رواية انا لك قدرا من الفصل الاول للاخير بقلم ايمان احمد
رواية انا لك قدرا من الفصل الاول للاخير هي رواية من كتابة ايمان احمد رواية انا لك قدرا من الفصل الاول للاخير لاول مرة على موقع التواصل الاجتماعى فيسبوك رواية انا لك قدرا من الفصل الاول للاخير حقق تفاعل كبير على الفيسبوك لذلك سنعرض لكم رواية انا لك قدرا من الفصل الاول للاخير
رواية انا لك قدرا من الفصل الاول للاخير
يلا ياحبيبتي لمى هدومك وامشى
نعم انتى بتقوليلى انا امشى؟؟
زيزى بسخرية: وفى حد تالت معانا فى البيت ايوا بقولك انتى
فرح: انتى ازاى تكلمينى بالطريقة دى وبعدين ده بيتى زى ماهو بيتك
فى ايه ياجماعه صوتكم عالى ليه
فرح: تعالى شوف يامعاذ زيزى بتطردنى من البيت
معاذ: الكلام ده صحيح يازيزى
زيزى بقسوة: ايوا صح احنا مش كنا جايبنها عشان حاجة معينة والحاجة دى حصلت يبقى تغو*ر من هنا
فرح بصدمة: حاجة معينة يعنى ايه... انا مش فاهمه حاجة معاذ قول حاجة
معاذ بضيق: مش وقته يازيزى خالص
زيزى: لا ده وقته بصى ياحبيبتي انتى طبعا عارفه ان معاذ اجوزك انتى عشان يخلف منك لانى للاسف مبخلفش... بس بقى ياقلبى الل انتى متعرفوش اننا اتفقنا انك اول ماتخلفى حبيبى معاذ هيطلقك
فرح بصدمة: ايه؟؟ معاذ هيا بتقول ايه يامعاذ هيا... هيا اكيد بتكدب... ايوا صح انت مش هطلقنى... اتكلم ساكت ليه
معاذ: كلامها مظبوط يافرح
فرح وهيا حاطة ايدها على بطنها مكان الجرح وقالت بألم ودمعوها نازلة
يعنى ايه! هطلقنى بعد ماجبتلك الواد هترمينى فى الشارع انا وابنك
معاذ بنفى: لاطبعا... ابنى هيفضل هنا
استغلت زيزى الفرصة عشان تعرف فرح بحاجة تانية هتصدمها
ايوا ابنى هيفضل هنا معايا انا وابوه وانتى هتمشى من هنا ياحبيبتي
فرح بصدمة: ابنك!؟ ابنك مين ده ابنى انا وهاخده معايا وانا ماشية ومش عايزة اشوف وشك فى حياتى يامعاذ انت انسان قذر متستحقش حبى ليك
زيزى باستفزاز: لا ياقلبى انا مش هسيب زين ابنى وحبيبى
فرح بانفعال: انتى مالك ومال ابنى
زيزى: تؤ تؤ هو انت مقولتلهاش ياحبييى
فرح بدموع: مقاليش ايه تانى!
زيزى: تمام هقولك انا اصل معاذ حبيبى كتب فى شهادة الميلاد اسم الام زيزى يعنى انا ياقلبى
وقع الكلام على فرح زى الصاعقة وقالت وهيا بتهز راسها بنفى
=انتم مجااان*ين باين عليكم واد مين الل ابنك ازاى يعنى انا امه انتى بتزورى شهادة ميلاد ابنى ياولاد**
زيزى: تؤ تؤ متشتميش ام ابنك عيب
دخل معاذ اوضته وبعدها طلع ومعاه شيك مسك قلم وكتب فيه رقم وبعدها اداها الشيك
=ده نص مليون جنيه اظن انا كدة مظلمتكيش
خدت منه الشيك بصت فيه شوية وبعدين بصت لزيزى ومعاذ الل كانوا بيبصوا لعبض وفرحانين انها وافقت تسبلهم الطفل بس انصدموا اما فرح قطعت الشيك ميت حتة ورمته فى وش معاذ
=انا مش عايزة فلوس منكم انا هاخد ابنى وامشى
مسك معاذ، ايدها وقال بغضب: قولتلك مش هتاخدى الواد انا عملت الواجب معاكى وكتبتلك مبلغ محترم بس انتى الل مش عاجبك
فرح: بجد مش قادرة اصدقك انت معاذ الل حبيته ازاى تعمل كدة تزور شهادة ميلاد ابنى وعايز تحرمنى منه ليه انا عملتلك ايه.. بس انا مش هسكت انا هوديكم فى داهية هطلع على القسم وابلغ عنكم حالا
زيزى بخبث: وفكرك ياحبيبتي هتعرفى تثبتى علينا حاجة انتى ناسية احنا مين
فرح بعياط: معاذ ابوس ايدك خلينى اخد ابنى وامشى
زيزى: بس كفااااية يابت انتى معاذ ارمى عليها اليمين
معاذ بتردد: انتى انتى... انتى طا.. انتى طالق
زيزى بقسوة: بالتلاته طلقها بالتلاته
فرح بعياط: لا يامعاذ حرام عليك ابوس ايدك انا مستعدة اعيش خدامه عندك بس مع ابنى متبعدنيش عنه
مسكتها زيزى من شعرها وطلعتها وقفلت الباب اما فرح فكانت حاطه ايدها على بطنها بألم كبير وجرحها بدأ ينزف سمعت صوت ابنها الصغير وهو بيعيط جامد فده وجعها اكتر
فرح وهيا بتزق الباب بعنف: معاذ افتح حرام عليك ابنى بيعيط خلينى اوكله... معاذ حرام عليك الولد جعان
فضلت تبكى وهيا سامعة صوت ابنها بيعيط وكان قلبها وجعها مشيت اما لقت مفيش امل ان معاذ يديها ابنها وهيا بتستحلف انها هتنتقم منهم وهترجع ابنها لحضنها
وصلت بيتها وكانت بتخبط على الباب بتعب وهيا ساندة بجسمها على الباب ففتحت ست كبيرة الباب وشهقت بصدمة من منظر فرح الل كانت واقفة بملابس منزلية وحاطة ايدها على بطنها الل بتنزف
ياحبيبتي يابنتى ياحبيبتي صفاااااء الحقينى ياصفاء
صفاء: فى ايه ياما... يامصيب*تى بنتى حصلها ايه حصلها ايه
ساندوها ودخلوها على سريرها
صفاء بعياط: ياحبيبتي يابنتى ايه الل حصلك وازاى جوزك يسيبك تنزلى وانتى بالوضع ده انتى لسة والده مكملتيش اسبوع.. انتم اتخانقتوا
ياصفاء يابنتى سيبى البنت تاخد نفسها..... احنا لازم نطلبلها الدكتور
فرح بتعب وصوت ضعيف: معا.. معاذ طل.. طلقنى وخد ابنى
وقتها سمعوا الباب بيخبط بعنف فجريت جدة فرح تشوف مين وفتحت انصدمت اما شافت معاذ
جدة فرح بغضب: ايه ال انت عملته فى فرح ده
معاذ: فين فرح؟؟
جدة فرح بغضب: فى ايه ال حصل بينكم عايزين نفهم
معاذ بغضب: بقول هياااا فين
خرجت فرح وهيا بتمشى بتعب ووالدتها سانداها
فرح بألم: جاى ليه بعد ال عملته فيا؟ وفين ابنى يامعاذ
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
ـ فين ابنى يامعاذ !؟
وقف معاذ قدامها ببرود واضح، ورد بنبرة هادئة مستفزة: ـ فرح انا جاى اتكلم معاكى قدام عيلتك وياريت تعقلوها.
صرخت فيه بانهيار: ـ تتكلم على ايه!؟ انا مش عايزة اتكلم مع حيو. ان زيك، انا عايزة ابنى وبس!
دخلت صفاء فى الكلام بغضب: ـ أيوة رجع ابن بنتى واحنا مش عايزين منك حاجة.
رفع معاذ حاجبه بغرور وقال: ـ انا مستحيل اتنازل عن ابنى الوحيد ياصفاء... بس عندى عرض ليكم حلو.
اتسعت عينا صفاء بصدمة وقالت: ـ صفاء!؟ وكنت عامل نفسك ملاك قدامنا وبتحترمنا؟ الظاهر إننا انخدعنا فيك.
لوّح معاذ بيده بلا مبالاة: ـ سيبك من الكلام التافه ده ياصفاء، انا كنت هعرض على بنتك عرض... إنى هشتريلها شقة تعيش فيها بعيد عن زيزى خالص، وده يفضل سر بينا.
نظرت له فرح بعدم استيعاب وهمست بدهشة: ـ انت... انت أكيد اتجننت! فاكرنى هعيش معاك بعد اللى عملته فيا؟
اقترب منها معاذ وهو يقول بثقة: ـ فرح انا مش مستغنى عنك، انا نفسى أخلف تانى وتالت وزيزى مش هتقدر تجيبلى عيال. بصى... احنا هنسيب زين لزيزى ونفهمها إننا اطلقنا عادى، وياستى ربنا هيعوضنا بعيال تانية.
فى لحظة انفجار، مسكت فرح تلابيب قميصه بعنف وهى تصرخ بكره: ـ آه ياواطى! عايزنى أتخلى عن ابنى بالسهولة دى؟ وقول بقى كده... عايز ترجعنى عشان أخلف وبعدين ترمينى؟ فاكرنى هبلة!؟
أبعد معاذ يدها عنه بقوة وقال بتحذير: ـ نزلى إيدك... أوعى تنسى نفسك، أحسنلك.
اتقدمت صفاء ناحيته بغضب: ـ انت جاى تهددنا فى بيتنا؟ امشى! اطلع برة بدل ما نعملك فضيحة هنا ونقول بيتهجم علينا.
هز كتفه ببرود: ـ ماشى... همشى. بس قدامك لحد بكرا تفكرى فى العرض اللى عرضته عليكى.
استدار ليمشى، لكن صوت فرح أوقفه: ـ استنى يامعاذ... ابنى اللى خدته منى هرجعه لحضنى تانى.
التفت لها بابتسامة ساخرة قبل ما يخرج من البيت، تارك وراه صمت موجع.
قعدت صفاء جنب بنتها وهى بتقول بقلق: ـ هنعمل ايه يابنتى دلوقتى؟
انهارت فرح أكتر وقالت بحزن: ـ ماما انا عايزة ابنى... لازم أرجعه. معاذ ده ميهمنيش فى حاجة، بس ابنى كل حياتى، مش هقدر أعيش من غيره. انا عايزة زين ياماما... أكيد محتاجنى، ده لسه صغير.
تنهدت جدتها وقالت ببرود: ـ واحنا فى إيدنا نعمل ايه بقى؟ جوزك وعيلته ناس قادرة واحنا مش قدهم. ايه المشكلة لو كنتى وافقتى تاخدى مبلغ وتسيبلهم الواد؟ هما كده كده هياخدوه منك، فخلينا نطلع بأقل خساير.
التفتت لها صفاء بانفعال شديد: ـ انتى بتقولى ايه!؟ مش كفاية إنك السبب؟ انا مكنتش موافقة على الجوازة دى من الأول، مكنتش حابة بنتى تتجوز واحد متجوز!
ردت الجدة بضيق: ـ الحق عليا اللى كنت عايزة بنت ابنى تجوز جوازة مرتاحة! بقيت انا الغلط دلوقتى؟
صرخت فرح وهى تبكى: ـ بسسس... كفاية! انتوا الاتنين مش وقته. ماما انا عايزة زين... انا هروح أخده.
أمسكتها صفاء بسرعة وهى تحاول تهديها: ـ طب استنى يابنتى أما تبقى كويسة، حتى مش شايفة حالتك عاملة إزاى؟
نزلت دموع فرح بغزارة وهى تهمس بصوت متقطع: ـ مش مهم... المهم ابنى. هو محتاجنى، لسه صغير وعايزنى... زمانه بيعيط دلوقتى. زيزى مش هتعرف تتعامل معاه ياماما... انا قلبى بيتقطع وابنى بعيد عنى.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
سحبتها صفاء لحضنها، وطبطبت عليها بحنية وألم، وهى حاسة بعجز عمرها ما حست بيه قبل كده.
ــــــــــــــــــــــ
فى بيت معاذ...
كان معاذ شايل زين وبيحاول يسكته، لكن الطفل كان بيصرخ بعياط متواصل.
قال معاذ بعصبية: ـ خلصتى يازيزى؟ الولد جعان مش مبطل عياط.
ردت من المطبخ باستعجال: ـ حاضر... حاضر خلصت أهو.
خرجت بعدها بسرعة، وخدت زين من إيده وبدأت ترضعه بلطف.
سألها معاذ بقلق: ـ متأكدة إنك عاملاه زى ما مكتوب على العلبة؟
ابتسمت زيزى بثقة: ـ متخافش ياحبيبى، عملت زى ما مكتوب بالظبط، غير إنى سألت ماما... هى عندها خبرة.
هدأت ملامح معاذ وهو بيبوس إيد زين بحنية: ـ يعنى مش محتاجة لمربية ياحبيبتى تساعدك؟
رفعت زيزى عينيها ليه بسرعة: ـ لا طبعًا مش محتاجة لحد... وبعدين مش عايزاك تعاملنى كأنى مش أم زين.
هزت راسها بنفى: ـ لا طبعًا ياحبيبتى، انا بس مش عايز أتعبك. وبعدين زين يبقى ابنك وبس... مش عايز أسمعك بتقولى كده تانى.
ابتسمت له بحب حقيقى: ـ شكرًا ليك يامعاذ إنك وافقت تدينى زين... انا افتكرت إنك وقعت فى حب البنت دى وهتتراجع عن اتفاقنا.
سكت معاذ للحظات وراح فى شروده، فضيقت زيزى عينيها وقالت بشك: ـ معاذ... معاذ!
انتبه بسرعة: ـ أيوة... أيوة يازيزى.
رفعت إحدى حاجبيها وهى تسأله: ـ روحت فين؟
رد بتوتر خفيف: ـ معاكى... معاكى. كنتى بتقولى ايه؟
قالت وهى بتراقب ملامحه: ـ كنت بقولك إنى شكيت للحظة إنك وقعت فى حب فرح.
ضحك معاذ بسخرية واضحة: ـ فرح مين دى اللى أحبها؟ انتى الست الوحيدة اللى حبيتها فى حياتى.
ثم أمسك يدها وقبّلها برقة.
آسفة إنى بقاطع عليكم اللحظة الرومانسية دى.
انتفض الاتنين بفزع، والتفتوا ناحية الباب.
صرخت زيزى بغضب وصدمة: ـ انتى!؟ انتى دخلتى هنا إزاى؟
للانضمام لقناة الواتساب اضغط هنا
↚
زيزى بغضب: انتى!؟ انتى دخلتى هنا ازاى
ردت فرح بسخرية وهيا بتوريها المفتاح
=انتى نسيتى ولا ايه ده كان بيتى زى ماهو بيتك ياروحى
زيزى بغضب من نفسها: ازاى نسيت حاجة زى دى.... انتى ايه الل جابك؟
فرح بسخرية: جيت أرد على عرض التمثال الل واقف جمبك ده
زيزى باستغراب وهيا بتبص لمعاذ: عرض عرض ايه
بلع معاذ ريقه بتوتر وبعدها مسك ايد فرح وقال باارتباك
=انتى باين عليكى اتجنن*تى مش قولتلك مش عايز اشوف وشك تانى
زقت فرح ايده وقالت بااستفزاز
=تؤ تؤ مكنش ده كلامك لما جيتلى امبارح
زيزى بغضب: انا مش فاهمه حاجة بتتكلموا على ايه وعرض ايه ده
فرح بابتسامة ثقة: اقولك انا ياحبيبتي اصل جوزى اقصد طليقى يعنى جه عرض عليا عرض فى بيتنا وقدام اهلى انه يرجعنى لذمته ويجيبلى بيت بعيد عنك خالص وادانى مهلة يوم افكر مش كان يوم برضه يا.. ياجوزى السابق
زيزى بغضب: انتى بتخرف*ى تقولى ايه
فرح بااستفزاز: لا انا مبخرفش حتى اسألى جوزك
زيزى بنرفزة: ماتتكلم تقول حاجة يامعااااذ ساااكت ليييه!!
فرح باستفزاز: رد على مراتك يامعاذ
معاذ باانفعال: انتى تسكتى خالص
بصتله زيزى بغضب وقالت: يعنى كلامها صح انت فعلا روحتلها عايز ترجعها تانى يامعاذ
معاذ: انتى هتصدقيها
زيزى: ايوا مصدقة انا بسألك مش بترد عايز ترجعها ليه يامعاذ
كانت فرح بتبص عليهم بشماته وهيا شايفاهم بيتخانقوا
زق معاذ فرح الل كانت هتقع بس تماسكت وقال بغضب
=يلا غور*ى من هنا مش عملتى الل انتى عايزاه ووقعتى بينا
فرح بسخرية: طب على مهلك طيب
زيزى بغضب: امشى اطلعى برا لو انتى فاكرة انك هتقدرى تاخدى منى معاذ وزين فانتى غلطانة لامعاذ هيكون ليكى ولا عمرك هتسمعى كلمة ماما من زين عااااارفة ليه لان انا الل هربيه هخليه ابنى يافرح
كلامها استفز فرح جدا بس قربت منها وقالت ببرود
بالنسبة لمعاذ فانا مش عايزاه سايبهولك عر*ة الرجالة ده اما ابنى يازيزى فوعد شرف انى هرجعه لحضنى تانى وهتشوفى
ضحكت زيزى بصوت عالى وقالت: ترجعيه لحضنك تانى! وهو من امتى وكان فى حضنك ياحبيبتي ناسية انك من ساعة ماولدتى وزين فى حضنى انا يدوب كنت بجبهولك بس عشان ترضعيه
حست فرح بالندم انها كانت طيبة معاها للدرجادى
فرح بندم: دى غلطتى فعلا انك صعبتى عليا وقولت انك بقالك سنين محرومة من الخلفة قولت مفيهاش حاجة اما ادهولك طالما ده هيبسطك بس طلعتى متستاهليش كنت هبل*ة اما فكرت فيكى
زيزى بشر: ايوا بالظبط انتى كنتى هبل*ة انك وثقتى فيا وكانت النتيجة انك خسرتى ابنك انا بقى ياحبيبتي مش هبل*ة زيك لانى مش هشارك ابنى مع اى حد ولا هسمحلك تقربى حتى منه
فرح بسخرية: ابنك!؟ انتى هتكدبى الكدبة وتصدقيها ولا ايه
هنا ادخل معاذ اما لقى حوارهم زاد فوجه كلامه لفرح
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
=بقولك ايه كفاااية يلا بررة بقى عشان مبقتش طايق وجودك اكتر
كانت لسة هترد عليه بس قاطعها صوت عياط زين فتجمعت الدموع فى عنيها وبتلقائية منها راحت عشان تاخده من زيزى الل كانت شايلاه وبتهز فيه عشان يسكت بس اول مازيزى شافتها بعدت خطوة وقالت بجنون
= اتصرف مع البنت دى يامعاااذ بدل ماجبيلها الامن يطردوها برة
مسكها معاذ من ايدها وهو بيجرها ناحية الباب وكانت فرح بتحاول تبعده عنها
=سيبنى يامعاذ حرام عليك طب خلينى اشوفه لمرة واحده... عايزة بس اشيله فى حضنى يامعاذ
اما زيزى فكانت حاضنة زين وبتقول بخوف
=محدش هياخدك منى لا محدش هياخدك انت ابنى انا
زقها معاذ عند الباب وقبل مايقفل قال بشماتة
=ياريت مشوفش وشك هنا تانى يافرح ولا انتى حبيتى الذ*ل الل بتشوفيه اما بتيجى هنا اصلك ياعينى صعبتى اوى عليا
فرح وهيا بتزيح دموعها بعنف
=ماشى يامعاذ انا هوريك
مشيت فرح ودموعها كانت مغرقة وشها وهيا بتفتكر ابنها وزيزى واخده فى حضنها وهيا الاحق بيه منها
بعدها وقفت تاكسى
السواق: على فين يامدام
فرح: خدنى على.. سكتت شوية وبعدها خطرلها فكرة
بعد شوية كانت فرح وصلت قدام فيلا كبيرة وقدامها حرس كتير جدا
اتوترت فرح من منظر الحرس وقالت بتوتر لواحد فيهم
مش ده... مش ده بيت عماد بيه؟؟
رد الحارس بغلظة: ايوا انتى مين وعايزة ايه؟؟
بلعت فرح ريقها بخوف وقالت
=قوله فرح مرات معاذ عايزة تقابلك
دخل الحارس وقال لعماد الل اول ماسمع ان فرح عايزة تقابله قاله يدخلها علطول وبالفعل دخلت فرح وقعدت فى مكتب عماد وكانت بتفرك ايدها بخوف وهيا بتاخد نفسها بصعوبة
عماد: هاا يابنتى تحبى تشربى ايه؟
فرح بتوتر: شكرا ياعمى انا مش عايزة حاجة انا كنت جاية احكيلك على الل معاذ عمله معايا هو وزيزى وانا عارفة انك راجل حقانى واكيد هتقف مع الحق
عماد وهو بيعدل نضارته: قوليلى بس يابنتى ايه الل حصل قلقتينى
اتشجعت فرح وقالت: انا عارفة الل هقوله هيصدمك بس والله ده الل حصل وانت هتقف مع واحدة مظلومة عايزة ترجع ابنها لحضنها
عماد: يابنتى انا مش فاهم حاجة
فرح: طيب هحكيلك
بدأت فرح تحكيله كل حاجه بالتفصيل بعد ماخلصت عيطت
فقام عماد من مكانه ومسك ايدها وقال بغضب
=انتى بتعيطى ليه متعيطش انتى جتيلى لحد عندى وانا بقولك ان ابنك هيبات فى حضنك النهاردة يلا تعالى معايا
فرح ودموعها نازلة: هنروح على فين!؟
عماد: نرجع ابنك
وفعلا خدها فى عربيتة وبعد وقت كانوا وصلوا لبيت معاذ
زيزى بغضب: مين الغبى الل بيخبط الباب بالطريقة دى الواد لسة منيماه هيصحى....
حطت زين على سريره بهدوء وطلعت فتحت الباب كانت لسة هتشتم بس انصدمت اما شافت فرح فى وشها
زيزى باانفعال: انتى! ايه الل جابك تانى انتى مبتفهميش ولا ايه مش وراكى غيرنا
كانت الصدمه الاكبر لزيزى لما
جه عماد من خلف الباب وقال بنبرة لاتقبل النقاش: ادى زين لامه الحقيقية يازيزى
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
انتى! ايه الل جابك تانى انتى مبتفهميش ولا ايه مش وراكى غيرنا
كانت الصدمه الاكبر لزيزى لما
جه عماد من خلف الباب وقال بنبرة لاتقبل النقاش: ادى زين لامه الحقيقية يازيزى
زيزى بصدمة: انت بتقول ايه يابابا!؟
دخل عماد هو وفرح وقفل الباب وقعد فقالت زيزى برفض
=لا يابابا مش هدى ابنى لحد
عماد: انتى بتكدبى على نفسك ولا علينا الواد مش ابنك والكل عارف
بصت زيزى بغضب لفرح الل كانت بتبصلها بتحدى
=كل ده ميهمنيش زين محدش هياخده منى
عماد بصوت عالى: وانا قولت ان الواد هيرجع لامه وكلمتى الل هتمشى يازيزى
زيزى باانفعال: انت بتقف معااااها هياااا بدل ماتقف مع بنتك ليييه.. لييييه ياباااااابا
عماد: لان ده الحق انتى بنتى وبحبك اكتر من اى حاجه وعايزك تكونى مبسوطة بس مش على حساب واحدة ام مظلومة... ادى الواد لامه يازيزى مش هكررها
زيزى برفض: لا لا يابابا ارجوك متجبرنيش انا مش هدى زين لحد متهدش كل الل عملته انا خليته يبقى ابنى مش هتخلى عنه بعد ماعملت المستحيل عشان يبقى فى حضنى انا استحملت البنى ادمة دى تفضل مع جوزى سنة وكنت بموت من غيرتى عليه كل ده عشان ابقى ام
هنا ادخلت فرح وقالت بحزن: كفاااية بقى يازيزى سبينى انا وابنى فى حالنا ابعدى عن حياتنا
عماد بنفاذ صبر: يعنى مش هتجيبى الواد بنفسك ماشى.... انا هجيبه بنفسى
ودخل يدور على زين وهو بيفتح الاوض لحد ما دخل الاوضة الل كان موجود فيها كان على سريره فشاله بهدوء دخلت وراه زيزى وهيا بتحاول تاخده منه
=لا يابابا متاخدش منى زين حرام عليك يابابا عشان خاطرى رجعلى ابنى
تجاهلها عماد وخرج واده زين لفرح الل حضنته باشتياق كبير وهيا بتبوس فيه بحنان اما زيزى فكانت بتحاول انها تاخد منها الواد بس عماد مسكها وقدر يسيطر عليها وبعدها وجه كلامه لفرح
=امشى يافرح ومتجيش تانى هنا خالص امشى يابنتى
وفعلا خدت ابنها وجريت وهيا بتسمع صياح زيزى
زيزى وهيا بتزق والدها
=لييييه يابااااااابا حرااااام علييييك لييييييه
عماد بخوف عليها: اهدى يابنتى اهدى
=مش عاااااايزة اهددى انا عاااااايزة زيييين عاااااايزة ابنى
كان معاذ وصل ولما شاف حالة الانهيار الل زيزى فيها انصدم
فى ايه يازيزى مالك! عمى! فى ايه ايه الل بيحصل هنا؟
عماد: تعالى الحق مراتك يامعاذ عشان مش قادر عليها
كانت زيزى بتكسر فى كل حاجة تقابيلها قرب معاذ منها وبعدها قدر يكتف حركتها وخدها فى حضنه
معاذ: اهدى بس الل بتعمليه ده هيأذى الولد انتى ناسية انه صغير و
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
زيزى بصراخ: بااابا ادلها الواد انا عايزة ابنى عايزة زين ليه يابابا عملت فيا كدة ليه
بعدها انهارت على الارض
معاذ بصدمه: انت عملت كدة فعلا ياعمى اديت ابنى لفرح
عماد بهدوء: ايوا
معاذ بغضب: انت بأى حق تقرر تعمل كدة
عماد: انا عملت ال كان مفروض تعمله انت
معاذ: شايف الحاله ال بنتك فيها انت السبب مراتى وابنى لو حصلهم حاجة عمرى ماهسامحك
قال كلامه وهو بيتجه بسرعه ناحية الباب
عماد: انت رايح على فين؟
معاذ: هرجع ابنى
روحت فرح بسرعه بيتها وهيا شايله زين فضلت تخبط لحد ماصفاء فتحت
صفاء مجرد ماشافتها جايبة زين فرحت وقالت بسعادة
= مش معقول رجعتى زين ازاى؟
فرح باستعجال: خدى ياماما زين عنى
خدته صفاء منها اما فرح فدخلت اوضتها جرى وفتحت الدولاب بدأت تلم حاجتها
دخلت عليها صفاء قالت باستغراب: انتى بتعملى ايه يابنتى
فى نفس الوقت كانت جدة فرح شافتها وهيا بتلم هدومها
وهيبة: انتم هتعزلوا من البيت ولا ايه ياصفاء ايه ال بيحصل هنا؟
صفاء: اصبرى انتى ياما... ماتردى يابنتى رايحه فين بتلمى حاجتك ليه؟
فرح وهيا بتقفل الشنطة وبتاخد زين من صفاء: الحقوا لموا هدومكم بسرعه هنسيب البيت ده
وهيبة شهقت وقالت: بيت ايه ال نسيبه يابنت ابنى احنا عندنا بيت تانى نروح غيره
فرح باستعجال: ياتيته حاولى تفهمينى ولو مرة واحدة انا خدت زين واكيد معاذ وزيزى هييجوا ياخدوه منى
صفاء باعتراض: ازاى هيقدروا ياخدوا الولد منك الطفل فى حضانتك انتى يابنتى
فرح: هشرحلك بعدين القصة ياماما بس المهم اننا لازم نمشى حالا
وهيبة: نمشى نروح فين يابنت ابنى
فرح باستعجال وتوتر: هأجر شقة مؤقتا ياتيته
وهيبة باعتراض: ايه يعنى نسيب بيتنا الملك ونروح نقعد بالايجار ايه الخيبة دى
فرح: مش قدامنا حل تانى لو فضلتم هنا معاذ وزيزى مش هيسبوكم فى حالكم تعالوا معايا يلا معندناش وقت
صفاء: انا هاجى معاكى يابنتى فى اى مكان تروحيه المهم تكونى انتى وحفيدى بخير
بصت فرح لجدتها فقالت وهيبة برفض: انا عشت طول عمرى فى البيت ده وهموت فيه
فرح خدت شنطتها واتجهت ناحية الباب: انتى حرة ياتيته
وقبل ماتفتح الباب انصدمت بصوت تخبيط قوى على الباب اعصابها كلها سابت
بصت من الخرم البسيط الموجود فى الباب وكانت الصدمه معاذ ورجالته
الرعب اتملكها خصوصها اما اتحولت الخبطات لزق عنيف على الباب
فرح حضنت ابنها بخوف وبصت لجدتها ووالدتها وقالت ودموعها نازلة
= هنعمل ايه معاز جاى وناوى على الشر هياخد زين
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
هنعمل ايه معاز جاى وناوى على الشر هياخد زين
صفاء بصت على الباب ال كان على وشك انه ينكسر وقالت بسرعه
اهربى يابنتى يلا بسرعه
فرح بخوف: اهرب ازاى وانتم!؟
صفاء: بسرعه يابنتى من فوق السطوح خدى ابنك ويلا متخافيش علينا
بصت فرح على الباب بخوف ملقتش قدامها حل تانى غير انها تسمع كلام والدتها
جريت فرح طلعت السطح وفى نفس اللحظة كان رجالة معاز كسروا الباب ودخلوا البيت يدوروا على فرح
اما فرح فكانت واقفه مكانها مش عارفة تتصرف بتبص على المسافة لل مابين السطح والارض بخوف ورغم ان المسافة كانت صغيرة جدا انها تنط لكنها مكنتش هتقدر تعمل كدة وابنها فى ايدها دموعها نزلت وهيا مش عارفة تعمل ايه لكنها فجأة سمعت صوت من الاسفل
فرح.. فرح انتى واقفة عندك ليه
فرح: الحقنى ياسامر الحقنى معاز جاى وعايز ياخد منى ابنى انقذنى ارجوك
سام باستغراب: مش فاهم ليه انتم اتخانقتوا
فرح باستعجال: مفيش وقت احكيلك انقذنا ار..
