ـ سمعت أنه نوح خطب يا تميم ... صح الكلام دا ؟

هزيت رأسى بإيجاب و انا بقولها :

ـ صح يا أمى راح رؤية شرعية امبارح و وافقوا عليه 

ابتسمت بفرحة و هى بترفع أيدها 

ـ عقبالك يا حبيبى و عقبال اما أشوفك مع عروستك يارب 

ابتسمت و آمنت على كلامها و بعدين سمعت خبط جامد على باب البيت ، جريت على الباب بسرعة و انا بفتحه لقيت بنت و اقفة بتعيط فـ غضيت بصرى عنها و انا بسألها 

ـ فى ايه يا آنسة !

اتكلمت و هى بتعيط و صوتها طالع بالعافية 

ـ رف...رفيف و عائشة فيه عربية خطفتهم 

قولتلها بصدمة 

ـ عائشة اختى !!!

كانت هتتكلم لحد اما ماما جات نحيتنا و هى بتسأل 

ـ مالها عائشة يا تميم !!

البنت ردت بعياط و خوف 

ـ عائشة و رفيف حد خطفهم 

حاولت أهدى عشان افهم حصل ايه و انا بسألها 

ـ طيب ممكن تحكيلى ايه اللى حصل ؟

= خليها تتدخل الاول يا تميم 

بعدت عن الباب و ماما دخلتها و قعدتها على الرُكنة و شربتها ماية ، قعدت قصدها و انا بحاول أتمالك اعصابى و بغض بصرى عنها 

ـ ممكن بقى تحكيلى ايه اللى حصل ؟

رجعت تعيط تانى و هى بتتكلم 

ـ انـ..أنا ورفيف كن بنتمشى و بنجيب شوية طلبات و عائشة جات علينا و قالت إنها عايزة تتكلم مع رفيف فـ سبتهم ورحت السوبر ماركت و بعد شوية لقيت عربية سود بتقف جنبهم و رجال بيحطوا حاجة على وشهم و خدهم و مشيوا و ملحقتش اعمل حاجه كله حصل بسرعة 

انتهدت بعصبية 

ـ طيب شوفتى حد منهم أو رقم العربية أو اى حاجه 

هزت رأسها بنفى و هى بتعيط 

ـ لا مشفتش حاجة.. بالله عليك رجعهم 

قومت بعصبية و انا بتصل بـ يوسف 

ـ السلام عليكم يا شيخنا اخبارك 

= وعليكم السلام ورحمة و بركاته.. اسمعنى يا يوسف !

ـ فى ايه يا تميم ؟

ـ عائشة و الآنسة رفيف اتخطفوا من الحارة فـ اعمل بلاغ بأختطافهم

= امتى الكلام دا ؟!!

ـ من شوية .. بسرعة يا يوسف و انا هنزل أشوف الكاميرات لعل و عسى أعرف حاجة منهم 

= حاضر يا تميم هعمل البلاغ و هجيلك ندور عليهم 

قفلت مع يوسف و سألت البنت كل دا حصل الساعة كام بالظبط و عرفت منها و نزلت بسرعة عشان اشوف الكاميرات 

***

فتحت عينى و دماغى مصدعة حطيت أيدى على راسى و دوست عليها جامد عشان الصداع يطلع بس بدون جدوى 

