سلطانة:

 لو سمحت ياعمر امشي مش عايزه زين يشوفك 

عمر:

 انتي لسا خايفه منه و انا جمبك ياسلطانه متخفيش من حد .

سلطانة :

عشان خاطري امشي دلوقتي مش عايزه مشاكل

بالوقت ده وصل زين وسمع كلامهم وقال :

يمشي ليه ياسلطانه 

سلطانه اتخضت وقالت بارتباك : زين

زين بص فعنيها بخذلان وقال:

 ده الوعد

سلطانه بتهتهه:

 زين اسمعني

زين بانفعال :

مش عايز اسمع حاجه كفايه كده 

سلطانه:

زين والله عمر 

زين :

مستخبيه هنا وبتكلميه ليه ياسلطانه لو مفيش حاجه غلط بتعملوها

سلطانه بصدمه :

انت لسا بتشك بيا

زين :

للأسف انا مش بس شاكك انا بقيت متأكد

سلطانه :

زين اسمعني الاول 

زين شد أيده وقال:

 مش عايز اشوف وشك تاني انا زهقت اني اعيش كل يوم على اعصابي بسببك انتي طلاق يابنت خالي 

نزلت الكلمه على سلطانه زي الصاعقه أما زين مشي وسأبها من غير ما يبص وراه 

سلطانه جريت وراه ومسكت أيده وقالت:

 انت طلقتني. يازين فين حبك ليا 

زين بقهر :

روحي لحبيبك عشان أنا اللي واقف مابينكم امشي قالها زين بخنقها ودموعه نزلت من عنيه غصب عنه حاول يمنعها مش عارف ومشي بسرعه مش عايز يضعف قدام عنيها

سلطانه قعدت إلى الأرض بتعيط وبتنده باسم زين

عمر قرب منها حاول يهديها لكنه زقته وقالت بغضب :

 ابعد عني مش عايز اشوف وشك كله منك ..

خرجت اسراء واتصدمت بحالتها وانهياره وجريت ناحيتها بسرعه وو ...

************

فاق كنان من نومه وابتسم لما افتكر انها بالليل نامت جنبه من التعب عشان فضلت طوال الليل سهرانه وبتهتم بيه بص جنبه مكنتش مكانها حس نفسه بقى كويس وقف بيدور عليها وسمع صوت في المطبخ وقف عالباب بيبصلها. هي بتشتغل وبتدندن بهمس شكلها وابتسامتها يخطفو القلب ابتسم وهو يراقبها بحب لفت وشها وشافته بيراقبها

مشيت ناحيته بقلق:

 انت اي اللي قومك من سريرك قربت ناحيته ولمست جبينه وسالت باهتمام:

 حاسس بأيه انت كويس 

كنان :

كويس بفضلك 

هناء ابتسمت وقالت:

 الحمدلله يعني خفيت 

حاوط خصرها قال: هممم بقيت زي الفل

حست بخوف وقلبها بيضرب جامد عايزه يقرب وبرضو مش عايزاه

بعدته وقالت بصوت مبحوح:

 بحضر الفطار دقائق ويكون جاهز

كنان كان عاوز يبوسها وهو بيقول:

 أخذ بوسه الاول 

لكنها بعدته وقالت:

 كنان ارجوك ابعد 

غمض عنيه بغيظ وسابها وخرج 

سمع صوتها:

 لو حاسس نفسك كويس هنفطر في الصاله 

كنان مردش ورح قعد في الصاله بيقلب في التلفزيون وهو مش عارف يعمل معاها ايه

لما خلصت تحضير السفره قعدت جنبه وفركت ايديها بتوتر 

وهو بص ناحيتها باستغراب

هناء: كنان 

كنان اعتدل وبص ناحيتها

هناء:  انا عاوزه اروح لدكتور

كنان بقلق:

 ليه انتي بتشتكي من حاجه في حاجه وجعاكي

هناء بكسوف :

لا بس انا عايزه علاقتنا تتطور  بس مش قادره عشان كده عاوزه اتابع مع حد فاهم

كنان وقف بحماس:  

طب طب كويس انا انا هشوف هسااأل عن حد كويس انتي حابه تروحي امتى

هناء ابتسمت وقالت :

مش نفطر الأول 

كنان :

اه نفطر نفطر وانا اتصل على حد اسأله عن دكتور كويس ..