اتوقفت عن الكلام اما سمعت صوت خطوات على السلم
فرح برعب: دول طالعين اعمل ايه
سام: احدفى الولد وبعدها نطى علطول
قالت بخوف: بس
سام: يلا يافرح متخافيش انا مش هسيبه يقع عمرى ماأذى ابنك ياحبيبتي
وفعلاً…
غمضت فرح عينيها للحظة كأنها بتسلّم روحها، وبإيدين بترتعش رمَت زين ناحية سامر وهي بتصرخ:
= خُد بالك منه!
سامر التقط الطفل بسرعة وثبّته في حضنه، وقبل ما تلحق فرح تاخد نفسها…
سمعت صوت باب السطح بيتفتح بعنف.
اتجمدت مكانها.
صوت معاذ جه وراها زي السكين:
= خلاص يا فرح… اللعبة انتهت.
لفّت ببطء، ودموعها مغرقة وشها، وقلبها بيدق بعنف.
بصتله وقالت بصوت مكسور لكن متحدي:
= ابنى خلاص مش معايا… مش هتعرف تاخده.
بص وراها بسرعة… ملقاش حد.
جري على الحافة وبص تحت… وشاف سامر وهو بيجري وزين في حضنه.
= ساااامر!
صرخ معاذ بغضب جنوني، ولف بسرعة ناحية رجالتُه:
= انزلوا وراه! هاتوه بأي طريقة!
رجالة معاذ جريوا على السلم، لكن فرح اتحركت فجأة ووقفت قدام الباب، فاتحة دراعاتها.
= محدش هينزل.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
معاذ بص لها بذهول لحظة… وبعدين ضحك بسخرية:
= انتى اتجننتى؟ هتمنعينى؟
= اه… لو ده آخر حاجة هعملها في حياتي.
قرب منها بخطوات تقيلة، عينه مليانة شر:
= ابعدى يا فرح… متخلنيش أندم إني سيبتك تعيشي لحد دلوقتي.
الكلمة وقعت تقيلة… لكنها مردتش.
بس وقفت أقوى.
في اللحظة دي… سمعوا صوت عربيات الشرطه
كلهم سكتوا.
معاذ لف براسه بحدة:
= انتى بلغتى عنى يافرح!؟
فرح ابتسمت لأول مرة… ابتسامة فيها وجع وانتصار في نفس الوقت:
= أيوا.. ولا كنت فاكرنى هخاف منك انا هوديك فى داهية انت ومراتك الحرباية
اتغير وش معاذ فجأة… ملامحه شدّت.
= محدش غيرك هينضر وانتى عارفة كويس انا مين واقدر اعمل ايه
قالت بشجاعه: قولتلك مش خايفة منك
فى نفس الوقت كانت الشرطه اقتحمت المكان وحاصروا معاذ و رجالته
الظابط: انت مقبوض عليك بتهمة التعدى على طليقتك
وقبل مايتقبض عليه قرب منها جدًا وقال بصوت واطي مرعب:
= انا مش هقعد فى الحبس يوم بس خافى منى اما اطلعلك لانك هتشوفى معاذ تانى عمرك ماشوفتيه فى حياتك
ومجرد مالبوليس غادر
فرح سابت الباب أخيرًا، وقعت على الأرض… ودموعها نزلت بحرقة، بس المرة دي مش ضعف…
انما فرحه أول مرة تحس إنها أخدت خطوة حقيقية عشان ترجع ابنها.
بعدها قامت جريت تشوف جدتها ووالدتها
_ ماما.. ماما
اترمت فى حضن والدتها وعيطت
طبطبت صفاء عليها بحنية وقالت
= خلاص ياحبيبتي متخافيش مش هيقدر يعملك حاجة بس.. فين فين زين
فرح وهيا بتزيح دموعها: سامر خده
صفاء باستغراب: سامر ابنى! ازاى؟
فرح باستعجال: دى قصة طويلة ياماما انا لازم ارن على سامر، اطمن عليه هو وزين واشوفه خده فين
وهيبة بغضب: بتعرضى حياة حفيدى للخطر عشان المحروس ابنك
صفاء بحدة: ماما ايه ال انتى بتقوليه ده مش وقته الله يخليكى
فرح بحزن: متخافيش ياتيته انا عمرى ماعرض حياة اخويا او حياة حد فيكم للخطر انا هرن على سامر اعرف مكانه هاخد ابنى وامشى من هنا مش هوريكم وشى
صفاء بحزن: لا ياحبيبتي اوعى تقولى كدة البيت ده بيتك وعمرك ماهتسبيه
فرح بحزن: معلش ياماما سامحينى
طلعت موبايلها ترن على سامر
لكن في نفس اللحظة…
في الشارع…
سامر كان بيجري وزين في حضنه… فجأة وقف.
لأنه لمح عربية سودا واقفة قدامه…
ونازل منها شخص…
ابتسم ابتسامة باردة وقال:
= ادينى الولد بهدوء… بدل ما الموضوع يكبر.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
هات الولد بهدوء… بدل ما الموضوع يكبر."
قالها بصوت هادي، لكن نبرته كان فيها تهديد صريح.
رفع سامر عينه له باستغراب، وهو يشد الطفل أكتر لحضنه، وقال بحدة:
"إنت مين وعايز إيه؟"
ابتسم الآخر ابتسامة باردة، وقال:
"أنا مين… ده مش شغلك. إنما أنا عايز إيه، فقلتلك… عايز الطفل، وهسيبك تمشي كأنك ما شوفتنيش."
اتغيرت ملامح سامر، والغضب اشتعل في عينه:
"وأنا مستحيل أديك ابن أختي… حتى لو هموت عشانه! قول لمعاذ اللي باعتك إنه لا هيطول أختي ولا ابنها."
رفع الرجل حاجبه بسخرية خفيفة:
"ممم… بس مش معاذ اللي باعتني."
سكت لحظة، وبعدين قرب خطوة، وقال بنبرة أخف:
"طب إيه رأيك نعمل صفقة؟ وأوعدك… هتكون صفقة رابحة ليك."
ضغط سامر على أسنانه وقال بعصبية:
"الظاهر إنك مش بتفهم!"
لف عشان يمشي، وخطوته كانت سريعة ومتوترة… لكن صوته وقفه:
"اتنين مليون جنيه… في مقابل الطفل."
تجمدت خطواته لثواني… بس كمل مشي، وكأنه بيحاول يهرب من الكلام قبل ما يسيطر عليه.
لكن الرجل ما سكتش، صوته لحقه زي سمّ بيتزرع في ودنه:
"بتحب بنت اسمها وعد… بقالك خمس سنين، صح؟"
وقف سامر فجأة.
"سابتك وراحت لغيرك… عشان إنت فقير."
إيده شدت على الطفل أكتر، ونفسه بدأ يعلو.
"مش نفسك يبقى معاك فلوس؟ و تخليها تندم إنها سابتك؟"
لف سامر ببطء، وعينه مليانة صراع واضح.
قرب منه الرجل، وصوته بقى أخفض:
"أنا هديك فلوس تخليك غني… وهظبطلك شغل في شركة محترمة، مرتب عمرك ما حلمت بيه."
سكت سامر… لكن المرة دي مش تجاهل.
الكلام بدأ يلف في دماغه…
صورة وعد… ضحكتها… إهانتها ليه…
نظرات الناس ليه وهو مش قادر يجهز نفسه… ولا حتى يساعد أهله زي ما هو عايز…اخته ال اجوزت واحد مجوز بسبب فقرهم
اتنهد بصعوبة، وكأنه بيحارب نفسه.
قرب منه الرجل أكتر، وقال بثقة:
"ليك حق تتردد… بس أكيد إنت ذكي. الفرصة دي مش بتيجي غير مرة واحدة في العمر… والمحظوظ بس هو اللي يعرف يستغلها."
نزلت عيون سامر على الطفل بين إيديه…
بريء… نايم… مالوش ذنب في أي حاجة.
إيده اتهزت لحظة…
وصوت جواه بيصرخ:
"ده ابن أختك… دمك!"
وصوت تاني، أهدى… لكنه أخطر:
"دي فرصتك… عمرك كله ممكن يتغير."
رفع عينه تاني للرجل، وصوته خرج مبحوح:
"ولو رفضت؟"
ابتسم الرجل… ابتسامة أوسع المرة دي، وقال بهدوء مخيف:
"يبقى هتخسر كل حاجة… ويمكن كمان اللي في إيدك ده."
شد سامر الطفل بقوة، وعينه لمعت بغضب مفاجئ:
"إنت بتهددني؟!"
رد الآخر بهدوء:
"لا… أنا بقولك الواقع."
سكتت اللحظة بينهم…
والهواء نفسه بقى تقيل.
سامر كان واقف… بين خطوتين—
يا إما يبقى إنسان…
يا إما يبقى شخص تاني خالص.
كانت زيزى ماشية رايحة جاية في الصالة، ملامحها كلها توتر، وبتتكلم بصوت مهزوز:
= معاذ… معاذ اتأخر أوي… قالّي هيجيب زين ابننا ويرجع على طول…
عماد بص لها وتنهد بتعب:
= يا بنتي… شيّلي زين من دماغك بقى… زين مش ابنك… مش ابنك.
لفت له بسرعة، عينيها مليانة دموع ورفض، وقبل ما ترد—
جرس الباب رن.
قلبها دق بسرعة، وجريت تفتح وهي كلها أمل…
لكن أول ما فتحت—
اتصدمت:
= عمّي…
دخل رأفت بعصبية، وأول ما شاف عماد انفجر فيه:
= إيه اللي إنت عملته ده يا عماد؟! تبيع بنتك وترمي ابنها لواحدة جاية من الشارع؟!
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
عماد وقف قدامه، مصدوم ومش مصدق:
= حتى إنت كمان؟! لا… إنتوا أكيد حصلكم حاجة! الولد ابن فرح، وروحتوا كتبتوه باسم زيزى، وكمان بتنكروا إنه ابنها!
رأفت رد بعصبية:
= وكل ده بعمله ليه؟! مش عشان خاطر بنتك؟! الل مش سائل فيها!
عماد ضحك بسخرية:
= آه طبعًا! لما تاخد طفل من أمه وتحرمها منه يبقى كده بتعمل الصح! ومطلوب مني أوافق عشان أبقى أب مثالي؟!
في اللحظة دي، موبايل رأفت رن.
رد، وسكت شوية وهو بيسمع… وبعدها ابتسم ابتسامة باردة.
قفل المكالمة وبص لعماد:
= شوف بقى نتيجة اللي عملته… البنت اللي إنت واقف معاها حبست ابني! ابني أنا اتقبض عليه يا عماد!
عماد اتصدم:
= إيه؟! اتقبض عليه؟! إزاي يعني؟!
زيزى قربت بخوف، صوتها بيرتعش:
= م… معاذ؟! اتقبض عليه؟! طب وزين؟! ابني! اعمل حاجة يا عمّي… رجّعلي جوزي وابني!
رأفت قرب منها وقال بهدوء غريب:
= متقلقيش يا بنتي… مش هتنامي النهاردة غير وهما في حضنك… ده وعد.
عماد بص له بقلق:
= ناوي على إيه يا رأفت؟
رأفت ابتسم بسخرية:
= أطلع ابني الأول يا سيادة النائب… وبعد كده نشوف.
وبص له وقال:
= لو عايز تيجي معايا… يلا.
فى القسم
كان الظابط قاعد ورا مكتبه، حاطط رجل على رجل، وملامحه كلها تعالي، وهو بيبص لرأفت وعماد بنظرة متفحصة.
قال بنبرة جافة: = فرح، طليقة ابنك، مقدمة فيه بلاغ… بتهمه إنه زور شهادة ميلاد ابنها، غير كده كمان… اتهجم عليها فى بيتها
رأفت ما اتكلمش فورًا… بصله من فوق لتحت بهدوء محسوب، كأنه بيقيّمه، وبعدها قال بصوت ثابت: = الولد اللي هي بتتكلم عليه ده… يبقى ابن زيزى، مرات معاذ الأولى.
أما ابنها هي… فمات أول ما اتولد.
ومعانا شهادة وفاة تثبت ده.
عماد بص له بصدمة واضحة لكنه اضطر يسكت ل
الظابط مال لقدام شوية، وقال بعدم اقتناع: = طيب… نعديها دي.
تفسرلي إيه بقى موضوع الرجالة اللي كان جايبهم معاه؟
اللي دخلوا بيت طليقته بالقوة؟
رأفت ابتسم ابتسامة خفيفة، فيها ثقة واستفزاز: = واضح إن في سوء فهم يا حضرة الظابط.
ابني كان واخدهم معاه… يدور على ابنه.
لأنه—وللأسف—اتخطف.
هو راح يتفاهم مع طليقته… مش يعتدي عليها.
الظابط كان لسه هيرد، لكن الباب اتفتح فجأة—
ودخل ظابط اخر
أول ما وقعت عينه على رأفت… وقف مكانه لحظة، ملامحه اتغيرت، وقرب بسرعة: = رأفت بيه؟! حضرتك هنا في القسم؟!
وقف باستقامة، وقال باحترام واضح: = تحت أمرك يا فندم… في حاجة أقدر أساعد فيها؟
رأفت لف عينه ناحية الظابط الأول، وابتسم بسخرية خفيفة: = أهلاً يا علاء…
كان في بلاغ متقدم ضد ابني، فقولت أجي أشوف الموضوع بنفسي…
بس الظاهر إن المعاملة هنا… مش أحسن حاجة.
علاء بص فورًا للظابط الأول بنظرة حادة: = ليه يا فندم؟ حد ضايق حضرتك في حاجة؟
رأفت رد وهو لسه باصص عليه: = اسأل الظابط اللي عندك… هيقولك.
الظابط الأول ارتبك: = هو… حضرتك تعرفه يا علاء بيه؟
علاء شد نفسه وقال بصرامة: = اللوا رأفت المنشاوى مساعد وزير الداخلية
اعتذر له… ونفّذ الإجراءات اللازمة للإفراج عن ابنه حالًا.
الظابط اتوتر، وقف بسرعة: = أنا… أنا آسف يا فندم… مكانش قصدي أي تجاوز.
رأفت رفع إيده بإشارة بسيطة: = خلاص… خلّص الإجراءات.
علاء التفت بسرعة: = نفّذ فورًا.
في بيت فرح
كانت فرح قاعدة على طرف الكنبة، إيديها متشابكة في بعض، وعينيها على الباب . القلق كان باين في كل تفصيلة فيها… حتى نفسها كان متقطع.
صفاء قربت منها، وقالت بهدوء محاولة تهدئتها: = يا بنتي اهدّي شوية… إن شاء الله خير سامر اكيد هييجى دلوقتي
فرح هزت راسها بسرعة، وصوتها طالع مهزوز: = قلبي مش مطمّن يا ماما… اتأخر أوي. حاسة إن في حاجة حصلت.
من الناحية التانية، كانت وهيبة قاعدة، ملامحها مشدودة، وعينيها فيها خوف ممزوج بغضب: = وأنا قلبي مش مطمّن برضه… حاسة إن حفيدي في خطر.
رفعت إيديها تدعي ربنا يحفظلى حفيدى مليش غيره فى الدنيا
سكتت لحظة، وبعدين بصت لفرح بنظرة قاسية: = انتي السبب يا فرح… قلبي مش مسامحك.
صفاء اتنهدت بضيق، وردت بسرعة: = خلاص يا ماما كفاية الكلام ده… البنت فيها اللي مكفيها، حرام عليكي.
وهيبة قامت بعصبية، وصوتها علي: = حرام عليّا أنا؟!
بصت لصفاء بحدة وقالت
= عيشتك إنتِ اللي حرام يا صفاء! معندكيش دم! ابنك مختفي بقاله فترة، وكل اللي شاغلك بنتك اللي افترت على عيشتها ال مكنتش عمرها تحلم بيها
فرح نزلت عينيها، دموعها لمعت، لكنها سكتت… كأنها مش قادرة تدافع عن نفسها.
وفجأة—
خبط قوي على الباب.
التلاتة انتفضوا في نفس اللحظة.
فرح قامت بسرعة، وقلبها بيدق بعنف، وجريت ناحية الباب… وراها صفاء، وهيبة بتتحرك وراهم بتوتر.
إيد فرح كانت بترتعش وهي بتفتح الباب—
وأول ما الباب اتفتح…
اتجمدت مكانها.
= سامر…؟
كان واقف قدامها… لوحده.
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
سامر! فين زين ياسامر مش معاك ليه زين فين
قالتها فرح بخوف وهيا حاطه ايدها على قلبها
اما وهيبة فحضنت سامر وقالت: الحمد لله يابنى رجعتلنا سالم افتكرت حصلك حاجة
فرح قربت منه اكتر وقالت بنبرة على وشك الانهيار: سامر رد عليا ارجوك ابنى فين انت وعدتنى انك هترجعه ابنى فين ياسامر؟؟
صفاء بقلق: رد علينا يابنى طمنا
وهيبة بقرف: كفاية اسئلة وسيبوا الواد ياخد نفسه جرالك ايه ياصفاء انتى وبنتك
كفااااااااية ياتييييته كفااااااية بقى
قالتها فرح بانهيار
شهقت وهيبة بعدم تصديق: بتشخطى فيا يافرح!
فرح بانهيار: انا بكلم اخويا محدش يدخل رد علياااا ياسامر ابنى فين
سامر حضنها وقال ودموعه نازله: سامحينى مقدرتش احميه يافرح خدوه منى رجالة معاز خدوه انا آسف
انصدمت فرح وحست كأن الدنيا وقفت فى اللحظة دى بعدت عنه
سامر: فرح انا...
الا ان فرح صفعته بقوة وقالت بصراخ
كان لاااازم تحميه ياسامر حتى لو هتضحى بحياااتك فاااهم انت ادتنى وعد انا أمنتك على ابنى ليه تسبيييبهم يااااخدوه لييييه لييه
كانت بتقول كلامها وهيا بتزق فيه اما سامر فكان حاطط راسه فى الارض وعيونه مليانه دموع
وهيبة وصفاء بعدوها بصعوبة
عيطت فرح بشدة اما والدتها فمقدرتش تستحمل بصت لسامر بلوم بعدها حضنت فرح وطبطت عليها وحاولت على قد ماتقدر تهديها
_ بابا.. بابا عاااصم لياااااا تعالوا شوفوا جبتلكم مين
خرج الكل على صوته
ليا قربت خطوة وقالت باستغراب: مين الولد ده ياهشام
هشام بفخر: ابن معاذ البسيونى
عاصم بصدمه: نهارك اسو*د جايب ابنه هنا يعمل ايه لتكون..
هشام قاطعه ببرود: ايوا خطفته ياعاصم وجبته لحد عندك انت وليا تعملوا فيه ال انتم عايزينه
عاصم قرب منه بص للطفل شوية بعدها مد ايده خده منه واداه لليا
هشام بفخر: ايه رأي..
مكملش كلامه لان عاصم كان لكمه بقوة بصله هشام بصدمه
عاصم بغضب: حيوااان بتخطف عيل من حضن امه وجايبهولى اعمل بيه ايه
هشام بانفعال: انا جبتلك الولد ال ابوه كان السبب فى موت ابنك انت وليا ده بدل ماتشكرنى
عاصم بانفعال: وانا هاخد انتقامى من طفل رضيع ياغبى وبعدين افرض حد شافك وانت بتخطفه هتودى نفسك وتودينا معاك فى داهية
هشام ببرود: مانا مخطفتوش بمعنى الكلمه انا جايبة باتفاق
هنا اتكلم والده ال كان متابع الحوار من بدايته: اتفاق ايه وعملته مع مين؟
هشام قعد على الاريكه وقال بغرور: اصل انا اما دورت ورى العيلة القذ*رة دى وخصوصا ورى معاذ البسيونى عرفت انه مجوز واحدة تانية والولد ابنه ال ماشى يتباهى بيه مش ابن زيزى ابنه من مراته التانيه ال مخبيها على الناس وحصل مابينهم مشاكل وصلت للطلاق خاله كان بيحاول يهرب بالولد من رجالة معاذ وانا وقتها قابلته وعرضت عليه مبلغ كبير وشغل فى شركتنا وده كان عرض ميتفوتش لواحد فقير
عاصم بغضب: غبببب*ى
ليا بصت للطفل ال فى ايدها بمشاعر مختطه مابين كره وشفقه بس اما بصت فى عينه افتكرت ابنها ال مات من اشهر قليلة بسبب الحادثة ال رؤوف دبرهالهم
عاصم: اسمع يازفت ترجع الولد ده زى ماجبته
مبقاش ينفع الولد يرجع
قالها والد عاصم بهدوء فبصله عاصم بصدمه: حضرتك بتقول ايه يابابا؟ معقول توافقه على ال بيعمله
= ال عمله اخوك هو الصح وطفل قصاد طفل ورؤوف ال بدأ ودخل الاطفال فى عدواتنا وكل ده عشان خاطر يكسب الانتخابات وقتها .. يبقى يستاهل ال يجرى فيه وفى عيلته
عاصم كان على وشك الجنون: بابا احنا من امتى بنتعامل بقلة ضمير الولد لازم يرجع لامه
رد والده بغموض: انا معنديش مشكله انه يرجع بس بشروطنا
بعد مرور شهرين
يابنتى حرام عليكي ال بتعمليه فى نفسك يعنى هتفضلى لحد امتى قاعدة فى اوضتك مبتكلميش حد
ردت بنبرة خالية من الحياه: لحد مازين يرجعلى
صفاء: ماهو ال انتى بتعمليه ده مش هيرجعلك ابنك لازم تبقى قوية عشان ترجعى ابنك ياحبيبتي
فرح قامت وقالت: هر.. هروح بيت معاذ يمكن المرادى يرضوا يدخلونى لازم اتكلم معاه واتحايل عليه يرجعلى ابنى
صفاء بانفعال: كفااااية تذلى نفسك تقدرى تقوليلى روحتى كام مرة من ساعة ماابنك اتخطف وفى كل مرة مش بتستفادى حاجة قولتلك نبلغ
فرح ردت على الفور برفض: لا ياماما لا لا مش هبلغ لو بلغت ممكن ميرجعوش ابنى خالص ليا انا هعتذرلهم والموضوع هينتهى هاخد ابنى واخرج من حياتهم
صفاء نفخت وقالت: وهو لو زين كان فعلا معاهم فكرك هيرجعوه ليكى
فرح: تقصدى ايه يعنى ياماما
انضم لجروب التليجرام ( هينزل فيه الرواية كاملة ) اضغط هنا
↚
صفاء بتفكير: مايمكن الولد مش معاهم انتى مش قولتى ان رؤوف ده عنده اعداء كتير يابنتى ممكن حد من اعداءه خطف الولد
فرح دموعها نزلت اكتر وقالت برفض: لا.. لا اكيد كلامك غلط انا لازم اقابل معاذ حرام ال بيحصل فيا ده لازم اقابله
استنى يابنتى رايحه على فين
خرجت بسرعه فى نفس اللحظة كان سامر جه وشافها بس ملحقاش
سامر: فى ايه ياماما هيا فرح مالها؟
ردت وهيبة ال كانت قاعدة فى الصالون بانزعاج: زى كل مرة يابنى
سامر نفخ وقال: يعنى برضه راحت لل اسمه معاذ انا مش عارف بتعمل كدة ليه فى نفسها
صفاء بحزن: ابنها ضناها منقدرش نلومها
وهيبة شافت فى ايد سامر مفتاح لمعت عينها بفرحه وقالت
= مفتاح ايه ياسامر ال معاك ده
سامر بفرحه: مفتاح عربيتى الجديدة ياتيته
وهيبة بفرحه: ياحلاوة ياولاد جبت عربية معقول
سامر: ايوا ياتيته تعالوا افرجكوا عليها
صفاء بشك: جبت فلوس العربية منين ياسامر
سامر قال بارتباك: دى تبع.. تبع الشغل ياماما
بصت صفاء من الشباك شافت العربية ال كانت مركونه بجانب العمارة انصدمت
= اوعى تقول انها السمرا دى
سامر بضيق: هيا فعلا ياماما
صفاء رجعتله وقالت بنبرة كلها شك: والشركه هتديك عربية ملاكى زى دى ليه؟
سامر نفخ وقال: مكافأة على شغلى ياماما
وهيبة: جرالك ايه ياصفاء انتى هتحققى مع الواد
سامر: تيته معاها حق ايه النبرة ال بتتكلمى بيها دى محسسانى انى سارقها مش عارفة تفرحيلى زى تيته يبقى تسكتى تعالى ياتيته افرجك على العربية
قال كلامه ومشى اما صفاء ففضلت واقفة مكانها مصدومه
امام قصر رأفت
كانت فرح واقفة بتتخانق مع الحرس
فرح: وانا مش هتحرك من هنا قبل ماشوف معاذ انا عارفة انه موجود
واحد من الحراس قال : مدام فرح احنا واخدين اوامر من رأفت بيه انك لو جيتى ناحية هنا نطردك واحتراما لحضرتك احنا لحد دلوقتي معملناش ال انطلب مننا فبلاش تصعبى الموضوع علينا ارجوكى
فى اللحظة دى كان عماد وصل مجرد ماشاف فرح نزل فورا من عربية وقال
تعالى يافرح يابنتى
= بس ياعماد بيه..