بصيت حوليا لقيتنى فى اوضة و نايمة على السرير و لحظة دى مش عائشة 

ضربتها فى كتفها براحة و انا بناديها 

ـ عيشة ... يا عيشة فوقى 

بدأت تفتح عيونه و هى بتبص حوليها و بتسألنى 

ـ حصل ايه ؟ و احنا فين ؟

رفعت اكتافى بعدم معرفة 

ـ معرفش حاجة تعالى ننادى على حد نشوف احنا بنيل ايه هنا 

قومت و انا دماغى مصدعة جامد اتجهت نحية الباب و انا بخبط عليه و بنادى بصوت عالى 

ـ افتحوا البااااب دا .. انتو مين ... و جايبنه هنا ليه ردوو علينناااا

مكنش فيه اى صوت بصيت لـ عائشة 

ـ محدش بيرد نعمل ايه ؟

= أنا مش عارفه .. انـ..أنا خايفة أوى 

ابتسمت ليها و انا بحاول اطمنها و اطمن معاها 

ـ يا ستى خايفة من ايه .. دا اكيد حد بيهزر معانا بس و شويه و هييجوا يضحكوا 

بصتلى بأستغراب 

ـ لو افترضنا أنه فعلا زى ما بتقولى أنا معرفش حد ممكن يعمل معايا كدا

= و لا أنا بردوا 

قولتها بحزن لأنى فعلا معرفش غير فرح صحبتى بس ، انتهدت و انا بقوم أشوف الشباك المقفول دا

اتجهت نحيته و حاولت افتحه و أيدى اتعورت 

ـ اه اه أيدى 

عائشة قامت تجرى عليا و تمسك أيدى 

ـ براحة يا رفيف .. اديكِ عورتى نفسك 

= مش مهم دلوقتى يا عيشة .. أهم حاجة دلوقتى عايزين نمشى من هنا 

قولتها و انا بسحب أيدى من أيدها و رحت حاولت افتح الشباك تانى بس بدون جدوى 

لحد اما حسينا بصوت الباب بيتفتح ، عائشة مسكت أيدى و استخبت فى ضهرى و انا كنت واقفة باص للشخص اللى هيظهر من ورا الباب لحد اما شوفته و اتصدمت 

ـ سليم !!!

ابتسم بسماجة و هو بيدخل و بيقرب مننا 

ـ وحشتينى يا حبيبة عيون سليم 

بصتله بعصبية 

ـ انتَ متخلف ايه اللى بتعملوا دا .. خلينا نمشى من هنا 

قعد على السرير قدمنا و هو بيطلع سيجارة و يولعها 

ـ وطتى صوتك يا روفى .. اعصابك يا ماما مش لاقيها فى كيس شيبسى إنتِ 

= انت بارد يلا .. بقولك مشينا من هنا انت مش بتفهم 

ـ تؤ تؤ كدا يا روفى ازعل منك اوى و انا زعلى وحش 

= ما تتفقل يلا ... اتفقل كل نصين قد بعض .. انت كمان هتشيلنى هم زعلك 

خد اخر نفس من السيجارة و هو بيرمها تحت رجله و بيدوس عليها و بيقرب منى بعصبية و بيمسك شعرى بايديها 

ـ سيب شعرى يا حيوان .. سيب شعرى 

عائشة كانت ماسكة أيدى و هو اتكلم 

ـ اسمعِ بقى عشان جبت أخرى معاكى بكرة كتب كتبنا و هتبقى مراتى و على أسمى ... فااااهمة !

= انت بتحلم يا سليم .. بتحلم 

ضحك و هو لسه ماسك شعرى و بيبص على عائشة 

ـ و مالوا بحلم و هنفذ لو مش إنتِ هتبقى اخت حبيب القلب 

اتكلمت بعصبية و انا بحاول ابعد عنه

ـ قسمنا بربى يا سليم لو قربت من عيشة لـ اقتلك 

ضحك و هو بيسبنى و بيزقنى لبعيد ، و بيقول بسماجة 

ـ أحب اشوف جدا يا حبيبة عيونى و إنتِ بتقتلينى 

اتكلمت بدموع 

ـ بوص هعمل كل اللى انت عايزه بس سيب عيشة خليها تمشى هى ملهاش ذنب 

ابتسم و هو بيقعد و بيولع سيجارة تانى 

ـ و الله الخطة كانت أنهم يخطفوكِ إنتِ بس اخت الشيخ هى اللى عملت بطل و دافعة عنك فـ جابوها معاكِ .. بس متخسرش بردوا 

