بعدما وقعت في الفخ وصدقت رواية اميرة الملفقة الي ادعت فيها بان ايمن قتل اخواتي البنات

لحظتها الغضب عمي عنيا وقررت اني اق..تل ايمن بالس..*م البطيئ

وبالفعل قدمت لايمن كوب من اللبن المس...*موم وتركتة  يشربة وخرجت بحجة اني هجيبلة البطاقة من غرفة اميرة

لكن بالصدفة قابلت سليم بيه وعرفت منه بطريق غير مباشر 

 ان ايمن بريئ من ق..*تل اخواتي

لحظتها حاولت ارجع لغرفتي بسرعة عشان انقذ ايمن وامنعة من شرب اللبن

لكن.. كان فات الاوان

لاني لما دخلت الغرفة اتفاجئت  بان ايمن مات.. ودا عرفتة لما شوفت جثة القط ممدة علي الارض 

في اللحظة دي

 ادركت ان ايمن مكنش بني ادم 

و كان  كائن من الجن

عشان كدا  احيانا كان بيتجسد  في صورة ايمن زوجي

 واحيانا كان بيتجسد في صورة قط اسود

واكتشفت لحظتها كمان

 اني اتعرضت للخديعة من اميرة. وعمرو لتاني مره

وفهمت اللعبة الي اتعملت عليا منهم

والي اتنفذت كا الاتي..

اميرة بعدما تزوجت من ايمن 

فكرت تخلص منه عشان تورثة 

فا خدعتني بروايتها الملفقة عن ايمن وهي عارفة اني هاخذ بثاري منه واقت..*لة 

 وساعتها  ها يع..*دموني وتخلص مني

وبكدا تكون خلصت  مننا احنا الاتنين

وهي ضامنة انها بعيدة عن الشبهات 

وساعتها هيكون من حقها انها تورث ايمن وتتزوج من عمرو

اما بالنسبة لشريكها عمرو

فا هو كمان خدعني لما فهمني بان الس..*م بطيئ المفعول

 لكن تجربة العقار الس...*ام علي القط  اثبتت العكس

ودا دليل انهم كانوا متفقين مع بعض عليا كا العادة

واكيد برضوا عمرو اتفق مع اميرة  علينا عشان كان طمعان

 انه يتجوزها بعدين

 ويقسموا  الغنيمة بينهم فيما بعد

المهم

بعدما توصلت للحقيقة المره

وهي اني ضيعت ايمن واتسببت في مو...*تة بسبب غبائي 

في اللحظة دي

قعدت جنب جثة القط وانا ببكيةبحرقة

وقلتلة..سامحني يا ايمن

اميرة وعمرو استغلوا غبائي و حرموني منك 

بس انا ورحمة امي ما هسيبهم

وغلاوتك عندي لا اخد حقك منهم  واسقيهم من نفس الكأس

وبعدما عقدت العزم باني استدرجهم واقتلهم بنفس الس...*م

بسرعة مسحت دموعي 

واتصلت باميرة وعرفتها باني

 قت..*لت ايمن 

 واخدت بث...*أر اخواتي منه

فا ردت اميرة

وقالتلي... الكلام دا بجد ؟

يعني انتي متأكده انه م..*ات؟

فا رديت بثقة وقلتلها..

ايوه ق..*تلتة وجثته مرمية ادامي اهية

 لكن ..مش عارفة اتصرف فيها ازاي؟

تعالي بسرعة وهاتي معاكي عمرو عشان تخلصوني منها

فا ردت اميرة

وقالتلي..تمام

احنا مسافة السكة وهنجيلك 

بس خليكي مكانك ومتخرجيش من الاوضة

في اللحظة دي

قعدت اجهز نفسي للانتق..*ام

وفضلت افكر ازاي اسقيهم من شوية الس...*م الي باقيين في الزجاجة

وبعد تفكير

روحت علي غرفة سليم بيه و اطمنت انه اخد المنوم بتاعة ونايم

يعني مش هيشعر بالي هيحصل في الفيلا

وفي اللحظة دي

قررت اني اضع الس..*م في بعض الليمون واقدمه لهم 

بحجة انهم لازم يهدوا اعصابهم وهما بيتخلصوا من الج..*ثة 

وبالفعل

جهزت المشروب وانتظرت الاتنين

لكن للاسف عمرو مجاش

ولما الباب خبط ملقتش ادامي غير اميرة

وكانت جاية وجايبة معاها البوليس

ولقيتها بتشاورلهم عليا وهي بتتهمني باني قتلت زوجي و زوجها (ايمن)

فا امر الضابط بتفتيش المكان ولما ملقوش جثث في غرفتي سالها الضابط

وقال لها... فين الجثة الي بلغتيةعنها؟

فا وقفت اميرة مصدومة  ومرتبكة ومش عارفة تقول ايه

في اللحظة دي

انا بصيت علي جثة القط لقيتة علي هيئة القط النايم 

فا عرفت اني في الامان  لانهم استحالة هيعرفوا بان ايمن زوجي هو القط الي ممدد امامهم

فا اتصرفت من منطلق الثقة

وسالت الضابط بمنتهي الثبات

وقلتلة...ممكن اعرف حضرة الضابط انتوا باي حق تقتحموا غرفتي ؟

فا بص الضابط

وقالي ...احنا جالنا بلاغ من السيدة اميرة 

بتتهمك فيه بانك قتلتي زوجك وطلبتي منها انها تساعدك في اخفاء جثتة

فا ردت اميرة 

وقالت ... يا باشا انا جوزي مختفي ومتأكدة انها ق..*تلتة 

وانتوا لازم تقبضوا عليها 

فا رد الضابط بغضب

وقالها..

