عدت الأيام الأولى في بيت صقر ومهرة زي البيوت المهجورة مفيش فيها غير صوت الهوا ونظرات العتاب والقسوة

صقر كان بيصحى من النجمة ينزل يشوف شغل عيلته وأراضي جده ويرجع في وقت متأخر وهو لابس جلبابه الصعيدي وهيبته تزلزل المكان وأول ما يدخل الشقة يلقى مهرة قاعدة في الصالة وعيونها دبلانة من كتر العياط والتفكير متبصش في وشه ولا تقوله حمد الله على السلامة

وهو برضه ينشف راسه ويتعامل معاها بجفاء وقسوة وكأنها عدوته مش البنت اللي اتمناها عمره كله

في نفس الوقت ده الناحية التانية في بيت عم مهرة كانت أم حازم قاعدة في ضيقة وخوف مش قادرة تنام ولا تاكل وعيونها على ابنها حازم اللي داخل خارج وزي المجنون وعقله طار من وقت ما صقر أخد مهرة وبقى جوزها قدام ربنا والناس أم حازم كانت عارفة كل حاجة وعارفة إن ابنها متهور وممكن يعمل مصيبة تودي بحياته أو توقف دم بين العيلتين قعدت معاه في الأوضة وقالتله اسمع يا حازم يا ولدي مهرة خلاص بقت في عصمة راجل وصقر مش راجل هين ده صقر راضي يعني لو فكرت تقرب من مراته هيشرب من دمك ودمنا كلنا والبلد هتقيد نار حازم زعق وقالها بس أنا بحبها يا أمي وهي بتحبني ومستحيل أسيبها معاه أم حازم خافت أكتر وقررت تلحق ابنها قبل ما يتهور وقالتله البنت اللي بتحبك من زمان هي بت خالتك زينب وزينب رايداك وشيلاك في عيونها وأنا قررت أتجوزك ليها الأسبوع ده عشان تلم نفسك وتنسى مهرة خالص

حازم رفض وصاح بس أمه ضغطت عليه بكل الطرق وقالتله لو عملت غير كد لا أنت ابني ولا أعرفك وهغضب عليك ليوم الدين

حازم حس بالكسرة ووافق غصب عنه عشان خاطر أمه والخبر انتشر في البلد بسرعة البرق والكل بقى يتكلم عن جواز حازم السريع

الخبر وصل لدوار صقر ومهرة كانت قاعدة في المطبخ وسمعت الحريم الكبار وهما بيتهامسوا ويقولوا حازم خطب بت خالته وفرحه قريب مهرة أول ما سمعت الكلام ده حست بصدمة خلت السكينة تقع من إيدها وقلبها اتقهر قهرة عمرا ما حست بيها حست إن السند الوحيد اللي كانت بتعافر عشانه سابها واتخلى عنها ورايح يعيش حياته وهي محبوسة في سجن صقر

دخلت أوضتها وقفت قدام الشباك ودموعها نازلة زي الشلال ومخنوكة ومش قادرة تنفس

صقر دخل الشقة في الوقت ده ولمح دموعها وعرف بالخبر وعرف إنها مقهورة عشان حازم الغيرة والحقد عموا عيونه وقرب منها ومسكها من دراعها بقوة وقاله بسخرية وقسوة هاه يا مدام صقر سمعتي الخبر ولا لسه حبيب القلب خلاص نسيك ورايح يتجوز ويعيش حياته وأنتي هنه بتموتي عليه فوقي لنفسك واعرفي إنك مليكش غير صقر ومحدش هيدوملك غيري

مهرة بصتله بغل وقالتله بصوت مبحوح ودموعها مغرقاها أنت السبب أنت اللي دمرت حياتي وحياته ربنا ينتقم منك أنا بكرهك يا صقر وبكره اليوم اللي شوفتك فيه

صقر كتم غيظه ووجع قلبه من كلمتها وقسوة ملامحه زادت وقالها اكرهي براحتك بس هنه في بيتي هتعيشي خدامة لراحتي واليوم اللي هشوفك بتفكري فيه في غيري هكون قاطع خبرك وخبره وسابها وخرج من الأوضة وهو دمه بيفور وجوا نار قايدة

ومهرة رمت نفسها على السرير وفضلت تعيط لحد ما جسمها كله همد وتعبت من كتر القهر والوجع وراحت في النوم وهي بالفستان اللي عليها من غير ما تغيره عدت ساعات الليل الطويلة وبقى الهدوء مغرق المكان

صقر دخل الأوضة براحة خالص ورجليه مش مسمعة في الأرض وبص عليها وهي نايمة لقى دموعها لسه معلمة على خدودها وشكلها زي الطفلة الصغيرة المكسورة

قسوة صقر كلها دابت في ثانية وقلبه حن ليها بشكل مش طبيعي قعد على طرف السرير براحة ومد إيده وبدأ يطبطب على شعرها الأسود الطويل ويمسح دموعها بصوابعه الحنينة وبص لملامحها بحب وندم وتنهد تنهيدة طويلة من قاع قلبه وقالها بصوت واطي قوي وهامس لو تعرفي بس اللي جوايا لما بشوفك كد يا مهرة لو تعرفي نار الغيرة اللي بتاكل في قلبي لما بتنطقي اسم راجل تاني غيري أنا بحبك من واحنا عيال صغيرة وكنت بشوفك في غربتي كل ليلة ومكنتش بتمنى من الدنيا غيرك بس أنتي اللي دمرتي كل حاجة بكلامك ورفضك ليا أنا مش قاسي عليكي يا مهرة بس كرامتي وجعاني ومش قادر أشوفك رافضة تصوني اسمي قسيت عليكي عشان أدير عيونك عن حازم وعشان تعرفي إن مفيش راجل هيخاف عليكي ويصونك قدي نامي يا قلب صقر وارتاحي والأيام اللي جاية هثبتلك فيها إن صقر هو الراجل الوحيد اللي يستاهلك

صقر فضل قاعد جمبها يطبطب عليها ويملس على شعرها لحد ما الفجر أذن قام براحة وباس راسها وخرج وسابها نايمة وهي مش حاسة بالحنّية والأمان اللي صقر بيدهولها في السر وهي نايمة ومبتشوفش منه في الحقيقة غير الوش الخشن والقسوة اللي بتعذب قلبها وقلبه سوا

وبدأت خيوط يوم جديد وشمس جديدة تطلع على أبطالنا وشايلة معاها حكايات وتفاصيل تانية خالص.