عماد بصرامة: انا ال هتحمل مسئولية دخولها قدام رأفت
دخلت فرح معاه ومجرد مازيزى ومعاذ شافوها قاموا وقفوا بغضب
زيزى بصراخ: تااانى يابااااابا جايبها معاك مش كفاااية خطفت ابنى
معاذ: اهدى يازيزى
فرح بصوت عالى: محدش بيخطف ابنه يازيزى وكفاية تعيشى الدور انتى ومعاذ ال خدتوا ابنى من سامر... سامر ال قالى
معاذ: اخوكى ده كدا*ب ماهى حاجة من الاتنين مفيش ليها تالت يانتى بتمثلى ان الولد مش معاكى عشان تاخدى قرشين من ورى القصة دى يااخوكى ال باعك وسلم ابنى لحد من اعداءنا بس وقسما بالله لو طلع الاحتمال التانى لاكون مخلص على اخوكى
فرح: وليه متقولش انك انت الى عملت كدة عشان انسى ابنى وافتكره اتخطف ووقتها اخرج من حياتك انت وزيزى فى هدوء
ضحك معاذ بقوة بعدها سكت مرة واحدة وقال بحدة: انتى عارفة يافرح كويس انى لو عايز اخد زين منك مش هخاف واظن انك جربتى ومقدرتيش تأذينى ولا تثبتى اى حاجة عليا مشكلتك يافرح انك مش عارفة جوزك يبقى مين
بصتله زيزى بحدة فقال على الفور: اقصد طلقيك
فرح حست بخوف كبير اما شبه اتأكدت ان زين مش مع معاذ وقالت بتوتر: يعنى ايه ابنى فين مين ال خطفه!؟
معاذ بهدوء: السؤال ده يتسأل لاخوكى امشى اطلعى من هنا يافرح ومتجيش تانى
زيزى بغضب اعمى: وانت لسة هتتفاهم معاها مع ال خطفوا ابنى
جريت عليها زقتها لكن عماد مسكها قبل ماتقع وقال بغضب لزيزى: انتى اتجنن*تى يازيزى ال بتعمليه ده
زيزى بغضب: بطل تدافع عنها قدامى هيا بنتك ولا انا ال بنتك
دخل واحد من الحرس وقال: معاذ بيه لقينا الشنطه دى مرمية قدام بوابة القصر ومعاها ظرف مكتوب عليه اسم حضرتك
الكل بص بانتباه اما معاذ فمسك الشنطة فضاها والمفاجأة كان فيها هدوم زين
جريت فرح حضنت لبس ابنها اما زيزى قالت لمعاذ بخوف: مكتوب ايه فى الظرف يامعاذ
معاذ ايده كان بترتعش لكنه فتح الظرف وقراه بصوت عالى
« عيل قصاد عيل ياابن البسيونى اتمنى المفاجأة تكون عجبتك»
تفتكروا ايه ال حصل لزين وفرح هتاخد انتقامها ازاى من كل ال ظلمها وحرمها من ابنها
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
عيل قصاد عيل ياابن البسيونى اتمنى المفاجأة تكون عجبتك»
زيزى بخوف: معناه ايه الكلام ده يامعاذ مين ال خطف ابننا وخطفه ليه رد عليا
معاذ الدموع اتمجعت فى عينه مقدرش يقول ولا حرف اما عماد فمسك قرأ الظرف بعدها قال
= معاذ رد علينا وفهمنا مش شايف حالة زيزى وفرح
معاذ بص لفرح ال كانت منهارة وحاضنه لبس ابنها قرب منها وقال: ابننا ماا*ت يافرح خسرنا زين خسرناه
فرح قامت هجمت عليه وقالت: متقولش كدة على ابنى... دى خطة منك اكيد ابنى لسة عايش قول يامعاذ انها خطة
معاذ عيط وقال: مش خطة والله المرادى مش بكدب دى اكتر مرة صادق فيها خطفوا ابننا قالوا هيقتو*لوه زى مابابا عمل معاهم
زيزى قالت بعدم تصديق: عمى رأفت قتل؟ معقول.. معقول يقت*ل
فى اللحظة دى دخل رأفت وقال: قت*ل ايه ال بتتكلموا عنه
فرح بصتله بكره شديد وقالت بانهيار: زين ابنى بسببك هنخسره رجعلى ابنى والا هقت*لك
رأفت بغضب: ايه ال دخل الزبا*لة دى هنا انا مش منعت دخووولها
زيزى صرخت فيه وقالت: وقته نقول مين دخلها زين ف خطر بسببك
بعدها جابت الظرف رمته فى وش رأفت
رأفت قرأ المكتوب بعدها قال بعصبية: اكيد الدمنهورى ال عمل كدة مفكر انى السبب فى الحادثة ال حصلت لعيلته ومات فيها حفيده غبى حاولت افهمه اكتر من مرة انى مليش دعوة
بصله عماد بشك فلاحظ رأفت نظراته وقال بضيق: بتبصلى كدة ليه ياعماد لتكون مش مصدقنى
عماد: مقولتش كدة يارأفت بس
زيزى قاطعت عماد وقالت بصراخ: بس انا بقى شايفه ان انت ال عملت كدة ياعمى انت وقتها كنت مستعد تعمل اى حاجة عشان تكسب الانتخابات ورغم كدة خسرت ودلوقتى ابنى الوحيد ال بيدفع التمن
معاذ بيبص ملقاش فرح استغرب عدم وجودها لكنه انصدم اما شافها جاية بالسكي*نة ناحية والده فعلى الفور جرى ومسك السكين*ة منها قبل ماتعمل حاجة
معاذ بغضب: اتجنن*تى بتعملى ايه
رأفت بجنون: بتحااااول تقتل*نى شايف ياعماااااد ال انت أمنتلها ودخلتها بيتنا
عماد: اهدوا ياجماعه فرح مش قصدها اكيد البنت اكيد اعصابها سايبة بعد ال حصل لابنها
رأفت بشر: البنت دى مش هتطلع سليييمه من هنا لازم تمو*ت
عماد على الفور مسك ايد فرح وقال: اوعدك انها مش هتييجى هنااا تانى بس بلاااش حد يأذيها يلا يافرح يابنتى
فرح كانت منهارة ف العياط ركبها عماد عربيته وقال بحزن: انا آسف يابنتى بعتذرلك على ال بنتى عملته فيكى انا مكنتش اعرف من البداية انهم ناويين يعملوا كدة
فرح مكنتش بتفكر غير فى ابنها ال فى احتمال كبير تكون خسرته: ارجوك ياعماد بيه تساعدنى الاقى ابنى ونمشى من هناااا ارجوووك
عماد مسك ايدها وقال: بحلفلك بحياة بنتى الغالية لو كان ابنك لسة عااايش هجيبه لحد عندك
وصلها عماد بعدها رجع قصر رأفت تانى هناك استغرب ان الوضع مختلف
كانوا قاعدين بيشربوا قهوة ومش باين على ملامحهم الحزن غير ان زيزى ورأفت كانوا بيتكلموا وكويسين مع بعض
عماد باستغراب: انتم.. انتم مالكم قاعدين كدة ليه
معاذ: عايزنا نعمل ايه يعنى ياعمى
عماد: مش كنتم ماسكين فى خناق بعض مش شوية وبعدين مش زعلانين على ال حصل لزين
زيزى ردت بهدوء عكس حالة العصبية ال كانت فيها: ماهو عشان خاطر زين اتصافينا يابابا لازم نبقى ايد واحدة عشان نعرف نرجع زين
بصلهم عماد بشك فقالت زيزى: انا عن اذنك يابابى هروح انام
وانا كمان
قالها معاذ متبقاش غير رأفت وعماد
رأفت لاحظ نظرات عماد ال كلها شك فقال: هروح الشركة اخلص شوية شغل تحب تيجى معايا
عماد: لا هروح انا البيت أمينة مستنيانى
صفاء: فرح ياحبيبتي انتى جيتى
فرح دخلت اوضتها من غير ماتقول ولا كلمة
فى نفس اللحظة جرس البيت رن فتحت صفاء واستغربت اما شافت وعد
صفاء: وعد!
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
وعد باحراج: ازيك ياخالتى صفاء
صفاء بضيق: الله يسلمك.. جاية ليه؟ لو جاية تشوفى سامر فابنى مش عايز يشوفك كفاية ال حصله من وراكى
وعد فركت ايدها وقالت: لا ياخالتى انتى فهمتينى غلط انا عرفت ال حصل لفرح وجيت اشوفها لو هتسمحيلى طبعا
وهيبة كانت طالعه من اوضتها فشافت وعد راحتلها فورا
وهيبة بلؤم: وعد يابنتى عامله ايه وفينك مش باينة ليه
استغربت وعد طريقة وهيبة ده لانها كانت دايما تعاملها بشكل سئ لكنها ردت
= انا بخير وانتى
وهيبة: بخير ياختى وحفيدى حبيب قلبى سامر بخير بس مش فاضى خالص اصله اللهم صلى على النبى اشتغل فى شركه وجاب عربية وبندورله على عروسة تكون من مقامه ياختى مش كدة ياصفاء
صفاء: ميصحش كدة ياما البنت جاية تشوف فرح
وهيبة عوجت بوقها وقالت: وانا قولت حاجة ياختى اهو انتى كدة دايما يامرات ابنى تقفى فى صف الغريب وقال مدخله واحدة زى دى بيتنا
قالت وعد والدموع ماليه عينها: طب عن اذنكم لازم امشى
وهيبة بحقد: استنى ياختى فى كلمتين محشورين فى زورى ولازم اقولهم
صفاء: كفاية ياما مينفعش يلا ياوعد يابنتى من هنا
وهيبة: اسكتى انتى ياصفاء.. اقولك ياوعد انتى جاية النهاردة بغرض ايه جاية تتقربى من سامر بعد مابقى غنى ومعاه فلوس مفكرة انه ممكن يرجعلك بعد ماسبتيه وهو على قده وقال واخدة فرح حجة فاسمعينى كويس انتى لو اخر بنت فى الكون حفيدى مستحيل يرجعلك عارفة ليه لانك مبقتيش من مقامه دلوقتى هنقيله واحدة تليق بيه
وعد مقدرتش تستحمل اكتر ومشيت على الفور وقدام العمارة خبطت فى شاب
قال باعتذار قبل مايشوفها: انا آسف
لكن الاتنين انصدموا مجرد ماشافوا بعض
وعد بصدمه: سامر!
فى غرفة فرح
فرح كانت قررت تغير من نفسها وتاخد انتقامها من كل ال ظلمها هيا وابنها صحيح محتاجة وقت بس ال محتاجاه اكتر ان ابنها يكون فى حضنها وقتها هتبقى شخصية قوية
فرح مسكت تليفونها وقررت ترن على عماد تتمطن ان زين رجع وانه بخير صحيح كانت قلقانة جدا على زين لكن كان عندها شعور قوى بيقولها ابنها بخير وهيرجعلها
قبل ماترن لقت معاذ بيرن وعلى الفور ردت
لقيت ابنى يامعاذ صح هو بخير آجى اخده
لكنها
انصدمت اما قال: تعالى القصر الحقى شوفى ابنك للمرة الاخيرة قبل ماندفنه يافرح
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
لقيت ابنى يامعاذ صح هو بخير آجى اخده
لكنها
انصدمت اما قال: تعالى القصر الحقى شوفى ابنك للمرة الاخيرة قبل ماندفنه يافرح
لم ينتظر ردها لانه كان اغلق الخط سريعا اما فرح فكانت فى حالة من الصدمه دخلت صفاء تتطمن عليها انخضت اما شافت حالتها
صفاء بقلق: بنتى مالك فى ايه؟
صوتت صفاء اما فرح وقعت من طولها وعلى الفور دخلت وهيبة
_ بتصوتى ليه ياصفا... فرح مالك يابنتى
صفاء: هاتى ياما شوية ماية بسرعه
وهيبة: حاضر ياختى
جابت وهيبة الماية خدت منها صفاء و رشت شوية على ايدها وبعدين بخفه على وش فرح لكنها مكنتش بتفوق
صفاء بتعلثم: مش.. مش بت بتفوق هنع.. هنعمل ايه بنت.. بنتى حصلها ايه
وهيبة: اهدى ياصفاء هروح اشوف سامر
عند سامر
كان مصدوم اما شاف وعد حب حياته ال فى نظره باعته عشان فقير بعد حب داب خمس سنوات
وعد حالها مكنش افضل منه لانها الاخرى كانت حاسة بحزن شديد انها سابته لكن هل فعلا بسبب انه فقير ولا فى سبب تانى
وعد بصتله باشتياق كبير عكس نظرات سامر ال كانت كلها كره قطع الصمت سامر ال قال بجمود
= كنتى بتعملى ايه عندنا ياوعد؟
وعد باشتياق:بعد المدة دى كلها رجعت شوفتك تانى حقيقى انا محظوظه
سامر بحدة: قولتلك ايه جابك هنا؟
وعد انتبهت لكلامها وعلى الفور قالت وهيا ماشية: كنت كنت جاية اطمن على فرح بس جدتك طردتنى
سامر مسك ايدها وقال: جاية تطمنى على فرح ولا عشان تشوفينى هااا مش دى خطتك بردوا
وعد بهدوء: انا مش عارفة انت شايفنى ازاى بس اى ان كان فانا مش زى مانت فاكر
ضحك سامر بسخرية وقال: امم عارفة شايفك ازاى انك واحدة انانية ومادية باعتنى عشان انا فقير بعد ماحبيتها وكنت مستعد اديها حياتى
وعد بصوت مختنق: كفاية ياسام حرام عليك كفاية
سامر بكره: ايه كلامى وجعك مش دى الحقيقة
وعد بانفعال: لا مش دى الحقيقة.. الحقيقة ان..
سام الحق اختك الحقها ياسام
قالتها وهيية على الفور جرى سامر ووعد الاخرى
سام فى لمح البصر كان فى اوضة فرح
مالها ياماما فيها ايه؟ ايه ال حصل؟
صفاء بانهيار وهيا حاضنة فرح: مش عارفة لقيتها مرة واحدة طبت ساكته ومش بتفوق ليكون حصلها حاجة
وعد على الفور قاست نبضها بعملية بعدها قالت: النبض ضعيف جدا بس عايشة... ممكن ياخالتى صفاء تبعدى عنها شوية عشان تقدر تاخد نفسها وشوية ماية
صفاء قامت فوراً: حاضر حاضر يابنتى
وهيبة: عاملالى نفسك دكتورة ياختى
مردتش وعد وبدأت تهوي المكان بعدها رشت بلطف الماية على وش فرح فبدأت تفوق ومجرد مافاقت دخلت فى نوبة عياط
ال حصل بس يابنتى قوليلنا
= مع.. معاذ ات اتصل قال اروح اشوف زين قبل مايندفن ياماما ابنى مااات ماات
قالتها فرح بانهيار
حس سامر كأن الدنيا بتلف بيه مكنش متصور ان الشخص ال باع زين ليه هيقتل*ه حس بخنقة شديدة فى قلبه لكنه اضطر يبان قوى قدامهم عشان محدش يشك فيه
مسك ايد فرح وقال: لازم نروح نشوف زين لازم تشوفى ابنك للمرة الاخيرة
وصلت فرح وعيلتها الفيلا لكن الحرس قالولهم انهم اتأخروا وان معاذ وعيلته راحوا المقابر لدفن الطفل فراحت فرح على الفور المقابر
هناك كانت زيزى بتعيط فى حضن باباها وهيا بتقول
= شوفت يابابى مش مكتوبلى افرح ابدا بعد خلاص مابقيت ام ابنى راح منى انا عملت ايه عشان يحصل فيا كدة يابابى
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
عماد وهو بيطبطب عليها: ده قضاء وقدر يابنتى مينفعش نعترض ربنا يرحمه ويصبركم ويصبر مامته
مجرد ماعماد شاف فرح جاية ساب زيزى وراح يعزى فرح
البقاء لله يابنتى ربنا يصبرك
ردت فرح بهدوء غريب: ونعم بالله
عماد: لو احتاجتى اى حاجة يابنتى انا جمبك
هزت فرح راسها بعدها راحت قعدت عند تربة طفلها كان معاذ واقف بيعيط وابوه بيحاول يهديه
رأفت: امسك نفسك يابنى انت راجل ميصحش كدة والناس بتبص علينا
مش قادر يابابا مش قادر
قالها معاذ وهو بيعيط
رأفت: لاحول ولا قوة الا بالله
ليا كانت ماسكه صورة ابنها وبتكلمه: شوفت ياحبيبى خدنا حقك ازاى ماما جابتلك حقك من ال قتل*ك
اقتحم هشام الغرفة وقال بغضب: حق! حق ايه ال جبتيه انتم كدة جبتوا حق يوسف
ليا بصت حواليها وقالت بتوتر: امشى اطلع برة ياهشام لعاصم يشوفك هنا
هشام بانفعال: مايشوفنى ياهانم ايه المشكله
ليا بغضب: انت اتجنن*ت عايز ايه دلوقتي؟ وبعدين مالك ومال ال حصل ليوسف ابوه جابله حقه
هشام مسك دراعها وقال بنفس الغضب: انتى بتضحكى على مين انا وانتى عارفين كويس ان يوسف يبقى ابنى انا ابنى ال اتق*تل ومقدرتش اعمل حاجة كان لازم عيله الدمنهورى كلها تدفع التمن لكن جوزك الجبان ال رفض طبعا ماهو مش ابنه
ليا بخوف: وطى صوتك ارجوك لحد من العيله يسمع ابعد عنى انا وعاصم انسى ان يوسف ابنك انت كدة بتفتح علينا باب جهنم
هشام بتوعد: اول حد هيدفع التمن انتى عشان خبيتى عليا حقيقة ابنى وبعدها جوزك ال ضيع حقه وبعدها... بعدها عيلة الدمنهورى كلها
قال كلامه ومشى اما هيا فانهارت على الارض وهيا خايفه سرها ينكشف بسبب عصبية هشام
بعد مرور اسبوعين
انتى متأكدة يافرح من ال بتعمليه ده يابنتى؟
فرح بهدوء: ايوا ياماما وبعدين متقلقيش عليا انا عارفه كويس بعمل ايه روحى انتى وكونى مطمنه
صفاء بحزن: مش هاين عليا اسيبك لوحدك يابنتى وانتى فى الظروف دى
فرح: ياماما الموت علينا حق وانا بقيت كويسة والايام كفيلة تنسينى الماضى
يلاااا ياصفااااء هنتأخر
قالتها وهيبة بصوت عالى فقالت فرح لوالدتها: خلاص ياماما يلا انتى عشان سامر وتيته
فى الاسفل
سامر كان لسة هيشغل العربية فشاف وعد جاية ناحيته فنفخ بضيق
وعد بخجل: سامر انت لسة مضايق منى
سامر بغضب: انتى بتتكلمى كأننا اتخانقنا خناقة صغيرة وهنتصالح ياهانم انتى خنتينى وخنت حبى ليكى ودلوقتى جاية تتقربى منى ده بعدك انتى عارفة بسببك انا عملت ايه ولا غلطت فى حق مين
وعد مفهمتش مقصد كلامه لكنها كانت متأكدة انها اتسببلته فى اذى كبير
وعد: لو قولتلك انى عمرى ماخنت حبك انا.. انا
وهيبة بصوت عالى: يلا ياسامر يلاااا مش وقته
سامر: حاضر ياتيته عن اذنك
وعد قالت فى سرها: مش هقدر اقوله وحتى لو قولتله مش هيصدقنى انا خسرت ثقته
اتنهدت بعدها طلعت لفرح
وعد: اتأخرت عليكى
فرح بهدوء: لا جيتى فى وقتك
وعد قالت بقلق: لو كنتى روحتى مع عيلتك كان افضل انا خايفه من ال انتى هتعمليه انتى مش قد العيلة دى
فرح بهدوء: انتى معايا ولا لا؟
وعد قالت بدون تفكير: اكيد
فرح ابتسمت إبتسامة صغيرة بعدها قالت: يبقى اللعبة بدأت من هنا يلااا بينا
تفتكروا فرح ناوية على ايه
ووعد فعلا بريئة ومخانتش سامر.. وسامر حقيقته هتنكشف قدام اخته امتى
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
فى بداية يوم جديد
فاقت فرح على صوت تخبيط على الباب بصت على الساعه بعدها قالت بضيق
«ايه جاب وعد بدرى النهاردة»
اتنهدت وقامت فتحت الباب
صباح الخير
فرح بهدوء: صباح النور جاية النهاردة بدرى ليه؟
وعد قعدت باريحية بعدها قالت: جاية احذرك
فرح ببرود: تحذرينى من ايه؟
وعد: من الطريق ال انتى ماشية فيه مش هيجيبلك غير المشاكل
فرح بهدوء: انا عارفة كويس بعمل ايه
وعد بخوف عليها: انا بحذرك عشان خايفة عليكى
فرح ببرود: مش من حقك تخافى عليا
وعد بحزن: انتى لسة زعلانه منى بسبب ال عملته فى سامر اخوكى
فرح بلا مبالاه: ال حصل بينك انتى وسامر حاجة تخصكم مليش انى ادخل فيها
وعد: يعنى.. يعنى حتى مس حابة تعرفى ليه سبت سامر زمان
فرح هزت كتافها وقالت: واعرف ليه!
وعد بانفعال من طريقة فرح: فرح انتى بتعاملينى كدة ليه انتى مش فرح ال انا عارفاها صاحبتى وعشرة عمرى
فرح قامت فتحت الباب
= اه لو هتتكلمى الكلام الخايب ده يبقى الافضل تمشى
وعد بصتلها بعدم تصديق فكملت فرح كلامها
= انا وانتى مفيش بينا غير الشغل وبس وشغل صحاب والكلام ده مش عايزة اسمعه لان مفيش حاجة اسمها حب او صداقه كله كدب
وعد بحزن: ماشى يافرح انا معاكى فى ال بتعمليه عشان الصداقه ال انت مش عملالها اعتبار وده مش معناه انى موافقة على ال بتعمليه الراجل ال بتتعاملى معاه ده خطير انا قولتلك ال عندى
ومجرد ماخرجت قفلت فرح الباب بدون اهتمام بكلامها بعدها خدت دش وغيرت ملابسها وحطت مكياج
وبعد مانتهت سمعت تخبيط على الباب افتكرتها وعد تانى لكن اما فتحت الباب فوجئت بمعاذ.. معاذ كمان انصدم من هيئة فرح لدرجه انه شك انها ممكن تكون هيا
معاذ بدون تصديق: فرح مش معقول!
حطت فرح ايدها حوالين خصرها وقالت ببرود: جاى ليه؟
معاذ بصدمه: انتى فرح!
كانت لسة هتقفل الباب فى وشه لكنه قال على الفور: ثانية واحدة... ممكن ادخل يافرح
فرح ببرود: مش بدخل راجل غريب بيتى اتفض قول جاى ليه
معاذ وهو بيحاول نفسك ينفجر فيها قال: لحقتى تقلعى الاسود وابنك مكملش شهر ميت لا وكمان حاطه مكياج ايه ياشيخه الجبروت ال انتى فيه ده
فرح بسخرية: طب خلى حد غيرك يتكلم عن الجبروت... خلاصة الكلام امشى من هنا مش فاضية للاشكال ال شبهك
معاذ بغيظ: ولابسة بقى ومتشيكه كدة ورايحه على فين وتقابلى مين
فرح ببرود: وانت مالك
معاذ بانفعال: ايه؟
فرح: ايه انصدمت قولت مالك.. مالك انت اروح فين ولا اقابل مين كنت مين عشان تسألنى لا انت ابويا ولا اخويا
سكتت لحظة وكملت وهيا بتضغط على الكلمة: ولا حتى جوزى.. امشى يامعاذ وبلاش تهوب ناحية بيتى تانى
معاذ وهو بيديها شنطة: يعنى انا غلطان انى جيت اديكى دى
فرح بصت للشنطة لكنها حتى مسألتش فيها ايه فاتكلم معاذ
= مش تسألى فيها ايه
لكن فرح بصتله ببرود ومردتش فقال معاذ وهو بيفتح الشنطة: اتنين مليون جنيه تأمنى بيهم مستقبلك غير ان هيوصلك مصروف شهرى يكفيكى انتى وعيلتك ده كله مقابل انك تسامحينى يافرح انا غلطت فى حقك
بتعمل ايه هنا يامعاذ؟
التفت معاذ بصدمه: زيزى انتى ايه جابك
زيزى بحدة: انت ايه جابك الاول مش على اساس عندك شغل مهم
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
كملت بسخرية وهيا بتبص لفرح من فوق لتحت باستحقار: الهانم بقى شغلك المهم
معاذ بحدة: زيزى اخرسى انتى مش فاهمه حاجة
فرح قاطعتهم ببرود: كويس انك جيتى عشان تاخدى الزبا-له ده معاكى وياريت وانتم ماشين تفهميه بطريقتك يخرج من حياتى السخافه ال بيعملها مش هتجيب معايا نتيجة
بصت على ساعتها بعدها قالت وهيا ماشية: باى باى ياعصافير
زيزى قالت على الفور: استنى عندك انتى ازاى ابنك يكون لسة ميت وتلبسى اللبس ده
فرح بدون ماتلفت قالت: ال مات ابنك يازوزه مش ده كان كلامك ولا اما كان عايش كان ابنك ولا مات بقى ابنى
زيزى حست بغضب شديد لكنها قررت تقول ال كانت جاية تقوله وتنهى الحوار
=على العموم انا كنت جاية اقولك ان ربنا كرمنى بعد الوقت ده كله الحمد لله انا حامل
حست فرح بغضب شديد بداخلها اتمنت فى اللحظة دى تقت*ل زيزى وال فى بطنها
زيزى وهيا بتحاول تغيظها: الحمد لله مبقاش حد يقدر يذلنى انى مبخلفش
فرح: الف مبروك ليكم
بعدها غادرت على الفور
زيزى لمعاذ: معاذ بيه مش قادر ينسى الهانم وماشى وراها فى مكان
معاذ: قدامى يازيزى وبلاش كلامى فاضى ورانا حاجات كتير نعملها
زيزى: باباك اتجن-نن خلاص تعالى شوف ال ناوى يعمله
معاذ اتنهد وقال: هنخسر ايه المرادى بسببك يابابا
وعد ياقلب امك تعالى ياحبيبتى
وعد: نعم ياماما
والدتها: جايلك عريس لقطه يابت
وعد: قولتلك ياماما مش هجوز
والدتها بغضب شديد: يعنى ايه مش هتجوزى دى عايزانا ننفضح قدام الناس
وعد بضيق: بطلى اسلوبك ده ياماما لو سمحتي
والدتها: وماله اسلوبى ياست هانم.. وبعدين ال بتجرى وراه هج وساب البلد وشاف نفسه ومستقبله شوفى نفسك انتى كمان
دخلت وعدت اوضتها وقفلت الباب بدون ماتقول ولا كلمه وفكرت فى كلام والدتها
اما فرح فكانت واقفه قدام شركة ضخمه
بصت شوية على مبانى الشركة بعدها دخلت قابلها احد الموظفين ال قالها
= البيه مستنيكى ومتعصب جامد
ابتسمت فرح ابتسامه قصيرة: تمام كنت اساسا هروحله
دخلت فرح المكتب وقالت: العصبية مش كويسة عشانك يا...
تفتكروا مين البيه ال فرح بتتعامل معاه وايه حكايها وازاى هتاخد انتقامها
هل زيزى فعلا حامل ولا وراها سر
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
مر ست سنين
ايه ال بيحصل هناااا ومالك هدومه كلها مبلوله كدة ليه؟ حد يرد علياااااا
الخادمه ردت بارتباك شديد: ااص.. اصل وق.. وقع فى البسين يامعاذ بيه
معاذ بغضب: ايه وقع فين ياختى!؟ وحضراتكم كنتم فين وفييين زيزى
الخادمه وهيا بتبلع ريقها بخوف: الهانم راحت الكوافير و..
_ فى ايه يامعاذ بتزعق ليه؟
معاذ بسخرية: حمد الله على السلامة ياهانم مالسة بدرى
زيزى بانزعاج من طريقته: فى ايه يامعاذ ازاى تتكلم معايل بالاسلوب ده وبعدين مالك بيعيط ليه
راحت تشوف مالك ال كان واقف جمب معاذ وبيعيط لكن معاذ وقفها فقالت بحدة
= ايه يامعاذ فى ايه انت هتمنعنى اشوف ابنى
معاذ بصوت جهورى: ابنك ياهااانم ال حضرتك رمياه ورايحه تتصرمح*ى
زيزى بصدمه: ايه اتصرمح ورمياه ايه الكلام البيئة ال انت بتقوله ده يامعاذ وقدام الولد والخدم
معاذ وهو بيضغط على سنانه: الولد وقع فى البسين كان هيغرق ياهانم ابنى الوحيد كنت هخسره بسبب اهمالك تقدرى تقوليلى لو الولد كان حصله حاجة كنا هنعمل ايه
زيزى بصدمه وخوف: و.. وقع ازا.. ازاى معقو.. معقول
معاذ بسخرية: انا ال مفروض اسأل حضرتك السؤال ده اهمالك للطفل شوفى وصلنا لايه
الخادمه اتكلمت بارتباك اما شافت نظرات زيزى ليها
= الغلط غلطنا يامعاذ بيه مقدرناش ناخد بالنا من الطفل اوعدك انه مش هيتكرر تانى
زيزى قالت على الفور: طبعا الغلط عليكم انا مش قولتلكم تاخدوا بالكم من مالك لحد مااجى شوية اغبية كلهم مرفودين من الشغل
الخدم بخوف: سامحنا يامعاذ بيه مش هنكرر الغلط ده
معاذ شال مالك وقال: الاغلاط ال زى دى مش مسموح بيها كلكم هتتعاقبوا
ضغط على الكلمه الاخيرة وهو بيبص لزيزى ففهمت انها مقصوده هيا كمان بكلامه
مشيت وراه وقالت: طبعا تقصدنى بكلامك يامعاذ...
مشى معاذ من غير مايرد عليها
_ معاذ انا بكلمك رد عليا
معاذ وهو بيحاول ميتعصبش عليها: ايوا كنت اقصدك يازيزى
زيزى بانفعال: وياترى بقى حضرتك هتعاقبنى ازاى انك تبعد ابنى عنى
معاذ: لو وصلت لكدة من غير شك ده ال هعمله لحد ماتتعلمى ازاى تكونى ام انا مش مستعد اخسر ابنى الوحيد بسبب اهمالك... انا داخل اغير لمالك متجيش ورايا
زيزى كانت هتنفجر وهيا بتفتكر كلامه واتهامه ليها انها مهمله وان ممكن يبعد ابنها عنها
زيزى هانم.. زيزى هانم
خرجت زيزى من شرودها وقالت بغضب اما صدقت تلاقى حد تنفجر فيه
= عاااايزة ايه عماله تزنى زى النحلة ليه ياغبية انتى
الخادمة باحراج: مدام امينة مستنية حضرتك
زيزى بضيق: ودى ايه جابها وعايزة ايه
مقالتش بس مستنياكى فى اوضة الضيوف
راحتلها زيزى بضيق
= خير ياأمينة فى ايه؟
أمينة: هو عماد مجاش هنا
زيزى بصتلها باستغراب: لا بابى مش هنا انتى جاية المشوار ده عشان تسألى عليه مكنتيش عارفة تدى رنه
أمينة باستفزاز: لا ياحبيبتي انا كنت جاية لسبب تانى
حطت ايدها على بطنها وقالت بفرحه: مبروك ياحبيبتي هيجيلك اخ
زيزى بصدمه: ايه!
أمينة: اصل طلعت حامل لسة جاية من عند الدكتورة قولت احود عليكى أبشرك تعرفى قلبى بيقولى انه ولد
زيزى بصتلها بغضب وسابتها ومشيت
أمينة بلؤم: طب ايه مش كنتى تباركيلى
زيزى بغضب: كان ناقص بعد العمر ده يجيلى اخوات يشاركونى فى الورث والمصيبة لو كان ولد وقتها هيكوش على كل املاك بابى لا الطفل ده مش لازم يتولد انا لازم اخلص منه
_ ايه يازيزى بتكلمى نفسك
زيزى بضيق: مفيش ياعمى
رأفت: فين معاذ افرحه... معاذ معاذ
طلع معاذ ومعاه مالك مجرد مامالك شاف رأفت جرى عليه
جدو جدو
رأفت شاله بفرحه: حبيب قلب جدو
معاذ: فى حاجة يابابا
رأفت بسرور: مش هتصدق ال هتسمعه
معاذ باستغراب: ايه ال مش هصدقه حصلت حاجة جديدة
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
رأفت: ابن عمك ريان اخيرا هينزل مصر ويعيش معانا
معاذ: بجد يابابا خبر حلو قوى جاى امتى
رأفت: جاى كمان اسبوعين
زيزى بضيق: هو مش طول حياته عايش فى لندن ايه جابه هنا
رأفت بحدة: ابن اخويا ييجى وقت مايحب يازيزى ليكون عندك اعتراض!