قالها و هو بيقوم و بيدينا ضهره و بيمشى و بيقول بجدية 

ـ جهزى نفسك يا رفيف و الا و قسم بالله لـ هكتب كتابى على اخت الشيخ قدامك 

قالها و قفل الباب و رحت حضنة عائشة و انا بعيط و بحاول أهديها 

ـ أهدى مش هخليه يقرب منك .. أهدى 

= هيأذينا يا رفيف .. هيأذينا

ـ تؤ تؤ أهدى أنا واثقة أنهم هييجوا ينقذونا قبل اما اى حاجه تحصل 

قولتها و انا بخدها و بقعدها على السرير و بهديها و انا بمسح دموعى 

***

ـ عايزة اشوف الكاميرات يا عم محمد ؟

قولتها لـ عم محمد صاحب السوبر الماركت اللى اتخطفوا من قدامه ، عم محمد قعد يعمل حاجات على الكمبيوتر اللى قدامه و بعدها لف ليا الكمبيوتر 

قعدت اتابع الفيديو و اللى باين أنهم كانوا عايزين رفيف و لما عائشة حاولت تبعدهم خدوها معاهم يعنى رفيف المقصودة 

راجعت الفيديو كذا مرة عشان اعرف اى حاجه توصلنى بيهم بس ملقيتش حتى العربية مكنتش عليها ارقام 

انتهدت و قومت عشان اكلم يوسف لقيته جاى عليا هو نوح ، و يوسف سألنى بقلق

ـ لقيت حاجه يا تميم ؟

هزيت رأسى بنفى و انا حاسس اني عاجز وانا مش عارف اختى فين ، حسيت بحد بيحط أيده على كتفى ، بصتله لقيته نوح بيحاول يطمنى

ـ هنلاقيهم يا تميم .. إن شاء الله هنلاقيهم 

= خايف القيهم بعد فوات الأوان 

ـ خير إن شاء الله 

طلعنا البيت تانى عشان نسأل البنت فى محاولة أننا نلاقيهم و انا بدعى من قلبى الاقيهم قبل ما يفوت الأوان 

***

منه لله العجل سليم ، زمان حبيبى تميم رايح يصلى و مش هعرف اشوفه ، منك لاحكم الاحكمين يا شيخ

كنت واقفة عند الشباك اللى مقفول بسلوك كتير شايفة القمر شكله جميل زى حبيبى 

لفيت أبص على عائشة لقيتها قاعدة زعلانة فـ حاولت انكشها و انا بمشى لحد عندها و بقولها بتفكير

ـ هي شو حلو حبيبي شو حلو 

هالقمر و لا يا القمر ؟

= هالقمر 

ـ اومال ياختى معلقة معايا من الصبح ليه يا القمر 

بصتلى و هى بتبتسم و هى بتمسك طبق جنبها و بتقلبه

ـ طب يلا معايا كدا 

ضحكت عشان طلعت من حزنها و انا بغنى معاها 

ـ شو حلو حبيبى شو حلو 

بصت للشباك اللى ظاهر منه القمر و شاورت و هى بتغنى 

ـ هالقمر شوفوا ما اچمله

ضحكة و هى بتسيب الطبق و بتفتحلى حضنها جريت عليها و حضنتها و انا بقولها 

ـ تعرفى ان لولا أنك مكنتيش معايا فى المحنة دى كنت هعيط جامد اوى 

طلعت من حضنها و هى بتسألنى 

ـ ليه ؟

ضحكة بوجع 

ـ عشان عندك عيلتك اكيد مش هيسكتوا غير لما يلاقوكي

= طيب ما إنتِ بردوا عندك باباكِ 

ابتسمت بحزن و انا بقوم اقف عند الشباك و ببص للقمر 

ـ بابا اصلا تلاقيه مش عارف إن مخطوفة 

حسيت بيها و هى بتقوم بتحط أيدها على كتفى 

ـ إنتِ غلطانة اكيد باباكِ قلقان عليكى 

= إنتِ اللى مش فاهمة حاجة يا عائشة أنا بشوف بابا دقايق فى اليوم بس ، فى الوقت اللى بييجى فيه عشان يأكل غير كدا مش بشوفه 

