ـ إنتِ بتحبى تميم اخويا !!!

لفيت و انا بحاول افهمها 

ـ بوصى أنا عارفة أنه اخوكِ عمره ما هيبصلى و لا هيحبنى بس والله حبيته غصب عنى و الله مش بأيدى 

قولتها و انا بعيط و هى خدتنى فى حضنها و هى بتضحك ، طلعت من حضنها و انا مستغربة و سألتها

ـ إنتِ مش زعلانة عشان بحب تميم ؟

بصتلى بأبتسامة و هى بتمشى نحية السرير 

ـ تؤ بالعكس أنا فرحانة

مسحت دموعى بكم أيدى و انا بسألها بأستغراب 

ـ مش إنتِ عايزة تخليه يتجوز فاطمة ؟

= اممم .. أنا اه عايزة بس القرار الأول و الأخير قرار تميم مش قرارى 

قالتها و هى بتقعد على السرير و بتبسم روحت قعدت جنبها و انا بعيد عليها نفس سؤالها

ـ وإنت وقعتى فى حب حد قبل كدا ؟

هزت رأسها بايجاب و هى بتقولى بحزن  

ـ كان غصب عنى و الله إن بشوفه على طول عند تميم و دا غير طبعا الحكاوى اللى بتتحكى قدامى عنه من غير ما أحس بقيت احبه و افكر فيه كتير و بدعى بيه فى الصلاة ... بس والله بغض بصرى عنه

قالت اخر جملة و هى بتنزل راسها فى الارض و انا سألتها بقلق 

ـ قصدك نوح ؟!!!

هزت رأسها بنفى فـ ارتحت و انا ببتسم 

ـ يبقى قصدك يوسف !

و على ذكر اسمه ابتسمت بخجل و بعدها سالتنى 

ـ انت ازاى عارف أصحاب تميم ؟

ضحكت و انا بخبط كف بـ كف 

ـ يعنى بالله عليكى يعنى ما الحارة كلها عارفه أنه التلاتة أصحاب ... جات عليا أنا يعنى 

ضحكت و هى بتبصلى 

ـ يعنى مش عشان إنتِ مركزة معاه !

= لا اله الا الله... أنا يا بنتى أنا اركز معاه ... بقولك كل الحارة عارفة 

ضحكت و انا بقوم من جنبها ، آل أنا مركزة معاه.. أنا !!!

***

ـ هنعمل ايه تميم .. مفيش أي أخبار عنهم !

سؤال طلع من نوح لما طلعنا بيتى بعد اما دورت فى الكاميرات و ملقيتش اى حاجه تدلينى عليهم ، كنت حاطط وشى بين كفوفى بكسرة و انا مش عارف اعمل ايه عشان اوصلهم، اتكلم يوسف و هو بيطبطب على ضهرى 

ـ هنلاقيهم يا صحبى ... و الله هنلاقيهم لو اضطريت ادور عليهم فـ كل بلاد المسلمين هعملها 

رفعت وشى ليهم ، و انا بسألهم 

ـ نوح سألت خطيبتك إذا كان فيه اى أعداء للآنسة رفيف !

= سألتها يا تميم و هى لو كانت تعرف حاجة كانت هتقولى دا هى و الآنسة رفيف أصحاب من و هم أطفال 

انتهدت بتعب و انا بسند راسى على الكرسى وبغمض عينى ، سمعت صوت امى 

ـ تميم يا حبيبي ... ممكن تدخل لـ ابوك عشان عايزك 

= حاضر يا امى ... و ياريت يا امى تسألى الآنسة فرح و خليها تفكر مين ممكن يعمل كدا 

قولتهالها و انا بقوم و هى طبطبت على ضهرى 

ـ حاضر يا حبيبى 

= حضرلك الخير يا أمى 

قولتها و دخلت اوضة ولدى المريض و اللى بقى ملازم السرير ، دخلت و قعدت جنبه وابتسمت و انا بقوله بنكش 

ـ فيه ايه حج بدر .. كنت طالبنى 

= عائشة فين يا تميم ! 

انتهدت بزعل 

ـ بدور عليها يا ولدى و مش هسكت غير لما القيها و ارجعها البيت 

اتكلم بتعب 

ـ انا واثق فيك يا تميم .. متخليش اختك تتأذى يا تميم 

مسكت أيده و بوستها و انا بطمنه 

ـ عنيا يا ولدى .. ارتاح انت و انا هنزل اصلى الفجر و هندور على عائشة و الآنسة رفيف 

نيمته و طلعت برا و انا بنادى عليهم عشان ننزل نصلى الفجر ، نزلنا و انا ماشى عينى جات على بلكونتها اللى كانت فاضية غير كل يوم ، اه كنت بغض بصرى بس دا ميمنعش أنى كنت بلمحها واقفة فى بلكونتها علطول 

دخلنا المسجد و أذنت لـ صلاة الفجر و صليت السنة و بعدها قومت بالناس بالصلاة و انا بدعى أنه ربنا يدلنى ، يدنى إشارة واحدة بس اعرف هم فين 