زيزى قالت على الفور: لا طبعا ده ينورنا
🌿🌿🌿🌿🌿🌿
انت بقى كل شوية هتفضل تنطلى فى الاوضة اخرج برة اوضتى ياهشام عصام لو شافك هيقتل-نا احنا الاتنين
هشام بسخرية: متعرفيش مين ممكن يقتل التانى
الخوف اتملك منها وعلى الفور قالت: تقصد ايه؟ انت فعلا ممكن تأذى عصام؟ اخوك؟
هشام بشر: ايوا عشان خدك منى
ليا مسحت على وشها بغضب وقالت: محدش خدنى منك انت ال اتخليت عنى زمان سافرت وسبتنى وقتها جالى عرض جواز من عاصم فاجوزته متعملش فيها الضحية وانت الجانى
هشام بحدة: وانتى تبقى ايه؟ هاا اما صدقتى انك خلصتى منى عشان تجوزى اخويا فاكرانى مكنتش اعرف انك حاطه عينك عليه من الاول عشان كدة سيبتك
ليا زقته بكل قوتها وقالت بعصبية: لو مكنتش بحبك ياغبى مكنتش ضعفت قدامك وخليتك تقرب منى وانا على ذمة اخوك فاهم احنا عملنا غلطه كبيرة وانا ال دفعت التمن ربنا حرمنى من يوسف خد منى ابنى خده منى انا مش قادرة اسامح نفسى
هشام بعصبية: لو جيتى وقتها قولتيلى انك حامل فى ابنى انا كنت حميتكم من عاصم وبابا والدنيا كلها بس انتى فضلتى تسكتى وتفضلى مع جوزك عشان كدة خسرنا ابننا
بصت ليا حواليها بخوف
= ارجوك ياهشام امشى وسيبنى فى حالى اقولك سافر.. سافر دبى اصلا شغلك كله هناك
هشام: انا فعلا هسافر
ارتاح قلب ليا لكنها انصدمت اما كمل كلامه قائلا
= بس مش لوحدى هتيجى معايا
ليا: انت اكيد اتجننت عايزنى اسيب بنتى وجوزى
هشام قال كلامه ال رعبها قبل مايسيب الاوضة
= كدة كدة هسافر بس لو سافرت لوحدى هفضحك قدام كل العيلة وقتها هتموتى لوحدك ياليا
مكنوش واخدين بالهم ان حد من داخل البيت بيصورهم
🌿🌿🌿🌿🌿🌿
بعد مرور اسبوعين
معاذ: مش كان الافضل لو روحنا قابلانه فى المطار يابابا
رأفت: خاله ومرات خاله هيقابلوه وانت عارف الست دى وطولة لسانها فبلاش نحط نفسنا فى مواقف محرجة
زيزى: لو كان قعد عندهم اجازته احسن
بصلها رأفت بنظرات حادة فقالت على الفور
كنت بقول يعنى مقترح
رأفت بصرامه: انا ال اقول هنا وبعدين قولتلك قبل كدة انه مش جاى اجازة جاى يعيش فى مصر هو وخطيبته
معاذ بفضول: هو كمان خطب؟
رأفت: ايوا خطب بنت امريكية من اصول عربية وبيقول ان والدتها دى ست غنية جدا عندها شركات فى مصر وبرة مصر بس بيشكر فى البنت اوى الظاهر بيعشقها
حست زيزى بغيرة شديدة انهم بيشكروا فى بنت تانية قدامها
فى الوقت ده سمعوا صوت العربيات
معاذ بحماس: الظاهر وصلوا
بعدها بدقايق دخل ريان وهو بيقول بمرح
وحشتووووونى
رأفت بفرحه: ابن اخويا الغالى تعالى فى حضنى
ريان: لحظة واحدة تعالى يانورين
بمجرد مادخلت الكل انصدم لكن زيزى بانت على ملامحها الزعر وقالت برعب
لا.. لا مست.. مستحيل تكون هيا
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
فى ايه ياجماعه انتم واقفين مصدومين كدة ليه مش هتسلموا عليا انا وخطييتى
كلهم كانوا فى حالة صدمه خصوصا زيزى ال وصلت لحالة من الزعر بدأت تهتف
= دى فرح ايوا هيا دى.. دى فرح
ريان بص لنورسين باستغراب بعدها قال لمعاذ: فى ايه يامعاذ ال بيحصل ده ومين فرح ال مراتك. بتقول عليها دى
لكن قبل مامعاذ يتكلم كانت زيزى قالت بصوت عالى: فرح ال انت جايبها... دى تبقى فرح ايوا هيا انتى ازاى دخلتى بيتنا ياحقي*رة وعايزة ايه مننا ياشحا*ته
قالت كلامها وهجمت على نورسين لكنها استخبت ورى ريان مسك ريان ايد زيزى وقال بانفعال
ماتشوف مراتك يامعاذ فيه ايه ياعمى ال بيحصل ده انا وخطيبتى بنتعرض للاهانه فى بيتك وانت واقف تتفرج
رأفت قال على الفور: انا بعتذرلك يابنى بالنيابة عنها زيزى اعصابها تعبانة شوية
معاذ: تعالى معايا يازيزى
زيزى برفض: سيب ايدى يامعاذ
معاذ: تعالى نتكلم برة شوية بعد اذنكم ياجماعه
نورسين بخوف: هيا دى عيلة انت ال كنت بتشكر فيها طول الطريق انا ماشى ومش هقعد هنا
ريان مسك ايدها وقال برجاء: معلش ياحبيبتي بعتذرلك
نورسين برفض: انا همشى ارجع امريكا دى قرار نهائى
ريان قال بنرفزة: ان كنتى هتمشى فانا هرجع معاكى
رأفت برفض: لا ياريان يابنى انت مش هتمشى انا ماصدقت رجعتلنا بعد الغيبة دى كلها
ريان بحزن: انا كمان ياعمى بس انا مش هسمح ان حد يهين خطيبتى انا اسف
رأفت بص لنورسين بنظرات غامضة بعدها قال بلهجة لينة
=شوف يابنى ايه ال يرضيك انت وخطيبتك وانا هعمله
وقتها نورسين اتكلمت باندفاع: زيزى ده تعتذر من انا
رأفت جز على اسنانه لكنه ابتسم وقال بهدوء: طبعا يابنتى هخليها تعتذلكم انتم الاتنين اقعدوا ارتاحوا وانا هجيبها تعتذر حالا
ريان حضن نورسين وقال باعتذار: انا آسف ياحبيبتي على الموقف ال اتحطيتى فيه بسبب عيلتى
نورسين بعدته وقالت: حبيبى انت مش ليك ذنب الغلط عند هذه زيزى
فى الخارج
معاذ كان بيحاول يهدى زيزى ال كانت على اخرها جه رأفت قال بعصبية
= ينفع التصرف بتاعك قدام ابن اخويا احرجتينا واحرجتى نفسك
زيزى باندفاع: انتم عايزين تجننونى هو انتم مشوفتوش ال انا شوفته!؟ دى فرح طليقة معاذ ايه مخدتوش بالكم
معاذ وهو بيفتكر هيئتها: هيا فعلا فيها شبه كبير من فرح كأنها هيا
زيزى قالت بصدمه: كأنها هيا! انت كمان مش متأكد ان دى فرح هو انا هتوه عنها ولا هيا عشان لبست نضيف وحطت شوية مكياج فاكرة اننا مش هنتعرف عليها هتفضل كول عمرها شحاته مهما عملت
رأفت: يابنتى انا بقول ممكن يعنى ممكن تبقى هيا وممكن لا
زيزى بسخرية: انا ممكن افهم معاذ انه مش عايز يعترف قدامنا بمعرفته ان نورسين هيا فرح عشان يفضل قريب منها لكن انت ياعمى ايه أسبابك
معاذ بغضب: ايه الجنان ال انتى بتقوليه ده ماتاخدى بالك من كلامك فرح كانت صفحه اتقفلت بموت زين
رأفت قاطعهم بصرامه: بس انتم هتتخانقوا قدامى
زيزى: بعتذر من حضرتك ياعمى بس انا عايزة افهم ايه مخليك شاكك انها مش فرح
رأفت قال بشرود: انا مش شاكك انا شبه متأكد
زيزى بدهشة: ايه!؟
فاق رأفت من شروده وقال على الفور: يابنتى ال قصدته اننا لازم نفكر قبل مانعمل اى تصرف نندم عليه لازم نتأكد اذا كانت هيا ولا لا ان كانت دى فرح وجاية تنتقم مننا فأوعدك انى هقتل-لها قدام عينك وأشفى غليلك منها ولو طلعت نورسين فعلا فده هيبقى افضل لينا خصوصا ان البنت دى غنية جدا واحنا محتاجين فلوسها عشان شركتنا ترجع تقف على رجليها من جديد
معاذ انخض بمجرد ماذكروا سيرة القت-ل وقال بتوتر: وهنعرف ازاى اذا كانت فرح ولا نورسين
رأفت ابتسم وقال مكر: هيا بتقول انها امريكية ووالدتها عندها شركات ف مصر وبرة مصر هنتأكد اولا ان دى شركات حقيقية مش وهمية بعدها من خلال والدتها انا بنفسى هتواصل معاها هندور وراها كويس
زيزى باندفاع: وليه اللفه دى كلها مانروح بيت ال اسمها فرح ونعرف الحقيقة
معاذ بتلقائية قال: مش موجودة اختفت من سنتين
زيزى رفعت حواجبها: وعرفت منين؟
معاذ لقى نظراتهم موجه عليه فقال بتوتر: يعنى كنت براقبها لتسببلنا اى مشاكل بس اختفت معرفش اختفت فين
زيزى بسخرية: شوفتوا مش قولتكم وده اكبر دليل ان فرح هيا نورسين فرح تختفى نورسين تظهر عايزين دليل ايه اكبر من ده
الا ان رأفت قال: ده مش دليل البنت ممكن تكون غيرت مكان اقامتها او حتى اجزوت 6 سنين كتير ان حياتها تكون اتغيرت
معاذ اضايق من كلام والده اما زيزى فقالت باستغراب: مش قادرة افهم اصرارك ان البنت دى مش فرح ليه
رأفت: قولتلك يازيزى احتمال على العموم مسألة وقت ونتأكد ويلا عشان تعتذرى على ال عملتيه
زيزى باستنكار: أعتذر! من مين؟
رأفت بنبرة لاتقبل النقاش: من خطيبة ريان لحد مانعرف حقيقتها فهيا قدامنا كلنا نورسين وال انت عملتيه معاها قلة زوق
زيزى برفض تام: وانا مستحيل اعتذر من ال اسمها فرح حتى لو على موتى
رأفت بانفعال: ال هنعيده هنزيده هيا كلمة واحدة ورد غطاها هتعذرى ولا لا؟
زيزى بصت لمعاذ انه يقف جمبها لكنه اشاح بصره للجانب الاخر فقالت وهيا على وشك الانفجار
= ماشى ياعمى هعمل ال حضرتك طلبته بس اليوم ال هتأكد فيه ان دى فرح محدش فيكم هيقدر يمنعنى اخلص عليها
داخل الفيلا
نورسين بانزعاج: ده كله يقنعوا هيا تعتذر
ريان بص لقاههم داخلين فقال بمرح: اديهم جايين أهم
رأفت قال بابتسامه متكلفه: نورسين يابنتى زيزى حابة تعتذر منك على التصرف ال عملته
بصت نورسين لزيزى ال كان باين عليها جدا انها مجبورة
رأفت بحدة: زيزى
زيزى قالت الكلمات بصعوبة: انا آسفة على تصرفى بس افتكرتك حد تانى
ريان: حبيبتى عشان خاطرى اقبلى اعتذارها
نورسين: Ok بس توعدى انا مش هتتكرر تانى
زيزى بصعوبة: اوعدك مش هتتكرر
قالت كلامها وطلعت فورا اوضتها
العيلة سهروا مع بعض شوية بعدها بساعتين
نورسين: Good night بيبى (تصبح على خير)
ريان بمرح: وانتى من اهله ايه رأيك انام فى اوضتك النهاردة
نورسين برفض: No كدة غلط انت نام فى اوضة انا اوضة لحد مانت انا نتجوز ننام فى اوضة واحدة
ريان ضحك وقال: عشان متحسيش بالوحدة وانتى فى مكان غريب واول مرة تنزلى مصر
نورسين: شكرا على اهتمامك مع العلم مش اول مرة انزل مصر
ريان باستعباط: بجد نزلتى قبل كدة
نورسين: حبيبى انت انسى كتير داد مصرى كنت اجى زيارات
ريان بمرح: ايوا صح افتكرت
نورسين كانت لسة هتقفل باب الغرفة لكن ريان غمزلها وقال : لو غيرتى رأيك انا موجود
تصبح على خير حبيبى
بعدها قفلت الباب من دون ماتسمع رده
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
ريان بمرح: والله امريكية محترمه امتى نجوز بقى
فى اوضة زيزى ومعاذ كان كل واحد فيهم نايم على جنب وبيفكر لحد مازيزى قامت قعدت على السرير وقطعت الصمت
زيزى: معاذ.. معاذ انا عارفة انك صاحى
نفح معاذ بضيق وقام قعد جمبها: ايه يازيزى؟
زيزى: اكيد بتفكر فى نفس ال بفكر فيه
معاذ : زيزى فكك من موضوع نورسين ومتحاوليش تعملى حاجة بابا قال انه هيعرف الحقيقة من فضلك مش عايزك تتصرفى بتهور
زيزى: حاضر يامعاذ ال انت عايزه
معاذ: صحيح مالك فين؟
زيزى: عند بابا بفكر اخليه مع بابا الفترة دى لحد مانشوف هنتصرف ازاى مع ال اسمها فرح او نورسين
معاذ: تمام احسن بردوا
زيزى قالت فى عقلها: بكرا هعرف اذا كانت دى فرح ولا نورسين
معاذ الاخر قال فى عقله: بكرا هعرف الحقيقة خطتى هتنجح وهكتشف فرح ولا لا
معاذ: تصبحى على خير ياحبيبتي
فى فيلا البسيونى
عاصم: ليا ياحبيبتى مالك ياروحى بقالك كام يوم مش على بعضك
ليا بلعت ريقها وحاولت تكون عادية لكنها فشلت وبان فى صوتها الحزن اكتر
=انا بس كنت.. كنت انا كويسة ياحبيبي متقلقش عليا
عاصم مسك ايدها باسها وقال بحنية: لا انتى مش كويسة قلبى بيقولى ان فى حاجة قوليلي ياحبيبتى وانا هقف جمبك بس عرفينى مالك انا عارف اننا مرينا بظروف صعبة اما خسرنا ابننا بس ربنا رزقنا بروفان
ليا قالت بحب: انا بحبك اوى ياعصام بحبك
عاصم بعشق: وانا بعشقك مش بس بحبك
ليا بخوف: عصام انا خايفة
عاصم بقلق: خايفه من ايه
ليا اتوترت لكنها قالت: انت ممكن تسيبنى فى يوم من الايام؟
عاصم: عمرى ماقدر اسيبك انتى روحى ياليا واغلى حد فى الدنيا تشيلى من دماغك الافكار السودواية دى وخلينا نهتم بحياتنا وبنتنا ايه رأيك نسافر يومين الفيلا ال فى اسكندرية
ليا بحب: ماشى ياحبيبى بس هناخد روفى معانا
عاصم بمرح: ده اكيد اومال مين هينكد علينا ويقطع اللحظات الحلوة غيرها
ضحكت ليا ضحكة قصيرة
عاصم: انا هروح اخلص شوية شغل فى الشركه تكونى جهزتى شنطة السفر
ليا: ماشى ياحبيبي
مجرد ماعاصم خرج بدأت ليا تجهز شنط السفر بفرحه لكن فجأة سمعت اشعار على، تليفونها ففتحت تليفونها وكانت الصدمه فيديو ليها هيا وهشام وهيا بتعرف انها خانت عاصم وان يوسف ابن هشام وتحت الفيديو رسالة بتقول« انتظرى الرسالة التانية وال هقولك فيها شروطى عشان مبعتش لجوزك العزيز الفيديو ان مراته الغالية خانته مع جوزه ويوسف مش ابنه كمان حاجة متحاوليش تعرفى انا مين»
فى شركة رأفت
رأفت: أيمن اسمعنى كويس وركز فى بنت هديك اسمها تتأكدلى من هويتها هيا واهلها وتعرف شركات والدتها دى حقيقية ولا وهمية عايز كل حاجة تخصها ياأيمن ومن غير ماحد يحس انك بدور وراها
أيمن باحترام: أمرك ياباشا
رأفت بتأكيد: مش عايز اى غلط ياأيمن
أيمن: متقلقش ياباشا
رأفت: تمام ياأيمن روح ابدأ شغلك
بص رأفت لقاه لسة واقف مكانه فقال: فى ايه يا إبنى انت لسة واقف
أيمن: احم... رأفت بيه اتفضل شوف بنفسك
مسك رأفت منه الجريدة قرا اول سطر بعدها رماها بغضب: نفس البنت الصحفية انتم مش حذرتوها مرة؟
ايمن: حصل ياباشا ورجعت تكتب عن حضرتك تانى تحب نتصرف معاها ازاى
رأفت بشر: طالما حذرتوها مرة ومسمعتش الكلام يبقى خلاص
أيمن بغباء: خلاص ايه
رأفت بعصبية: هيكووووون ايه يعنى ياأيمن ماتركز مالك النهاردة مش على بعضك خلاص يعنى تخلص
أيمن باحراج: تمام ياباشا تمام اى اوامر تانية
لا اتفضل شوف شغلك
فاقت نورسين خدت دوش وبعدها راحت اوضة ريان مكنش موجود دورت عليه فى كل الفيلا لكن مكنش ليه أثر جابت تليفونها ترن عليه وقبل ماترن شافت الريكورد ال باعته بيعتذلها انه اضطر يروح الشركه مع عمه ومحبش يفوقها عشان كانت تعبانة من السفر اتنهدت بملل وبعدها راحت اوضتها لكنها انصدمت اما شافت معاذ قاعد على السرير بكل برود
نورسين بصدمه: انت تعمل ايه هنا؟
معاذ ببرود: مستنيكى يافرح
نورسين: مين فرح انت مجنون اخرج برة اوضتى
معاذ قام وقف قدامها وقال ببرود: تؤ تؤ مانا مش هخرج من هنا قبل مااعرف انتى فرح ولا نورسين
وقبل ماتستوعب خرج قزازة برفان من جيبه ورش كمية كبيرة جدا فى الغرفة
نورسين فتحت الباب سريعا ولكن قبل ماتغادر مسك ايدها وزقها لداخل الغرفة واغلق الغرفة
معاذ بسخرية: ايه خايفة تنكشفى قدامى
نورسين بغضب: انت تعمل ايه Stupid (غبى)
معاذ بسخرية: اعوجى لسانك براحتك بس كلها ربع ساعه بالكتير وتبدأ تظهر عليكى اعراض الحساسية يافرح
للانضمام لقناة الواتساب اضغط هنا
↚
اعوجى لسانك براحتك بس كلها ربع ساعه بالكتير وتبدأ تظهر عليكى اعراض الحساسية يافرح
نورسين بغضب: فرح مين؟ واعراض ايه انا مش فاهمة حاجة
معاذ ببرود قال: فرح عندها حساسية شديدة من العطر ده بيسببلها دوخه واحمرار فى الجلد عشان كدة لو كنتى انتى فرح فده هيظهر عليكى اما لو كنتى نورسين فالاكيد مش هتظهر عليكى الاعراض
كمل كلامه بسخرية: مع انه واضح جدا بالنسبالى انتى مين فيهم خوفك ده اكبر دليل انك فرح
نورسين حطت ايدها حوالين خصرها وقالت بهدوء: انت فاهم غلط وهتتحاسب على كل ال عملته وهقول لريان مش هقعد فى البيت ده لحظة
معاذ بسخرية: مفروض انتى ال تخافى من ريان اما يعرف حقيقتك وانك خدعتيه عشان تنتقمى منى على العموم مش عايز اسمع صوتك لحد مالربع ساعه تعدى
بعد ربع ساعه
نورسين بسخرية: مظهرش عليا اى اعراض من ال انت قولت عليها اقدر امشى
معاذ بعدم تصديق: لا مش معقول انتى فرح اكيد الاعراض هتظهر عليكى دلوقتي انا متأكد
نورسين بانفعال: Enough (كفاية) انت كتير زودتها عايز ايه دلوقتي
معاذ خد نفس عميق وبصلها بنظرات غريبة وبدأ يقرب منها
نورسين بخوف وهيا بتبعد لورى: انت انت بتقرب كدة ليه "Stay away from me.(ابعد عنى)
معاذ مسك ايدها فجأة وعلى الفور سابها وقال بضيق: الظاهر انك نورسين مش فرح انا بعتذر منك على ال عملته
نورسين بغضب: وانا مش قابلة اعتذار انت
معاذ زم شفتيه وقال بضيق: ليكى حق طبعا تكونى مضايقة منى بس غصب عنى
فتح باب الغرفة لكن قبل مايتحرك خطوة واحدة للخارج وقفته نورسين
انا ممكن انسى ال حصل ومقولش لريان على اى حاجة بس شرط واحد
التفت معاذ ليه وهو بيبصلها بفضول فقالت: اعرف مين فرح وليه فكرتها انا؟
معاذ شرد لحظة قبل مايقول: تبقى حبيبتى.. اقصد يعنى كانت حبيبتى
نورسين: وايه حصل بعد كدة؟
معاذ بحزن مصطنع: خانتنى ودمرتنى ولما عرفت بخيانتها وبعدت عنها واجزوت وأسست عيلة جت تدمر عيلتى وتوقع بينى انا ومراتى كانت انانية لدرجة كبيرة
نورسين: معقول فى حد بالبشا-عه دى وازاى قدرت تخلص منها
معاذ: من فترة اختفت يمكن عشان كدة اما شوفتك افتكرتك هيا بسبب الشبه الكبير ال مابينكم
نورسين: معقول فينا شبه كبير اوى من بعض
معاذ: جداااا لدرجة مش معقوله... اتمنى انك تعذرينى وتتفهمى الموقف
نورسين برقة: تمام انا سامحتك
🌿🌿🌿🌿🌿🌿🌿🌿🌿🌿
« انتظرى الرسالة التانية وال هقولك فيها شروطى عشان مبعتش لجوزك العزيز الفيديو ان مراته الغالية خانته مع جوزه ويوسف مش ابنه كمان حاجة متحاوليش تعرفى انا مين»
مجرد ما ليا شافت الرسالة والفيديو اصابها حالة من الزعر ومن غير تفكير راحت اوضة هشام لكنه مكنش موجود فرنت على عاصم عرفت انه هيتأخر لساعتين فانتظرت هشام فى غرفته لنص ساعه كان جه من الشغل
اول ماهشام دخل وشافها قاعده على سريره انصدم بس بعدها قال بسخرية
= يبقى وافقتى على عرضى وهتسافرى معايا
ليا بعصبية: وصلت بيك الحقارة انك تصورنا وتهددنى
هشام بعدم فهم: تقصدى ايه مش فاهم
ليا بانفعال: بلاش استعباط انت عارف كويس بتكلم عن ايه بطل شغل التمثيل بتاعك ده
هشام بغضب: بقولك ايه بطلى تتكلمى بالاغاز وقولى فى ايه
ليا فتحت الفيديو انصدم هشام مجرد ماسمع وشاف الرسالة وعلى الفور قال
= اوعى تكونى بتتهمينى ان انا ال صورت الفيديو
ليا بجنون: وهيكوون مين غيرك صوره انت بنفسك هددتنى انك هتفضحنى
هشام: انا فعلا عملت كدةزيز بس مش انا ال صورت الفيديو كنت بكدب عليكى انى هقول لعاصم لكن مقدرش افضحك وافضح نفسى صدقينى
ليا قعدت على طرف السرير وحطت ايدها على راسها بتعب فقعد هشام جمبها وقال بصدق
= ليا انتى حبييتى وعمرى ماأذيكى
ليا بضعف: لو مكنتش انت يبقى فى حد تالت يعرف بعلاقتنا والمصيبة ان الشخص ده من البيت
هشام بشر: الموضوع ده عندى انا هلاقى ال بيهددك
ليا بخوف: ناوى على ايه؟
هشام: هراقب كل الخدم ال فى البيت اكيد حد منهم ال صورنى فى اوضتك
ليا بخوف: افرض مكنش حد من الخدم
هشام انصدم من كلامها وقال باستنكار: تقصدى ايه؟
ليا: اقصد حد من عيلتك اختك او حتى باباك هما من الاول مكنوش متقبلنى زوجة لعاصم خصوصا اختك ال دايما بدور ورايا
هشام برفض: مستحيل حد منهم يكون الفاعل
ليا: افرض كان حد فيهم
هشام بشر: مش هرحم ال عمل كدة مهما كان مين اوعدك بس ان شاء الله مش هيكون حد من العيلة
ليا قامت على الفور وقالت: انا هروح حالا اوضتى قبل ماعاصم يكون جه
لكنها مجرد ماخرجت انصدمت اما شافت حد من البيت قدامها
اما هشام ففى النفس اللحظة وصلتله رسالة صدمته
«مش عايز تعرف مين القات-ل الحقيقى ليوسف»
ليا: الحقنى ياهشااااام
هشام خرج على الفور
🌿🌿🌿🌿🌿🌿🌿🌿🌿🌿🌿🌿
يعنى ايه محدش يعرف اى حاجة عنها واختفت فين وازاى...
= زى ماقولك كدة يابنتى هيا وعيلتها تقريبا سافروا
_ تمام شكرا ياطنط
حست زيزى بيأس كبير بعد ماسألت كل جيران فرح عنها لكنها مقدرتش تحصل على معلومه واحدة توصلها لفرح
واخر مافقدت الامل قررت تمشى لكن وقفها صوت شاب
= يا مدام حضرتك بتسألى عن فرح بنت الخالة صفاء
زيزى بلهفة: تعرف حاجة عنها؟
الشاب بطمع: ايوا اعرف بس تراضينى الاول
خرجت زيزى من شنطتها فلوس وقالت: دول كلهم ليك بس عايزة اوصلها
الشاب: تقدرى توصليلها من خلال صديقتها وعد فى الفترة الاخيرة كانوا دايما مع بعض وهيا الوحيدة ال تعرف عنها كل حاجة
زيزى: ووعد دى اقدر اوصلها ازاى؟
الشاب: فى مستشفى......
خدت زيزى عنوان المستشفى وقدرت بالفعل توصل للغرفة ال فيها وعد وقبل ماتدخل كانت والدة وعد سألتها: انتى مين وعايزة ايه من بنتى؟
زيزى: انا صاحبة وعد وجيت اطمن عليها
والدة وعد بشك: صاحبتها مين انا اول مرة اشوفك؟؟
زيزى اتوترت لكن على الفور اجابت: اصلى متجوزة بعيد ياطنط ومن فترة انقطع التواصل بينى انا ووعد واما سألت وعرفت ان وعد فى المستشفى جيت اطمن عليها
والدة وعد بضيق: منهم لله ال كانوا السبب
زيزى بمكر: ليه هو مين السبب ياطنط؟
والدة وعد بحزن: بنتى أذته فى ايه عشان يعمل فيها كدة مش كفاية ال هيا فيه منك لله ياسامر
وبذكر اسم سامر افتكرت زيزى انه شقيق فرح كانت على وشك انها تندفع وتكشف نفسها لكنها قالت بهدوء: مش سامر ده اخو فرح صديقة وعد الروح بالروح
والدة وعد بكره: قطيعه تقطعها هيا وعيلتها مطرح ماراحوا
زيزى حست انها هتقدر توصل لمعلومات اكتر من خلال والدة وعد فحست بانتصار كبير لكن قبل ماتكمل حوار معاها كانت الممرضة خرجت من غرفة وعد قائلة: المريضة فاقت
والدة وعد بلهفة: ياحبيبتي يابنتى ينفع ادخلها يابنتى
الممرضة باحترام: اكيد ياخالتى اتفضلى
زبزى قالت على الفور: ممكن بس طنط ادخلها عشر دقايق اطمن عليها وهخرج علطول بعد اذنك طبعا
والدة وعد: اكيد يابنتى اتفضلى
دخلت زيزى الأوضة بهدوء وهى بتحاول تبان طبيعية
أما وعد فكانت لسه تعبانة لكن أول ما شافت حد غريب دخل عندها استغربت وقالت بصوت مرهق:
= انتى مين؟
زيزى قربت منها بسرعة وقالت بلطف مصطنع: معلش ياحبيبتى قلقتك... انا اسمى سارة صاحبة فرح
وعد رفعت حاجبها باستغراب:
= فرح؟
زيزى هزت راسها وقالت بتوتر متعمد: اه... انا كنت مسافرة بره مصر بقالى فترة كبيرة ولما رجعت حاولت أوصل لفرح بس معرفتش خالص كل ال اعرفه انها اختفت فجأة وانتى أقرب واحدة ليها
وعد سكتت لحظة وهى بتبصلها بتفكير قبل ماتقول:
= وانتى عرفتى مكانى ازاى؟
زيزى طلعت نفس وقالت بسرعة وكأنها محرجة: سألت ناس كتير عنها لحد ماحد قالى انك صاحبتها المقربة وإن ممكن تكونى الوحيدة ال تعرف عنها حاجة صدقينى انا قلقانة عليها جدًا
ملامح وعد بدأت تلين شوية وقالت بحزن:
= فرح مرت بحاجات كتير وحشة... عشان كدة قطعت علاقتها بمعظم الناس
زيزى قربت أكتر وقالت بفضول حاولت تداريه: يعنى هيا كويسة دلوقتى؟
وعد ابتسمت ابتسامة بسيطة وقالت:
= الحمدلله... ربنا عوضها اتجوزت واحد محترم وسافروا السعودية وخلفت طفل هيا حاليا فى زيارة فى مصر
اتصدمت زيزى للحظة لكن حاولت تسيطر على ملامحها وقالت بسرعة:
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
= بجد؟ الحمدلله يارب... طب ينفع تديينى رقمها أو عنوانها؟ عايزة أسلم عليها
وعد ترددت وقالت بعدم راحة:
= بصراحة فرح مبتحبش حد يعرف مكانها
زيزى مثلت الحزن وقالت:
= للدرجة دى؟... يعنى بعد العمر ده كله حتى مش هينفع أشوفها؟ طب قوليلها بس إن سارة سألت عليها
وبعد الحاح زيزى وعد تنهدت بتعب وفى الآخر استسلمت
مدت ايدها للكومود وسحبت ورقة صغيرة كتبت عليها العنوان وسلمتهالها
= بس متقوليلهاش إنى اديتهولك عشان متزعلش منى
زيزى أخدت الورقة بسرعة وقالت بابتسامة واسعة:
= متقلقيش... ألف سلامة عليكى ياحبيبتى
خرجت زيزى من الأوضة وقلبها بيدق بعنف وهى باصة للعنوان
وأول ما ركبت عربيتها همست بانتصار:
= أخيرًا يا فرح...