طالما مفيش جثة يبقي مفيش ادانة بالقتل

ولو مر فترة كبيرة عن اختفاء زوجك

 ممكن نعتبره متغيب او مختفي

وبرضوا مش هنتخذ اي اجراء طالما مفيش جثة

في اللحظة دي 

استنجدت بالضابط 

وقلتلة ...اني عايزة اعمل محضر ل اميرة لانها تبقي الزوجة التانية لزوجي وبتحاول تطفشني 

 وبمجرد ما الضابط عرف بان اميرة تبقي ضرتي 

اقترب الضابط من اميرة

وحذرها بنبرة حاسمة

وقالها...حذار من البلاغات الكيدية 

لان المرة الجاية

انا هاعملك محضر ازعاج سلطات

وبعدما الضابط تركنا وغادر 

اقتربت اميرة مني

وسألتني

وقالتلي..

وديتي الجثة فين يا بنت العقارب ؟

فا بصيلتها وانا ببتسم ببرود

وقلتلها...

العقارب هما الي بيخططوا لق...*تل الزوج البريئ.. وتوريط مراتة الغلبانة عشان  يتجوزوا بعض و يورثوا  في الاخر

 فا ردت اميرة بكل وقاحة

وقالتلي... 

طالما الحرب بينا بقت ع المكشوف

يبقي انا لازم احييك

واقولك برافوا عليكي 

تخمينك صح 

انا وعمرو بنحب بعض

وانتي بصراحة خدمتيني بق..*تل ايمن

لاننا  هنتجوز بمجرد ما  اعرف طريق جثة ايمن

 وساعتها هتهمك بق..*تلة

 واخلص منك انتي كمان

بعدما سمعت رد اميرة 

بصراحة استفزتني بجاحتها 

بس اتأكدت من حبها للدكتور عمرو

وكان الحل الوحيد عشان انتقم منهم

هو اني

اعمل بالحكمة الي بتقول ( فرق تفز ) وبالفعلةجربت اني اوقع بينهم

فا رميت معلومة كدب  لاميرة 

وقلتلها..

علي فكرة انا كنت  فاكراكي ذكية وناصحة ومحدش يقدر يضحك عليكي

لكن بصراحة طلعتي غبية وسلمتي دماغك لعمرو 

وهو اكتر شخص بيمثل عليكي  بيستغلك

بدليل انه حاول يعمل معايا علاقة في العيادة عنده بس انا رفضت

فا ابتسمت اميرة بثقة

وقالتلي..متحاوليش توقعي بيني وبين عمرو لاني مش هصدقك

فا رديت عليها

وقلتلها...لو مش عايزة تصدقي  براحتك

بس انا عندي الدليل علي كل كلمة بقولها

في اللحظة دي

بصتلي اميرة بتوتر

وكانت عايزة تسالني علي الدليل الي معايا علي خيانتة ليها

بس واضح ان  كبريائها منعها

وبرغم اني معرفش مفعول كلامي هيأثر فيها اد ايه 

لكن انا قولت ان العيار الي ميصبش يدوش 

ومش كدا وبس 

دنا كمان قلت ادق علي الحديد وهو سخن

وبمجرد ما اميرة مشيت

روحت علي عمرو في العيادة

وطلبت منه يجي عندي في الفيلا حالا عشان يساعدني اننا نخفي جثة ايمن

وحذرتة انه ميجبش سيرة لاميرة

عشان متبلغش عني

وتركتة ومشيت بالرغم من اني كنت

 عارفة طبعا انه هيبلغها

وبالفعل 

بعدما مارجعت الفيلا لقيت عمرو جاي ورايا

وبيسألني

وبيقولي...هي فين الجثة؟

فا قلتلة...في الدولاب

بس قبل ما تدخل تجيبها من الدولاب اتصل علي اميرة وقولها تيجي 

وبالفعل

اتصل عمرو علي اميرة

وطلب منها تيجي وعرفها انك لاقيت الجثة

وبالفعل اتصل بيها وقالها تعالي يا اميرة انا لقيت جثة ايمن عند عبير

وبعدما قفل معاها 

قالي تعالي وريني مكان الجثة

في اللحظة دي

قلتلة...ماشي بس الاول عايزة اوريلك حاجة تهمك  انت شخصيا

فا بصلي بتعجب

وقالي...حاجة ايه

فا شغلت الفيديوا بتاعة هو واميرة

وبعدها وريتة الملفات بتاعة ضحياه 

وقلتلة ...كل دا انا عندي منه نسخ كتير اوي

ولو بلغت البوليس وقلتلهم ان عمرو قتل ايمن عشان يتجوز مراتة ويورثة الفيديوا دا هيأكد كلامي 

 وساعتها بقي البوليس هيشوف الملفات ويجيبلك القديم والجديد

فا رد عمرو بتوتر

وقالي

طلباتك ايه

قلتلة...تقف معايا لغاية ما نلبس اميرة تهمة قتل ايمن

وساعتها انا كمان هبقي ارملة وهورث وهنقسم التركة بيني وبينك

والمطلوب بس انك تفكك من اميرة

 وتثبتلي ولائك ليا

وساعتها..

هتنقذ نفسك من حبل المشنقة

 وهنورث انا وانت  الملايين 

في اللحظة دي

كان مفروض ان عمرو ياخد وقت عشان يفكر

لكن...جرس الباب ضرب

فا رجعت نبهت علي عمرو قبل ما افتح الباب 

وقلتلة...خلي بالك لو موقفتش في صفي ادام اميره هعتبرك عدو ليا

و هقدم كل الادلة الي معايا للنيابة

فا رد عمرو با انكسار

وقالي...حاضر

المهم

لما فتحت الباب

لقيت ادامي رجال البوليس للمره التانية 

ومعاهم اميره

وسمعت الضابط 

وهو بيوجه كلامة لاميرة

وبيقولها...خلي بالك انا لو ملقتش جثث المرة دي هاخدك معايا واعملك محضر ازعاج سلطات

في اللحظة دي

لقيتها بتقولة...انا متاكده المره دي ان جثة جوزي جوه

فا دخل رجال الشرطة وفتشوا في كل حتة في الفيلا

وبرضوا ملقوش حاجة

فا وجهت اميرة سؤالها لعمرو

وقالتلة...فين الجثة يا عمرو

انت مش قلت انك شوفت عبير  بنفسك وهي بتخبي جثتة

فا رد عمرو وكدبها

وقالها ..محصلش

ووجه كلامة للضابط

وقاله.. انا اسفة يا فندم انا معرفش اميرة بتتكلم عن ايه

فسالة الضابط

وقالة... ممكن اعرف ليه مدام اميرة بتستشهد بيك  وبتقول انك  شوفت عبير وهي بتخفي جثة ايمن ؟

فا رد عمرو

وقالة...مدام عبير انسانة محترمة وفوق مستوي الشبهات

و واعتقد ان البلاغ الي اتقدم من مدام اميرة ما هو الا بلاغ كيدي

 يعني بالبلدي كدا تقدر تقول.. غيرة نسوان

في اللحظة دي

اميرة وقفت تبص لعمرو بزهول

وفي اللحظة دي 

ا امر الضابط العسكري الي معاه

بانه ياخد اميره  معاهم علي قسم الشرطة

وبعدما انصرفوا جميعا

رجعت لغرفتي وانا حاسة براحة رهيبة

والراحة دي  عشان

اولا...

ان اميرة هتجرب نومة الحجز الليلة دي

وثانيا..

اني اتأكدت ان العلاقة بين عمرو واميرة بدات تتهز

وثالثا...ودا الاهم

ان عمرو عرف ان روحة في ايدي وممكن ينفذ اي حاجة هطلبها منه

المهم

بعدما بقيت لوحدي

لقيت ان دا افضل وقت عشان اخد جثة ايمن وادفنها

اقصد... جثة القط

المهم...

اخدت القط ونزلت ادفنة 

وفضلت ماشية لغاية ما وصلت عند قطعة ارض فاضية...وبعدما حفرت حفرة كبيرة ودفنتة 

واثناء ما كنت بخرج من الارض الفاضية

اتفاجئت بالواد ابو نظارة بيلعب هناك

فا جريت عليه

وكنت فاكراه هيختفي زي كل مره

لكن...الولد بصلي وفضل واقف

فا قربت منه

وسالتة...

قلتلة...هو انت ليه بتهرب كل ما بتشوفني

في اللحظة دي

الولد خاف مني وعيط

فا سمعت صوت جاي من ورايا

بيسالني

وبيقولي...عايزة ايه من ابني

فا التفت بسرعة  للخلف

عشان اتفاجئ ادامي بالولد ابو نظارة بس الي حجمة وسنة كبير

فا وقفت ابص للنسختين بتوع  الواد ابو نظارة  

النسخة الكبيرة والنسخة الصغيرة

 ولما سالتهم ان كانوا بني ادميين ولا عفاريت؟

رد عليا ابو نظارة الكبير  وعرفني بنفسة

ولحظتها بس عرفت قصة ابو نظارة الي انقذني من عشر سنين