***************

بعد مرور شهرين زين دافن نفسه في الشغل وبيرجع اخر الليل ينام في مكتبه مش في سريره عشان كل مكان في القصر بيفكره بسلطانه بقى مهمل جدا في نفسه لدرجه انه بقى عنده دقن وهو متعود يحلقها كل يومين عشان نظام العسكري  وبقى بيدخن أيامه بقت شبه بعض  مش بيرد على اي حد الا عشان الشغل وبس 

لحد ما في يوم رجع البيت متأخر وكان حامد مستنيه وعلى وشه الغضب ومعاه سماح اللي كان باين انها واكله علقه موت..

زين:

 في ايه ياعمي ومراتك مالها

حامد :

اسف حقك عليا يابني انا السبب في كل اللي حصلك

زين :  مش فاهم

حامد زق سماح عند رجلين زين وقال :

آل*** دي هي اللي خلت الشغالين يحطو لامرأتك حاجه في الاكل تسقطها ومكتفتش بكده دي بتديها علاج يعملها اكتئاب وبتحرض الدكتور عمر عشان يقرب منها 

زين اتصدم بس انتوا كنتوة مسافرين يعني هي ..هي ولسا هيمسكها من شعرها بعضب 

حامد سيبك منها حسابها عندي روح راضي مراتك يابني

زين اللي مابينا انتهى ياعمي مش حكاية الطفل اللي راح باس

حامد بخجل مراتك يابني مكنتش في وعيها الشغالين كانوا  بيحطولها دور يسببها اكتئاب في الاكل كل تصرفاتها معاك كانت الشيطانه دي وراها

زين بانفعال :

طب ليه انا عملتلك ايه ياسماح انطقي قولي انا عملتلك ايه 

سماح لفت وشها الناحيه التانيه 

زين:

 ليه الشر ده جواكي عايز افهم 

سماح مردتش عليه لكن لسا بتبصله بغل..

زين :

 قولي ياعمي انا عملت ايه عشان تعمل فيا كده 

حامد:

 حقك عليا يابني انا اللي كنت مغفل والحب عمي عنيا بس خلاص من النهارده النقاط تتحط عالحروف روح صالح مراتك عشان كل مشاكلكم بسبب العقربه دي

زين لسا هيخرج بص لسماح اللي لسا بصاله زي نظره الكره ومشي 

راح بيت اسراء بيدور على سلطانه لكنها مكنتش هناك 

اتصل بحازم اللي اتخانق معاه وقاله:

 اختي فين يازين انا حق اختي مش هسيبه

ولما خرج من بيت اسراء  خرجت سلطانه من وحده من الاوض وهي بتعيط

اسراء :

زين شكله ندمان على اللي عمله ياسلطانه انا من رايي تديه فرصه تانيه 

سلطانه:

مش  سأل بيا بقاله شهرين دلوقتي جاي يسأل زين ميستهالش اكمل حياتي معاه ومايستهالش أنه يعرف اني حامل اصلا

اسراء :

طب هتعملي ايه دلوقتي 

سلطانه : انا هسافر اسكندريه هعيش هناك 

اسراء :

ازاي هتعيشي لوحدك.

سلطانه :

بعدي عن المكان ده هيرحيني يا اسراء 

اسراء :

بس انتي حامل 

سلطانه :

انا هتصرف   بس انتي متجيبيش سيره لحد وانا هتصل فيكي كل مده اطمن عليكي

اسراء:

 فكري كويس زين بيحبك وهو اتجرح زيك بالضبط ..

سلطانه بعناد :

محدش هيحس بوجعي زين كسرني لما شك بيا ولما أنا اتنازلت وصالحته رجع من تاني يشك بيا علاقتنا بقت مستحيله خلاص...

تمت بحمدلله