🌿🌿🌿🌿🌿🌿🌿🌿🌿🌿🌿
وسط منطقة صحراوية مهجورة
نزل رأفت بهدوء من عربيته وهو بيعدل جاكيته الفخم بينما رجالته نزلوا وراهم بنت مكبلة الإيدين لكن عينيها كانت مليانة تحدى
رأفت وقف قدامها وقال ببرود:
= لسة باصة نفس النظرة ومتهزش فيكى شعرة؟
الصحفية ابتسمت بسخرية وقالت:
= المفروض أخاف يعنى؟
رأفت ضحك ضحكة قصيرة وقال:
= كل الناس بتخاف منى
الصحفية رفعت راسها بكبرياء:
= يمكن عشان الناس متعرفش حقيقتك لكن أنا عارفاك كويس... مساعد الوزير المحترم ال بيطلع فى التلفزيون يتكلم عن الشرف والنزاهة وهو فى الحقيقة واحد من أكبر تجار السلاح فى البلد
واحد من رجال رأفت قرب بعصبية:
= اخرسى يا بنت ال...
لكن رأفت رفع إيده يمنعه وهو مركز نظره عليها
وبعدها قال بهدوء مخيف:
= صحفية شاطرة... عرفتى توصلى لحاجات محدش قدر يوصلها بس سؤالى... مين ال وراكى؟
الصحفية ضحكت بسخرية:
= واثق أوى إنك مهم لدرجة إن أكيد ورايا جهة كبيرة؟
رأفت قرب منها وقال وهو بيبصلها بتفحص:
= لأنك مش صحفية عادية الملفات ال وصلتيها والصفقات ال عرفتيها مستحيل تكونى وصلتلها لوحدك
فى حد بيحركك
الصحفية بصتله باحتقار:
= لا يارأفت باشا... فى ناس لسه عندها ضمير وبتعرف تدور وراك بدون ماتكون شغالة لحساب حد
رأفت ابتسم ابتسامة باردة وقال بشماته:
= والضمير ده هو ال جابك لحد هنا
لف لرجالته وقال:
= احفروا
بدأ الرجال يحفروا الأرض بسرعة
أما الصحفية فكانت بتراقبهم بثبات رغم القلق ال بدأ يظهر فى عينيها بشكل واضح
بعد شوية واحد من الرجالة قال:
= الحفرة جاهزة ياباشا
رأفت بص للأرض شوية قبل مايقول:
= لا... كمّلوا حفر
قال استغرب: ليه ياباشا
رأفت قال بحدة:
= قولت احفروا أكتر
بدأوا يحفروا أعمق
وفجأة صوت واحد منهم طلع بخوف:
= ياباشا... فى عظام
الصحفية بصتلهم بسرعة
أما رأفت فابتسم لأول مرة براحة وكأنه لقى حاجة كان بيدور عليها
= أخيرًا... كدة اتأكدت
الصحفية عقدت حواجبها وقالت: اتأكدت من ايه؟
رأفت لف ناحيتها وقال بهدوء: إن ال فى البيت تبقى نورسين فعلًا
الصحفية بصتله بعدم فهم
أما هو فكمل: لأن لو الجثة دى موجودة هنا... يبقى فرح ماتت فعلًا زى ما أنا دفنتها بإيدى
ثانية صمت عدت قبل ما الصحفية تقول بصدمة: انت مجر*م وحق-ير قتلت واحدة ودفنتها هنا!
رأفت ضحك ضحكة باردة وقال:
= كانت فاكرة إنها تقدر تتحدانى وتفضحنى بس للأسف... نهايتها كانت هنا تحت التراب
بص للحفرة بإعجاب مرعب قبل مايقول: والغريب إنك هتبقى جنبها بالظبط
الصحفية بصتله بكره شديد وقالت: حتى لو قتلتنى الحقيقة هتظهر للناس فى يوم من الايام أمثالك نهايتهم دايمًا ينكشفوا
رأفت قرب منها وقال بنبرة مخيفة: لا... أمثالى هما ال بيكتبوا النهاية
وأشار لرجالته: نزلوها
رجالته مسكوها بعنف وبدأوا يقربوا من الحفرة
ولأول مرة الخوف الحقيقى ظهر على ملامحها وهى بتحاول تقاوم قالت بصراخ: ابعدوا عنى!
رأفت كان واقف بيتفرج ببرود تام
لكن قبل ما يرموا جسمها جوه الحفرة صرخت بأعلى صوتها: استنى يا رأفت باشا!!
وقف الكل
ورأفت بصلها بضيق:
= خلصينى... عندك كلمة أخيرة؟
الصحفية كانت بتنهج بعنف ودموعها لمعت فى عينيها لأول مرة قبل ما تقول بصوت مهزوز لكنه واضح:
= لو دفنتنى النهاردة... هتبقى بتدفن بنتك بإيدك..
🌿🌿🌿🌿🌿🌿🌿🌿🌿🌿🌿
بعد وقت...
وقفت زيزى قدام شقة هادية فى عمارة متوسطة
كانت بتبص حوالين منها بتوتر قبل ماتضغط الجرس
ثوانى... والباب اتفتح
لكن الصدمة شلتها مكانها
فرح كانت واقفة قدامها فعلًا...
لابسة هدوم بيت بسيطة وفى حضنها طفل صغير متعلق فيها ببراءة
أما فرح فاتجمدت ملامحها أول ما شافت زيزى
اللون اختفى من وشها وهمست بصدمة:
= زيزى؟!...
بصتلها بعدم استيعاب قبل ماتقول بخوف واضح:
= انتى عرفتى مكانى ازاى؟! وايه ال جابك هنا؟!
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
زيزى؟!
بصتلها بعدم استيعاب قبل ماتقول بخوف واضح:
= انتى عرفتى مكانى ازاى؟! وايه ال جابك هنا؟!
زيزى بصت على الطفل ال كان متمسك بفرح وقالت: انتى فرح؟ اقصد يعنى انك.. انك... انتى اجوزتى تانى وده ابنك
فرح بسخرية: اظن ان دى حاجة متخصكيش وعشان اريحك ايوا اجوزت والحمد لله ربنا رزقتى بسليم ويلا من غير مطرود
وقبل ماتقفل الباب فى وشها زيزى قالت بسرعه: لحظة واحدة يافرح
فرح بحدة: عايزة ايه يازيزى وجاية ليه بعد السنين دى كلها جاية وناوية على ايه المرادى مش خدتى منى كل حاجة قبل كدة
زيزى: انا .. انا عارفة انك مش هتصدقينى بس انا جاية ندمانة وعايزة اعتذرلك واتمنى انك تسامحينى
فرح رفعت حواجبها بعدم تصديق: والله؟ والمفروض بقى اصدق التمثيلية الرخيصة دى شوفيلك كدبة تانية اقدر اصدقها ال زيك مستحيل يتغير يازيزى وبعدين تعالى هنا انتى عرفتى مكانى ازاى؟
زيزى بدموع كاذبة: سألت لحد ماقدرت اوصلك وبجد انا مش قادرة اسامح نفسى على كل الظلم ال انتى عشتيه بسببى انا مستحقش السماح بس لو سامحتينى هكون ممنونة ليكى جدا
فرح صرخت فيها ودموعها مغرقة وشها: وثقت فيكى انتى ومعاااذ قبل كدة كنت عااايزة ايه غييير انى اعيش فى سلاااام مع جوووزى وابنى زيزى انا مخدتش منك جووزك انتى بنفسك جتيلى وطلبتى ايدى لجوزك وقولتى اننا هنكون صحاب مش ضراير صدقتك وأمنتك على ابنى اول ماولدت زين مين اول شخص شاله حتى قبلى مش انتى زعلت امى منى اما طلبت تهتم بابنى لحد مااقوم بالسلامة وأمنتك انتى على ابنى اكتر من الست ال ولدتنى كنت شايفة انك بتحبييه بس مكنتش اعرف انه حب مرضى وانك هتاااخديه منى ده جزاء انى وثقت فيكى كفئتينى بانك سرقتى منى ابنى ودمرتينى انتى ومعاااذ ابنى مااات ومقدرتش احضنه مقدرتش اخده فى حضنى انا غلطت فعلا بس مش فى حقك فى حق نفسى ان قبلت اجوز واحد مجوز واحدة تانية وغلطت فى حق ابنى البرئ ال مقدرتش احميه من شركم
امشى من هناااا يازيييزى
قالت كل ال فى قلبها ودخلت فى نوبة بكاء فالطفل كمان عيط بصراخ وهنا طلع شخص من الداخل
قال بقلق: فرح ياحبيبتي مالك وسليم ماله بيعيط لييه
بص لزيزى باستغراب وقال: هيا مين دى؟
زيزى حست باحراج فقالت فرح بهدوء وهيا بتزيح دموعها: واحدة واطية
رد باستغراب: ايه؟
فرح:ولا حاجة ياحبيبي خد الولد وادخل وانا هدخل وراك
قال:ماشى صحيح جهزت شنط السفر
زيزى بحذر:هو انتى مسافرة؟
فرح بجمود: ايوا مسافرة ويلا اتفضلى من هنا انا لو كنت اعرف انى هشوفك مكنتش نزلت مصر من الاساس
بعدها قفلت الباب ف وشها وقبل مازيزى تغادر سمعت جوز فرح بيقولها
= مش ناوية يعنى تفهمينى مين الست دى وليه كنتى بتعيطى
_ عابد ارجوك مش وقته
= ماشى يافرح انتى حرة بس افتكرى تعليمات الدكتورة قالت ممنوع الزعل عشان البيبى
زيزى سمعت الكلمتين دول مقدرتش تسمع اكتر غادرت على الفور والحقد مالى قلبها
قالت فى عقلها: هتبقى ام لطفل تالت اتمنى عيالك يموتوا يافرح انا بكرههك بكرهك
وبرغم انها كانت غاضبة وبشدة وغيرانه من فرح لكنها اطمنت ان فرح مش هيا نورسين وجاية تنتقم منها وتاخد جوزها فرح الضعيفة ال انهارت من شوية مستحيل تكون نورسين البنت القوية الشرسة
🌿🌿🌿🌿🌿🌿🌿🌿🌿🌿
لو دفنتنى النهاردة... هتبقى بتدفن بنتك بإيدك..
رأفت بسخرية: بنتى! تقصدى مين انتى ههههه
الصحفية قالت بكره: للاسف انت تبقى ابويا وانا بنتك حتى لو انت مصدقتش فده مش هيغير حقيقة انى بنتك
رأفت بنفس السخرية قال: وتقدرى تقوليلى بنتى ازاى بقى
الصحفية بكره: شوف غلطت مع مين زمان وبعدين رمتها زى الكلبة
رأفت همس: ناهد... انتى بنت ناهد
الا ان الصحفية سكتت ومتكلمتش
رأفت قرب منها وقال: ناهد لسة عايشة انطقى انتى بنتها؟
الصحفية حست انها اتسرعت وورطت والدتها وبسرعه قالت: انت مش كنت هتقتل-نى اقتلن-نى يلا وملكش دعوة بماما كفااية ال حصلها من وراك
رأفت بصلها بعمق وهو بيفتكر حبيبته القديمة ناهد هيا بالفعل تشبهها كثيرا نفس لون العيون الخضر والشعر الاشقر حتى فى الملامح تشبهها كثيرا
نزع شعره من شعرها وقال لايمن: البنت امانة عندك ياأيمن مش عايز اى مكروه يصيبها لحد ماتأكد من كلامها
أيمن بطاعه: اوامرك ياباشا
رأفت بص للصحفية ال كانت بتبصله بتحدى وقال: لو كلامك طلع غلط تترحمى على نفسك وعلى الست الوالده.... متنسوش تردموا الحفرة دى
وقبل مايغادر بص للحفرة العميقة وافتكر
فلاش باك
أيمن: جبناها زى ماأمرت ياباشا
رأفت بص على فرح الفاقدة للوعى وقال بشماته: كنتى بتتعاونى مع ظابط شرطة عشان تفضحينى بس شوفتى كشفتك بسهولة ازاى.... هيا هتفوق امتى ياأيمن عشان ناخد منها المعلومات ال ادتها للظابط عننا
أيمن بص لرجاله بحدة وبعدها جز على اسنانه وقال: للاسف ياباشا الرجالة زودوا جرعة المخدر ونبضها ضعيف جدا مش عارف اذا كان ممكن تفوق ولا لا ممكن نجيبلها دكتور
رأفت بشر: وليه دكتور طالما كدة كدة ميتة بص انتم تاخدوها تدفنوها فى الصحرا بس اتأكدوا انكم مش متراقبين... ولا اقولكم انا جاى معاكم بنفسى عشان اتأكد اننا خلصنا من البلوة دى
وبالفعل جهزوا عربياتهم وطلعوا متجهين الصحرا وعلى الطريق أيمن قاس نبض فرح وفورا قال
_ باشا الظاهر ماتت مفيش نبض خالص
رأفت زم شفتيه وقال بحزن مصطنع: خسارة مش مكتبوبلها تشوف نفسها وهيا بتندفن
باك
فاق رأفت من ذكرياته وألقى نظرة اخيرة على الصحفية قبل مايركب سيارته ويتجه للمعمل لعمل تحليل DNA بعدها اتجه للقصر
🌿🌿🌿🌿🌿🌿🌿🌿🌿🌿
انا هروح حالا اوضتى قبل ماعاصم يكون جه
لكنها مجرد ماخرجت انصدمت اما شافت حد من البيت قدامها
اما هشام ففى النفس اللحظة وصلتله رسالة صدمته
«مش عايز تعرف مين القات-ل الحقيقى ليوسف»
ليا: الحقنى ياهشااااام
هشام خرج على الفور
كانت بنت الخادمه الصغيرة ال عندها 18 سنة واقفة مصدومه وباين على ملامحها الزعر اما شافت ليا طالعه من اوضة هشام جت تجرى فجرى هشام وراها مسكها
البنت صرخت: سيبنى حرام علييك مش هقووول لحد حاااجة سيبوونى
ليا برعب: سيبها ياهشام البنت هتمووت فى ايدك
هشام وهو بيكتف البنت: ملكيش دعوة انتى ياليا البنت دى لو قالت ال شافته او سمعته هنتفضح قدام العيلة
ضغط هشام على أحد الشرايين في رقبتها، ففقدت وعيها."
ليا بخوف: انت.. انت ناوى تعمل ايه
هشام بشر وهو بيشيل البنت: هخلص من البلوة دى وبعدين نشوف هنتصرف ازاى
بعد ماهشام مشى دخلت ليا غرفتها قفلت على نفسها وانهارت فى العياط وبدأت تكلم وتلوم نفسها
انا.. انا السبب فى كل ال بيحصل انا واحدة مستهلش اعيش عملتين ذنبين كبار فى حياتى اول ذنب.. اول ذنب انى خنت جوزى مع اخوه واتعاقبت وابنى الغالى مات
نزلت دموعها بغزارة اكتر وهيا بتقول: ذنبى التانى انى حرمت ام من ابنها مكنش لازم اسمع كلام هشام وبابا بسيونى كان مفروض نرجع الطفل لامه الحقيقية اكيد امه دعت عليا اكيد ده غضب امه انا ام ازاى هان عليا ام تانية تتعذب وابنها بعيد عنها وده كله مقابل شوية فلوس واملاك استفدنا ايه
مسحت دموعها وقالت بعزيمة: انا لازم اصلح اغلاطى هصلحهم هوصل لفرح واعرفها ان ابنها عايش واقولها كل ال حصل بس قبلها لازم انقذ البنت البريئة من هشام
🌿🌿🌿🌿🌿🌿🌿🌿🌿🌿
ايه ياحبيبي مشربتش اللبن ليه
مالك بتذمر:مش بحب اللبن ياأمينة
أمينة بحنية:بس لازم تشرب لبن كتير عشان تكبر مش انت عايز تكبر
مالك بص لكوب الحليب وقال:ماشى هشرب شوية وانتى شوية
أمينة بضحك وهيا بتبوس ايده الصغيرة: ماشى ياحبيبي
عماد دخل عليهم وقال:حبيب جدو بقى شطور وبيسمع الكلام
مالك بصوت طفولى:ااه امينة قالتلى لو شربت اللبن هكبر
أمينة: اقعد ياعماد هحضرلك الغدا
عماد: انا كنت عازمكم النهاردة على الغدا برة
أمينة: لا ياحبيبي مرة تانية هاخد مالك اوديه لمامته معاذ رن وقالى اجيبه
عماد: تمام
أمينة: طب ماتيجى معايا وبالمرة تشوف بنتك وعيلتها
عماد بضيق: لا روحى لوحدك
أمينة: مالك ياحبيبي روح العب فى اوضتك وشوية وهاجى اغيرلك ونمشى
مالك وهو بيتنطط: لا هغير لنفسى واستنتاكى متتأخريش ياأمينة
أمينة: ماشى ياحبيبي...
ومجرد مامالك مشى قالت أمينة باستغراب: انا عايزة افهم فى ايه ياعماد ليه مبقتش تكلم بنتك زى الاول وكمان رأفت ال كان صديقك الروح بالروح ايه ال حصل
عماد بضيق: مفيش حاجة ياأمينة وبلاش كل شوية تفتحى السيرة دى لو فى حاجة تهمك انا مش هخبى عليكى
امينة بتفهم: ماشى ياعماد
عماد بحماس: هتروحى عند الدكتورة امتى عشان اجى معاكى ونشوف الطفل
أمينة بفرحه: للدرجادى يعماد بتحبه
عماد بصدق: انتى قدمتيلى اجمل هدية فى الكون انا بحبكم انتم الاتنين اوى
أمينة بمرح: نفسك فى ولد ولا بنت
عماد: ال يجيبوا ربنا رضا المهم ييجى بالسلامة
أمينة: بس انا نفسى فى ولد يشيل اسمك ويكون نسخه منك
ياأمييينة
أمينة: حاضر ياماااالك جاية اهو... هروح انا يتعماد عايز حاجة
عماد حس للحظة ان قلبه مقبوض: هاجى اوصلكم
أمينة: لا خليك مانت مينفعش تروح ناحية هناك ومتدخلش بيت بنتك.. وبعدين انت مش علمتنى السواقة انا بقيت بعرف اسوق كويس متقلقش
عماد: خلى بالك من نفسك وسوقى على مهلك ياأمينة
أمينة: حاضر
🌿🌿🌿🌿🌿🌿🌿🌿🌿🌿
دخلت زيزى القصر كانت العيلة متجمعه على الاكل رأفت، معاذ، مالك ومعاهم أمينة
جرى مالك حضن زيزى ال بادلته الحضن باشتياق
أمينة قالت بابتسامة: معاذ طلب اجيب مالك فجبته .. اقوم امشى انا بقى
رأفت قال بصرامة: اقعدى اتغدى يابنتى معانا
أمينة: ماهو عشان عماد مستنينى
للانضمام لقناة الواتساب اضغط هنا
↚
زيزى بلطف: عمى معاه حق اقعدى كلى معانا
أمينة استغربت معاملة زيزى معاها اللطيفة فقالت بمرح: طالما مصرين ماشى
بصت زيزى حواليها وقالت: اومال فين
قبل ماتكمل كلامها شافت نورسين داخلة كانت لابسة فستان قصير بحمالات لقبل الركبة
وقتها زيزى الشك ملى قلبها قالت بنبرة لا تخلوا من الشك
=كنتى فين يانورسين؟
نورسين: what
زيزى بسخرية: انتى فاهمه كويس انا اقصد ايه ده انا لسة سايباكى مكملتش ساعة يعنى بتمثلى عليا
معاذ: لحظة واحدة يازيزى انتى تقصدى ايه بكلامك
زيزى وهيا بتشاور على نورسين: هيا فاهمه كويس اوى انا اقصد ايه
_ نورسين كانت معايا يازيزى
قالها ريان بحدة
زيزى بعدم تصديق: والله من امتى
ريان: نورسين معايا من ساعتين خرجنا وجينا مع بعض كنت عازمها على الغدا عندك مشكلة
معاذ حس ان زيزى اتسببلته باحراج كبير فقال: معلش ياريان هيا مش قصدها حاجة بعتذر بالنيابة عنها. ريان مسك ايد نورسين وقال: يلا ياحبيبتي
زيزى الشك انزال من قلبها ده لانه لو نورسين فعلا كانت مع ريان من ساعتين فده يأكدلها حقيقة ان نورسين وفرح اتنين مختلفين وال اكدلها ده اكتر اما معاذ قالها بهمس
= زيزى انا شوفت ريان ونورسين وهما خارجين مع بعض فعلا
هزت راسها وبعدين قعدت معاهم تاكل
امام غرفة نورسين
ريان مسك ايدها قبل ماتدخل وقال
_ انا كدبت قدام كل العيلة عشان مسببلكيش اى احراج اقدر افهم انتى سبتينى واحنا بنتغدى وروحتى على فين
دمعه نزلت من عيونها وسرعان مامسحتها
ريان بلهفة قال: انتى بتعيطى ليه ياحبيبتي؟
نورسين بحزن: انا هقول لانت كنت فين بس احلف مش تقول لحد خصوها ماما
ريان مسك ايدها وقال بحنية: اطمنى
نورسين: جالى رسالة من مجهول انه يعرف مكان داد فخدت بعضى من غير ماافكر وجريت اقابل الشخص ده لكن طلع نصاب وعايز فلوس
ريان بضيق: مانا قولتلك انى هلاقى باباكى وهيكون هو الشاهد على جوازنا ليه بتتصرفى من دماغك
حست نورسين باحراج ومردتش فتنهد ريان وقال: حبيبتى اوعدينى انك هتوثقى فيا ومش هتتصرفى تانى من دماغك
نورسين: اوك بوعدك
بص فى عينها بحب ومسك ايدها باسها برقة
نورسين برقة: ريان
ريان كان لسة ماسك ايدها بيبوس فيها
قال بحب: قلب وعيون ريان
نورسين: ابعد ممكن حد هنا يشوفنا ويفهم غلط
ريان قال بابتسامة مرحه: واحد وخطيبته حد ليه حاجة عندنا
نورسين: احنا هنا فى مصر مش امريكا
ريان رفع حاجبه وقال: والله
نورسين بضحك : مش ده كلامك بفكرك
ريان باستسلام: اوك.. على فكرة انا عاملك مفاجأة
نورسين بفضول: بجد مفاجأة ايه؟
مشى وقال: كمان يومين هتعرفى.. بحبك
نورسين: وانا كمان
🌿🌿🌿🌿🌿🌿🌿🌿🌿🌿
شكرا ياأمينة انك خليتى بالك من ابنى
أمينة استغربت طريقتها وقالت: انا معملتش حاجة يازيزى تستاهل الشكر بس تنحسدى انك بتكلمينى كويس
زيزى: انا صحيح كنت بحس ساعات بالضيق منك بسبب حب بابا الكبير ليكى لكن ف النهاية انتى مرات بابا حبيبى وهتبقى ام اخويا او اختى ال جاى
كملت بمكر: صحيح هو ولد ولا بنت؟
أمينة حطت ايدها على بطنها وقالت بتشوق: الدكتور قال بداية الشهر الرابع ممكن نعرف
زيزى: اممم وعلى كدة بقى انتى فى الشهر الكام
أمينة: التانى ياحبيبتي
زيزى بابتسامة مزيفة: والله! ده اكيد بابى مبسوط اوى
أمينة بمرح: الا مبسوط ده هيموت من الفرحه انه هيبقى اب للمرة التانية حقيقى مش قادرة اوصفلك اما عرف الخبر كان مبسوط قد ايه
زيزى النار كانت بتاكل قلبها من جوا لكنها حاولت تبين العكس
أمينة وهيا بتشيل شنطتها: جبتلك مالك هروح بقى عشان عماد مستنينى
زيزى: سلميلى على بابى
أمينة: الله يسلمك ياحبيبتي
بعد ما أمينة خرجت، فضلت زيزى واقفة مكانها شوية، وابتسامتها الباهتة اختفت بالتدريج.
طلعت موبايلها واتصلت على رقم : = نفذوا الخطة... دلوقتى.
كانت أمينة سايقة عربيتها بهدوء، وإيديها على بطنها بحنان.
وفجأة...
عربية قطعت عليها الطريق بعنف.
اتخضت أمينة وضغطت فرامل، لكن قبل ما تلحق تتحرك كان فى واحد فتح الباب بسرعة وكتم نفسها بمنديل مخدر
حاولت تقاوم بخوف لكن مقدرتش لانها كانت فقدت الوعى
ــــــــــــــــــ
فى المستشفى
كانت أمينة نايمة على السرير فاقدة الوعى، والممرضة بتوصللها المحاليل.
دخلت زيزى بخطوات هادية، وعينيها ثابتة على بطن أمينة.
الدكتور اتكلم بتوتر: = بس يامدام... لازم المريضة تكون واعية وتوافق بنفسها.
زيزى بصتله بحدة: = وانت هتسمع الكلام ال قولتلك عليه بالحرف.
الدكتور بلع ريقه بتوتر: = الموضوع خطر... ولو جوزها عرف—
قاطعته وهى بتحط ظرف مليان فلوس قدامه: = محدش هيعرف حاجة... وكل حاجة هتبان إنها بإرادتها.
بصلها الدكتور للحظات قبل ما ياخد الظرف فى صمت.
زيزى قربت من السرير، مسكت إيد أمينة ، وبصتلها ببرود مخيف.
طلعت الورقة الخاصة بالموافقة على الإجهاض، وبعدها غمست صباع أمينة فى الحبر وهى بتبصمها على الورق بنفسها.
قالت بسخرية: كانت اكتر حاجة مضيقانى من بابى انه اجوز واحدة زيك جاهله مكنتش اعرف ان جهلك ده هيبقى السبب انى اخلص منك بكل سهولة
وبعدين قالت للدكتور بجمود: = ابدأ.
الدكتور تنهد بتوتر، ودخلت الممرضة تجهز الأدوات.
أما زيزى ففضلت واقفة تبص لأمينة للحظات طويلة، قبل ما تهمس بصوت مليان قهر وكره:
= مستحيل تبقى أم... زى ما أنا اتحرمت أبقى أم.
زيزى قالت بجمود قبل ماتغادر: بعد مالعملية تخلص وقبل ماهيا تفوق تتصلوا بالرقم ده تقولوا مراتك عملت عملية اجهاض
رمت الورقة ال فيها الرقم للممرضة ومشيت بعد ماسابتلهم مبلغ مالى كبير اغراهم ونساهم ضميرهم
🌿🌿🌿🌿🌿🌿🌿🌿🌿🌿
فاقت نورسين على لمسات رقيقة فوق خدودها، فابتسمت بنعاس وهى تتمتم
— كفاية يا ريان... عايزة أنام.
لكن اللمسات ماوقفتش، بل اتحولت لضربات خفيفة على خدودها، ففتحت عينيها بانزعاج بسيط. اتفاجئت بطفل صغير قاعد قدامها على السرير، مبتسم ببراءة.
قالت باستغراب:
— إنت مين؟
أجاب الطفل بابتسامة خطفت قلبها:
— أنا مالك... وإنتِ مين؟
عقدت نورسين حاجبيها باستغراب وهى بتقول بابتسامة صغيرة
— مالك مين؟
رد الطفل بعفوية:
— بابا معاذ، وجدو رأفت... وإنتِ اسمك إيه؟
هنا اختفت ابتسامة نورسين وقالت ومامتك تبقى زيزى اكيد
لكن الطفل همس: اقولك على سر سمعته مش تقوليلى لحد
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
مساء الخير ده رقم استاذ عماد
عماد: ايوا مين معايا
_ احنا بنكلم حضرتك من المستشفى المدام أمينة خرجت من العملية وحالتها خطيرة
عماد برعب: اييه أمينة حصلها ايه ومستشفى ايه؟؟ ايه اسم المستشفى بسرعه
خد عماد اسم المستشفى وركب عربية قادها بأقصى سرعته للمستشفى
بعدها نزل قدام المستشفى وبعد ماسأل وعرف رقم غرفتها
دخل عماد أوضة أمينة بخطوات سريعة، قلبه بيدق بعنف من الخوف.
لقى أمينة لسه نايمة على السرير وأجهزة المحاليل متوصلة فيها.
لف للدكتور بسرعة وقال بقلق: ـ مراتى مالها يا دكتور؟ إيه اللى حصل؟
الدكتور بصله بتوتر قبل ما يناوله الملف.
ـ للأسف... حصلت مضاعفات بعد عملية الإجهاض.
عماد حس الأرض بتميل بيه: ـ عملية إجهاض؟!
ـ أيوة... المدام جت النهارده ووقعت على موافقة العملية بنفسها.
فتح الملف بإيد مرتعشة، وعينيه وقعت على البصمة الموجودة تحت الورق.
فضل واقف للحظات مش مستوعب.
أمينة... اللى كانت بتتكلم كل يوم عن الطفل وتحلم بيه... تعمل كده؟
وفى اللحظة دى...
بدأت أمينة تفتح عينيها ببطء.وشها كان شاحب وتعبان.
أول ما شافت عماد ابتسمت ابتسامة ضعيفة.
ـ عماد...
لكنها اتفاجئت بشكل وشه كان واقف بعيد عنها، وعينيه مليانة وجع عمرها ما شافته قبل كده.
بصت حواليها باستغراب: ـ أنا فين؟ إيه اللى حصل؟
عماد سألها بصوت مبحوح: ـ بجد مش فاكرة؟
هزت راسها باستغراب: ـ فاكرة إنى كنت راجعة البيت... بعد كده مش فاكرة حاجة.
فضل ساكت شوية وبعدين قال بصوت مكسور: وابنك؟
أمينة تلقائيًا حطت إيدها على بطنها وابتسمت ابتسامة صغيرة: ماله؟
عماد غمض عينه بألم: ليه قتل-ى ابننا ليه عملتى اجهاض ده انتى حتى مسألتنيش مش ده الطفل ال كنتى بتحلمى ييجى على الدنيا تقتل-يه بالطريقة دى ليه
اتجمدت مكانها. كأنها مسمعتش وقالت وهيا بتحاول تستوعب كلامه: ـ إيه؟انت بتقول ايه اجها.. اجهاض ايه وابن مين ال مات
نزلت إيديها على بطنها أكتر: ـ لا... مستحيل...
بدأت تتلفت حواليها برعب: عماد... قولهم يجيبوا الدكتور... أكيد فى حاجة غلط عماد اتكلم! قولهم يجيبوا الدكتور!
دخل الدكتور بعد ما سمع صوتها مسكت أمينة هدومه بإيد مرتعشة وقالت
ـ ابنى كويس صح؟ قولى إن ابنى كويس! انتم عملتوا فيا ايه انا اصلا ايه ال جابنى هنا
الدكتور: مدام أمينة ايه ال حضرتك بتقوليه ده مش حضرتك جيتى ووقعتى على عملية الاجهاض وانك مسئولة عنها بالكامل والممرضين كلهم يشهدوا
أمينة مكنتش مركزة فى كل كلامه ال قاله غير انها خسرت ابنها
فى اللحظة دى انهارت.
صرخة موجوعة خرجت منها وهى بتحط إيديها على بطنها.
ـ لااااا!
فضلت تعيط بشكل هستيرى.
ـ ابنى... ابنى كان كويس... أنا كنت كويسة...
كانت بتتكلم وسط شهقاتها وكأنها بتحاول تصحى من كابوس.
وفجأة رفعت عيونها لعماد.
ـ عماد انا معملتش حاجة والله انا مش فاهمه ايه ال بيحصل ارجوك صدقنى
حطت ايدها على راسها بوجع.... انا حاسة انى فى حلم
عماد قعد على الكرسى المقابل للسرير.
حاطط إيده على وشه.
صوته خرج متعب ومكسور:
ـ كنت مستنى أشيله بين إيدي بعد الأيام عشان أعرف هو ولد ولا بنت.
نزلت دموعه رغمًا عنه.... كنت بحلم بيه يا أمينة انتى ال حببتينى فيه اكتر
أمينة كانت بتعيط بحرقة.
ـ وأنا كمان... والله العظيم وأنا كمان
بصلها عماد بعدم تصديق بعدها قام وقال
= انتى خدتى قرار الاجهاض لوحدك ياأمينة من غير حتى موافقتى ودى لوحدها جريمة يعاقب عليها القانون بس انا هعمل حساب العشرة ال بينا والطفل ال انتى حرمتيه ييجى على الدنيا
قبل ماتستوعب معنى كلامه كان قالها بجمود: انتى طالق يأمينة
غادر بعدها على الفور من غير مايسمع منها اى تبرير واكتفى بشهادة الدكتور والادلة الكاذبة بالحكم على مراته البريئة ال كل ذنبها انها اتجوزت واحد بنته مريضة بالحقد
ضمت بطنها الفارغة بإيديها وانهارت فى نوبة بكاء موجعة، وهى مش مستوعبة إنها فقدت طفلها... وفى نفس اللحظة خسرت جوزها كمان.
🌿🌿🌿🌿🌿🌿🌿🌿🌿🌿
ومامتك تبقى زيزى اكيد
لكن الطفل همس: اقولك على سر سمعته مش تقولى لحد
نورسين: قول ياصغير
مالك بصه حواليه كأن حد هيسمعه: جدو عماد قالى انه مخاصم ماما عشان سرقت حاجة مش بتاعتها
نورسين حست بفضول وقالت: حاجة ايه ياصغير
مالك: تؤ تؤ ده سر
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
نورسين بزعل مصطنع: طب مانت قولت انك هتقولى السر وانا مش هقول لحد احلفلك كمان
مالك برفض: لا خلاص جدو قالى مقولش لحد
نورسين: طب ايه رأيك تقولى وانا وهقولك على سر بس انت تقول الاول
مالك بتفكير: ماشى ..
نورسين: ايه ال مامتك سرقته مش بتاعها
مالك ببساطة: انا
نورسين باستغراب: ايه؟
مالك: جدو عماد قالى كدة ان ماما سرقتنى بس مش عارف من مين.. قولى انت السر بتاعك
نورسين ملامحها اتغيرت مجرد ماسمعت لكن عل الفور قالت لمالك
= أنا ليا اسمين بس محدش يعرف غير اسم واحد منهم
مالك: قوليلى الاسمين
نورسين: لا هقولك اسم واحد ال الكل يعرفه نورسين
مالك قعد على السرير وقال بنعاس: ممكن انام هنا
نورسين غطته بحنية وقالت: اكيد ياجبيبى بعدها نامت جمبه
دخل ريان غرفة نورسين شافها نايمه وفى حضنها مالك الصغير ابتسم بحب وهو بيتأملهم
قال فى عقله بتمنى: ان شاء الله هييجى اليوم ال يبقى عندنا عيلة انا ونورسين زى ماكنا بنحلم دايما
🌿🌿🌿🌿🌿🌿🌿🌿🌿🌿
انت هتفضل تبصلى كدة كتير
أيمن: وانتى هتفضلى ساكته ومش ناوية تعترفى
_ اعترف! طب مانا قولت كل ال عندى عايز تعرف ايه تانى
أيمن: بت انتى بلاش ملاوعه انا متأكد ان وراكى حد وده ال عايز اعرفه مين هو وعايز ايه ماهو مش معقول حتة بت زيك تبقى بنت رأفت بيه مرة واحدة
هنا باستفزاز: طب وانت زعلان ليه عشان لو طلعت بنته فعلا هتاخد اوامرك منى
أيمن بحدة: انا مباخدش اومراى من حد غير رأفت باشا
هنا باستفزاز: دى حقيقة انت الكلب المطيع لرأفت اما انا فمقبلش على نفسى حد يدينى أوامر كل المعلومات ال وصلتلها عن رأفت وشغله فدى بمجهودى لوحدى
أيمن مسك شعرها بغضب وقال: انا طولة لسان مبحبش انتى تقعدى هنا زيك زى الكنبة دى لحد مانعرف اصلك من فصلك
هنا بوجع: مانت ال بتسألنى... تمام تمام سيب شعرى
ساب أيمن شعرها ورجع قعد على الكرسى بتاعه بصمت لكنها قطعت الصمت اما قالت
= جثة مين ال مدفونه فى الصحرا مين ال رأفت قتلها؟
بصلها أيمن بطرف عينه ومجاوبش فسألته مجددا
= طب هو قت-لها ليه كانت بتدور وراه زيى يعنى
أيمن بسخرية: ايه عايزنى اقولك عشان مجرد ماتخرجى من هنا تروحى تنشرى الخبر فى الجرايد ده لو خرجتى من الاساس
هنا: لا انا كنت بسأل بس
أيمن: طب متسأليش ياحلوة انا هنا بس ال أسأل
فى نفس اللحظة وصلت رسالة لايمن شافها وبص لهنا وقال
= نتيجة التحليل بانت ياشاطرة هتصل بالباشا عشان يستلمها بنفسه
🌿🌿🌿🌿🌿🌿🌿🌿🌿🌿
تانى يوم
زيزى حبت تعرف اكتر عن حياة نورسين وريان فقالت
= مش هتحكيلنا ياريان ازاى اتعرفت انت ونورسين على بعض
ريان: انا ونورسين نعرف بعض من زمان بس قصتنا غريبة شوية
زيزى بفضول: ازاى يعنى؟
ريان: انا اعرف نورسين من سبع سنين
مجرد ماقال سبع سنين رأفت قال: تعرفها من سبع سنين واتخطبتوا من سنة واحدة؟
ريان بص لنورسين بحب وقال: كنا فى البداية مجرد صحاب بس حبى الحقيقى لنورسين كان من سنتين وبعدها قررنا نتخطب
معاذ بكلام ريان اتأكد مليون فى المية ان نورسين مستحيل تكون فرح ده لان من سبع سنين بالظبط كانت فرح مرات معاذ فالاكيد انها مش هتبقى مع ريان فى أمريكا ومعاه فى مصر فى نفس اللحظة
رأفت: يلا ياشباب لو خلصتوا فطار فيلا على الشركة
قام ريان ومعاذ مع رأفت
اما نورسين فمجرد ما خرجوا بسرعه خدت عربيتها ومشيت لمكان ما
اما زيزى فكانت مرقباها خرجت وراها على الفور
🌿🌿🌿🌿🌿🌿🌿🌿🌿🌿
فى شركة بسيونى
_ بسيونى بيه عندى خبر ليك حلو وخبر وحش
بسيونى ساب الورق ال فى ايده وقال: نبدأ بالحلو
رد مساعده الشخصى: قدرنا نوصل لمعظم حسابات رأفت البنكية خارج مصر
_ ممتاز ياعلاء... ندخل على الخبر الوحش
علاء تنهد وقال: نورسين اقصد يعنى
فى اللحظة دى انفتح باب مكتب رأفت ودخلت نورسين
بسيونى بسخرية: كنا لسة بنجيب فى سيرتك يانورسين
ردت بحدة: بجد وبتيجبوا سيرتى فى ايه اصل جاية عندى ال عايزة اقوله
بسيونى: ده ال كنت هعرفه اتفضل ياعلاء قول
علاء بصلها وقال: نورسين عملت تحليل DNA لمالك المشكلة الاكبر ان زيزى شافتها واظن هتفضح نورسين قدام كل العيلة ده لو مكنتش عاملتها دلوقتي
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
نورسين عملت تحليل DNA لمالك المشكلة الاكبر ان زيزى شافتها واظن هتفضح نورسين قدام كل العيلة ده لو مكنتش عملتها دلوقتي
بسيونى بص لنورسين بغضب وقال: ايه معنى التصرف بتاعك ده ومن غير ماترجعيلى
ردت ببرود: انا عملت التصرف الصح اما شكيت
بسيونى بغضب: نورسييين
ردت بغضب هيا الاخرى: مش نورسين فرح... فرح ال جت تنتقم من ال كانوا السبب فى موت ابنها بس تخيل ان القدر كان ليه رأى تانى الاقى ابنى لسة عايش وأنت كنت عارف ومعرفتنيش
بسيونى بسخرية: مين قالك ان مالك يبقى زين جبتى الكلام ده منين
فرح: زين اقصد مالك ال قالى ان جدو قاله ان زيزى خطفته
بسيونى بسخرية لازعه: لا متقوليش انك صدقتى كلام طفل صغير
فرح: ومصدقش كلام طفل صغير ليه هو غرضه ايه انه يكدب ده مجرد طفل
بسيونى: وليه متقوليش ان زيزى ال حفظته يقولك كدة عشان تتأكد اذا كنتى فرح ولا نورسين وانتى زى الغبي-ة ومن غير ماتفكرى أكدتى كلامها لما عملتى التحليل
فرح حست ان كلام بسيونى ممكن يكون صح لكنها كانت لسة بتكابر قالت
= واحتمال يكون صح... التحليل ال هيثبت اذا كان مالك ولا زين
كان لسة هيتكلم لكنها قاطعته وكأنها قرت أفكاره: متقلقش زيزى مشافتنيش وانا فى المعمل انا قدرت اتوهها
بسيونى بانزعاج: انا تعبت على ماخليتك تبقى نورسين متهديش كل ال عملناه من ست سنين
فرح باندفاع: وانا كمان تعبت.. تعبت من التمثيل انى اكون واحدة تانية انا مش نورسين ومش عايزة اكون نورسين انا فرح
بسيونى: وايه غير رأيك دلوقتي مش كنتى متحمسة للخطه من البداية
فرح: ايميليا وريان ملهومش ذنب انى اكدب عليهم... إيميليا مفكرانى بنتها اما تعرف انى فرح مش بنتها هتنصدم انا شوفت هيا قد ايه روحها متعلقة فى نورسين وريان ال مستنى على نار يجوز نورسين انا سرقت منه حياته وخطيبته
بسيونى: بس ال حصل لنورسين مش ذنبك احنا بس استغلينا اختفاءها لمصلحتنا واحنا لازم نكمل خطتنا ونكشف رأفت وندخله السجن قبل ظهور نورسين لان وقتها خطتنا كلها هتفشل
فرح قالت بشك: عايز تفهمنى انك متعرفش مكان نورسين فعلا
بسيونى: وانا هعرف منين يافرح كل المعلومات ال اعرفها عن البنت انها نزلت مصر من تلت سنين قابلت ظابط هنا وبعدها اختفت بشكل غريب... ايه بتبصيلى كدة ليه؟
فرح: لو فرح بتاعة زمان وسمعت الكلمتين دول كنت وقتها صدقت كلامك لكن فرح النهاردة الألاعيب دى متدخلش دماغها انا عارفة ان وراك سر كبير مخبيه عليا
بسيونى بان على ملامحه التوتر لكن حاول يكون ثابت قدامها
= دى مجرد اوهام فى دماغك انا كنت صريح معاكى من البداية اتفقت معاكى اساعدك تنتقمى من العيلة دى فى مقابل انك تعيشى وسطهم انك نورسين وتجبيلى كل اخبار رأفت وشغله لكن للاسف لحد دلوقتي مقدرتيش تعملى ده
فرح خرجت موبايلها وفتحت ملف ادته لبسيونى وقالت: الملف ده يثبت ان رأفت بيتاجر فى السلاح
تقدر تقدمه للنيابة ورأفت يتحبس
بسيونى عينه لمعت وقال بحماس: بس انا محتاج النسخه ورقى وبعدين انتى ازاى قدرتى توصلى للملف ده ازاى وبالسرعه دى انتى دخلتى مكتب رأفت؟
فرح ابتسمت بمكر وقالت: تؤ مش انا ال دخلت وبعدين انت فاكر انك الوحيد ال بتعرف تخطط اسمعني يابسيونى بيه انا هديك نسخه الملف بس بعد 15 يوم
ليه 15 يوم؟
فرح: لان نتيجة التحليل هتكون بانت لو مالك طلع ابنى هديك ال يدخل رأفت السجن وهاخد ابنى ونسافر اما لو طلع ابن معاذ وزيزى فوقتها دخول رأفت السجن مش هيشفى غليلى لانى هدمر عيلته كلها...
بسيونى: وانا موافق
خدت فرح شنطتها وغادرت ومجرد ماطلعت علاء قال
= هنعمل ايه يابيسونى بيه
بسيونى: نزور التحاليل مش بعد كل ال عملته فرح تهرب بالولد وتسيبنى فى نص الطريق انا هدفى تدمير كل العيلة
علاء: مش مشكلتنا الوحيدة دلوقتي مالك فرح شكت انك مخبى حاجة عليها واكيد هدور وتعرف الحقيقة
بسيونى: فرح لو عرفت الحقيقة ال انا خبيتها عليها من تلت سنين مش بس هتفقد ثقتها فيا ده انا هكون هدف جديد ليها عشان كدة لازم نعرف هيا بتفكر فى ايه وناوية على ايه
✦•✦•✦✦•✦•✦✦•✦•✦✦•✦•✦
أنا هفكك وامشى من هنا وایاکی ترجعی تانی
هزت راسها بخوف
بدأت ليا تفكها لكن سمعت صوت م الخلف وقفها
ايه ال انتى بتعمليه ده ؟
ليا بخوف : هشام إنت جيت!
هشام كانت نظراته ليها غريبة اقترب منها وهيا بدأت تتراجع للخلف لحد ماوقف ناحية الخادمه ال كانت مربوطه وال بان ملامحها الزعر فور أن رأت هشام
هشام : طول الوقت ال فات ده کنتی بتکدبی عليا وانا كنت مصدقك بس طلعتی متستاهلیش
الشفقة
ليا مفهمتش معنى حديثة لكنها ظنته بيتكلم الخادمه فقالت - يا هشام حرام عليك ال بتعمله ده البنت ملهاش ذنب انك تأذيها سيبها تمشى وهيا مش هتقول أنها شافتنى خارجة من
اوضتك متبقاش مجرم یا هشام
ضحك هشام بسخرية وقال- تعرفى مين المجرم الحقيقي في العيلة دى انتى ياليا
لیا بصدمه هشام انت بتقول ايه ؟
لكن هشام مدهاش فرصة تتكلم مسك ايدها وجرها خلفه
لیا صرخت فيه وهيا بتحاول تفك ايدها منه لكن بلا جدوى
= إنت موديني على فين يا هشام
هشام بجمود وهو بيذقها في العربية ولا كلمة
مجرد ماهشام قاد عربيته وخرج دخل شخص ما أوضة الخادمه فكها
قالت ودموعها مغرقة وشها
= كان هيقتلني
رد الشخص الآخر بجمود : مهمتك خلصت خدى فلوسك وامشى
أما هشام فكان بيقود سيارته بسرعه جنونية ليا مكنتش فاهمه هو ايه حصله لكنها كانت مرعوبة من ال بيعمله
ليا بخوف : هشام ارجوك وقف العربية انا خايفة
هشام بغضب : حتى ابنى كمان كان خايف في اليوم ال عملتوا الحادثة فيه
ليا ودموعها نازلة قالت : حرام عليك ليه بتفكرنى ليه ليه
هشام بجمود : عمرى ماسألتك قبل كدة السؤال ده
ليا كانت بتبص على الطريق برعب قالت بترجي_ ارجوك يا هشام وقف العربية وانا هجاوبك على كل أسألتك بس وقف ارجوك
هشام تجاهل طلبها وكمل كلامه _ ليه نفس اليوم ال عرفت فيه أن يوسف ابنى عملتوا الحادثة وراح فيها يوسف مش غريبة
ليا بصدمه : انت انت تقصد ايه بكلامك ده
هشام بشر _انتی ال قتل-تى يوسف
لیا صرخت فيه بكل قوتها : انت مجنوووون سامع نفسك بتقووول ايه انا هقتل ابنی ازای میبین
ال قالك الهبل ده
هشام بسخرية : ايه خوفتى انك اتكشفتي قدامی انا ازای اصلا وقتها مشكتش فيكى وعرفت انك المسئوله عن كل ال حصل أقنعتينا كلنا ان ال عمل كدة يبقى رأفت وعلى الأساس ده خطفت ابنهم عشان اخد حق ابنى ال مات من غير ذنب
ليا بانهيار والله ماعملت حاجة حرام عليك وقف
هشام بصلها وقال بغضب: وانا مش هسيبك تموتى بالسهولة دى عارفة ليه لانى هفضحك قدام اخويا هبعتله فيديو وانتى بتخونيه وكدة كدة هسافر ومحدش هيعرفلى طريق وانتى ال هتشيلي الليلة لوحد. ليلى صرخت أول ما شافت العمود الضخم قدامهم: — هشااام!
هشام ضغط فرامل العربية بكل قوته، لكن كان فات الأوان، فاندفعت السيارة وارتطمت بالعمود بعنف."
✦•✦•✦✦•✦•✦✦•✦•✦✦•✦•✦
رأفت بيه حضرتك ماسك التحليل بقالك نص ساعه ومتكلمتش ممكن تطمنى؟
رأفت بهدوء : رأيك ايه يا أيمن البنت بنتى ولا لا
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
أيمن رد على الفور : اكيد مش بنت حضرتك ولا فيها ريحه الشبه من حضرتك اساسا مش شبهك
رأفت ضحك بسخرية وقال - للاسف طلعت بنتی
أيمن بصدمه : معقول يا باشا طويلة اللسان دى تبقى بنتك وناوى تعمل ايه ؟
رأفت تنهد وقال : هجيبها تعيش في القصر معانا
أيمن بس هتجيبها على أساس أنها مين
رأفت بصله نظرة مطولة اربكته وقال - مش كنت بتدور على عروسة
أيمن : ايوا بس ده ماله ياباشا
رأفت بهدوء وانا لقيتلك العروسة
أيمن باستنكار : متقولش أنها الصحفية دى
رأفت بحزم : هيا فعلا يا أيمن تبقى بنتى ومش هتخلى عنها انت كدة كدة أغلبية وقتك بتقضيه في القصر هتنقل كل حاجتك وتيجى تعيش معانا بشكل مستقر انت ومراتك
أيمن بضيق : بس حضرتك عارف معاذ بيه مش بيتقبلنى ومش هيحب وجودى
رأفت : هيتعود على وجودك..عندنا الأهم إميليا والدة نورسين عايزنها تنزل مصر فى اسرع وقت جواز نورسين وريان لازم يحصل
أيمن : ودى هنعملها ازاى ال اعرفه ان الست دى معندهاش وقت فايه ال هيجيبها مصر وبعدين
هنستفاد ايه منها
رأفت: طبعا هنستفاد انتى ناسی حجم ثروتها انا عايزها شريكة معانا فى الشركه متنساش أن الشركه على وشك الانهيار ومش عندنا حل تانى
غير ان ال هيشترى الاسهم بتاعتنا يكون حد بنوثق فيه بحيث نقدر نرجع الاسهم تانى الشركه مش لازم تنهار يا أيمن دى الستارة ال بندارى بيها أعمالنا
أيمن : حضرتك معاك حق ياباشا
رافت اسمعنی کویس توصل لايميليا خبر عن بنتها بحيث تسيب كل ال في أيدها وتنزل مصر
تمام ياباشا
✦•✦•✦✦•✦•✦✦•✦•✦✦•✦•✦
معاذ: انتى خارجة كدة ورايحه على فين؟
ردت وهيا بتظبط مكياجها: رايحه النادى يابيبى
معاذ بضيق قال _ هو انتى كل يوم فى النادى
زيزى ببرود: وايه المشكله يعنى هو انا ورايا حاجة
فى اللحظة دى مقدرش يتمالك اعصابه اكتر فقال باندفاع: ايوا وراكى ياهانم ابنك ال انتى مش سائله فيه ولا عمرى شوفتك قاعده معاه بتكلميه زى ام ام مابتتكلم مع ابنها
زيزى بغضب: تقصد ايه انى مش بحب ابنى يامعاذ
معاذ بغضب : والله عمايلك ال بتقول كدة ولا عشان مش ابنك الحقيقى فبتتصرفى بالطريقة دى
زيزى قفلت الباب ال كان مفتوح وقالت : ايه ال انت بتقوله ده مالك يبقى ابنى
معاذ بسخرية: ده قدام الناس كلها مالك يبقى ابنك لكن الحقيقة ان مالك يبقى زين ابن فرح لو فرح كانت موجودة دلوقتي كانت عرفت ازاى تهتم بابنها انتى للاسف معرفتيش تكونى ام
زيزى حست انه جرح كرامتها بكلامها فقالت بعتاب: انت شايفنى كدة يامعاذ بعد كل ال عملته عشانك.. انا قبلت انك تجوز واحدة تانية غيرى عشان يبقى عندك ابن ابنك ال حبيته واعتبرته ابنى لا هو فعلا ابنى انت عارف انا خسرت ايه عشان علاقتى بيك انت وابنك
سكت معاذ فكملت كلامها وهيا بتحاول تكسبه: انا خسرت بابا يامعاذ بابا واغلى انسان عندى فى الدنيا انت متخيل.. فى اليوم ال بابا عرف فيه الحقيقة قطع علاقته بيا نهائى بابى لحد دلوقتي بيدور على فرح عشان يرجعلها ابنها ودايما يحسسنى انى مستاهلش اكون ام لمالك
معاذ بجمود: وده كله بسبب ايه مش بسبب عمايلك انا قولتهالك مرة وهرجع اقولك تانى لو مش قادرة تتحملى مسئولية الطفل لوحدك معنديش مشكله اجبلك مربية
زيزى برفض قاطع: بس انا بقى عندى مشكله انا مش شايفه انى قصرت مع ابنى فى حاجة وتعرف الحقيقة ال انت رافض تقولها قدامى انك بتتلككلى
معاذ بعدم تصديق: انا! وايه ال يخلينى اعمل كدة
زيزى مسحت دمعه وقالت: انا سمعتك انت وعمى رأفت وانتم بتتكلموا وقالك انه نفسه فى حفيد تانى وبدل مانت توقفه عند حدوده قولت انك عايش معايا ومستحمل تعيش على عيل واحد بس مش عارف هتفضل مستحمل لحد امتى قولى الحقيقة يامعاذ انت هتتخلى عنى وعن حبنا
معاذ مسح على وشه بضيق بعدها قال: انا وبابا كنا بنفضفض لبعض مش اكتر متخليش اوهامك تصورلك حاجات مش حقيقية لانك وقتها انتى ال هتدفعى التمن لوحدك
قال كلامه وسابلها الاوضة ومشى
✦•✦•✦✦•✦•✦✦•✦•✦✦•✦•✦
كانت قاعدة قدام البيسين وهيا شاردة وبتفكر
قالت فى عقلها: لو فعلا مالك طلع ابنى وقتها ايه المفروض اعمله اول مرة احس بالتردد الكبير ده أكمل انتقامى من معاذ وزيزى ولا اخد ابنى وامشى انا معايا الفلوس ال تعيشنى انا وابنى فى امان بعيد عنهم.. لا لا بس الفلوس دى مش ملكى دى لنورسين وانا مش عايزة اعيش بهوية تانية غير هويتى يارب ساعدنى وبينلى الحقيقة انا مش عايزة اظلم ريان ولا إيميليا اعمل ايه
_ قاعدة لوحدك ليه؟
التفت للخلف كان معاذ
قالت بهدوء: عادى كنت حابة اقعد لوحدى شوية
معاذ بهدوء: طب تسمحيلى اقعد معاكى لو مش هيضايقك؟
من غير تفكير قالت: اكيد اتفضل
قعد بالقرب منها وقال: الظاهر انك مضايقة
كانت فرح ملاحظه نظراته ليها وفاهمها كويس ومتأكدة انه معجب بيها بعد ماتأكد انها مش فرح فقررت تستغل ده اكتر
قالت برقة: لا هضايق من ايه انا بس كنت حاسة بالملل حتى ريان بقى مشغول الفترة دى اوى فى الشغل
واهتمامه ليا قل
معاذ قال بتلقائية: مش عارف ازاى يكون قدامه الجمال ده كله ومشغول عنه
ضحكت بسخرية من جواها اما هو شايفها بالجمال ده ليه سابها من الاول ولا الفرق انها كانت فرح الضعيفه ودلوقتى نورسين القوية صاحبة الاملاك والثروة الضخمه
معاذ افتكر انها اضايقت من كلامه فقال باعتذار: بعتذر منك انا مش قصدى حاجة
فرح بمرح: لا عادى وبعدين انت بتتكلم معايا برسمية كدة ليه احنا مش هنبقى عيلة واحدة
معاذ ضحك وقال: اه اكيد
فرح شافت زيزى جاية من بعيد خطرتلها فكرة وقررت تنفذها
قالت بابتسامة مرحه: ايه رأيك نقوم نتمشى شوية أحسن
معاذ فرح وقال على الفور: اكيد طبعا
واول ماقامت وخطت اول خطوة تعمدت تلف كاحلها حطت إيدها على كاحلها فجأة واتأوهت بخفوت.
معاذ انتفض وقال بقلق:
مالك؟ فى إيه؟
فرح عضت على شفايفها وكأنها بتحاول تستحمل الألم:
رجلى مس قادرة
حاولت تقف، لكن بمجرد ما وقفت ترنحت وسندت نفسها على كتفه بسرعة.
آه... مش قادرة أقف.
معاذ مسكها قبل ما تقع وقال بلهفة:
اقعدى بس، هطلب حد يجيب دكتور.
هزت رأسها برفض:
لا لا، مفيش داعى... بس ممكن تساعدنى أوصل أوضتى؟
حاولت تاخد خطوة لكنها اتأوهت تانى وسحبت نفسها كأن الألم شديد.
معاذ تنهد بضيق وقال:
بالطريقة دى مش هتعرفى تمشى.
وقبل ما تعترض كان انحنى وحملها بين إيديه.
فرح لفت دراعها حوالين رقبته ، وفى نفس اللحظة رفعت عينيها ناحية زيزى اللى كانت قربت منهم.
تجمدت زيزى مكانها أول ما شافت معاذ شايل فرح.
وشها اتغير فى لحظة، والغيرة والغضب ظهروا بوضوح فى عينيها.
قالت بحدة وهى بتقرب منهم: إيه اللى بيحصل هنا؟ انتم بتعملوا ايه
تفتكروا ايه الاحسن ان فرح تكمل انتقامها من معاذ وزيزى بالطريقة دى ولا تاخد ابنها وتمشى
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
إيه اللى بيحصل هنا؟ انتم بتعملوا ايه
معاذ: زيزى! اصل.. اصل نورسين وقعت فقولت اساعدها تروح اوضتها
زيزى بغضب: والله؟ والمفروض اصدق العبط ده شايلها وكنتم رايحين على فين ولا هتعملوا ايه
معاذ بغضب: ايه قلة الادب دى ماتحترمى نفسك وتعرفى بتقولى ايه
فرح: لو سامحت يامعاذ نزلنى
معاذ نزلها فورا ببطئ وقال لزيزى: انتى فاهمه غلط بلاش تعملى دوشة
فى الوقت ده كان ريان جه ومجرد مازيزى شافته قالتله بسخرية: تعالى يابن عم جوزى شوف خطيبتك المحترمه كانت ناوية على ايه
ريان: ايه! انا مش فاهم حاجة هو ايه ال بيحصل هنا
زيزى: تقولى انتى ياست نورسين ولا تحبى انا ال اقول
فرح قالت بحدة: اتكلمى بأدب قولنا انك فهمتى غلط
زيزى بسخرية: المحترمه خطيبتك ماشية على حل شعرها ماهو لو فيه راجل يحكمها مكنتش قربت من..
