"زين قدر يسبق بخطوة لما حس إن الدنيا مش أمان، أول حاجة فكر فيها إنه يبعد حبيبته عن أي وجع.. يوديها مكان فيه ناس طيبين، ناس بتحبها من قلبها، ناس هتطبطب عليها وتقولها متخافيش" 

"اقتـ.. حموا بيت عيلة الشافعي واقـ..  تلوا كل اللي هناك بس طبعا ما تقربوش من زين الشافعي وزوجته لأن زوجته تلزمني".

بص له باسل بصد..مة.. ليتابع إدوارد بتوضيح: "هتجبولي زوجة زين الشافعي هنا.. وهنطلب من زوجها إنه يدفع تـ..من رجوع مراته له يا أما هنـ.. خلص عليها زي باقي عيلته".

ليتابع بمكر: "ووقتها نطلب نص ثروته لأنه طبعا هيبقى هو الوريث الوحيد لما كل أفراد عيلته يمو.. توا".

اتكلم باسل بخوف: "بس ماما وأختي معاهم في البيت مسيو إدوارد".

اتكلم إدوارد بسخرية: "وجدتك كمان ولا جدتك ما تهمكش".

حط باسل وشه في الأرض واتكلم بخوف: "أنا يهمني ماما وأختي".

ليتابع بتوتر: "ممكن أعرف هيكون إيه مصيري ومصيرهم بعد ما تاخدوا فلوسكم".

رد إدوارد بقسوة: "هيكون مصيرك نفس مصير عيلتك.. المو... ت".

اتكلم باسل بفز.. ع: "ليه المو.. ت مسيو إدوارد وأنا هساعدكم عشان تاخدوا أكتر من فلوسكم".

بص إدوارد لباسل بتفكير وفكر إنهم محتاجين حد يشيل تهمة قـ.. تل عيلة الشافعي ويبعد عنهم الأنظار لحد ما ياخدوا الفلوس ويرجعوا بلدهم ولقى إن باسل أنسب حد يضحي بيه ويشيل هو التهمة دي.

اتكلم إدوارد بمكر: "أنا ممكن أعفو عنك باسل وعن والدتك وأختك.. بس بشرط".

قرب منه باسل وقعد على الأرض وقبل إيديه بلهفة: "أنا تحت أمرك وموافق على أي شرط بس أعيش".

ابتسم إدوارد واتكلم بمكر: "الشرط إن انت تروح مع الرجالة بيت عيلة الشافعي وتساعدهم إنهم يدخلوا البيت بهدوء وبدون أي لفت للانتباه".

ليتابع بمكر أشد: "وكمان تساعدهم في التخلص من كل الموجودين في البيت".

رد باسل بخوف: "بس اللي عايشين في البيت دول عيلتي وأولاد خالتي".

اتكلم إدوارد بقوة: "خلاص هما اتحكم عليهم بالمو.. ت سواء انت شاركت في قتـ.. لهم وأصبحت واحد من رجالتي أو رفضت وأصبحت واحد من الأمو.. ات".

رفع إدوارد سلا... حه وحطه في نص راس باسل حتى يرهبه ويزيد جواه الر.. عب من المو.. ت.. رفع باسل إيديه باستسلام وهز راسه بالموافقة على قـ.. تل جدته وعيلة الشافعي اللي فيهم ولاد خالته وسقطت دمعة من طرف عينيه مش عارف سببها.. هي سقطت من رهبة المو.. ت.. ولا رهبة قـ.. تل أعز وأقرب الناس إليه..

قعدت عاليا في أوضتها جنب الجد ووقف زياد وهو هيتجنن ومش قادر يستحمل إنه يسكت أكتر من كده وكان بيتمنى لو ياخد الفرصة ويحاسب جدته على كل الأذى اللي اتسببت لهم فيه..

بص الجد لعاليا واتكلم بهدوء: "قوليلي بقى يا عاليا زين فين وما تقوليش ما أعرفش.. زين مش هنا في القاهرة صح..؟".

اتوترت عاليا وبصت لزياد اللي كان بيبص لها بفضول وهو أيضا في انتظار إنه يعرف فين زين.

اتكلم الجد مرة تانية بقلق: "عشان خاطري يا عاليا وحياة زين عندك عرفيني فين زين لأن حياته في خـ.. طر".

خافت عاليا وبصت للجد برعب واتكلمت بقلق: "يعني إيه حياة زين في خـ.. طر".

رد الجد بتأكيد: "هي دي الحقيقة ولازم أعرف مكان زين عشان نقدر نوصله لو حصله حاجة".