خلصت صلاة و قعدت اسبح و يوسف و نوح جم قعدوا جنبى و قرأنا قرآن ، لحد اما سمعنا صوت عياط عم توفيق ، فـ اتكلمت بقلق 

ـ فـ ايه يا عم توفيق ؟

بصلى بحزن و الدموع فى عينه 

ـ سليم إبنى ربنا ياخده عرفت أنه حابس بنتين عنده فى البيت و لما حاولت ارجعه عن اللى بيعمله ضربنى و مد أيده عليا 

انتفضت من مكانى و انا بفتكر المشكلة اللى حصلت قبل كدا مع رفيف و سليم  قومت أناو نوح و يوسف وروحنا لحد عنده و قعدت قدامه و انا بسأله بلهفة 

ـ هو فين دلوقتى سليم يا عم توفيق ؟

مسح دموعى بكسرة و حزن 

ـ فى بيت المزرعة

قومت بفرحة و انا مش مصدق أنه لقيتهم اخيرنا و حمدت ربنا على استجابة دعاءه ، يوسف سأله على المكان و هو فين بالظبط و استفسر على كل حاجة و احنا رجعنا عند العمارة 

شوفنا الآنسة فرحة نازلة مع امى بتوصلها فـ غضيت بصرى عنها بسرعة و انا بقول لـ امى

ـ احنا عرفنا هم فين يا امى و رايحين نجبهم معانا .. ادعلنا يا أمى 

= بجد يا تميم ... دعواتى معاكم يا حبيبى روحوا بسرعة و رجعوا عائشة بنتى 

فـ اتكلمت الآنسة فرح :

ـ انـ..أنا جاية معاكم 

رديت باعتراض 

ـ مينفعش يا آنسة اتفضلى إنتِ و احنا رايحين نجبهم 

اتكلمت برجاء و هى بتعيط 

ـ بالله عليك خلينا اروح معاكم رفيف ملهاش حد غيرى كلكم رايحين عشان عائشة و انا هروح عشان رفيف بالله عليك وافق 

اتنهدت بتعب و أنا بقول بهدوء :

ـ يا آنسة فرح، إحنا رايحين مكان مش مضمون، و مش عارفين إيه اللى مستنينا هناك، مينفعش تعرضى نفسك للخطر

= مش مهم ، مش مهم اى حاجه الاهم انى اروح لـ رفيف 

نوح حط أيده على كتفى رفعتله عينى و كان بيبصلى برجاء عشان أوفق 

ـ تمام تعالى ... يلا بينا 

***

نمنا أنا و عائشة بعد اما صلينا الفجر لحد اما سمعنا صوت خبط على الباب فتحنا عيونا لقينا سليم بيفتح الباب و معاه حاجة شايلها على أيده 

بصتله بقرف من فوق لـ تحت و انا بقوله باستنكار

ـ عايزة ايه تانى !

ضحك باشمزاز و هو بيحط الحاجة اللى جابها على الكرسى اللى قدام المراية و اتكلم 

ـ جايبلك فستانك يا عروستى .. ينفع نكتب الكتاب من غير فستان !

قومت و انا بقوله بعصبية :

ـ مين قالك اصلا إنى هتجوزك!

ضحك و هو بيقرب منى 

ـ اممم أنا قولت لـ نفسى و ألا إنتِ عارفة عواقب أفعالك هتبقى ايه 

قالها و هو بيبص على عائشة بأبتسامة خبيثة و بيحط أيده على دقنه ، اتكلمت وانا بقوله بصوت عالى 

ـ لو فكرت تقرب منها .. هقتلك 

اتعصب و هو بيمسكنى من شعرى و انا بحاول أحد منه الفون من جيب البنطلون

ـ و قسم بالله يا رفيف لو ما لبستِ الفستان لـ اندمك على السنيورة اللى وراكِ

قالها و ساب شعرى و مشى و قفل الباب و رآه ، بصيت لـ عائشة بأبتسامة وانا برفع الفون بتاعه ، ضحكت و هى بتقرب منى بفرحة 

ـ خدتيه ازاى !

= خبرات خاصة ... يلا بسرعة قبل اما يحس اتصلى لحد ييجى ينقذك

ـ قصدك ينقذنا إنتِ معايا لو متعرفيش يعنى !

اتكلمت بحزن

ـ انا مليش حد يا عائشة ... إنما إنتِ عيلتك خايفة عليكِ 

اتكلمت باعتراض 

ـ ينعيش عيشة فل يا نموت احنا الكل 

ابتسمت على اعتراضها ، و انا بقولها بقلة حيلة 

ـ خلاص خلاص اتصلى بأى حد ممكن ينقذنا من هنا 

فتحت التلفون لقينا عليه باسورد ، ففكرنا لحد اما لقينه كاتبه بتاريخ انهاردة عشان جوازنا و كدا ، دا انت مخطط من زمان بقى يا عجل البحر أنت 

و فـ وسط اندماجنا سمعنا صوت فتح الباب شورت لـ عائشة تكمل و انا هشوش انتباه سليم عنها 

*** 

ـ فاضل قد ايه يا يوسف ؟

سألت يوسف بقلق و احنا بقالنا ساعة فى الطريق ،كنت راكب جنبه و ورا كان فرح و نوح ،  رد عليا و هو بيزود السرعة شوية 

ـ الطريق بعيد يا تميم هياخد معنا وقت 

انتهدت و انا ببص من الشباك ، لحد اما سمعت صوت رنة تلفونى، طلعته من حبيبى ، لقيته رقم غريب فـ رديت بخوف يمكن حد من اللى خطفوا عائشة 

ـ الو مين معايا ؟

سمعت صوت همس مع دوشة 

ـ الو أنا عائشة يا تميم 

رديت بفرحة وبفتح الاسبيكر عشان كله يسمع 

ـ عائشة إنتِ كويسة !

