"في حاجات في الدنيا مبتتعرفش غير لما تتحط في اختبار.. مش هتعرف مين بيحبك بجد، غير لما تبقى لوحدك ومحتاجه وتلاقيه جنبك.. ومش هتعرف مين بيكرهك، غير لما تشوفه وهو بيخططلك في ضهرك.. الحلقة دي بتتكلم عن الثقة.. الثقة اللي بنبنيها في ناس، ونفتكر إنهم أمان، وبعدين نكتشف إن الأمان ده كان وهم"

جدتها: "كمال كان بياخد الدوا بانتظام وهو ده اللي هنعمله مع زين بس اسمك يرتبط باسمه الأول وتبقى مراته رسمي...".

وقفت جيلان وهي بتفكر بذهول ومش مصدقة تفكير جدتها الشيطاني.

لتتابع جدتها كلامها: "احنا هنفهم زين إن عاليا بتخو..نه وهو أكيد مش هيستحمل إنها تفضل على ذمته وهيطلقها وأول ما يطلقها هياخد أول حباية من المخد..ر ده وفي يوم هيصحى يلاقيكي جنبه على السرير وهو مش فاكر أي حاجة وانتي هتوهميه إن حصل بينكم علاقة وإنه وعدك بالجواز وأنا هدخل وأشوف المنظر ده وطبعا مش هستحمل وهتعب ووقتها لازم يتجوزك عشان الفضا..يح...".

ابتسمت جيلان بمكر بعد ما حست إن خطة جدتها أقوى وأكتر أمان من خطة باسل وقررت إنها تكمل مع جدتها وتسيب باسل.

جيلان بإعجاب: "إيه الدماغ دي يا تيتة.. هي ليه ماما ما طلعتش زيك كده".

جدتها بثقة: "أصل مامتك دي خايبة.. وأنا مليش حظ في بناتي".

لتتابع بتأكيد: "لكن انتي جيلان.. هتكوني نسخة مني وعشان كده ليكي مكانة تانية في قلبي".

ابتسمت جيلان واتكلمت بتأكيد: "ده أنا بتمنى يا تيتة أكون نسخة منك".

ابتسمت جدتها وبصت للهاتف بعد ما أعلن عن اتصال من شخص ما.

جدتها: "أنا هنزل أنا دلوقتي وانتي حاولي تريحي شوية وتستعدي للجاي".

جيلان بحماس: "ما تقلقيش يا تيتة أنا دايما مستعدة".

خرجت جدتها من الأوضة وردت على الهاتف بصوت واطي.

جدة زين: "إيه الأخبار طمني".

الطرف الآخر: "اطمني يا هانم كله حصل زي ما حضرتك أمرتي.. وزياد بيه في القسم دلوقتي ومحتاج حد يضمنه وتليفونه ومحفظته معايا وقفلت تليفونه زي ما أمرتي".

اتكلمت جدة زين : "حلو أوي.. أنا عيزاك بقى تتصل على الرقم اللي أنا بعتهولك.. ده رقم جد زياد وتبلغه إن انت من القسم وطالبينه عشان يجي يضمن زياد ويخرجه".

الطرف الآخر: "تحت أمرك يا هانم.. هكلمه دلوقتي حالا..".

قفلت جدة زين التليفون وابتسمت بمكر واتجهت لأوضتها تتابع من بعيد إيه اللي هيحصل.

بعد وقت قليل خرج جد زين من أوضته بفزع واتجه لأوضة زين وعاليا وخبط عليها بقوة.

فتحت عاليا الباب بقلق وأول ما شافت الجد وهو واقف بقلق وفزع.. فكرت إنه عرف بموضوع انتـ.. حار ابنه كمال.

الجد: "فين زين يا عاليا..؟".

عاليا بارتباك: "خرج يا جدي.. هو إيه اللي حصل".

الجد بقلق: "زياد في القسم وكلموني دلوقتي وعايزين حد يروح يضمنه ويخرجه".

عاليا بقلق: "وزياد في القسم ليه".

الجد: "ما أعرفش يا عاليا وبكلم زين مش بيرد".

ردت عاليا بقلق وتوتر: "وأنا كمان بكلمه مش بيرد عليا".