اتكلمت عاليا بقلق: " زين في شرم الشيخ".

اندهش الجد وزياد واتكلم زياد بفضول: "بيعمل إيه زين في شرم الشيخ".

بصت عاليا للجد بقلق وتوتر.. فهم الجد إن الموضوع له علاقة بكمال ابنه واتكلم بقلق.

الجد: "كمال ابني جراله حاجة".

هزت عاليا راسها بلا واتكلمت بسرعة: "لا يا جدي اطمن هو الحمد لله بخير..".

لتتابع بتوتر: "هو بس كان تعب شوية ونقلوه المستشفى وزين طمني إنه الحمد لله بقى بخير".

بص الجد قدامه واتكلم بتأكيد: "أنا كان قلبي حاسس إن ابني فيه حاجة".

ليتابع الجد بلهفة وهو بيبص لزياد: "اتصل على أخوك دلوقتي حالا.. لازم أعرف ابني في أي مستشفى".

أخد زياد تليفون جده واتصل على زين وهو مر.. عوب على والده.

رواية زين وعاليا بقلمي ملك إبراهيم.

في المستشفى. 

خرج زين من أوضة والده بعد ما وعده إنه هيكلم جده ويطلب منه إنه يجي على أول طيارة.

بص لتليفونه اللي أعلن عن اتصال من جده.. فهم زين إن أكيد جده عرف ورد عليه على طول..

اتكلم زياد بلهفة أول ما زين رد عليه.

زياد: " زين إيه اللي حصل لبابا".

أخد الجد التليفون من زياد واتكلم بقوة ولهفة: "أبوك جراله إيه يا زين".

رد زين بهدوء: "ما تقلقش يا جدي بابا الحمد لله بقى كويس وكنت لسه هكلم حضرتك دلوقتي عشان بابا محتاجك جنبه".

اتكلم الجد بقلق: "عايز أكلم ابني وأطمن عليه".

رد زين: "يا جدي والله بابا الحمد لله بقى كويس وأنا خرجت من المستشفى دلوقتي وطالع على المطار راجع القاهرة".

اتكلم الجد بقوة: "ماشي يا زين وأنا هاجي بنفسي عشان أطمن على ابني".

قفل الجد التليفون واتكلم مع زياد بأمر: "كلم المطار عايز طيارة خاصة توصلني شرم الشيخ حالا".

هز زياد راسه بتأكيد ونفذ اللي جده طلبه منه.. وبعد لحظات قليلة بص زياد لتليفون جده بعد ما أعلن عن استلام رسالة من زين.

رواية زين وعاليا بقلمي ملك إبراهيم. 

محتوى الرسالة: "زياد ركز معايا كويس.. انت هتاخد جدك وعاليا دلوقتي وتفهم جدك وعاليا إنها هتيجي معاك المطار توصلوا جدي عشان مش هينفع تسيبها لوحدها في البيت.. وبعد ما تطمن على جدك إن طيارته اتحركت.. تاخد عاليا وتوديها عند عبد التواب وفرحانه في البلد.. وتأكد عليهم إن مفيش مخلوق يعرف إن عاليا عندهم وكمان تأكد على عاليا إنها ما تخرجش أبدا من عندهم مهما حصل.. وترجع انت على الفيلا وهكون أنا كمان وصلت.. عشان نخلص موضوع جدتك ده نهائي وللأبد".

بص زياد قدامه بعد ما قرأ الرسالة وقرر ينفذ كل اللي طلبه منه أخوه.

رواية زين وعاليا بقلمي ملك إبراهيم. 

دخلت جيلان أوضة جدتها واتكلمت بدهشة: "مالك يا تيتة.. كل ده نوم".

ردت جدتها وهي بتحاول تفتح عينيها: "أصل نمت متأخر بالليل ومليش نفس أخرج وأشوف حد".

ردت جيلان بدهشة: "ليه كده يا تيتة".

جدتها بغضب: "كل خططي بتدمر في آخر لحظة والسبب الغبية اللي اسمها عاليا".

اتكلمت جيلان: "طب أنا ملاحظة حاجة غريبة بتحصل من الصبح بدري وعايزة أقولك عليها".

ردت جدتها بانتباه: "حاجة إيه..؟!".

جيلان: "مش عارفة.. بس عاليا وزياد قاعدين مع جدهم في أوضته من بدري".

اتكلمت جدتها بسخرية: "هتلاقي عشان المشكلة اللي حصلت بين زين وعاليا امبارح".

لتتابع بفضول: "قوليلي هو زين لسه ما رجعش".

ردت جيلان بتأكيد: "تقريبا لا لأني ما شفتوش خالص".

