعي فلوسك بره على الهيافة!
​هدير (بتأفف): بقولك ايه ياما.. مش ناقصة وجع دماغ وفلسفة! وعشان الفلوس، هديكي مبلغ وتسيبيني في حالي!
​رضا (بطمع): بقا كده يا بت بطني؟! ماشي.. بس كلامك هيكون مع أبوكِ لما يرجع من الشغل!
​هدير (بسخرية مقرفة): لأ والله؟! يوريني بقى هيعمل إيه يعني! وسابتها ودخلت أوضتها وقفلت الباب في وشها.
​​كان وحيد شغال في الشغل بعصبية وغضب مكتوم، وبیفكر في فكرة إنهم عايزين يسافروا ويأخدوا حورية معاهم.
قرب منه أمين:
​أمين: بقولك ايه يا وحيد.. المهندس بره وعايز كلمك في موضوع الشغل. وحيد ما ردش عليه وفضل ساكت ومكمل شغل بإيده بقوة.
​أمين (باستغراب): مالك يا وحيد في ايه؟! وساكت كده ليه؟! حمدي دخل وبص لهم: 
​حمدي: في ايه يا أمين؟!
​أمين: يا حاج.. المهندس عايز يكلم وحيد عشان تفاصيل الشغل الجديد.
​حمدي: طب روح قول له إن وحيد في مشوار مهم، ولما يرجع يبقى يكلمه.
​أمين: حاضر يا حاج.
​قرب حمدي بخطوات هادية، وحط إيده بحنية على كتف ابنه وحيد:
​حمدي: مالك يا قلب أبوك؟! في ايه مضايك من الصبح؟!
​وحيد: مافيش حاجة يا حاج.. أنا كويس.
​حمدي: تعالي يا وحيد.. أنا عايز أتكلم معاك في موضوع مهم لوحدنا.
​وحيد (بقلق): في ايه يا حاج؟!
​حمدي: تعالي بس نشرب فنجانين قهوة جوه، وأنا هحكي لك على كل حاجة من أولها لآخرها.
​وحيد: حاضر يا حاج.
​دخلوا الاتنين جوه المكتب، وقفلوا الباب وراهم بإحكام.
​وحيد: نعم يا حاج.. قول، في ايه مخليك قلقان كده؟!
​حمدي (بصوت هادي ونبرة كلها جديّة): بص يا ابني.. اللي هحكيه لك ده سر بيني وبينك، وما أعرفش ربنا هيخد أمانته إمتى.. وعشان كده لازم أقولك كل حاجة عشان تخلي بالك منها كويس!
​وحيد (بفزع ورفض): بعد الشر عليك يا حاج! مين دي اللي أخلّي بالي منها؟!
​حمدي: حورية.​
وحيد (باستغراب ودهشة): حورية؟! هو في حاجة يا حاج تخص حورية أنا ما أعرفهاش؟!
​حمدي: أيوه يا ابني..
​وبدأ حمدي يحكي له القصة كاملة بكل تفاصيلها.. من أول عمامها وطمعهم في ورثها، وإزاي كانوا عايزين يخلصوا منها ويأذوها عشان تاخدوا أموالها، ووصولهم لحد هنا.
وحيد كان قاعد مصدوم، وكل حرف بيسمعه كان بيولع النار في جسمه، ومش مصدق إن أعمامها ممكن يوصلوا للحقارة دي عشان شوية فلوس!
​حمدي: بس يا ابني.. هو ده كل اللي أعرّفه، واللي متأكد منه مليون في المية، إنهم بيدوروا عليها ليل نهار عشان تغصب عنها تتنازل عن ورثها.. وأنا خايف عليها قوي من شرهم.
​وحيد (بعيون مليانة شرار وغضب): ازاي يا حاج؟! ما تقوليش الكلام ده وتخبي عليا السنين دي كلها!
​حمدي: يا ابني، أنا كنت خايف عليها.. وحب أمك ليها خلاني مطمن وهي وسطينا، لكن لما شفتهم موجودين هنا ، ده اللي خوفني بجد.. حتى لما أمك قالت فكرة الجواز، أنا فرحت من كل قلبي عشان هتكون في أمان تام معاك وتحت حمايتك!
​وحيد (وهو بيجز على أسنانه): طب يا حاج.. أنا هجيب حق اليتيمه من ولاد الكلب دول بنفسي!
​حمدي: يا ابني.. اللي يرمي لحمة ضناه في الشارع، وعايز يقتله عشان خاطر قرشين، أكيد نيتهم وسخة ومش هيهمه حد.. وأنا مش مستغني عنك ولا عن حياتك!
​وحيد (بحمية وغضب): بس حق اليتيمة دي يا حاج.. ازاي نسيبه ويروح هدر كده؟!
​حمدي: إذا كانت اليتيمة نفسها مش عايزه حاجة من الدنيا، وشارية قعدتها معانا هنا وبس؟! وقف وحيد مكانه فجأة وعيونه مبرقة: 
​وحيد: أنت متاكد من كلامك ده يا حاج؟!
​حمدي: طبعاً يا ابني.. الكلام ده طلع من بقها هي شخصياً وهي خايفة.
​وحيد (بتنهيدة طويلة وقلبه بيدق بقوة): طيب يا حاج.. سيبني أنا هفكر في الموضوع ده كويس
خرج وحيد من المكتب وهو جواه نار بتغلي، وكل فكرة في دماغه إزاي يجيب حق البت الغلبانة دي ويعرف كل صغيرة وكبيرة عن الناس اللي ظلموها، وخصوصاً بعد ما عرف إن اسمها الحقيقي "زمرَدة أبو اليسر".