وقبل ماتكمل كلمتها كانت فرح صفعتها بقوة
زيزى بصتلها بغضب شديد اما معاذ وريان فكانوا مصدومين
زيزى بغضب شديد: اانتى اتجننتى ازاى تمدى ايدك عليا
فرح: انتى ال اتخطيتى حدودك معايا وكان لازم اوقفك عند حدودك وافكرك بتتكلمى مع مين
ريان: فى ايه ياجماااعه انا مش فاااهم فى ايه
معاذ باحراج: انا هقولك بس اتمنى متفهمش غلط زى زيزى شوفت نورسين كانت واقعه ومش قادرة تقوم نهائى شلتها اوديها اوضتها مكنش غرضى اى حاجة تانية
بص ريان لنورسين بعدها قال بهدوء: يعنى مراتك عاملة الليلة دى عشان الموضوع التافه ده
زيزى باندفاع قالت: ماهو لازم يكون تافه بالنسبالك واحد متربى فى امريكا هنتوقع منه ايه غير كدة
ريان بحدة: لا انتى زودتيها كتير يلا يانورسين احنا هنسيب القصر ده ونرجع امريكا تانى
_ اقف عندك ياريان لاانت ولا نورسين هتمشوا من هنا وال مش هيحترمكم فالباب يفوت جمل
قالها رأفت ال كان جه من دقايق ومستمع لحوارهم
زيزى بصدمه: انت تقصد ايه يعنى ياعمى بكلامك تقصدنى انا انت بجد بتطردنى؟
رأفت بقسوة: ان مكنتيش هتحترمى ابن اخويا وخطيبته فأويوة الكلام موجه ليكى
زيزى بغضب: دلوقتي بقيتوا كلكم ضدى عشان الست نورسين والثروة بتاعتها الضخمه
معاذ مسك ايدها وقال بغضب وهو بيجز على أسنانه: اسكتى بقى هتفضحينا اخرسى
وهنا فرح اتصنعت الدهشة: ايه انتى قولتى ايه؟ ايه معنى كلامك مش فاهمة
رأفت على الفور قال: لا هيا متقصدش حاجة
زيزى بدون ماتفكر قالت باندفاع: لا اقصد كل كلمة وكل حرف قولته انتى مفكرة ان عمى بيحبك لسواد عيونك ياحبيبتي لا فوقى انتى بالنسباله كنز وقع عليه عشان ينقذ شركته ال على وشك الافلاس
معاذ غضب لدرجة انه ولاول مرة يصفعها بعد ماحطت والده فى الموقف ده قدام الكل
شهقة متصنعه خرجت من فرح ال كانت من جواها حاسة بشماته كبيرة فى زيزى
زيزى حطت ايدها على وشها ودموعها نزلت قالت بعدم تصديق: معاذ انت.. انت بتمد ايدك عليا ده بدل اما تقف جمبى ولا انا بقيت الملطشة بتاعة العيلة دى
معاذ بغضب: واكسر دماغك كمان لو جبتى سيرة بابا فى كلمة واحدة كدب
جريت زيزى على اوضتها
ريان: ايه الكلام ال زيزى قالته ده ياعمى؟
رأفت: وانت هتصدقها ياريان دى غيرانه عل جوزها عشان كدة بتقول اى كلام
بعد دقايق كانت زيزى نزلت ومعاها شنطة هدومها ومالك
معاذ: انتى واخدة الواد ورايحه على فين؟
زيزى بجمود: رايحين عند بابا
معاذ بقسوة: عايزة تروحى روحى لوحدك ممنعتكيش بس ابنى تسبيه هنا
زيزى: وانا مش هسيب ابنى معاك
معاذ بدون مايفكر وباندفاع قال: مكنش ابنك عشان تاخديه معاااكى مااااالك ابنى انا وبس وانتى ملكيييش عليه اى حقوق انتى فاهمه
فى اللحظة دى حست فرح كأن الدنيا بتلف بيها وكلام معاذ بيتردد فى ودانها
رأفت مسح على وشه بضيق الحقيقة ال بقالها ست سنين مخبيينها عن الكل فى لحظة غضب ابنه الاحمق كشفها ريان استغرب شوية بس حس ان الموضوع ميخصهوش
اما زيزى فكانت الكارثة الحقيقية بالنسبالها لاول مرة تحس انها هتخسر جوزها وطفلها المزيف
رأفت قال بحزم: خد مراتك وروح على اوضتك حلوا مشاكلكم
معاذ مسك ايد مالك وقال: انا مش عايز اتكلم معاها انا زهقت منها وم تصرفاتها هفضل لحد امتى مستحمل
مالك نزع ايده من ايد معاذ وحضن زيزى وقال: انا عايز اروح مع ماما
كلامه صدم فرح ووجع قلبها جدا ابنها وكل حياتها بيقول لواحدة تانية ماما لا ومش اى واحدة دى ال خطفته منها ودمرت حياتها رؤية ابنها متعلق بواحدة تانية وبالشكل ده اكبر وجع ممكن تتعرضله دموعها نزلت بتلقائية وهيا شايفة مالك فى حضن زيزى ال كانت مبتسمه بغرور
زيزى بغرور قالت: مش قولتلك محدش فى الدنيا يقدر يبعد ابنى عن يامعاذ تعرف ليه لانى امه
معاذ ضغط على نفسه وقال: زيزى اطلعى اوضتك ونتفاهم فوق لو سمحتى مش عايزين مشاكل قدام الولد عشان نفسيته
مسكت زيزى ايد مالك وطلعت اما معاذ فشال شنطتها وطلع وراها
✦•✦•✦✦•✦•✦✦•✦•✦✦•✦•✦
اتبقى ريان ورأفت وفرح
رأفت قال: بعتذرلكم عن الفوضى ال حصلت دى
ريان: عادى ياعمى ولا يهمك... انا طالع اوضتى بعد اذنكم
رأفت قالها: روحى وراه يابنتى صالحيه
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
بصتله بكره شديد لكنها اضطردت ترسم ابتسامة مزيفه قائله
= حاضر ياأونكل
وبدل ماتروح اوضة ريان رجليها خدتها ناحية اوضة معاذ وزيزى سمعتهم وهما بيضاربوا حست بانتصار كبير قالت فى عقلها: انتم عيشتونى ألم خسارة الابن اوعدكم انكم هتعيشوا نفس الالم
بعدها راحت اوضة ريان خبطت ودخلت بعد ماسمحلها
تنهدت وقالت: ريان انت زعلان منى
ريان قال بهدوء: انا مش زعلان منك بسبب ال زيزى قالته عارفة ليه لانى معنديش ذرة شك فى اخلاصك وحبك ليا
كلام ريان كان بيد_بحها احساسها بتأنيب الضمير ناحيته كان كبير وموجع
قالت برقة: اومال فى ايه اتغيرت ليه من بعد كلام زيزى؟
مسك ايدها وقال: انا بخاف أخسرك تعرفى انا اما صدقت اننا نجتمع اخيرا انا جيت مصر بناءا على رغبتك انتى بس حاسس انك كل يوم بتبعدى عنى اكتر من اليوم ال قبله
فرح: دى اوهام فى دماغك انا بحبك وعمرى ماتخلى عنك ياريان
قال بضيق: طب وجوزانا ال بقاله سنتين بتأجلى فيه
فرح: طب واحنا جينا مصر ليه مش عشان نجوز بس انت ال معملتش ال اتفقنا عليه
ريان: مقدرتش اكلم عمى واطلب منه حقى فى الميراث وانا شايف الشركه فى الحالة دى
قالت فرح بفضول: ليه هيا مالها الشركه
ريان: تلت أسهم الشركه عمى باعها لواحد اسمه بسيونى
الكلام وقع على دماغها زى الصاعقه قالت بارتباك: بسي.. بسيونى وايه ال يخلى عمك يبيع لاسهم دى كلها
ريان: ده ال هموت وافهمه ال يجبر عمى يبيع كل الاسهم دى لواحد غريب ويتحكم فى الشركه بالشكل ده
شردت فرح وبدأت تجمع كل الخيوط بداية من كدب بسيونى عليها وانه معرفهاش انه بيملك نسبة كبيرة فى الشركه والسؤال الاهم ال طرحته فى عقلها ايه ال يجبر رأفت يتنازل عن اسهمه لبسيونى الا لو كان بسيونى مهدده بحاجة كبيرة افتكرت من ست سنين اما ابنها اتخطف وبعدها اتق_تل زى ماتقالها معاذ... وقتها قالت فى عقلها: معقول يكون بسيونى ال خطف ابنها وهدد رأفت وبناءا على كدة رأفت اضطر يبيع اسهم فى شركته لعدوه اللدود ده لو مكنش اتنازل عنهم
_ لو الكلام ده صح فده معناه صدمتين بالنسبة لفرح الاولى انها اتعاونت مع الشخص ال خطف ابنها وكان السبب فى دمارها اما الصدمه الثانية والاكبر ان اخوها كدب عليها وهو ال باع ابنها لبسيونى
عمرها ماسألت نفسها كل الفلوس ال مع اخوها ومستواه ال اتغير ده ازاى؟ الا لو كان بالخيانة نعم انها الخيانة الاكبر من اخوها على حساب حياتها
_ حبيبتى انتى روحتى فين؟
فرح بارتباك: هاا
ايه مالك؟
فرح: انا هقوم اكلم مامى عشان وحشتنى هتكلم معاك بعدين
وفى نص الليل
بعد مافرح اتأكدت ان الكل نايم دخلت اوضة مالك اتفاجأت انه كان لسة صاحى
فرح بحنية: حبيبي انت لسة لحد دلوقتي صاحى
مالك بتذمر طفولى: اه معرفتش انام
فرح بحنان: ليه ياحبيبي خايف تنام لوحدك؟
مالك: اه بحلم حلم وحش وماما مش بترضى تخلينى انام معاها هيا وبابا
حضنته فرح بحزن
فى اللحظة دى سألت نفسها سؤال تختار ايه
تكمل انتقامها من العيلة دى؟
ولا تاخد ابنها وتمشى وتعيش بفلوس وثروة نورسين؟
وكان قرارها سريع لدرجة انها حتى مترددتش لحظة فى انها تختار ابنها وال هو كل حياتها
قالت: ايه رأيك ياحبيبي تيجى معايا عملالك مفاجأة
مالك بتفكير: مفاجأة ايه؟
فرح: مش انت عايز تشوف مامتك الحقيقة انا هخليك تشوفها
مالك بفرحه: ماشى بس هرجع تانى لماما زيزى
حست فرح بوجع ف قلبها لكنها قالت: ايوا أكيد ياحبيبي
خدت فرح مالك وركبت عربيتها وخرجوا وهيا مقررة تهرب بابنها بعيدا عن قصص الانتقام
هنوصل امتى يانورسين؟
شوية ياحبيبي
وصلت رسالة على هاتفها فتحتها وكانت الصدمه الكبيرة وقفت فجأة عربيتها ورجعت تقرا الرسالة مرة واتنين وتلاته لكن فعلا الرسالة كانت حقيقية الرسالة ال هتغير كل خطة فرح بل حياتها بأكملها
بصت لطفلها ودموعها نازلة قبل ماتقول....
يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
لو مش عايزة نورسين تظهر وحقيقتك تنكشف قدام الكل يبقى ترجعى القصر التانى»
كانت دى الرسالة ال وصلتلها من رقم مجهول وال اعادت قراءتها مرة واتنين وتلاته هل يعقل ان نورسين هتظهر بالفعل وكل خططها هتتدمر والاهم من ده مين صاحب الرسالة مين ال يعرف انها فرح مش نورسين
همست بخوف: اكيد بسيونى ايوا هو اكيد
شهقت بفزع اما هاتفها رن بنفس الرقم المجهول مسكت التليفون وايدها بتترعش لكنها فى النهاية اجابت
قال الطرف الاخر: ياأهلا بفرح ال عامله نفسها نورسين وعايشة فى القصر
وقبل ماترد باندفاع خطر فى بالها حاجتين الاولى ان ده اكيد بسيونى وبيحاول يخوفها عشان تسمع كلامه والتانية ان حد من القصر وعلى الاغلب زيزى بيحاول يختبرها واى ان كان فكان لازم تتمهل فى الرد قبل ماتقول: فرح مين.. انا نورسين الرقم غلط
سمعت صوت الطرف الآخر وهو بيضحك بعدها سكت مرة واحدة وقال
= التمثيل ده على حد تانى انا عارف حقيقيتك يافرح فبلاش تمثلى تحبى اديكى دليل
فرح بحدة قالت: الرقم غلط انا مضطرة اقفل
_ تحليل DNA انا ال استلمته على فكرة التحليل ال انتى عملتيه لمالك عشان تعرفى اذا كان زين ولا لا
بصت على مالك ال كان نام و قالت بدون ماتفكر وهيا متأكدة ان هو بسيونى لانه الوحيدال يعرف بالتحليل
= انت بسيونى وعايز تخوفنى فاكرنى هخاف يعنى منك نورسين لو كانت بالفعل موجودة كنت خلتها تظهر من زمن انا هاخد ابنى والفلوس وهمشى مبقتش عايزة احارب العيلة دى متقدرش تجبرنى عل
حاجة
اجاب الآخر: امم الظاهر انك مقرتيش الاخبار بسيونى ابنه ومرات ابنه عملوا حادثة وللاسف ماتوا وهو فى حالته دى تفتكرى هيفكر فى رأفت والانتقام؟
الخوف ملى قلبها بمجرد ماسمعت.. فتحت صفحتها على الفيس بوك وشافت الاخبار وفعلا طلعت صحيحه
= ايه سكتى ليه؟ اكيد اتأكدتى من كلامى
بصت للمرة التانية على مالك بقلق بعدها نزلت من العربية بصت حواليها بخوف كان الطريق فاضى لكنها كانت متأكدة ان حد بيراقبها
= انت مين وعايز منى ايه؟
اجاب الآخر: انا مين دى هتعرفيها بكرا على الساعه تسعه بعد طبعا ماتاخدى مالك ترجعيه القصر
فرح قالت بهدوء: وايه ال يخلينى ارجع القصر واخاطر بحياتى وحياة ابنى؟ خصوصا بعد ماتأكدت ان فى حد منهم يعرف حقيقتى
= يمكن لانك لو هربتى فى نفس اللحظة انا قادر اخلى نورسين تظهر وكل خططك تبوظ وتعرفى نورسين الحقيقية لو ظهرت قدام العيلة وقتها ايه هيحصل.. اقولك انا الفلوس بتاعت نورسين هترجعلها ومعاذ وزيزى هياخدوا منك ابنك وهترجعى مشردة مرة تانية
فرح رغم انها كانت خايفه لكنها تماسكت وقالت: ده فى حالة انك تعرف مكانى
= ههههه تحبى اعرفك انتى فين دلوقتي فرح انتى بعيدة عن الفيلا مسافة نص ساعة وبالظبط قدام
محطة البنزين
فرح قالت بخوف ظهر فى صوتها المرادى: انت عايز ايه؟
= ماقولتلك ترجعى الفيلا وهنتقابل بكرا الساعه 9 واقولك انا مين وعايز ايه
فرح قالت بجمود: هنتقابل فين؟
= فى بيتك القديم يافرح
وقبل ماترد كان الشخص الاخر اغلق المكالمة
فرح ركبت عربيتها وقررت ترجع الفيلا قبل ماحد ياخد باله انها مش موجودة ده فى حالة انها مكنتش اساسا انكشفت بس مكنش قدامها حل تانى وعشان تضمن حقها لو جرلها حاجة أرسلت بعض الملفات لرقم ما وقالت
= دى الملفات ال كنت رافضه ادهالك انا ساعدتك كتير جه الوقت انك تساعدينى الظاهر انى انكشفت وفى حالة حصلى حاجة الملفات دى هتودى رأفت فى داهية
فى اليوم التالى
كانت فرح بتجهز نفسها قدام المراية وهيا شاردة بتفتكر ازاى رجعت فى الامس الفيلا ومحدش شافها بس ال كان مخوفها بالفعل ان مالك يقول قدام زيزى او معاذ ال حصل
خدت نفس عميق لعله يهديها وقالت: اهدى يافرح الظاهر ان اللعبة قربت تخلص وحتى لو نورسين ظهرت حتى لو كانوا عارفين حقيقتى محدش يقدر يأذينى لانى قبلها هكون دمرت اسم عيلتهم ال غابوا سنين يبنوا فيه هما ال يخافوا منى مش انا
انتبهت لصوت خبط بسيط على الباب فقالت: اتفضل
دخل مالك وهو متذمر
فرح قالتله بحنية: مالك تعالى ياحبيبي واقف عندك ليه
مالك بتذمر: مبكلمكيش زعلان منك
فرح قربت منه وقالت بحنية: ليه ياحبيبي انا عملت ايه يضايقك
مالك بصوت طفولى: قولتيلى انك هتعرفينى ماما الحقيقية امبارح ومعرفتنيش هيا مين
فرح: ياحبيبي انا لسة عند وعدى بس مامتك حصلها ظروف منعتها انها تيجى
مالك بزعل: ماما الحقيقية لو كانت بتحبنى كانت جت شافتنى ماما الحقيقية مش بتحبنى
قالت فرح على الفور: لا دى بتحبك اوى ياز.. يامالك بتحبك اكتر من اى حاجة
مالك بفضول قال: اكتر من ماما زيزى
مسحت فرح دمعه نزلت من عينها وقالت بحزن: اكتر بكتير اوى
كملت بهمس: مستعدة تضحى بحياتها عشانك عشانك انت وبس
مالك بحيرة: طب وهيا هتيجى امتى
فرح بهدوء: خلينا نتفق اتفاق متقولش لاى حد على الكلام ال قولته عشان تشوف مامتك
مالك: ولا حتى جدو عماد
فرح: ولا حتى جدك عماد عشان مامتك تيجى تشوفك هاا
مالك بتفكير: ماشى
فرح: يعنى كدة احنا متصالحين
لا
فرح: ليه يس كدة يامالك
مالك بتفكير: لو عايزانا نتصالح خلينا نلعب
فرح ضحكت وقالت: نلعب! نلعب ايه؟
مالك: انا هجرى وانتى تجرى ورايا لو مسكتينى يبقى اتصالحنا
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
فرح باعتراض: لا طبعا انا كبرت على اللعب ده
لكن مالك كان جرى طلعت فرح تجرى وراه عشان تمسكه
يامالك خلاص يابنى هديت حيلى اقف بقى
مالك وهو بيجرى: لا لا يلا امسكينى
فرح وهيا بتنهج: يامالك استنى انت روحت في..
خبطت فجأة فى حد رفعت راسها ونفخت بضيق اما شافت زيزى
زيزى بتكبر: ماتحاسبى ياحبيبتي ولا مش بتشوفى وبعدين مش عيب عليكى تجرى زى العيال الصغيرة
فرح باستفزاز: حاجة متخصكيش
مالك جه وقال: ايه يانورسين مش هنلعب
زيزى بصتله وقالت بحدة: اطلع اوضتك يامالك وملكش دعوة بيها تانى
مالك بتذمر: لا انا عايزة العب مع نوسين
زيزى بصوت عالى: مااالك قولتلك اطلع اوضتك يلااااا
الدموع اتجمعت فى عينه وبص لفرح بحزن وطلع
فرح حست بوجع فى قلبها اما شافته زعلان قالت لزيزى بحدة: انتى ايه مشكلتك معايا
زيزى باندفاع: انتى ال ايه مشكلتك مرة الاقيكى مع جوزى ومرة بتحاولى تقربى من ابنى انتى عايزة ايه بالظبط
فرح: انا مكنش عندى اى نية سيئة انتى ال فهمتى غلط وطريقة تعاملك مع مالك غلط
زيزى ببرود: ابنى واتعامل معاه بالطريقة ال تعجبنى انتى لسة مبقتيش ام ومتعرفيش معنى كلامى
فرح بانفعال قالت: انا اكتر حد ممكن يفهم ازاى اتعامل مع طفل عشان انا...
زيزى بشك: عشان انتى ايه
لكن فرح مشيت وسابتها فمشيت زيزى وراها وهيا بتردد: استنى عندك كنتى هتقولى ايه
اتوقفت فرح عند البسين وقالت: ال كنت هقوله انك مش لازم تبقى ام عشان تعرفى تتعاملى مع الأطفال كفاية ان يكون فى قلبك رحمه
زيزى باستهزاء: بلاش كلام الكتب ده مش ده ال كنتى هتقوليه
فرح بلا مبالاه قالت: خلاص انتى حرة متصدقيش
وقبل ماتمشى زيزى مسكت ايدها وعلى الفور فرح زقتها بقوة وقعتها فى البيسين
فى نفس اللحظة كان معاذ جه وشاف فرح وهيا بترمى زيزى فى البسين صحيح مفهمش فى ايه لكن ضحكه صغيرة ارتسمت على وشه مش بينكر اعجابه الكبير بنورسين وشخصيتها
نورسين ال خلته يحس بشعور حب جديد شعور عمره ماحسه مع فرح ولا حتى زيزى فرح بالنسباله كانت مجرد ام ابنه مكنش صحيح يتمنالها الاذى لانه كان عنده امل يرجعلها ويجيبوا عيال تانى اما زيزى فهيا زوجته المناسبة لمكانته الاجتماعية وال يقدر يعترف بيها قدام الكل واى ان كان فهو محسش مع الاتنين بشعور الحب الحقيقى اما نورسين فهيا الوحيدة ال امتلكت شئ جواه حس بضيق اما افتكر انهت خطيبة ابن عمه وبتحبه
اتحركت فرح وهيا بتبص ناحية معاذ بإبتسامة فابتسملها معاذ وبمجرد ماقربت كان لسة معاذ هيكلمها لكنه اتصدم اما شافها كملت طريقها وحضنت ريان ال كان واقف ورى معاذ حس بضيق ومشى
ريان بص على زيزى ال كانت طلعت من البسين وكلها ماية وبتبص ناحيتهم بغضب وقال
= الظاهر انك علمتيها الادب
فرح: اتواقحت معايا بس وقفتها عند حدودها
هيا دى حبيبتى الشرسة صحيح انا عاملك مفاجأة تعالى
فرح: هنروح فين ياريان استنى
تعالى بس
فرح بصت على ساعتها وكان اتبقى ساعه واحدة وتيجى تسعه فحست بخوف ان الشخص ينفذ تهديده ونورسين تظهر لو هيا مراحتش فى الوقت وقابلته
فرح بارتباك قالت: ريان خليها يوم تانى معلش
ريان: لا لا هو النهاردة ويلا بسرعه
باءت كل محاولاتها انها تقنع ريان بالفشل وبعد نص ساعه كانوا وصلوا مكان
شالها ريان طلعها وهو مغمى عنيها
قال: فتحى عينك وصلنا
فتحت عينها لقت نفسها فى يخت متزين بطريقة جميلة زى مابتحب
قالت بانبهار: وااو ده.. ده عشانى
باس ايدها وقال: انتى اغلى انسانة على قلبى يانورسين تقبلى تجوزينى
فرح بدون ماتفكر قالت: اكيد اقبل انك تبقى جوزى وحبيبى وكل دنيتى
ريان ابتسم وقال: انا عاملتلك مفاجأة وفرحتك يبقى انتى كمان مفروض تبسطينى
فرح قالت باستغراب: ازاى يعنى
ريان: لحظة واحدة
فرح: ريان انت رايح فين
جه ريان وهو ماسك فى ايده ميكروفون مسك ايدها وحطه
قالت باستغراب: اعمل بيه ايه
ريان: جرالك ايه يافرح هتكونى هتعملى ايه يعنى غنيلى الاغنية ال انتى كنتى دايما تغنهالى بصوتك الجميل
اختفت ابتسامة فرح وهيا مش عارفة ايه هيا الاغنية ال بيتكلم عنها ولاول مرة كمان تعرف ان نورسين كان صوتها حلو وده مش بتمتلكه وبسيونى مكنش قالها المعلومات دى بصت على ساعتها لقتها تسعه وهنا أدركت انها وقعت فى المأزق الحقيقى
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
_ لحظة واحدة انت.. انت قولت فرح!
قالتها فرح بصدمه فرد ريان ببرود: لا قولت نورسين.. طب ايه مش هتغنى
فرح فركت ايدها بتوتر وقالت: خليها مرة تانية بس دلوقتي لازم امشى
قالت كلامها ومشيت لكن صوته وقفها اما قال: ايه ال مخليكى مستعجلة كدة ومش على بعضك
فرح بارتباك: لا مش مستعجلة بس تعبانة شوية ولازم امشى دلوقتي
ريان: اممم لتكونى نسيتى اغنيتنا؟
فرح بلعت ريقها وقالت: ها لا طبعا انا اقدر انسى اى حاجة متعلقة بحبنا
ريان: طب قولى ايه هيا مش لازم تغنى عشان اتأكد انك مش نسياها
فرح غمضت عينها بتوتر وقالت: ريان انا.. انا
= فين نورسين يافرح
فتحت عينها واتجمدت مكانها وهيا بتبصله بصدمه وكأن الزمن اتوقف فى تلك اللحظة لم تعرف ماذا تقول حقا
فضلوا باصين لبعض لمدة طويلة من غير ماحد يتكلم نظرات ريان كانت كلها وجع اما فرح فكانت خوف من القادم
قطع الصمت فرح ال قالت: انت تعرف انى فرح من امتى؟
ريان ابتسم بسخرية وقال: ده كل ال فارق معاكى يعنى؟
اتذكرت فرح الشخص ال اتكلم معاها وهددها ترجع القصر وقالت على الفور
= يعنى انت الشخص ده انت ال كلمتنى وهدد*تنى عشان ارجع القصر
ريان ببرود رد: ايوا انا
فرح انصدمت من اعترافه بكل بساطه قالت بعدم استيعاب: انا كنت خلاص همشى وابعد عن العيلة دى انت عايز ايه منى دلوقتي
ريان بحدة قال: نورسين فين يافرح عملتى فيها انطقى
حطت ايدها على دماغها وقالت: لحظة واحدة نورسين انت ال تعرف مكانها مش انا مش ده كان كلامك وهددتنى لو مرجعتش هتخليها تظهر وانفضح؟
ريان بهدوء: كان مجرد تهديد عشان ترجعى القصر وبقول ان الاحسن ليكى تعترفى عملتى فيها ايه وازاى قدرتى تاخدى منها؟
فرح صرخت فيه قائلة: انا بجد معرفش معرفش حاجة عن نورسين وبعدين انا عايزة افهم تعرف حقيقتى منين و و رأفت ومعاذ انت قولتلهم حاجة جاوبنى؟
ريان: متقلقيش لسة مقولتش لحد حاجة حاليا
فرح بقلق: تقصد ايه بحاليا؟
ريان ببرود: يعنى لو مكنتيش عايزة تنكشفى قدام العيلة يبقى تتعاونى معايا وتقوليلى فين خطيبتى؟
فرح بصدق: انا بجد معرفش مكانها.. معرفش حتى اذا كانت..