اتكلمت جدتها بغضب: "الغبية ضيعت كل حاجة بغبائها امبارح".

لتتابع بشر: "بس هتروح مني فين".

اتكلمت جيلان: "بس متهيألي إننا لازم نخلص منها أسرع من كده يا تيتة".

ردت جدتها بتفكير: "فعلا.. بس مش عارفة أعمل معاها إيه".

لتتابع جدتها وهي بتتجه للحمام: "أنا هدخل أخد شاور وأفوق كده وأرجعلك".

هزت جيلان راسها بهدوء واتجهت هي للوقوف بالبلكونة.

رواية زين وعاليا بقلمي ملك إبراهيم. 

في أوضة الجد استأذنت عاليا إنها ترجع على أوضتها عشان الجد يجهز للسفر.

اتكلم زياد معاها بهدوء: "عاليا اجهزي انتي كمان عشان هنوصل جدي المطار".

ردت عاليا بدهشة: "هاجي معاكم المطار".

رد زياد بتأكيد: "أيوا زين طلب مني إني ما أسيبكيش لوحدك أبدا".

هزت عاليا راسها بتفهم ورجعت أوضتها تجهز وبعد وقت قليل خرجت من أوضتها في اتجاه أوضة الجد مرة تانية.. قابلتها قسمت واتكلمت معاها بحزن.

قسمت: "عاليا.. أنا عايزة أطلب منك طلب ممكن".

بصت لها عاليا بتوتر وردت بقلق: "آه طبعا اتفضلي".

اتكلمت قسمت بهدوء: "ممكن تقولي لزين يسامحني".

اندهشت عاليا واتكلمت: "يسامحك على إيه".

اتكلمت قسمت بحزن: "هو عارف".

بصت لها عاليا بدهشة وبعدت عنها قسمت بعد ما طبطبت على كتفها واتكلمت بهدوء.

قسمت: "خلي بالك من زين".

تابعت عاليا خطواتها وهي بتبعد عنها وكانت مستغربة جدا كلامها وطريقتها.

رواية زين وعاليا بقلمي ملك إبراهيم. 

وقفت جيلان في بلكونة أوضة جدتها وكانت جدتها في الحمام بتاخد شاور.

خرج زياد وجده وعاليا وركبوا عربية زياد وخرج زياد بالعربية من الفيلا.

استغربت جيلان من خروجهم مع بعض ووقفت في انتظار خروج جدتها من الحمام عشان تعرفها إنهم خرجوا مع بعض.

بعد لحظات خرجت جدتها وقربت منها جيلان بلهفة.

جيلان: "تيتة أنا شوفت زياد وجده وعاليا خارجين التلاتة مع بعض دلوقتي.. ركبوا عربية زياد وما أعرفش رايحين فين".

ردت جدتها بثقة: "أكيد جدهم أخد عاليا وراح لزين عشان يصالحوا على مراته بعد خناقتهم امبارح".

اتكلمت جيلان بفضول: "وبعدين يا تيتة.. افرضي قدر يصالحهم".

قعدت جدتها وهي بتفكر: "مش عارفة يا جيلان.. أنا بفكر أهو".

قعدت جيلان جنبها وهي بتتكلم جواها: "هو أنا اتسرعت لما عملت بلوك لباسل ومشيت وراكي يا تيتة ولا إيه.. شكل كده خطتك فشلت.. يا ريتني كنت كملت معاك في خطتك يا باسل يمكن كانت تنفع".

رواية زين وعاليا بقلمي ملك إبراهيم. 

في المكان اللي فيه المجر.. مين اللي معاهم باسل..

وقف إدوارد واتكلم بصوته القوي: "اتأكدوا إن الأسلـ.. حة اللي معاكم كفاية.. أنا عايز العملية دي تتم بسرعة ومن غير أخطاء".

ليتابع بتأكيد: "أهم حاجة زوجة زين الشافعي لازم ترجعوا بيها حية.. فلوسنا مش هترجع من غيرها".

وقف باسل بقلق وهو بيجهز سلا... حه..

قرب منه إدوارد وحط إيديه على كتفه واتكلم مع رجالته بقوة: "ومش هوصيكم.. لو عمل أي حركة غباء يند.. فن مع عيلته".

اتر.. عب باسل واتكلم بخوف: "ما تقلقش مسيو إدوارد أنا اخترت أكون من رجالتك".

اتكلم إدوارد بسخرية: "قصدك اخترت تعيش".