الجد بقلق: "هيكون راح فين يعني؟.. يا ترى إيه اللي حصله هو كمان.. أنا قلبي مش مطمن وحاسس بقبضة غريبة في قلبي من الصبح".

خافت عاليا عليه من الصدمة لو عرف إن كمال في المستشفى وزين راح له وعشان كده فضلت إنها ما تقولش أي حاجة.

سرح الجد وهو بيفكر إيه اللي بيحصلهم ده.. كمال سافر وما يعرفش عنه حاجة وزين اختفى وما يعرفش عنه حاجة وزياد ما يعرفش إيه اللي حصله عشان يتمسك في القسم.. ليه كل حاجة متلخبطة.. ليه مش فاهم إيه اللي بيحصلهم.. وهل اللي بيحصلهم ده طبيعي ولا شيء متدبر.

اتكلمت عاليا بارتباك: "هو ينفع أروح أضمنه وأخرجه أنا يا جدي".

رد الجد بهدوء: "لا يا حبيبتي مش هينفع.. خليكي انتي هنا وأنا هروح القسم أشوف الموضوع ده ولو زين رجع خليه يحصلني على القسم".

ردت عاليا بقلق: "حاضر يا جدي اللي تشوفه".

خرج الجد من أوضة عاليا عشان يروح هو القسم وقفلت عاليا باب الأوضة وهي بتبكي ومش عارفة ليه بيحصلهم كل ده.

بعد خروج الجد من الفيلا واتجاهه للقسم.. كلمت جدة زين حمزة في التليفون.

جدة زين: "انت فين دلوقتي".

حمزة: "أنا قربت من الفيلا أهو".

جدة زين: "تمام ادخل وأنا نزلالك حالا".

قفلت الهاتف.. واتجهت لتحت.

رواية زين وعاليا بقلمي ملك إبراهيم. 

في أوضة جيلان.

قعدت جيلان تفكر وتقارن خطة جدتها بخطة باسل ولقت إن مصلحتها مع جدتها. مسكت موبايلها وعملت بلوك لرقم باسل عشان مايتكلمش معاها تاني. 

جيلان: "معلش بقى يا باسل.. بس بصراحة تيتة طلعت أذكى منك بكتير".

لتتابع وهي بتدوس على زر الحظر: "مش خسارة فيك البلوك.. لأني عايزة أركز مع تيتة أكتر".

نزلت جدة زين لتحت ورحبت بحمزة اللي كان واقف وهو بيبص حواليه بتوتر.

جدة زين: "فيه إيه مالك بتبص حواليك زي اللي جي يسرق".

حمزة بتوتر: "أنا مش مطمن ومش عارف لو زين ولا زياد أي حد فيهم جه دلوقتي هقولهم أنا جي ليه..".

جدة زين بقوة: "وقتها ما تقولش وسيبني أنا اللي أتكلم".

قعدت وسمحت له بالجلوس.

قعد حمزة قدامها واتكلم بتوتر: "هو أنا المفروض أعمل إيه دلوقتي".

ردت جدة زين : "أنا اللي هعمل ما تقلقش".

لتتابع بتأكيد: "بس عيزاك تهدى كده وتبطل القلق والتوتر ده".

هز حمزة راسه بهدوء.

اتكلمت جدة زين: "أنا هقوم دلوقتي أنادي لعاليا وأقولها إن انت هنا بتسأل على زياد وزياد مش موجود وهقولها إنها لازم تنزل ترحب بيك".

بص حمزة حواليه بتوتر: "وبعدين.. أنا حاسس إن ممكن حد يجي دلوقتي".

اتكلمت جدة زين بغضب: "ما تهدى بقى وقلتلك ما تقلقش.. زياد وجده مش هيرجعوا دلوقتي خالص وزين كمان خرج متضايق ومش بيرد على تليفونه وشكله كده مش هيرجع دلوقتي وممكن يبات بره كمان".

لتتابع بمكر: "لما عاليا تنزل أنا هجبلك قهوة ولعاليا عصير ولازم عاليا تشرب العصير ده انت فاهم".

رد حمزة بدهشة: "اشمعنا يعني.. هو العصير ده هيكون فيه حاجة".