سمعت صوت عياطها و جنبها دوشة عاليا 

ـ انـ..أنا كويسة يا تميم بس رفيف ...

قالتها و سكت رديت بخوف 

ـ مالها يا عائشة ... مالها رفيف 

سمعت صوت رفيف و هى بتزعق 

ـ دا بعدك يا عجل البحر أنت على الاخر الزمن هتجوزك انت ليه اصوم اصوم و أفطر على بصله

سمعت صوت سليم و هو بيرد عليها 

ـ متجننيش يا رفيف ... متخلنيش اعمل حاجه هندم عليها بعدين 

سمعت صرختها و هى بتعيط ، و انا بنادى علي عائشة بصوت عالى لحد اما ردت عليا 

ـ تميم ... سليم هيتجوز رفيف و بيساومها بيا عشان توافق ... بالله عليك تعالى بسرعة 

قالتها و التلفون فصل و انا بنادى عليها ، و بقول لـ يوسف 

ـ بسرعة يا يوسف .. زود السرعة 

***

ـ هنعمل ايه ؟

عائشة سالتنى و هى بتعيط و انا قاعدة بعيط جنبها و لاول مرة احس اني خايفة ، خايفة إن اتجوز سليم و خايفة على عائشة ، فـ قررت أنه لازم أوفق على الجواز عشان عائشة تبقى بخير مش هستحمل أنه تميم يبصلى بقرف عشان اذيت أخته 

مسحت دموعى و انا بطبطب على أيدها و بحاول ارسم ابتسامه على وشى بس فشلت 

ـ هتجوز سليم يا عائشة 

رديت بنفى 

ـ لا مستحيل تتجوزيه يا رفيف دا..دا واحد وحش يا رفيف و هيأذيكِ

اتكلمت براحة 

ـ بس مش هياذيكِ إنتِ و دا الأهم عندى 

ردت بعياط و هى بتمسك ايديا الاتنين 

ـ ليه .. ليه بتعملى كل دا بعد ما اذيتك 

= أنا بحبك يا عائشة .. و لو إنتِ مش بتبدلينى نفس الشعور فـ أنا مش هقدر افرضه عليكى 

حضنتى و هى بتعيط و بتبطبطب على ضهرى 

ـ و انا كمان بحبك يا رفيف ممكن تسمحينى على غبائى معاكى و تخلينا أصحاب 

= للأسف مش بصاحب ناس زيك عشان متأثرش بيكى 

قولتها و انا بضحك و هى بتطلع من حضنى و هى بتضحك و بتمسح دموعها و بتقولى 

ـ ماشى بتردهالى 

ضحكت و انا بمسح دموعى و بقوم 

ـ طيب يلا بقى عشان تبقى صحبت العروسة 

قامت بقلق من على الارض و هى بتمسك ايدى 

ـ متأكدة انك هتعملى كدا 

هزيت رأسى و انا ببتسم و روحت خدت الفستان و دخلت الحمام لبسته و قعدت احط ميكاب و اعمل شعرى و لا كأنى مغصوبة على الجوازة بس كدا و لا كدا هتجوزه فـ اتجوزه بقى و انا شكلى حلو 

عائشة بصتلى و هى بتلبسنى طرحة الفستان و بتقولى بدموع

ـ كنت عايزة اجهزك يوم فرحك بس العريس يكون تميم مش عجل البحر اللى برا على رأيك 

ابتسمت بحزن و انا بقوم و بحضنها 

ـ كل واحد بياخد نصيبه من الدنيا يا عائشة و انا نصيب عجل البحر اللى برا 

قولتها و انا بضحك و بطلع من حضنها و هى كمان بتضحك ، سمعنا صوت فتح الباب و دخل سليم و هو بيضحك 

ـ احلى عروسة تشوفها عينى 

بصتلى بقرف و انا بقوله بعصبية 

ـ أنجز و خلينا نخلص 

ضحك بصوت عالى و هو بيبصلى 

ـ مستعجلة يا روفى 

= لا و انت الصادق أنا بعمل كل دا عشان عائشة تبقى فى أمان غير كدا متحلمش 

ابتسم و هو بيقولى بسماجة:

ـ مش مهم إنتِ هتجوزينى ليه ، المهم اننا هنتجوز

يتبع ...🥀

ــــــــــــــــــــــــــــــــــــــــــــــــــــــــــــ