مسك تليفونه بايد بترجف من كتر الغضب، وطلب رقم شخص ثقة يقدر يجبله الديب من ذيله:
وحيد (بصوت ناشف وحاسم): بقولك ايه.. عايزك تعرف لي كل حاجة تخص عيلة أبو اليسر.. حكيم أبو اليسر وعصام أبو اليسر، يجوا لي على الطرابيزة بكل تفاصيلهم!
الشخص: تمام يا معلم وحيد.. يومين بالكتير وكل الأخبار وتاريخ حياتهم هيكونوا عندك.
وحيد (بحدة وعينيه مبرقة): يومين إيه؟! أنا عايز كل حاجة تكون عندي بكرة الصبح فاهم؟! وقفل معاهم السكة من قبل ما يسمع ردهم، ووقفت عينيه على ورشة الشغل وهو بيفكر إزاي هيدفعوا ثمن كل دمعة نزلت من عيون زمرَدة.
وفي الشقة.. كانت إنعام ماسكة الورقة والقلم وبتبص للبنات:
إنعام: كتبنا كل حاجة احنا محتاجينها يا حوريه ولا لسه؟!
حورية (بابتسامة): أيوه يا نونو.. كتبت كل اللي قلتيه.
ضحى (بعتراض وهزار): لأ طبعا يا ماما.. ما كتبتوش كل حاجة! نسيتوا أهم حاجة خالص.. المايوهات!
إنعام: تصدقي معاكي حق يا ضحى.. دي أساس السفرية، لازم نجيب مايوهات لينا وللعيال.
دعاء (بسخرية خفيفة): مايوهات إيه؟! هو إحنا على أساس إنهم هيسيبونا ننزل البحر أصلاً؟! ده لو وافقوا إننا نخرج أصلاً يبقى كتر خيرهم!
إنعام (بثقة وجبروت كوميدي): لا طبعاً! هتنزلوا البحر وتعملوا كل اللي نفسكم فيه، ومحدش يقدر يفتح بوقه بكلمة طول ما أنا معاكم!
حورية: طب في حاجة تانية أكتبها في الورقة ولا خلاص كده؟!
إنعام: بيتهيألي كده خلاص.. ولو عوزنا حاجة تانية نبقى نكتبها واحنا بنشتري، المهم يلا بينا نقوم نعمل الغداء عشان بكرة مش هنعمل حاجة في البيت، ونبدا نلم الشنط ونجهزمها من دلوقتي عشان لما نسافر نبقى مرتاحين.
ضحى (وهي بتفكر فجأة): هو أنتِ نسيتِ يا ياما.. فرح وحيد اللي مفروض آخر الأسبوع ده؟!
إنعام (ببساطة): ولا نسيت ولا حاجة.. بس وحيد شكله لسه متردد ومكسوف، وعشان كده أنا فكرت.. ما نعمل الفرح واحنا مسافرين هناك في الساحل، أهو بالمرة يقضوا شهر العسل هناك بهدوء وبعيد عن قرف هدير ومشاكلها!
ضحى: طب والناس يا أمي.. مش هتعزمي الجيران وأهل الشارع؟!
إنعام (باستخفاف): ناس مين؟! احنا مش لازم نعزم حد غريب؟! إحنا أحسن من أي حد، نبقى مع بعض في جو عائلي وخلاص، ولا إيه رأيكم؟!
حورية أول ما سيرة الفرح والزواج اتفتحت، وشها جاب ألوان واتكسفت جداً ونزلت عيونها في الأرض. قامت إنعام من مكانها، وقعدت جنب حورية على الكنبة، وشدتها لحضنها بحنية دافية:
إنعام: بس يا قلب أمك.. أنا عارفة كويس إن الموضوع جديد عليكِ، وإنك لسه خايفة ومش متخيلة إن وحيد بقى جوزك وبتاعك، بس ده قدرك ومكتوب لك.. ووحيد بقى جوزك وحامي ضهرك، عشان كده بقول لك: حافضي على بيتك وجوزك بايدك واسنانك.
ضحى: كلام ماما صح مليون في المية يا حورية.. ووحيد راجل طيب ووسيم وطول بعرض، وألف واحدة تتمناه! مش كده يا دعاء؟! فاكرة البنت اللي كانت عينيها عليه في فرحك وفضلت تيجي لنا هنا كتير عشان بس تشوف وتتكلم معاه؟!
دعاء (بضحكة عالية): اه والله فاكراها! ولغاية دلوقتي لسه زعلانة مني عشان وحيد كسر عينها وكلمها بطريقه مش حلوة قدام الكل!
حورية كانت بتسمع الكلام ده وقلبها بيقبض من الغيرة والضيق من غير ما تفهم ليه. إنعام حسّت بيها، فطبطبت على إيدها بحنان:
إنعام: سيبك من كلامهم الهبل ده.. وخليكي معايا أنا، أنا عايزك تنسي كل اللي فات وكل اللي حصل لك، وتبدئي حياة جديدة وهادئة مع وحيد.. فهماني يا قلب أمك؟!
حورية هزت راسها بالموافقة وهي بتنحرج، وابتسمت بحب وسط دعوات إنعام ليها بالسعادة والستر.

انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا