طارق شال ندى وهو بيترعش تماماً والدنيا بتلف بيه في الصالة والشموع اللي كانت منورة المكان بقت تفكره بكابوس مرعب

حطها على الكنبة بسرعة وجرى جاب قطن ومية ودموعه نازلة مش قادرة تقف

بدأ يمسح الد...م اللي نازل من مناخيرها وهو بيصرخ بصوت مكتوم ندى أرجوكي ردي عليا متعمليش فيا كد بعد ما الدنيا ضحكت لي

طلب الإسعاف وجت بسرعة ونقلوها للمستشفى للمرة الثانية بس المرة دي طارق كان بيموت من الندم والخوف

الدكاترة خدوها فوراً ودخلوا أوضتك الكشف وطارق كان برة رايح جاي وبيقدم رجل ويأخر رجل وهو بيفتكر كل لحظة قسا فيها عليها وكل كلمة شك رماها في وشها وهي كانت بتستحمل وتداري وجعها

بعد ساعة الدكتور خرج وملامحه كانت هادية شوية وطمن طارق وقال الحمد لله يا أستاذ طارق حالة الإغماء والنزيف دي عرض طبيعي ومتوقع جداً بعد الارتجاج القوي اللي حصل لها في الحادثة القديمة ومع رجوع الذاكرة والضغط العصبي والنفسي الكبير اللي مرت بيه الفترة اللي فاتت مخها حصل له زي صدمة مؤقتة سببت النزيف ده

الدكتور كمل كلامه وقال هي محتاجة راحة تامة وتبعد عن أي توتر أو ضغط نفسي الشك والعصبية والخناقات خطر جداً على وضعها الحالي وأنا كتبتلها على أدوية ومقويات وفيتامينات هتمشي عليها بانتظام وإن شاء الله هتبقى زي الفل

طارق دخل الأوضة لقى ندى بدأت تفوق وعينيها بتفتح ببطء والتعب باين على وشها الباهت

قرب منها وقعد على ركبته جنب السرير ومسك إيديها والدموع نزلت من عينه على كفوفها

طارق قال بنبرة مكسورة ومليانة ندم ندى أنا آسف والله العظيم أنا آسف حقك عليا أنا اللي عملت فيكي كد أنا كنت أناني ومشغول بشكي المريض فيكي وعمال أضغط على أعصابك وأحاسبك على ماضي أنتي مالكيش ذنب فيه ومكنتش أعرف إنك تعبانة ومريضة وبتعاني في السر بسببي سامحيني يا ندى أنا بحبك ومقدرش أعيش من غيرك

ندى ابتسمت ابتسامة دافية برغم التعب وضغطت على إيده براحة وقالت بصوت هادي ومسامح أنا مسامحاك يا طارق من كل قلبي ومبقيتش زعلانة منك أنا عذراك لأن الموقف مكنش سهل عليك بس المهم إننا دلوقتي مع بعض وكل حاجة بقت واضحة

بعد ما ندى خرجت من المستشفى وبقت أحسن طارق أخدها وراحلوا لبيت أهلها عشان يفرحوهم بالأخبار الجديدة

أول ما دخلوا الصالة كان ابوها قاعد وزياد الصغير واقف جنب أمه والكل باين عليه القلق

ندى قعدت وسطهم وبصت لهم كلهم بحب وابتسامة واسعة وقالت بصوت مليان فرحة يا جماعة أنا عندي ليكم مفاجأة كبيرة أنا ذاكرتي رجعت كاملة وافتكرت كل حاجة وافتكرتكم واحد واحد وافتكرت أيامي وسطكم

أمها زغرطت بفرحة كبيرة وجريت عليها خدتها في حضنها وابوها دمع من الفرحة وطبطب على كتفها

زياد الصغير جرى عليها وحضنها وقال بهزار يعني خلاص يا دكتورة افتكرتيني وافتكرتي إن ماليش غيرك في الدنيا دي

ندى ضحكت وقالت طبعاً يا زياد افتكرت كل حاجة وافتكرت شقاوتك

التفتت لشريف اللي كان واقف بعيد ومبتسم لها وقالت بهدوء وألف مبروك يا شريف على خطوبتك ربنا يسعدك ويتمم لك بالخير يارب

شريف شكرها وبص لطارق ولقى في عين أخوه الصغير نظرة ثقة وأمان وراحة مكنتش موجودة قبل كد وعرف إن الأزمة دي قربت بينهم وخليتهم أقوى من الأول

مرت الأيام والشهور والحياة جوه شقة طارق وندى بقت عبارة عن نغمات هادية من الحب والاحترام والاهتمام المتبادل

طارق بقى يحافظ على ندى زي رمش عينه ويراعي صحتها ويفاجئها كل فترة بحاجة تسعدها وندى بقت هي الروح والنور اللي مالي الشقة

وبعد خمس سنين كاملين من الاستقرار والحب

الدنيا بقت أحلى وأجمل بكتير

جوه نفس الصالة اللي شهدت كل الخناقات والدموع زمان بقى فيه صوت ضحك ولعب وكركرة صغيرة مالية المكان

ندى كانت واقفة في المطبخ ولابسة لبس بيتي أنيق ووشها مليان صحة ونضارة وفرحة

وفجأة دخل طارق من باب الشقة وهو شايل في إيده ألعاب وحاجات حلوة كتير

أول ما دخل جرى عليه طفلين زي الملاك عندهم حوالي 3 سنين

تؤام ولد وبنت

الولد كان شبه طارق في ملامحه الوسيمة ودقنه والبنوتة كانت نسخة مصغرة من ندى وعينيها الواسعة الساحرة

طارق وطى على الأرض وشالهم هما الاتنين في حضنه وباسهم بحب كبير وقال يا حبايب بابا وحشتوني جداً انهارده جبتلكم كل الحاجات اللي طلبتوها

ندى خرجت من المطبخ بابتسامتها اللي بتنور الشقة وقربت منهم وسندت راسها على كتف طارق وبصت لولادهم وفرحتهم وقالت بحنان الله يعينك عليهم يا حبيبي شكلهم هيفضوا الأكياس دي في ثانية

طارق لف وشه ليها وباس راسها وقال فداهم وفداكي الدنيا كلها يا ندى أنا عايش عشان أشوف الضحكة دي على وشك ووشهم

ندى ضمت دراعه وقالت بحب ربنا يخليك لينا يا طارق يا أحسن زوج وأب في الدنيا دي كلها

وقفوا كلهم في نص الصالة والضحكة واللمة ماليين حياتهم وبقت الحادثة والمذكرات والشك مجرد ذكريات قديمة تاهت وفنيت تحت رماد الحب الحقيقي والأمان اللي بنوه سوا وعاشوا فيه مبسوطين ومرتاحين للآبد

تمت بحمدالله