حضنتنى و هى بتطبطب عليا مسحت دمعة فرت منى ، و بطلع من حضنها و انا بنكشها

ـ سيبك من كل دا .. إنتِ خايفة صح 

قولتها و انا بضحك و هى خبطتنى فى كتفى بخفة و راحت قعدت على السرير 

ـ اقلعى النقاب اكيد اتخنقتى 

هزت رأسها بنفى 

ـ أكيد فيه كاميرات هنا 

هزيت رأسى بتذكر و انا بلف بعينى فى الاوضة و لقيت الكاميرا ، مسكت الطبق اللى كان مع عائشة و وقفت على كرسى عشان اكسرها بس قبل ما اكسرها بصيت فيها و اتكلمت

ـ بعينك يا عجل البحر إنى اتجوزك .. دا هيحصل فى احلامك 

قولتها و كسرت الكاميرا مليون حتة و بعدها بصيت لـ عائشة بفرحة و انا بنزل من على الكرسى و بنفض ايديا الاتنين 

ـ كدا تقدرى تقعدى براحتك يا عيوشة 

ابتسمت و هى بتخلع النقاب و بتشاورلى عشان اقعد جنبها ، و بتسألنى بتوتر 

ـ وقعتى فى حب حد قبل كدا 

ابتسمت بخجل و انا ببص بعيد و بفرك فى ايدى 

ـ اممم .. أنا موقعتش هو اللى كعبلنى 

ضحكت على طريقة كلامى و هى بتسألنى 

ـ و الاستاذ بقى كعبلك ازاى 

رجعت بصتلها و انا بفتكر شكله و انا على وشى أبتسامة 

ـ لو قولتلك إن معرفش هتصدقينى !

ضميت رجلى لـ صدرى و انا بضحك و بكمل 

ـ معرفش بصراحة حبيته امتى بس كل اللى أعرفه انى بقيت ابتسم لما افتكره و لما بكون زعلانة مجرد إن اشوفه بنسى الدنيا كلها ، مغرمة بكل تفاصيله ، بشعره الاسود و العقدة اللى بين حاجبيه و ضحكته القمرية، مغرمة جداً

حطيت وشى بين كفوفى بخجل و هى ابتسمت و بـ تسالني 

ـ تتهنى يا رَفيف 

رفعت عينى و انا بعيد عليها السؤال 

ـ و إنتِ بتحبى ؟

هزت رأسها بايجاب و ابتسمت بخجل ، فـ سألتها تانى 

ـ هو مين بقى اللى وقع عيوشة فى شباكه !

اتكلمت بحزن 

ـ عارفة أنه حرام و غلط إن أحبه بس و الله غصب عنى وقعت 

= الحب مش غلط يا عائشة الغلط أننا ناخد الطريق الغلط عشان نوصل بيها للشخص اللى بنحبه 

ـ قصدك ايه ؟

= هديكِ مثال 

هزت رأسها و هى بتبصلى بانتباه 

ـ سليم بيحبنى دا غلط؟ .. لا مش غلط بس الطريقة اللى اخدها عشان يوصلى هى اللى غلط فهمتى 

هزت رأسها و هى بتقولى

ـ انا و الله بغض بصرى عنه و مش بعمل اى حاجه حرام 

= أنا واثقة فـ دا .. إنتِ تربيت الشيخ بدر و المعلمة مريم ... و الشيخ تميم 

قولت اخر جمله و ابتسامتى وسعت و بصتلها و هى بصتلى بأستغراب ، بصيت بعيد و انا عاملة إن مش واخدة بالى ، فـ هى اتكلمت بتفكير 

ـ لحظة واحدة .. أنا سمعت اللى اسمه سليم دا بيقول إن اخت حبيب القلب ؟

قالتها و كانت مستنية ردى قومت و و قفت عند الشباك و انا بفرك فى أيدى بتوتر ، قربت منى و هى بتقوم و بتقولى  

ـ إنتِ بتحبى تميم اخويا !!!

يتبع ...