ردت بمكر: "ما تقلقش هيكون فيه حباية تخلي عاليا غير واعية لأي حاجة بتحصل حواليها وهتشوف حاجات مش حقيقة.. يعني مش بعيد تشوفك زين".

فتح حمزة عينه بصدمة واتكلم بتوتر: "يعني إيه".

جدة زين: "يعني عاليا مش هتحس بأي حاجة خالص وأنا باخد لكم كام صورة مع بعض في أوضاع........".

وقف حمزة بعنف واتكلم بغضب: "إيه اللي حضرتك بتقوليه ده أنا مستحيل أعمل حاجة زي دي مع عاليا..".

اتكلمت جدة زين بتهديد : "هتعمل اللي أنا بقولك عليه وتبقى عاليا حلال عليك بعد ما زين يطلقها ولا أشوف حد غيرك وتطلع انت بره الموضوع ده خالص".

وقف حمزة وهو بيفكر وخايف على عاليا إنها تتعرض للموقف ده مع حد تاني وكان حقيقي مش عارف يعمل إيه وكان بيتمنى لو زين أو زياد أي حد فيهم يجي دلوقتي.

اتكلمت جدة زين وخرجته من تفكيره: "إيه قلت إيه أطلع أنادي على عاليا ولا أشوف حد تاني".

رد حمزة باستسلام: "نادي عليها وأنا جاهز.. لأن مفيش حد يستحق عاليا غيري".

ابتسمت بمكر: "برافو عليك.. أنا برضه بقول كده".

وقفت واتجهت لفوق لاستدعاء عاليا.

خرج حمزة هاتفه بسرعة وحاول الاتصال على زين للمرة الـ 100 وبرضه زين مش بيرد.. حاول الاتصال على زياد وتليفونه مقفول.

اتكلم حمزة بقلق: "يا ترى انتوا فين..".

ليتابع بحيرة: "وبعدين.. هعمل إيه في المصيبة دي..".

طلعت جدة زين في اتجاه أوضة عاليا.. وقفت قدامها قسمت تمنعها من متابعة السير لأوضة عاليا..

قسمت: "على فين يا ماما".

والدتها: "فيه إيه يا قسمت.. إيه اللي خرجك من أوضتك دلوقتي".

قسمت بغضب: "طالعة أشوف بترتبي لإيه".

والدتها بسخرية: "اطمني.. أنا برتب إزاي أخرج ابنك من المصيبة اللي هو فيها وإزاي أوفر له فلوس عشان يقدر يرجع الفلوس اللي هو أخدها من المجرمين اللي هيقـ.. تلوه لو ما رجعش ليهم فلوسهم".

ضعفت قسمت وحطت وشها في الأرض بكسرة..

ابتسمت والدتها بسخرية واتكلمت بقوة: "اطمني يا حبيبتي.. أنا بعمل كل ده عشانك انتي وأولادك".

ردت قسمت بكسرة: "بس ما يبقاش على حساب ولاد أختي".

لتتابع ببكاء: "أرجوكي يا ماما.. أنا مش قادرة أنام من عذاب الضمير".

ردت والدتها بعنف: "عذاب الضمير أهون كتير من عذاب القلب لما تفقدي ابنك لو ما رجعش للناس دول فلوسهم".

حطت قسمت إيديها تضم وشها وهي بتبكي.

قربت منها والدتها وطبطبت على كتفها بسخرية واتكلمت: "ادخلي أوضتك يا حبيبتي وما تقلقيش".

بصت قسمت لوالدتها بحزن وخضعت لضعفها وخوفها على ابنها من الموت ودخلت أوضتها باستسلام.

اتجهت جدة زين لأوضة عاليا وخبطت بهدوء.. فتحت عاليا الباب وكانت لسه بتبكي وقلقانة جدا على زين.

اتكلمت جدة زين بتمثيل: "انتي لسه بتعيطي يا حبيبتي".

ردت عاليا وهي بتمسح دموعها: "لا يا ماما أنا كنت هنام".

جدة زين: "لا تنامي إيه.. ده احنا عندنا ضيف".

عاليا بدهشة: "ضيف مين..؟".