بص باسل للأرض بخوف.. وبص إدوارد لواحد من رجاله وهو الرجل التاني بعد إدوارد ويدعى "ديفيد" غمز له إدوارد وفهم التاني هو عايز إيه رئيسه.. (التخلص من والدة باسل وأخته وجدته وبسلا.. ح باسل اللي عليه بصماته).

ارتفع صوت إدوارد القوي: "يلا مش عايز تضييع للوقت.. باسل هيساعدكم تدخلوا الفيلا بطريقة طبيعية وزي ما فهمتكم تخلصوا على كل الموجودين معادا طبعا زين الشافعي ووالدة باسل وأخته وترجعوا بزوجة زين الشافعي ".

رد الجميع بتأكيد واتجهوا للعربيات ومعاهم باسل في طريقهم لفيلا الشافعي.

رواية زين وعاليا بقلمي ملك إبراهيم. 

وصل زياد المطار واطمن إن طيارة جده طلعت بأمان.. أخد عاليا واتجه في طريقه للبلد.. بعد وقت عرفت عاليا الطريق واتكلمت بدهشة.

عاليا: "زياد انت موديني فين..؟".

رد زياد بهدوء: "موديكي البلد عند عبد التواب ومراته فرحانه".

عاليا بدهشة: "ليه".

زياد: "دي أوامر زين يا عاليا وأنا بنفذها".

عاليا: "ليه يعني هو إيه اللي بيحصل بالظبط".

لتتابع برجاء: "زياد لو سمحت عشان خاطري فهمني هو إيه اللي بيحصل أنا مش فاهمة حاجة".

رد زياد بحزن: "ما أعرفش يا عاليا أنا بعمل اللي زين طلبه مني.. هو قالي أوديكي البلد وأكد كمان إن انتي ما تخرجيش من البيت هناك نهائي وأنا هرجع لوحدي الفيلا".

اتكلمت عاليا بقلق: "زياد أنا قلبي مش مطمن أرجوك قولي.. هو زين ناوي على إيه".

زياد: "صدقيني أنا ما أعرفش حاجة يا عاليا".

بصت عاليا قدامها بحزن وهي بتفكر في زين وبتدعي ربنا يحفظهم.

....... 

وصل باسل الفيلا ومعاه مجموعة كبيرة من المجر.. مين. 

دخلوا بسيارتين بعد ما اتكلم باسل مع الأمن الخارجي وسمحوا له بالدخول لأنهم عارفين إنه من أقارب عيلة الشافعي.

كانت جيلان قاعدة في أوضتها وهي بتفكر تكلم باسل وترجع تشترك معاه في خطته بعد فشل خطة جدتها.. سمعت أصوات غريبة بره الفيلا.

طلعت البلكونة وبصت على الجنينة وشافت باسل ومعاه مجموعة من الرجال شايلين أسلـ... حة وقسموا نفسهم لمجموعتين مجموعة اتجهت للمدخل الخلفي للفيلا ومجموعة للمدخل الأمامي.

رجعت جيلان خطوتين لورا بخوف بعد ما شافت باسل والرجالة اللي معاه وحست إنهم مش ناويين على خير..

اعتقدت إن باسل جاي ينتقم منها لأنها اتخلت عنه وأكيد جاي ينفذ خطته ويخـ.. طف عاليا بنفسه.

فكرت بسرعة وما لقتش قدامها غير زين.. مسكت تليفونها وحاولت الاتصال به عشان ينقذها لكن تليفون زين كان خارج الخدمة.

بصت حواليها بخوف لما لقت تليفونه مقفول.. وفكرت تبعتله رسالة عشان أول ما يفتح تليفونه يشوفها ويحاول يلحقهم بسرعة وكتبت جيلان الرسالة بإيد بترتعش وبعتتها وهي بتبص حواليها بر.. عب.

وصل زياد البلد ونزل مع عاليا على الطريق الزراعي.. قابله عبد التواب هو مراته فرحانه..

ابتسمت فرحانه بسعادة وهي بتسلم على عاليا واتكلمت بسعادة: "البلد نورت يا ست عاليا.. داني كنت هرقص من الفرحة لما عرفت إن انتي جاية".

ابتسمت عاليا واتكلمت بدهشة: "وانتي عرفتي إزاي يا فرحانه إن أنا جاية".

اتكلم عبد التواب بصوته القوي: "زين بيه كلمني وقالي إن حضرتك هتقعدي معانا وفهمني كل حاجة".

اتكلم زياد بتأكيد: "وأنا كمان مش هوصيك يا عبد التواب على عاليا هانم".

رد عبد التواب بتأكيد: "عاليا هانم في عينينا يا بيه".

