صحي الصبح وشقاشق النور شقت ستور الأوضة والهدوء مغرق المكان صقر فتح عيونه براحة لقى مهرة نايمة في حضنه وساندة راسها على صدره العر...يان وشعرها الأسود الطويل مفرود حواليهم زي الحرير

صقر ابتسم ضحكته الرجولية الدافية ومد صوابعه يملس على خدها الناعم بحب وشغف ملوش أول ولا آخر

مهرة حست بحركته وفتحت عيونها الغزلانية وبصتله بكسوف ووشها بقى أحمر زي الورد وحبت تدفن راسها في صدره تاني من كتر الخجل

صقر ضحك بصوت واطي ورفع راسها بصوابعه وبص في عيونها وقاله بمكر ودلال جرى إيه يا نوارة قلب الصقر لساتك بتنكسفي مني بعد ليلة البارحة عاد اسمعي وقوليلي يا بت صالح أنتي جبتي الجرأة دي كلها منين واصل ووقفتك الأحمر ورا الباب دي كانت هضيع عقلي مني لولا ستر ربنا

مهرة لفت إيدها حوالين رقبته وقالتله بدلع صعيدي يجنن..البعد يا صقر كان بيمو...تني قهرة وظلمك وجفاك ليا خلوني أبيع الدنيا وأعمل أي حاجة عشان أرجعك لحضني وعشان تعرف إن مفيش راجل مالي عيني وقلبي غير الصقر

صقر قلبه دق بقوة وميل عليها وباسها من شفايفها بوسة طويلة كلها عشق وامتنان وقالها وأنا ملكك يا مهرة وعمري ما هقسي عليكي تاني واصل والماضي ما...ت وانقطع خبره واند.فن تحت رجلينا.

مرت شهرين والأيام كلها عسل وصقر مبيفارقش الشقة إلا للشديد القوي وبقى مدلع مهرة دلال ملوش مثيل في الصعيد كله

وفي يوم الصبح مهرة كانت واقفة في المطبخ بتجهز الفطور وحست بفتور ودوخة مفاجئة وغمام في نفس مش قادرة تتحمله الحجة صفية كانت واقفة جمبها ولمحت وشها الأصف والدوخة فضحكت من قلبها وقالتلها وه يا بتي علامك شكلك كد شايلة في بطنك نوارة جديدة للدار

مهرة اتكسفت وجريت على فوق وجابت الدكتورة بالسر ولما فحصتها أكدت ليها الخبر وقالتلها مبروك يا مدام مهرة أنتي حامل في الشهر ونص

مهرة الفرحة مسيعتهاش واصل وقلبها طار من السعادة وفضلت مستنية صقر يرجع من الغيط على نار

أول ما صقر فتح الباب ودخل الشقة لقى مهرة واقفة ومخبية إيدها ورا ظهرها وبتضحك وعيونها بتلمع صقر قرب منها وقالها خير يا قلب الصقر ملامحك بتقول إن فيه حديث كبير

مهرة قربت منه وحطت إيدها على بطنها وقالتله بصوت واطي ودقات قلبها سريعة صقر أنا حامل وهجيبلك صقر صغير يعمر الدار

صقر أول ما سمع الكلمة اتسمر مكانه وعيونه وسعت من الفرحة والذهول لدرجة إن دموعه نزلت من كتر السعادة وفجأة وطى وشالها بين إيديه بكل قوة ولف بيها في وسط الأوضة وهو بيضحك بعلو صوته ويقول يا مري يا فرحة قلبي يا ناس مهرة هجيبلي ولد صقر نزل بيها وباس راسها وباس بطنها بحنان كبير وأخدها من إيدها ونزلوا تحت للمندرة الكبيرة وبشر أهله الحاج راضي والحاج مهران والحجة صفية أول ما سمعوا الخبر الدوار اتقلب زغاريط وفرحة والخدم بدؤوا يدقوا الطبول ودبحوا الذبائح وفرقوا الأكل على البلد بحالها فرحاً بابن صقر المنتظر.

مرت الشهور بسرعة ومهرة بطنها كبرت وصقر كان بيعاملها كأنها حتة من الماس يخاف عليها من الهوا الطاير وميخليهاش تمد يدها على حاجة واصل ولما دخلت في الشهر التاسع وجالها الطلق بالليل الدوار كله سهر وصقر كان واقف ورا الباب هيموت من الخوف عليها وبيدعي ربنا يقومها بالسلامة لحد ما سمع صوت صريخ طفل صغير ملا الدار الدكتورة خرجت وفي إيدها حتة عيل زي البدر وقالت مبروك يا صقر بيه جالك ولد زي الورد

صقر دخل جري على مهرة لقاها تعبانة وعرقانة بس مبتسمة أخد الولد وباس راسه وباس مهرة من شفايفها بكل حنان ورقة

و أمه دخلت تبارك وقالها حمد الله على سلامتك يا كل دنيتي الحاج راضي والحاج مهران دخلوا وصقر شال الولد وقرب من جده وقاله اسمع يا جدي أنا هسمي الواد ده على اسمك مهران عشان يطلع راجل وصاحب أصول وزيك

الحاج مهران دمع وفرح قوي وشال ابن ابنه وبدأ يكبر في ودنه وصوت الأذان ملا الأوضة بالبركة والخير وعاشت مهرة مع صقر في تبات ونبات وعمرت دارهم بالحب والأولاد وانتهت قصة وجعهم وبقت أيامهم كلها عشق وفرح.

تمت.