جدة زين: "الباشمهندس حمزة جه عشان يقابل زياد وزياد مش موجود وأنا مش عارفة أقوله إيه".

عاليا بدهشة: "تقوليله إيه في إيه يا ماما مش فاهمة.. مش هو عايز زياد وزياد مش موجود.. يبقى قوليله إنه مش موجود".

جدة زين بمكر: "بس ما يصحش يجي ويمشي كده من غير واجب ضيافة يا عاليا.. لازم على الأقل يشرب حاجة.. مش هي دي الأصول برضه".

غمضت عاليا عينيها بتعب واتكلمت بهدوء: "عندك حق يا ماما.. بس اعذريني أنا تعبانة ومش هقدر أنزل ياريت حضرتك ترحبي بيه انتي".

جدة زين برفض: "ما يصحش يا عاليا ده مديرك ولازم ترحبي بيه بنفسك".

هزت عاليا راسها بتعب واتكلمت باستسلام: "حاضر يا ماما هغير لبسي وأنزل أرحب بيه".

اتكلمت جدة زين بمكر: "بس ما تتأخريش يا حبيبتي الراجل قاعد لوحده بقاله كتير..".

لتتابع وهي في طريقها للخروج من الأوضة: "وأنا هنزل أعمله قهوة بنفسي وأعملك كوباية عصير تهديكي شوية".

ابتسمت عاليا بهدوء وهزت راسها بتعب.. خرجت جدة زين ومسكت عاليا تليفونها تتصل بزين عشان تطمن عليه وبعد وقت من الانتظار لم يتم الرد.. اتنهدت بتعب ودعت من قلبها إن ربنا يحفظه ويطمنه على باباه... واتجهت لخزنة الملابس عشان تغير ملابسها وتنزل لمقابلة حمزة.

رواية زين وعاليا بقلمي ملك إبراهيم. 

في قسم الشرطة دخل الجد ومعاه المحامي الخاص به.. شافوا زياد وهو واقف جنب عسكري قدام أوضة الظابط.. قرب منه جده بلهفة.

الجد: "زياد إيه اللي حصل..؟".

زياد بصدق: "مش عارف يا جدي.. فيه واحد رمى نفسه قدام عربيتي ولما نزلت أشوفه لقيت الكل اتلم حواليها وبيقولوا إن أنا خبطته بالعربية ومش لاقي تليفوني ولا محفظتي.. شكلهم اتسرقوا".

اتكلم المحامي بهدوء: "والمصاب ده فين دلوقتي".

زياد: "ما أعرفش.. أنا أصلا مش عارف حاجة ولا فاهم أي حاجة من كل اللي حصل".

هز المحامي راسه بتفهم واستأذن من العسكري يبلغ الظابط إنه عايز يقابله ويطلع على المحضر.

وقف الجد وطمن حفيده.

الجد: "ما تخافش يا زياد أنا معاك وهخرجك من هنا".

رد زياد: "ياريت يا جدي.. أنا مش عايز أفضل هنا أكتر من كده".

رد الجد بتأكيد: "ما تقلقش يا حبيبي".

ليتابع الجد كلامه وهو بيفكر في كل اللي بيحصلهم ده: "أنا هخرجك من هنا وهدفع اللي كان السبب في دخولك هنا التمن غالي أوي".

رواية زين وعاليا بقلمي ملك إبراهيم. 

عند زين وصل أخيرا شرم الشيخ واتجه مباشرة للمستشفى اللي فيها باباه ووقف قدام موظف الاستعلامات.

زين: "لو سمحت فيه حد من المستشفى هنا كلمني وقالي إن والدي كمال الشافعي موجود هنا".

الموظف: "لحظة واحدة يا فندم".

(بدأ الموظف يدور على اسم كمال الشافعي ورد باحترام)

الموظف: "أيوا يا فندم موجود في العناية المركزة حاليا.. وما تقلقش الحالة شبه مستقرة وتقدر حضرتك تشوف الدكتور المتابع لحالته وهو هيشرح لحضرتك الحالة".

قربت واحدة من الممرضات واتجهت مع زين لتوصيله لأوضة الدكتور.

دخل زين ورحب به الدكتور بكل احترام.