اتكلم زياد مع عاليا: "عاليا خلي بالك من نفسك وما تخرجيش غير لما زين يجي ياخدك بنفسه".

هزت عاليا راسها بهدوء واتكلمت بحزن: "حاضر يا زياد بس خلي زين يجي ياخدني بسرعة وما يتأخرش عليا".

ابتسم زياد ورد بهدوء: "حاضر يا عاليا ما تقلقيش".

راحت عاليا مع فرحانه على البيت واتكلم زياد مع عبد التواب بتأكيد: "عبد التواب مش هوصيك".

رد عبد التواب بقوة: "ما تقلقش يا زياد بيه الهانم في عينينا".

شكره زياد واتجه لعربيته وركبها وانطلق بيها في طريقه للرجوع للفيلا.

في الفيلا دخل باسل ومعاه مجموعة من الرجال وهو بيبص حواليه.. ودخل من المدخل الخلفي باقي الرجال واتجمعوا في نص الفيلا..

اتكلم ديفيد بأمر: "اطلعوا هاتوا كل الموجودين فوق".

نفذ الرجال الأمر واتجهوا لفوق ووقف باسل وهو بيبص حواليه بخو..ف وهو بيحس بالغد..ر من ناحية إدوارد ورجالته.

......

وصل زين القاهرة وخرج بسرعة من المطار وركب تاكسي.. أعلن تليفونه عن استلام رسالة من جيلان

فتحها بملل واتصدم لما قرأ محتواها.

رواية زين وعاليا بقلمي ملك إبراهيم

محتوى الرسالة: "زين الحقنا باسل موجود هنا في الفيلا ومعاه رجالة شايلين سلا...ح وشكلهم غريب.. أرجوك يا زين الحقنا".

اتصد..م زين واتر..عب على زياد.. حاول الاتصال عليه وتليفونه مقفول وافتكر إن تليفون زياد مسروق.. اتصل على عبد التواب وهو بيدعي إنه يكون لسه هناك عنده.. رد عبد التواب وبلغه إن زياد مشى على طول ورجع على الفيلا.

صر..خ زين في السواق وطلب منه القيادة بسرعة واتصل على الشرطة وبلغهم إن فيه مجر..مين اقتحموا بيته.

نزل رجالة إدوارد وهما ماسكين قسمت وجيلان وجدتها.

واتكلم واحد من الرجال مع ديفيد بقوة: "مفيش غير دول بس اللي موجودين".

بص باسل لوالدته بخجل واتكلمت والدته بلهفة وهي بتقرب منه: "باسل.. انت كنت فين يا حبيبي ومين الناس دول".

قرب منها باسل ومسك إيديها واتكلم بحزن: "ما تقلقيش يا ماما".

بصت جيلان حواليها وهي قلقانة وشايفة في عيون كل اللي حواليها الشر.

اتكلم ديفيد بقوة: "فين باقي اللي عايشين هنا".

اتكلمت جيلان بخوف: "مفيش حد هنا كلهم خرجوا".

قرب منها باسل واتكلم بخوف: "خرجوا فين".

ردت جيلان بتوتر: "ما أعرفش.. وبعدين انت بتسأل عليهم ليه".

صفـ..عها على وشها بقوة.. صر..خت والدته وقربت من بنتها ضمتها واتكلمت بصراخ: "باسل انت اتجننت انت بتضرب أختك".

لتتابع بقوة وهي بتبص للرجال اللي شايلين الأسلـ..حة: "ومين المجر..مين اللي انت جايبهم معاك دول".

اتكلم باسل بقوة: "اللي معايا دول لو ما أخدوش فلوسهم دلوقتي كلنا هنموووت".

بصت جدته لديفيد واتكلمت بسخرية: "واحنا نموت ليه مش انت اللي خدت منهم الفلوس دي.. احنا ملناش دعوة".

اتكلم باسل مع جدته بغضب: "انتي سبب كل المصايب اللي احنا فيها دي".

اتكلم ديفيد بقوة: "مش عايز أسمع صوت ولو ما عرفتش فين باقي عيلة الشافعي أنا هقـ.. تلكم كلكم دلوقتي".

سمعوا صوت عربية دخلت الفيلا.

اتكلم ديفيد مع باسل بأمر: "شوف مين اللي جه".

قرب باسل من باب الفيلا وشاف عربية زياد.

نزل زياد من عربيته وهو بيبص للعربيتين الموجودين قدام الفيلا وشكلهم كان غريب جدا وفكر إن زين رجع قبله على الفيلا وإنهم ممكن يكونوا تبع زين ودخل الفيلا...... بقلمي ملك إبراهيم.

... يتبع