"بعد كل ليل طويل، فيه صبح بيطلع بهدوء.. واللي قلبه نضيف، ربنا دايماً بيبعتله اللي يطمنه"

زياد فكر إن زين رجع قبله على الفيلا وإنهم ممكن يكونوا تبع زين ودخل الفيلا.

استغرب زياد.. لما شاف باسل ابن خالته واقف قدام مدخل الفيلا.. دخل زياد وهو بيبص لباسل بدهشة واتصدم لما لقى العدد الكبير ده من الرجال المسلـ... حين.

بص لباسل واتكلم معاه بغضب وانفعال.

زياد: "انت بتعمل إيه هنا انت وشوية الصيع اللي معاك دول.. مين سمحلك تدخل هنا أصلا..؟".

اقترب ديفيد من زياد واتكلم بحده : "أنا اللي سمحتله يدخل هنا".

رد زياد بغضب: "وانت مين عشان تسمحله؟ ".

اتكلم ديفيد بسخرية: "انت اللي مين عشان ما تسمحلوش".

رد زياد بثقة: "ده بيتي".

بص ديفيد لباسل واتكلم باسل بتوتر: "ده.. ده زياد الشافعي".

اتكلم ديفيد بسخرية وهو بيبص لباسل: "يعني واحد من أفراد عيلة الشافعي".

ليتابع وهو بيبص لزياد بمكر: "فين باقي عيلتك".

رد زياد بقوة: "مفيش حد هنا غيري واتفضلوا كلكم اطلعوا بره حالا".

بص ديفيد لباسل واتكلم بسخرية: "لا احنا مش هنطلع.. انت اللي هتطلع دلوقتي".

اشار ديفيد لباسل إنه يقـ.. تل زياد.. اتصد..م باسل وبص لديفيد.

تابعت قسمت نظرات ديفيد لباسل وفهمت ديفيد بيطلب منه إيه.

رفع ديفيد سلا.. ح اتجاه باسل واتكلم بعنف: "نفذ الأمر يا باسل وإلااا".

رفع باسل سلا... حه بإيد بترتعش ووجه سلا... حه اتجاه زياد... تابعت قسمت إيد باسل وهي بتتجه على ابن أختها بصد.. مة..

غمض باسل عينيه وهو بيحاول يضغط على آخر ذرة رحمة في قلبه وينفذ الأمر ويقـ... تل ابن خالته.

جرت قسمت بسرعة على زياد في نفس اللحظة اللي ضغط فيها باسل على مسد.. سه وخرجت الرصا... صة في اتجاه زياد.. لكن قسمت دفعت زياد وقعته على الأرض وأخدت هي الطـ.. ـلقة في قلبها.

وصل زين قدام الفيلا وسمع صوت الطلـ.. ـقة وبص قدامه شاف عربية زياد.. جرى بسرعة وجنون على الفيلا وقلبه هيقف من الخوف على أخوه.

صر.. خت جيلان أول ما الطـ.. ـلقة دخلت في قلب مامتها قدام عينيها.

فتح باسل عينيه ولقى والدته هي اللي واقعة على الأرض والرصا... صة في قلبها وزياد قرب منها وهو بيبص له بذهول.

قعدت جدة زين بصدمة على الأرض لما شافت حفيدها كان هيقـ.. تل حفيدها التاني.. وبنتها فدت ابن أختها بروحها وأخدت هي الرصا.. صة.. الرصا... صة اختر..قت قلب بنتها.. بنتها بتموت قدام عينيها.. الابن قـ... تل أمه... كل ده حصل بسببها بسبب طمعها وجشعها بسبب الشر اللي زرعته في قلب حفيدها.

جرى باسل على والدته وهو بيصر.. خ بجنون.. وقف زين بصدمة على باب الفيلا لما شاف خالته هي اللي أخدت الطـ.. لقة وزياد جنبها وبيتكلم معاها وهو بيبكي.

اتكلم زياد مع خالته وهو بيبكي: "ليه عملتي كده..؟".

ردت قسمت وهي بتطلع في الروح: "لو ما كنتش عملت كده ما كنتش هقدر أبص في وش أختي لما نتقابل...".

لتتابع وهي بتحط إيديها برعشة على وش زياد: "كانت كل يوم تجيلي في الحلم وتوصيني عليكم.. أنا هروحلها دلوقتي وأطمنها إني قدرت أحميك".

نزلت دموع زياد واتكلم ببكاء: "انتي هتبقي كويسة أنا هكلم الإسعاف دلوقتي ما تخافيش".

اتكلمت قسمت بصوت متقطع: "أنا مش خايفة غير على جيلان.. خدوا بالكم منها يا زياد.. دي وصيتي".

مسكت جيلان إيد والدتها وهي بتبكي.. قرب باسل بصد..مة من والدته والسلا... ح كان لسه في إيده.. بصت والدته لإيده اللي ماسكة السلا.... ح واتكلمت بصوت متقطع: "عمري ما تخيلت إني أمو. ت بإيدك يا باسل".

بكى باسل وهو مصد.. وم ومش قادر يتكلم.

بصت قسمت لفوق بابتسامة وفارقت الحياة.. صر.. خت جيلان بصوتها كله وهي بتضم والدتها لحضنها.

كان الكل واقف مذهول من اللي حصل وبص زين لعدد الرجال اللي شايلين الأسـ... لحة وكان عددهم كبير جدا.. فكر زين بسرعة واستغل إن محدش لاحظ وجوده وكانت كل الأنظار على قسمت اللي بتمو.. ت قدامهم.. اتجه زين بسرعة لخلف الفيلا وفصل الكهرباء عن الفيلا بالكامل.

انقطعت الكهربا واتكلم ديفيد بصر.. اخ: "شغلوا الكهربا بسرعة".

وقف باسل بجنون وهو ماسك سلا... حه واقترب في الظلام من ديفيد اللي كان بيصر.. خ في رجالته إنهم يشغلوا الكهربا بسرعة.. مسكه باسل بقوة وحط السلا... ح في نص راسه واتكلم بقوة وصر... اخ وهو ماسكه: "زياد خد جيلان واخرجوا من هنا بسرعة..".

كان زياد بيبص بصدمة لخالته اللي ماتت بين إيديه ومش حاسس بأي حاجة بتحصل حواليه وجيلان كانت ضامة والدتها وبتصر... خ.

دخل زين في الظلام بسرعة وقرب من مكان أخوه عشان يحاول يخرجه من الفيلا وكان باسل حاطط سلا... حه في نص راس ديفيد وبيهدد الكل إن محدش يتحرك من مكانه..

حاول زين يحرك أخوه من مكانه عشان يخرج معاه لكنه كان مش بيتحرك من الصد.. مة.. رفعه زين من على الأرض وأخده من جنب جثمان خالته لخارج الفيلا بسرعة.

اتكلم ديفيد تحت تهديد باسل بصراخ وهو بيأمر رجالته إنهم يسمعوا كلام باسل.

خرج زين بأخوه بسرعة وحطه في عربيته وحاول يكلمه لكن زياد كان بيبص لد.. م خالته اللي غرق لبسه وإيديه بصد. مة وذهول.

قدر ديفيد بمهارة إنه يتخلص من إيد باسل. أطلق باسل رصا.. صة في الهوا وكأنها كانت إشارة لبدء الحرب وبدأ جميع رجال ديفيد يطلقون الر... صاص في كل الاتجاهات في الظلام.. ومش عارفين مين بيضرب على مين. 

بص زين للفيلا بفزع لما سمع أصوات الطلـ.. قات.. اتكلم زياد بعد ما فاق من صدمته على صوت الطلـ.. قات: "جيلان".

بص له زين.. اتكلم زياد برجاء: " زين خالتك فدتني بروحها ووصتني على جيلان".

هز زين راسه بتفهم واتكلم بقوة: "خليك هنا ما تتحركش وأنا هدخل أجيبها".

مسك زياد إيد أخوه واتكلم بخوف عليه: "هتدخل إزاي وسط الر...صاص ده كله".

اتكلم زين بتأكيد: "ما تخافش بس اوعدني تفضل هنا وما تتحركش".

هز زياد راسه واتكلم بصوت ضعيف: "وانت كمان توعدني إنك تاخد بالك من نفسك".

رد زين وهو بيبص لأخوه بحنان: "ما تقلقش ربنا معايا".

واتجه زين بسرعة للفيلا مرة تانية.. دخل من مدخل الفيلا وهو عارف المكان اللي خالته ماتت فيه.. قرب من المكان في الظلام وسط الطلـ... قات وكانت جيلان منبطحة على الأرض وهي ضامة جثمان والدتها وبتبكي ومستنية مو..تها هي كمان بخو..ف ور..عب..

وصلت الشرطة أخيرا ووقفوا قدام الفيلا وهما مش عارفين يدخلوا منين.. وأصوات الطلـ.. قات اللي خارجة من كل مكان في الفيلا كانت بتزيد أكتر.. شافهم زياد وجرى عليهم واتكلم مع الظابط بخوف: "أخويا جوه لو سمحتم اعملوا حاجة بسرعة".

رد عليه الظابط بقوة: "لازم نشغل الكهربا بسرعة عشان نقدر نتدخل".

اتكلم زياد بسرعة: "لوحة الكهربا اللي بتشغل الفيلا كلها عند الباب الخلفي للفيلا".

هز الظابط راسه بتفهم واتجه هو ومجموعة من رجال الشرطة لخلف الفيلا.. وحاول رجال الشرطة توصيل الكهرباء للفيلا.

قرب زين من جيلان وشالها بسرعة من حضن والدتها.. خافت جيلان وزاد صرا.. خها أكتر.. طمنها زين إنه هو اللي شالها.. وأخدها في اتجاه باب الفيلا للخروج..

وقف زين فجأة ونزل جيلان على الأرض.

بصت له جيلان بخوف.. واتكلم زين بسرعة: "جيلان اخرجي انتي بسرعة.. زياد في العربية روحيله".

اتكلمت جيلان وهي بتبص لزين بخوف: "وانت يا زين".

اتكلم زين: "أنا هرجع أجيب جدتك وباسل".

اطمنت جيلان وجرت بسرعة خارج الفيلا.

حط زين إيديه على كتفه ولمس الد.. م اللي بينزف منه أثر طـ.. لقة من الطلـ.. قات المتطايرة.. ووقع على الأرض وهو بيحاول يقاوم الوجع اللي بيشعر بيه.. صورة عاليا جت بسرعة قدام عينيه وهي بتضحك وبتحرك رموش عينيها بالطريقة اللي بيعشقها.. ابتسم وهو بينطق اسمها وأخدته صورتها لعالم تاني وغاب عن الوعي.

رواية زين وعاليا بقلمي ملك إبراهيم. 

في البلد عند عبد التواب وفرحانه.

وقفت عاليا فجأة وهي بتشعر بوجع غريب في قلبها.. شعرت بدوخة وغثيان.. حطت إيدها على بوقها وجرت بسرعة على الحمام.

جرت فرحانه وراها بخوف ووقفت ورا باب الحمام وهي بتسمع تأوهات عاليا.

خافت فرحانه جدا عليها وكانت بتخبط على باب الحمام بفزع... فتحت لها عاليا وكان وشها لونه أصفر خالي من الدماء وقطرات العرق مالية وشها وبتغرقه.

بصت لها فرحانه واتكلمت بفزع: "مالك يا ست عاليا فيكي إيه..؟!!".

بصت لها عاليا بتعب ونطقت اسم زين ووقعت على الأرض غايبة عن الوعي.

صرخت فرحانه باسم جوزها وهي بتسند عاليا من على الأرض وبتحاول تفوقها.

دخل عبد التواب بفزع على صوت صر..اخ مراته واتصدم لما شاف عاليا فاقدة الوعي على الأرض.

اتكلم عبد التواب بفزع: "مالها الست هانم إيه اللي حصل".

ردت فرحانه بصراخ: "اجري بسرعة شوف أي حد من الوحدة الصحية ولا شوف دكتورة ولا أي حاجة..".

اتحرك عبد التواب بسرعة وهو بيتكلم بخوف: "يادي المصيبة السودة.. دي الهانم لو جرالها حاجة زين بيه هيمو..تني.. ده موصيني عليها... استر يا رب".

رواية زين وعاليا بقلمي ملك إبراهيم. 

في فيلا الشافعي.. قدروا رجال الشرطة تشغيل الكهرباء لحظة سقوط زين على الأرض.

جرت جيلان على زياد وسألها زياد عن أخوه بقلق: "فين زين..؟".

ردت جيلان: "رجع يجيب باسل وتيتة".

رد زياد بفزع: "إييييه".

وجرى بسرعة اتجاه الفيلا عشان يطمن على أخوه.

دخل رجال الشرطة من الباب الخلفي للفيلا وكان نص رجال ديفيد مصابين على الأرض بطلـ.. قات نا..رية والنص التاني رفعوا إيديهم باستسلام عند دخول رجال الشرطة..

قرب زياد من مدخل الفيلا ولقى أخوه واقع على الأرض وبينز..ف.. صر..خ زياد باسم أخوه وهو هيمو..ت من الر..عب عليه.

كانت جدة زين على نفس صدمتها وهي قاعدة على الأرض ورا كنبه كانت بتتحمى فيها ... صوت صر.. اخ زياد باسم أخوه خرجها من صد.. متها... بصت عليه ولقت زين مصاب على الأرض وبنتها ميتة على الأرض وباسل رجال الشرطة قبضوا عليه مع باقي المجر.. مين.. بصت لكل الخراب اللي حصل بسببها.. بناتها الاتنين ماتوا بسببها.. الابن قـ.. تل أمه بسببها.. أحفادها ضاعوا بسببها.. بصت قدامها ولمحت سلا... ح ملقى على الأرض.. قربت من السلا.. ح وأخدته وبصت لجثمان بنتها لآخر مرة وحطت السلا... ح فوق قلبها وغمضت عينيها وضغطت عليه.

سمع الجميع صوت الطـ.. لقة اللي كتمت صوتها في قلبها واخترقت الر... صاصة قلبها بدون رحمة.. ووقعت ميتة في الحال وخسرت آخرتها كما خسرت دنيتها وما.. تت على معصية أكبر من اللي عاشت عليها.

بص باسل على جدته لما قتـ.. لت نفسها بالطريقة دي واتكلم وهو بيبكي: "يا ريتك كنتي عملتي كده من زمان".

رفع زياد راسه وشاف اللي جدته عملته في نفسها واتكلم بحزن: "زودتي ذنوبك بذنب أكبر".

وصر.. خ بأعلى صوته وهو بيطلب إسعاف عشان أخوه.

وصلت عربيات الإسعاف اللي طلبوها الشرطة وأخدوا زين بسرعة.. وركب معاه زياد وهو ماسك إيد أخوه ومش عايز يسيبه.

وبدأ رجال الشرطة يسألوا باسل عن أسماء الجثث اللي كانوا على الأرض.. شاف باسل جثة ديفيد واتكلم بغضب: "ده ديفيد دراع إدوارد اليمين".

اتكلم الظابط بقوة: "وفين إدوارد".

رد باسل: "هقولكم على مكانه بس يا ريت تقبضوا عليه بسرعة قبل ما يهرب..".

وقرب من جثة والدته وقعد على الأرض ومسك إيديها واتكلم ببكاء: "ودي أمي".

ليتابع وهو بيبص للظابط ودموعه بتسيل بندم وحزن: "أنا اللي قتـ.. لتها".

بص الظابط للعساكر اللي معاه واتكلم بهدوء: "خدوه".

قرب رجال الشرطة من باسل وخدوه وأخدوا الأحياء من رجال إدوارد ونقلوا المصابين والأموات لسيارات الإسعاف وأعطى باسل للشرطة عنوان المكان الموجود فيه إدوارد.

رواية زين وعاليا بقلمي ملك إبراهيم. 

في البلد عند عبد التواب وفرحانه.

أعطت الدكتورة حقنة لعاليا النايمة على السرير.. فتحت عاليا عينيها بتعب واتكلمت بضعف: "أنا فين".

اتكلمت فرحانه بسعادة: "حمد لله على السلامة يا ست عاليا.. ألف مبروك".

ردت عاليا وهي بتبص لفرحانه بتشوش: "مبروك على إيه..؟!!".

ردت الدكتورة: "حضرتك حامل".

ابتسمت عاليا واتكلمت بتعب: "بجد أنا حامل".

اتكلمت فرحانه بسعادة: "أيوا يا ست عاليا يا ألف نهار مبروك".

اتكلمت عاليا بتعب وهي بتبص حواليها: "هو زين فين".

ردت فرحانه: " زين بيه لسه ما جاش.. أنا هطلع أكلم عبد التواب يكلمه ويبشره بالخبر".

اتكلمت عاليا بتعب: "لا يا فرحانه.. أنا هقوله أنا بنفسي".

فرحانه بسعادة: "زي ما تحبي يا ست عاليا.. ربنا يفرحكم بيه يا رب".

اتكلمت الدكتورة مع عاليا بهدوء: "يا ريت حضرتك تحاولي ترتاحي وبلاش أي مجهود لأن حضرتك في أول الحمل ومحتاجة الراحة".

حطت عاليا إيديها على بطنها وهي بتفكر في زين وبتتخيل سعادته لما يعرف إنه هيبقى أب.. ردت فرحانه على الدكتورة بسعادة: "اطمني يا دكتورة الست عاليا في عينينا..".

ابتسمت الدكتورة وباركت لعاليا مرة تانية وخرجت مع فرحانه من الأوضة..