اتكلم زين: "أنا زين الشافعي.. كنت عايز أعرف من حضرتك إيه حالة والدي كمال الشافعي بالظبط".

رد الدكتور بهدوء: "والد حضرتك للأسف حاول الانتـ.. حار والحمد لله قدرنا ننقذه".

زين بلهفة: "وحالته إيه دلوقتي".

الدكتور: "الحمد لله بخير وهو في العناية المركزة حاليا وإن شاء الله بكره نقدر ننقله أوضة عادية".

اتكلم زين براحة: "الحمد لله".

الدكتور: "الحمد لله على كل شيء.. بس فيه حاجة مهمة لازم حضرتك تعرفها".

زين بدهشة: "خير يا دكتور".

أخد الدكتور مجموعة من التحاليل واتكلم وهو بيعطيها لزين: "دي تحاليل والدك.. وأظهرت التحاليل إن والدك بيتعاطى مخد.. ر على مدى طويل.. يعني بقاله فترة كبيرة جدا أو نقدر نقول سنين بيتعاطى المخد.. ر ده بشكل مستمر وفجأة وقف تعاطي النوع ده من المخد.. رات وده للأسف دخله في حالة اكتئاب أدى للانتـ.... حار".

اتصدم زين وأخد التحاليل من إيد الدكتور وهو بيبص فيها بذهول.. واتكلم زين بتأكيد: "بس والدي عمره ما أخد مخد.... رات".

الدكتور: "النوع اللي والدك بياخده ده.. ده مش مخد.. ر عادي ده مخد... ر بيشتغل على خلايا معينة في المخ.. بيوقف المخ عن العمل بشكل كامل وبيحصل عند الشخص اللي بيتعاطى المخد... ر ده حالة من السكون واللامبالاة وبيكون مش مستوعب بكل إللي بيحصل حواليه ".

اتصدم زين وقفل ملف التحاليل وهو مش مصدق اللي سمعه.. معقول والده كان بيتعاطى مخد.... رات.. طب إزاي وامتى وليه.. مستحيل.. فيه حاجة غلط.

بص للدكتور واتكلم بهدوء: "لو سمحت يا دكتور أنا عايز أشوفه".

الدكتور: "للأسف مش هينفع دلوقتي.. تقدر حضرتك تنتظر للصبح ووالد حضرتك هيتنقل لأوضة عادية وتقدر تشوفه وتتكلم معاه".

غمض زين عينه بتعب وحط إيديه على مقدمة راسه وهو بيفكر.. إزاي والده كان بيتعا..طى مخد....رات طول الفترة دي وهما مش حاسين.. وإزاي محدش أخد باله.. طب إزاي وامتى وفين.. كل دي أسئلة وردها عند والده.

رواية زين وعاليا بقلمي ملك إبراهيم. 

في الفيلا..

نزلت عاليا رحبت بحمزة اللي وقف في استقبالها وهو بيبص حواليه بتوتر.

استغربت عاليا توتره الواضح جدا واتكلمت بدهشة.

عاليا: "حمزة انت كويس؟ ".

بص حواليه بتوتر واتكلم مع عاليا بصوت همس خفيف: "عاليا جدة زين هتجيبلك عصير دلوقتي أوعي تشربيه".

عاليا بصدمة: "إييه".

حمزة بصوت واطي وهو بيبص حواليه: "اسمعي اللي بقولك عليه.. أوعي تشربيه واعملي نفسك تعبانة واطلعي أوضتك واقفلي على نفسك كويس وما تفتحيش لأي حد لحد ما زين يرجع".

(دخلت جدة زين وهي شايلة صينية عليها فنجان قهوة وكوب عصير)

وقف حمزة عن الكلام أول ما شافها بتقرب منهم.

بصت عاليا لحمزة بصدمة وقربت منها جدة زين وهي بتقدم لها العصير.

بصت عاليا لجدة زين ولاحظت في عينيها نظرة غريبة أول مرة تاخد بالها منها.

مدت إيديها وأخدت العصير بإيد بترتعش.

اتكلمت جدة زين بابتسامة: "اشربي يا حبيبتي العصير ده هيهديكي شوية".

قربت عاليا العصير من شفايفها......بقلمي ملك إبراهيم.

... يتبع