غمضت عينها وقالت بصعوبه وخوف من ردة فعله: معرفش اذا كانت ميته ولا عايشة
ريان بجمود: يعنى ايه فى احتمال انها ما*تت وعرفتى منين الاحتمال ده؟
فرح: صدقنى عمك ال يعرف و.. و بسيونى
ريان بسخرية: بسيونى ال انتى اتعاونتى معاه صح
فرح: صدقنى انا دخلت اللعبه دى عشان انتقم لابنى قبل مااكتشف انه عايش انا هحكيلك كل حاجة من البداية والقرار ال انت تقرره هوافق عليه من غير اعتراض وريان ال انا اعرفه مش هيقبل بالظلم
بدأت فرح تقص عليه من البداية كيف تزوجت بمعاذ وضغط جدتها عليها بسبب حالتهم المادية بعدها ثقتها العمياء بزيزى ال أمنتها على طفلها لكنها خدعتها هيا ومعاذ وزورا شهادة الميلاد بعد كدة خطف ابنها ووصول خبر موته ليها
كملت كلامها: وقابلت بسيونى وقتها هو وعدنى انه هيساعدنى انتقم من العيلة دى فى البداية كنت هعمل عملية تجميل تغيرلى ملامحى وادخل القصر كجاسوسه اجمع كل المعلومات ال تدين رأفت لكن الخطه اتغيرت بعد كدة انا نفسى اتفاجئت اما بسيونى قالى انه فيه شبيهه ليا والبنت دى مختفية وحتى عيلتها متعرفش فقالى دى فرصة انى استغل اختفائها ولما نحقق هدفنا هنحاول نلاقيها ونوصلها لعيلتها عارفة ال عملته انانيه كبيرة بس دى كانت فرصتى الوحيدة
ريان بصدمه قال: يعنى ايه عمى فعلا تاجر مخدرات؟
فرح بحزن: مش بس كدة عمك بيستغل منصبه فى الوازرة فى اعمال تانية مشبوهه
ريان: وقدرتى تجمعى الادلة ازاى؟
سكتت فرح فقال ريان بتذكر: خطفتيها من مكتب عمى وانا ال ساعدتك اما دخلتك مكتبه
فرح بلعت ريقها وقالت: كان ده الحل الوحيد
ريان قال بصعوبة: بس انتى كدة خاطرتى بنفسك لو عمى اكتشف ان الورق ده مش موجود فانتى اول واحدة هيشك فيكى انا مش بقول كدة عشان خايف عليكى بس لو كلامك صح فده معناه ان عمى مجر*م ولازم يتحاسب قبل مايأذى أرواح تانية فرح هاتى الادله ال معاكى
فرح بتوتر: ريان انا بوثق فيك بس.. بس صدقنى مش هينفع
ريان بسخرية: كدة بتوثقى فيا؟ انا عايز اسلم الادلة دى بنفسى وابعدى انتى عن الحوار ده
فرح: انا عارفه ومتأكدة انك مش هتقبل بالظلم ولا الاجرام بس انا مش عايزاك تحبس عمك الادلة انا ال هسلمها
ريان: وامم وبعدين ناوية عل ايه تاخدى فلوس نورسين وتهربى انتى وابنك
فرح على الفور قالت: لا انا مكنتش ههرب بفلوس نورسين انا صحيح كنت ناوية اخد جزء منها بس كقرض او سلفه لحد ماتستقر امورى وكنت هرجعهم تانى
ريان: وليه تهربى طالما ليكى الحق انتى لو خدتى مالك وهربتى هتبقى فى نظر القانون مجرمه وهتعيشى طول حياتك فى خوف غير ان مالك عمره ماهيتقبلك وانتى خدتيه من امه ال ربته
فرح بحيرة: اومال هعمل ايه؟
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
ريان: الاول هنحبس عمى بالأدلة ال معاكى بعد كدة هنواجه معاذ وزيزى فى المحكمه ونرفع عليهم قضية
فرح بتفكير: يعنى لو قدرنا نثبت فى المحكمه ان مالك هو وزين انهم زورا هويته هيرجعلى ابنى؟
ريان: اكيد طبعا وهيلزمنا محامى شاطر وده هجيبه بنفسى
فرح: ليه بتساعدنى رغم انى خدعتك؟
ريان قال بحزن: عمرك ماهتفهمى السبب
فرح قالت بحزن: انا حاسة بيك وبوعدك انى هساعدك زى مانتى بتساعدنى وهنلاقى نورسين
صباحا
فى قصر بسيونى
بعد موت هشام وهو فى الحالة دى مبيتكلمش
مليكة بحزن : ياحبيبي يابابا منها لله ال اسمها ليا من ساعة مادخلت حياتنا ودمرتها
عاصم مسك ايد ليا وطلعوا للخارج
قال بحدة: مش هحذرك تانى يامليكه تنسى كل ال تعرفيه واياكى تجيبى سيرة قدام بابا
مليكة: أنسى ايه انها خاينه وخانتك مع اخوك ياما حذرتك منها ومنه بس مكنتش مصدقنى
عاصم: وأديهم اتعاقبوا
مليكه بشك: قولى الحقيقة ياعاصم انت المسئول عن الحادثة ال حصلت انت ال اتخلصت منهم؟
ضحك عاصم وقال بسخرية: شايفانى مجر*م قدامك
مليكه: وانت فاكرنى هزعل مثلا لو كنت انت ال دبرت الحادثة انت عارف ان هشام ده مش بحبه من زمان من يوم مابابا اجوز امه وكانت بتعاملنا أسوء معامله عمره ماكان اخونا وشوف غدر بيك ازاى
عاصم: خلاص يامليكه كفاية انا عندى شغل هتفضلى جمب بابا ولا اجبله ممرضة
مليكه: لا طبعا هفضل جمبه
مجرد ماعاصم خرج اجرى مكالمه هاتفيه قائلا: اهم حاجة تخفى الادلة مش عايز حد يعرف ان انا القا*تل
فى غرفة بسيونى
مليكه سحبت كرسى قعدت عليه وقالت: مين كان يصدق انك تترمى الرمية دى طول عمرك بتفترى وتظلم فيا انا وعاصم عشان ابنك هشام ال جاب العا*ر للعيله شوفت وصلنا لايه يابابا
= عايز منك طلب
انفزعت مجرد مانطق لدرجة كانت هتقع من على الكرسى قالت بخوف
= انت بتتكلم؟
بسيونى بضعف: هاتى تليفونى رنيلى على رقم متسجل باسم نور وقوليلها تجيلى فورا
بعد ساعتين
= معلش ياريان استنانى هنا
ريان: مستحيل أسيبك تروحى لوحدك عند الراجل ده
اكيد عايز حاجة ضرورية والا مكنش أصر انى آجى وهو فى الوضع ده
ريان: خلى بالك من نفسك
حاضر
فى قصر رأفت
يعنى اييييه متعرفييييش حااااجة
رأفت: فى ايه يابنى؟
معاذ بغضب: زيزى ومالك مش موجودين
رأفت بقلق: يعنى ايه مش موجودين يمكن تكون راحت مشوار من مشاويرها وخدت مالك
معاذ باندفاع: هتروح مشوار وهتلم هدومها وهدوم ابنى!؟
رأفت بارتباك شديد: يمكن راحت عند عماد عشان زعلانه منك لحظة واحدة هرن عليه
وبالفعل رن عليه ورد الطرف الاخر
رأفت باستغراب: انا ال مين انت مين مش ده رقم عماد؟
........
رأفت بصدمه،: ايه عماد اتق*تل؟؟
كان ريان قاعد فى عربيته مستنى فرح ولما لقاها اتأخرت جدا قلق عليها وقرر انه يدخل القصر يشوفها مهما كانت النتيجه وبالفعل نزل لكن قبل مايدخل اتصدم اما شاف فرح جاية وحالتها مزرية والدموع مغرقة وشها وبتهلوس جرى عليها على الفور
فرح مالك فى ايه قوليلى بسيونى عملك ايه؟
فرح بانهيار قالت: انا السبب انا المسئوله انا السبب
قال بعدم فهم: السبب فى ايه؟
فرح ودموعها مغرقة وشها: فى موت*ها انا السبب فى مو*ت اختى
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
انا السبب فى موت*ها انا السبب فى مو*ت اختى انا السبب انا
قال باستغراب وعدم فهم: اختك مين انتى عندك اخت؟
بصتله بوجع كبير قبل ماتحكيله ال حصل منذ قليل
فلاش باك
دخلت اوضة بسيونى انصدمت اما شافت حالته هل يعقل ان ده نفسه بسيونى بكل جبروته
قالت بأسى: البقاء لله يابسيونى بيه ربنا يرحمهم ويصبرك
رد بسيونى بصعوبة: يارب يابنتى
فرح: انت حتى لو مكنتش طلبت منى آجى انا كنت هاجى اساسا أعزيك انا عمرى مانسى وقفتك جمبى
=كدب
نطق بكلمه واحدة خلتها تبصله باستغراب وقالت على الفور : ايه هو ال كدب؟
= كل وقفتى جمبك دى كدب ضحكت عليكى فهمتك ان انتى ال محتاجة لمساعدتى عشان تنتقمى من عيلة رأفت بس الحقيقة انا ال كنت محتاج لمساعدتك
فرح: فرقت ايه لو انا ال احتاجت لمساعدتك او انت المهم ان احنا الاتنين كنا عايزين ننتقم منه
قال بوجع: وعمرك ماسألتى نفسك انا ليه عايز انتقم من رأفت
بدون تفكير وعلى حد علمها قالت: عشان قتل حفيدك يوسف
بسيونى وهو بيتكلم بصعوبة: مظبوط بس فى حاجة تانية لازم تعرفيها
بصتله بتركيز فكمل كلامه: انا كنت شغال مع رأفت كنا شركاه فى البداية بس انا وقتها قررت اتوب واسيب الشغل الش-مال واسلم رأفت ورجالته ولما رأفت عرف ال ناوى اعمله من خلال جواسيسه ال بتنقله كل اخبارى قرر يتخلص منى بس وقتها ال كان فى العربية ابنى ومرات ابنى وحفيدى ال راح فهمت ان ده تهديد لو حاولت أسلمه هيقت-تل حد تانى من عيلتى عشان كدة قررت الاعبه بنفس طريقته
بلعت ريقها وهيا بتتمنى ان الافكار ال بتفكر فيها تكون غلط
قالت بخوف: ازاى هتلاعبه بطريقته؟
بسيونى كان عارف هيا بتفكر فى ايه لكنه قرر المرادى يخلص ضميره: خطفت حفيده وعملت معاه اتفاق ارجعله حفيده مقابل أسهم ليا فى شركته
فرح الدموع اتجمعت فى عنيها حست انها هتنهار هل فعلا اتعاونت مع الشخص ده الشخص ال خطف ابنها منها من حضنها
فرح قالت بكره: انت أحق*ر شخص عرفته فى حياتى
كانت على وشك تغادر لكنه وقفها: استنى يافرح مخلصناش كلام
بس انا الكلام بالنسبالى كدة خلص
بسيونى: اتبقى حاجة لازم تعرفيها
فرح التفتت وقالت بوجع: ان سامر اخويا هو ال باع ابنى
بصلها باستغراب كونها تعرف لكنه قال على الفور: كلامك صحيح بس مش ده ال كنت هقوله
فرح حست بدوران فى راسها هل يعقل ان لسة فى اسرار تانية: ايه ال لسة مخبيه يابسيونى انا مبقتش حمل اسرار
بسيونى بندم: بس ده اخر سر اخر سر يابنتى.... نورسين
بصتله على الفور مجرد ماجاب سيرتها: انت تعرف عنها حاجة قولى؟
بسيونى كان التعب بدأ يشد عليه لاحظت فرح وقربت منه قالت بلهفه: ارجوك تعرفنى عنها اى معلومه توصلنى ليها ارجوك انا حاسة بالذنب من ناحيتها ارجوك قولى هيا فين
بسيونى بصعوبة: من اربع سنين لما كنتى بتشتغلى معايا واتفقنا ندمر رأفت وعيلته حصلت حاجة غريبة اوى غيرت خطتى كلها.. شوفت بنت شبهك بالظبط ولما جمعت معلومات عنها عرفت ان والدتها امريكية وباباها مصرى
فرح بسخرية: ده كله انا عارفاه
بسيونى: فرح سيبنى اكمل كلامى للاخر أرجوكى
فرح هزت راسها فكمل بسيونى
= نورسين كانت بتدور على باباها واتعرفت على ظابط مصرى هنا كان بيساعدها تلاقيه فضلت اراقبها وعرفت كل تحركاتها بس كان فى حاجة واحدة هتجننى الشبه الفظيع ال مابينكم الشبه ال لا يمكن يكون غير بين اتنين
سكت شوية قبل مايقول ال صدمها: اتنين اخوات وخصوصا التوأم
فرح على الفور قالت: ايه اله*بل ال انت بتقوله ده مستحيل
بيسونى بتعب: انا كمان مكنتش مصدق نفسى ازاى واحدة امريكية وبالمستوى ده وهتكونوا اخوات قررت اعمل التحليل وبطريقة ما قدرت اجيب شعره منها وانتى مكنش صعب طبعا بعدين حصلت المفاجأة يوم اما شوفت النتيجة بعينى
فرح والدموع فى عنيها: اكيد طلعت مش اختى صح!
لا يافرح طلعت اختك متسألنيش ازاى لان الاجابة مش عندى انا .. فى نفس اليوم رأفت عرف عن نورسين او بمعنى اصح افتكرها ان هيا انتى ولما شافها مع الظابط افتكرك متفقة مع الشرطه عليه راقب نورسين وقت.. قت-لها
فرح بانفعال شديد: مستحيييل انت كداب مستحييل تكوون مااات بسببى مستحيل تكون اختى دى خطة منك عشان تدمرنى صح! عايز كل الادلة ال معايا وبتعمل كدة عشان تخلينى احس بالذنب وارجع انفذ اوامرك بس لا لا يابسيونى
بسيونى بحزن: فرح اهدى ارجوكى انا خسرت ابنى مبقاش عندى سبب يخلينى اكدب كل ال كنت بعمله عشان احمى عيالى أذيت كتير وفى الاخر ربنا عاقبنى خده منى انا بقولك ال هيريح ضميرى
فرح بانهيار: يريح ضميرك ويعيشى باحساس الذنب بقيت حياتى!؟ ان انا السبب فى موتها وبعدين اما انت كنت مراقبها وعارف انه هيقتل*ها ليه ممنعتهوش ليييه
بسيونى: لانى ملحقتهاش رأفت كان دفنها وهيا عايشة واما روحت وحاولت انقذها لقتها جثة
فرح جريت على الفور من غير ماتسمع ولا كلمه تانية
باك
انا مستاهلش اعيش ماتت بسببى ازاى هقدر اعيش باحساس الذنب انى قتلت اختى ازاااى؟
ريان حضنها والدموع مالية عينه كان عنده أمل يلاقى نورسين ويعتذرلها
تمام اهدى يافرح ارجوكى اهدى... فرح جه الوقت ال ناخد حق نورسين مستعدة
🌿🌿🌿🌿🌿🌿🌿🌿🌿🌿
رأفت: فى نفس اليوم ال عماد يموت فيه زيزى تخطف الولد دى معناه ايه
معاذ بعصبية: احنا لسة هنحقق انا عايز شوية رجالة يقلبوا البلد ونعرفوا خدت ابنى وراحت فين
رأفت: يابنى اهدى بس عشان نعرف نفكر
معاذ: ابنى مخطوب من المجنونه دى وعايزنى اهدى! تيجى ازاى؟ وبعدين ايه الهدوء ال انت فيه ده
رأفت بهدوء: انا عارف طريقها
معاذ وقف بعدها قال بصدمه: اما انت عارف طريقها ساكت من الصبح ليه وسايبنى هتجنن؟
رأفت: عشان انت غبى يامعاذ مش عايزك تتصرف بغباء لازم نعمل خطة الاول
معاذ بعدم فهم: انت ازاى تعرف مكانها الاول؟
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
رأفت: تصرفاتها الاخيرة مكنتش عاجبانى عشان كدة قدمتلها ساعه هدية عليها جهاز تجسس
فتح رأفت تليفونه وقال: بقدر اتابع تحركاتها من هنا هيا دلوقتي فى شقة اسكندرية هروح انا وانت وبس فاهم يامعاذ
رأفت بيه رأفت بيه إلحق
رأفت: فى ايه ياأيمن؟
أيمن: البوليس هنا و..
فين رأفت الدمنهورى
رأفت رفع عينه وقال بحذر: انا هو فى حاجة ياحضرة الظابط
الظابط: حضرتك مطلوب القبض عليك
رأفت بسخرية واستعلاء: القبض عليا انا؟ انت عارف بتتكلم مع مين ولا تحب اعرفك
الظابط ببرود: لا عارف كويس بتكلم مع مين رأفت مساعدة الوزير المحترم وتاجر المخدرات الكبير ال بندور عليه من سنين
معاذ بغضب: انت بتقول ايه وازاى تتهم بابا باتهام زى ده
رأفت بهدوء خطير: وايه الادلة ال عندك
الظابط: الادلة كلها اتقدمت ضدك النهاردة وده هيتحقق فيه مع حضرتك
رأفت اتصدم مين ال عنده الجرأة يوقعه قال بنفس هدوءه الغريب: مين قدم البلاغ؟
انا ال قدمته
بص رأفت ومعاذ بصدمه ناحية الصوت
رأفت قال بعدم تصديق: نورسين؟
فرح بشماته: تؤ فرح انا فرح يارأفت ال انت ظلمتها ودوست عليها
رأفت بصدمه: بس ازاى؟
هنا جه ريان ال قال: انا ال ساعدتها ياعمى حقيقى انا انصدمت فيك انت طلعت مجرم تاجر مخدرت وقتل*ت البنت ال كنت هجوزها قتل-ت نورسين
فرح شافت نظراته وقالت: ايوا يارأفت ال انت قتل-تها كانت نورسين مش انا
الظابط قاطعهم وقال: يلا خدوهم
معاذ بصدمه: انا وانا عملت ايه؟
الظابط: انت صحيح مفيش دليل ضدك انك بتشتغل مع ابوك لكن فى بلاغ ضدك بتهمة تزوير وخطف
فرح قربت من معاذ وقالت بشماته: شوفت يامعاذ خدت حقى منك ودلوقتى هرجع ابنى لحضنى وانت ال هتتحرم تشوفه بقيت حياتك عشان ظلمتنى وافتريت عليا
معاذ: زيزى خطفت الولد
فرح بصدمه: ايه لا لا اكيد بتكدب عليا
معاذ: أرجوك ياحضرة الظابط سيبنى بس ارجع ابنى وبعدين اقبضوا عليا بس لازم ننقذه
فرح ودموعها نازلة قالت: انت تعرف طريقة
ايوا اعرف لازم نروح قبل ماته. رب ارجوكى يافرح
ريان: يبقى هروح معاكم
الظابط امر عساكره يقبضوا على رأفت وخد اتنين معاه وراح مع ريان وفرح ومعاذ
اما رأفت قبل مايغادر قال بتوعد = هتندمى يافرح انتى وريان اشد ندم والقضية دى هطلع منها زى الشعره من العجينه وهتشوفوا هبعتك عند اخويا يابن اخويا الغالى ده وعد
🌿🌿🌿🌿🌿🌿🌿🌿🌿🌿
ماما بابا هييجى امتى مش قولتى هييجى دلوقتي
زيزى بعصبية: سيبنى فى حالى دلوقتي يامالك يلاااا رووح من وشى
بعدها دخلت فى نوبة عياط وبدأت تفتكر ال حصل
فلاش باك
فى ايه يابابا جبتنى ليه فى الوقت ده؟
عماد بخيبة أمل: مكنتش اتصور انك تعملى كدة انتى كسرتينى
زيزى بتوتر: بابا حضرتك بتتكلم عل ايه مش فاهمه حضرتك
عماد باندفاع: لسة ليكى عين تسألى ان عرفت كل حاجة الدكتور اعترفلى ان انتى ال اجبرت-يه يعمل الاجها-ض لامينه ازاى قدرتى تقتل-ى روح بريئة وأمينه عملتلك ايه؟
زيزى ودموعها نازلة: كنت خايفه ياخد مكانى اصلا من ساعة ماأمينة دخلت حياتك وانت مبقتس تهتم غير بيها
عماد: انتى مريضة يازيزى ولازم تتعالجى وزين لازم يرجع لامه الحقيقية
زيزى بانهيار: بابا ارجوك كله الا مالك ارجوك متعملش فيا كدة
مسكها شدها بعن-ف وقال وهو بيجر-ها: انا بنفسى هوديكى مصحه تتعالجى لازم اصلح غلطتى
لا يابابا لا سيبنى
زقته بكل قوتها فوقع من على السلم جريت عليه برعب
= بابا.. بابا قوم قوم يابابا.. .. د.. د-م لا لا
طلعت تجرى بسرعه عل الفيلا لمت هدومها وخدت مالك وهربت
باك
سمعت صوت تخبيط قامت وقفت قدام الباب برعب وقالت
= مي.. مين
انا معاذ يازيزى افتحى
زيزى برعب: عر.. عرفت مكانى منين
معاذ: هنتكلم من على الباب افتحى يازيزى انا جيت عشانك
زيزى افتكرت انه جاى يساعدها ففتحت الباب لكنها انصدمت اما شافت ريان وفرح والشرطه
على الفور قالت برعب ومن غير تفكير: انت ال بلغت عنى صح يامعاذ بلغت عنى مكنتش اقصد اقتل-ه كان عايز ياخد منى ابنى ويودينى مصحه
معاذ بصدمه: انتى ال قتلتى عمى عماد؟
زيزى بانهيار: مكنش قصدى والله
الظابط بسخرية: جينا نقبض عليكى بتهمة خطف اعترفتى على نفسك بتهمة قت-ل ده احنا حظنا حلو بقى لقينا القات-ل من غير ماندور
فرح شافت مالك واقف خايف فراحت حضنته بحنان وهيا بتقول: متخافش ياحبيبي انا معاك انا امك لكن مالك زقها وراح حضن زيزى وقال: ماما متسبنيش
زيزى بصت للظابط برجاء وقالت: ارجوك سيبنى احضن ابنى للمرة الاخيرة
الظابط اشار لعساكره يبعدوا عنها لكن فى لحظة كانت زيزى طلعت سكي-نه كانت مخبياها فى هدومها وحطتها على رقبة مالك وقالت ودموعها نازلة
الحاجة الوحيدة ال مش هقدر استمحلها انك تاخدى مالك منى مالك ابنى وهيفضل ابنى يانعيش مع بعض يانموت مع بعض
صراخ مالك كان مالى المكان اما فرح فقالت برجاء وهستيرية
= ارجوكى يازيزى سبيه اقتلي-نى وسبيه ارجوكى سيبى ابنى
هزت زيزى راسها برفض قبل ما......
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
ارجوكى يازيزى سيبيه اقتلي-نى وسبيه ارجوكى سيبى ابنى
هزت زيزى راسها برفض قبل ما تقرر تد-بح الطفل لكن صوت رصاصة دوت فى المكان
بصت فرح بصدمه وهيا شايفة معاذ ال ماسك المسد_س اما زيزى فكانت سقطت قت-يلة بعد ان اخترقت الرصا-صة جسدها
ماما ماااما
جريت فرح خدت ابنها فى حضنها وحطت ايدها على عينه عشان ميشوفش المنظر
ريان بأسف: ليه يامعاذ ليه
معاذ والدموع متجمعه فى عينه قال: كان مفروض عملت كدة من زمان هيا السبب فى كل حاجة دمرت حياتى وفوقها خط-فت ابنى وكانت هت-قتله
بص لفرح وقال بندم: سامحينى يافرح انا آسف عل كل ال عملته فيكى تقدرى ترفعى عليا قضية وانا هعترف ان زين يبقى ابنك خد بالك من فرح وابنى ياريان فى أمانتك
بعد مرور ثلاثة اشهر
أمام المحكمه
حقيقى النهاردة اسعد يوم فى حياتى ابنى رجعلى انا مش مصدقة ان زين رجع لحضنى واتقبلنى امه
ريان بابتسامة: انتى تستاهلى كل خير يافرح انا مبسوطلك من كل قلبى وكنت متأكد انك هتكسبى قلبه بسرعة
فرح بشكر: شكرا ليك ياريان انك وقفت جمبى لحد مارجعت حقى
كملت بحزن: وبجد بعتذرلك انك خسرت خطيبتك بسببى
ريان بجدية: كان ف موضوع عايز أكلمك فيه
بصتله فرح بتركيز فقال
= والدتك اقصد يعنى ايميليا انا اتكلمت معاها وقدرت اعرف منها ان نورسين فعلا كان ليها اخت توأم اما حصل الانفصال بينها هيا ووالدك هيا خدت نورسين وهو خد إيلا ال هيا انتى
فرح بحزن شديد: يعنى صفاء مش ماما وكل عيلتى طلعت مش عيلتى ازاى ازاى؟ انا مش فاهمة حاجة
ريان: من اسبوع واحد وبعد شهرين بحث انا قدرت اوصل لباباكى الحقيقى هو قالى انه خدك عشان بس يحرق قلب ايميليا بس اما نزل مصر وشركته فلست مقدرش يتحمل مصاريفك ف..
سكت ريان فقالتله فرح بألم: كمل ياريان
ريان: رماكى قدام ملجأ
فرح ودموعها نازلة: بابا ال يرحمه كان بيشتغل فى الملجأ يمكن لما شافنى مرمية صعبت عليه وخدنى ربانى بس ال مش فاهماه ليه يسجلنى بإسمه ليه معرفنيش الحقيقة وليه ماما كمان مقالتليش انى مش بنتها ازاى يخلونى اعيش فى الخدعه دى طول حياتى وليه
ريان تنهد وقال: هما ال يقدروا يجاوبوكى يافرح حاولى تتواصلى معاهم
فرح بسخرية: يمكن انتقا-مى نسانى عيلتى المزيفة
ريان: حاجة كمان يافرح انا حكيلت لايميليا على كل الحقيقة
فرح بخوف: وقالت ايه اكيد معتبرانى السبب فى موت بنتها
ريان: بالعكس دى قالت انها حاسة انها ظلمتك اما اتخلت عنك كل السنين ال فاتت ونفسها تشوفك وتعوضك فرح عارف انى بطلب منك طلب صعب بس ايميليا فى حاجتك قوى
فرح: مش عارفة بجد اعمل ايه انا بقى اهم حاجة عندى فى حياتى ابنى عايزة اخده واسافر
ريان: معتش فيه داعى للهرب عمى واتحكم عليه بالاعدام وزيزى مات*ت حتى معاذ اتحبس يبقى هتسيبى البلد عشان مين؟ ايميليا هتوصل مصر كمان يومين اتمنى تستقبليها
فرح بتوتر: بس هتبقى معايا
ريان: للاسف يافرح مش هقدر اكون معاكى
فرح بحزن: ليه!
ريان تنهد وقال: لانى هرجع امريكا مبقاش فى سبب يخلينى اقعد هنا
فرح حست بحزن كبير داخلها: وهتسا.. هتسافر امتى
ريان: بكرا ان شاء الله
فرح قالت على الفور: وازاى متقوليش من زمان ليه خبيت عنى
ريان: كنت شايفك مشغوله فى قضية ابنك محبتش اشغلك اكتر
فرح بعتاب: كان لازم تعرفنى حتى لو كنت مشغوله انت كمان تهمنى
بصلها ريان بأمل فقالت بارتباك: لانى بعتبرلك صديق مقرب
ريان: طب يلا يافرح اوصلك عشان متتأخريش عل زين
هتتغدى معايا النهاردة
ريان: لا مش هينفع
بس انا عاملة حسابك وبعدين لو مجتش انا وزين هنزعل اوى اوى
خلاص ماشى ياستي
---
مر اليوم والتاني وفرح مشغولة في تحضير زين، لكن عقلها وقلبها كانوا في مكان تاني خالص.. كانوا مع ريان اللي خلاص مسافر وسايب مصر، وسايب معاها فراغ كبير مكنتش متخيلة إنه ممكن يسيبه.
في اليوم التالي.. داخل مطار القاهرة الدولي.
كان المطار زحمة، وريان واقف بيبص على ساعته بتنهيدة حزن، ماسك شنطته وبيتحرك ببطء ناحية بوابة الجوازات. كل خطوة كانت تقيلة عليه، كان بيتمنى من كل قلبه إن التليفون يرن، أو يسمع صوتها بتنادي عليه، بس قال لنفسه بيأس: "خلاص يا ريان.. فرح شافت حياتها وابنها رجعلها، وأنت دورك في الرواية دي انتهى".
وفجأة.. وسط دوشة المطار وصوت النداء الأخير للرحلات، اخترق الصوت ده صرخة طفل بريئة ونفس عالي وناهج:
= عمووو ررياااان!
ريان لف بسرعة والصدمة لجمته. شاف زين بيجري عليه وبيرمي نفسه في حضنه، وورا زين كانت واقفة فرح.. بتنهج، وشعرها متطاير شوية من الجري، وعيونها مليانة دموع وخوف من إنه يمشي.
ريان شال زين وهو مش مصدق، وبص لفرح بذهول:
= فرح؟! أنتوا إيه اللي جابكم هنا؟
قربت فرح منه خطوة، ودموعها نزلت غصب عنها، وقالت بصوت يترعش من كتر المشاعر:
= كنت عايز تمشي وتسبني يا ريان؟ بعد كل اللي عملته عشاني.. بعد ما بقيت النفس اللي بتنفسه، كنت فاكر إني هقدر أكمل حياتي من غيرك؟
ريان نزل زين على الأرض وبص في عيون فرح بقلب بيدق بسرعة:
= فرح.. أنتي بتقولي إيه؟ أنتي قولت إني مجرد صديق مقرب..
قطعت كلامه وهي بتهز راسها برفض وعياط:
= كنت غبية وخايفة! خايفة من كل حاجة حواليا.. بس لما تخيلت حياتي بكرة وأنت مش فيها، عرفت إني مش هقدر أعيش. ريان.. أنا مش بعتبرك صديق، أنا بحبك.. بحبك ومقدرش أستغنى عنك، أرجوك متسافرش وتسبني.
المدير والموظفين والناس اللي في المطار بدأوا ينتبهوا للمشهد، ووقفوا كلهم يتابعوا بابتسامة ولهفة.
ريان ابتسم ابتسامة ساحرة، ودموع الفرحة لمعت في عيونه. ساب شنطته على الأرض، ومد إيده في جيب جاكيته وطلع علبة قطيفة صغيرة وفتحها، فظهر خاتم ألماظ رقيق جداً يخطف العين.
فرح حطت إيدها على بوقها بصدمة وذهول:
= ريان.. ده.. ده إيه؟
ريان ضحك بحب وقال بنبرة دافية:
= كنت حاسس.. لأ، كنت متأكد إن قلبك مش هيهون عليه يخليني أمشي. كنت بدعي ربنا تيجى وتمنعيني، وعشان كدة جهزت الخاتم ده معايا مطلعش في الشنطة الكبيرة.
نزل ريان على ركبة ونص قدامها وسط ذهول كل اللي واقفين، وبص في عيونها وقال بأعلى صوته:
= تتجوزيني يا فرح؟ وتسمحيلي أكون الأب لزين، والدهر والسند ليكي طول العمر؟ أنتي حبي الأول والأخير، ومفيش أمريكا ولا في أي مكان في العالم يسوى لحظة واحدة جمبك.
فرح دموعها نزلت من الفرحة وهزت راسها بسرعة وهي مش قادرة تتكلم:
= موافقة طبعاً موافقة!
في اللحظة دي، المطار كله اتقلب بصوت تصفيق حاد وصيحات إعجاب وفرحة من كل المسافرين والأمن اللي واقفين يتابعوا المشهد الرومانسي ده.
ريان بحب: من النهاردة انتم بقيتوا عيلتى وكل حاجة بالنسبالى بحبك يا كل حياتى
تمت بحمدلله