حطت عاليا إيديها على قلبها وهي بتشعر بوجع غريب ونزلت دمعة من عينيها واتكلمت بحزن: "انت فين يا زين".

....... 

في المستشفى دخل زين أوضة العمليات وكان زياد واقف وهو هيتجنن على أخوه.

قربت منه جيلان وهي بتبكي وخايفة على زين وعارفة إنه أخد الطـ.. لقة دي وهو بينقذها..

...... 

وصلوا رجال الشرطة المكان اللي فيه إدوارد. حاول إدوارد مقاومة رجال الشرطة باستخدام سلا... حه وإطلاق الـ.. ـنار عليهم.. ردوا عليه بطلـ... قات نا. رية من جميع الاتجاهات وبعد وقت من تبادل الطلـ.. قات بين الشرطة وإدوارد.. وقع إدوارد قتـ.. يل أثر رصا... صة إصا..بة منتصف راسه وأدت لمو... ته في الحال.

...... 

في المستشفى خرج الدكتور من أوضة العمليات.

جرى عليه زياد واتكلم بلهفة: "طمني يا دكتور أخويا كويس".

رد الدكتور بابتسامة: "ما تقلقش أخوك الحمد لله بخير.. الرصا... صة كانت في كتفه وقدرنا نخرجها بسهولة".

ابتسم زياد وهو بيشكر ربنا واتكلم مع الدكتور بسعادة: "ينفع أشوفه".

رد الدكتور بابتسامة: "آه طبعا.. هو هيتنقل لأوضة عادية حالا وتقدر تشوفه".

شكر زياد الدكتور وسجد لله شكر ووقف وهو بيبتسم بسعادة وبيشكر ربنا.

قربت منه جيلان وهي بتبكي واتكلمت بخجل: "الحمد لله إن زين بخير".

بص لها زياد واتكلم بابتسامة: "الحمد لله جيلان".

بصت له جيلان وبكت.. مسك زياد إيديها واتكلم: "جيلان انتي أختنا واحنا مستحيل نتخلى عنك".

بكت أكتر وضمت وشها بإيدها واتكلمت ببكاء: "أنا آسفة يا زياد.. آسفة على كل حاجة".

اتكلم زياد بهدوء: "اهدي يا جيلان وما تقلقيش احنا هنفضل جنبك ومش هنتخلى عنك أبدا".

قرب واحد من رجال الشرطة من زياد وجيلان واتكلم بهدوء: "أستاذ زياد فيه حد تاني من عيلة حضرتك كان موجود في الفيلا".

رد زياد: "لا مفيش حد غيري أنا وزين أخويا الكبير".

الظابط: "وفين باقي عيلة حضرتك".

زياد: "والدي وجدي وزوجة أخويا مسافرين".

الظابط: "تمام.. يا ريت تتفضلوا معايا عشان أسجل أقوالكم في المحضر".

رد زياد بهدوء: "تمام اتفضل".

وأخد زياد جيلان وراحوا مع الظابط.

رواية زين وعاليا بقلمي ملك إبراهيم. 

في الصباح.

صحت عاليا على صوت واحد من الفلاحين وهو بينادي على عبد التواب بصراخ.

الفلاح: "يا عبد التواب.. يا عبد التواب".

خرج عبد التواب واتكلم معاه بغضب: "عايز إيه يا وش البومة انت وبتصرخ ليه على الصبح كده".

رد الراجل: "شوفت المصيبة اللي حصلت لعيلة الشافعي.. أصحاب الأرض".

قامت عاليا من على السرير بفزع لما سمعت ذكره لعيلة الشافعي وخرجت من الأوضة بسرعة.

اتكلم عبد التواب بفز.. ع: "مصيبة إيه الله يخرب بيتك على الصبح".

اتكلم الراجل وهو بيمد إيديه بواحد من الجرايد: "الحاج محمد شاف الخبر ده وبيقول إنه يخص عيلة الشافعي أصحاب الأرض".

أخد منه عبد التواب الجريدة وبص فيها بفزع واتكلم: "بس أنا ما بعرفش أقرا".

خرجت عاليا من الأوضة بسرعة وقربت منه واتكلمت: "فيه إيه يا عبد التواب".

رد عبد التواب: "مش عارف يا هانم".

أخدت منه عاليا الجريدة وقرأت الخبر الرئيسي وهو.

《مصر..ع اثنان من عائلة الشافعي على يد الما..فيا وإصابة رجل الأعمال زين الشافعي ونقله إلى المستشفى》....بقلمي ملك إبراهيم.

... يتبع