سٍكت، والظابط سكت...ومبقاش في غير صوت أنفاسنا المُرتجفة...مش عارفة ليه بس حسيت رجلي إتشلت ومش قادرة أتحرك، حاسة إن في شخص تالت موجود حوالينا...ب بس مش شايفاه، مش عارفة أحدد مكانه. 

لكن الخوف ذاد في قلبي لما سمعت الظابط بيتكلم بنبرة هامسة ومُخيفة، كإنه حاسس بنفس شعوري وعارف إن في شخص تالت:- د...دا هنا...ه هو هنا. 

جسمي إتجمد، لكن أنفاسي لأ...إتحركت خطوة واحدة، لكن شهقت بصدمة ووقفت مكاني لما حسيت بإن حد عدا من قدامي، أيوا أنا مُتأكدة...في حد لسة ماشي من قدامي دلوقتي...وأكيد مش الظابط،الظابط ورايا بمسافة...ا أمال مين إل إتحرك قدامي دلوقتي. 

والصدمة لما سمعنا صوت خربشة، لأ مش خربشة...دي زي حديدة بتتحرج على الحائط...إتأكدت إنه هنا، إتأكدت إنه كان بيلعب بيا مش أنا إل بلعب بيه. 

_غبية ياليلى...قولتلك غباءك هو إل هيوصلك لنهايتك. 

قلبي إنتفض بمجرد ما سمعت صوته الغليظ الحاد، لدرجة إني سمعة شهقة الظابط، إل واضح إنه عارف نهايته هتبقى على إيد مين، أو واثق اصلا...وكإن الوقت وقف، لكن موتي بيقرب لعندي. 

_ سكوتي خلاكي تفتكري نفسك ذكية، بل وخلاكي تخططي كمان!!

كُل دا وأنا سامعة صوته وصوت الحديدة بتتحرك على الحيطة، بس فين؟...الصوت عامل صدى وجاي من كُل ناحية. 

_إجري ياليلى،إجري لو عايزة تعيشي!

قال كلاماته الأخيرة وكإنه عايز يلعب معانا، عايز يشوف نهايتنا هتوصل لحد فين...مكملتش تفكيري غير ولقيت الظابط بيجري فعلا عشان يهرب أو يلاقي مكان يستخبى فيه دقايق معدودة بس يودع فيها الحياة. 

أما أنا!..هه،أنا إيه؟..أنا مش عارفة أعمل إيه؟..مش عارفة أتحرك ومش عارفة أتنفس، واقفة في نص الضلمة في بيت مجهول ومع شخص مجهول ومُختل. 

مقدرتش أعمل شيء غير إني أبكي، وصوت الحديدة وقف...وثواني ولقيت صوت صريخ الظابط...كان صوته فوق، معنى كدا إنه قدر يوصل للدور الثالث عشان يستخبى فيه. 

وآنا واقفة ودموعي لسة مش بتقف، لكني قررت إني آحاول أتمسك بحياتي، مديت ذراعي للأمام وأنا بمشي بخطوات حذرة..عشان مأقعش أكتر من الوقعة إل أنا فيها. 

ولكن للأسف وقعت على الآرض، ورجلي إتجرحت في شيء...شيء أنا مش عارفه هو إيه؟..كُنت فاكرة إن مفيش حاجة حواليا وهمشي بسهولة، لكن شكله سبقني...حطيت إيديا الإتنين على بُقي عشان أكتم صوت شهقاتي وألمي...

إستحملت وقومت وقفت ما أنا مينفعش أقف هنا، هموت لو وقفت. رغم إني عارفة إني هموت برضوا لو إتحركت، ولكن إتحركت براحة جدا ولسة دموعي مغطية عيني، ولمست الحيطة...إتحركت للأمام وأنا بتتحسس الحائط بإيدي، وبمشي براحة وبحذر، وأنا سامعة صرخات الظابط إل بتخترق مسامعي وحصون قلبي...ما أكيد بيعذبه قبل ما يموت، مش هيريحه ويقت.له مرة واحدة... 

إنا عملت إيه بس ياربي عشان توعدني بواحد مجنون...لكن أنا عملت كتير فعلاً، وإل بيحصلي دا عقاب أكيد. 

لقيت نفسي في مكان بس مش عارفة فين، إتحركت شوية وأنا بشاور بإيدي للأمام...ولقيت حاجة قصيرة وباردة وناعمة...دي دي الرخامة. 

حطيت إيدي على الطاولة الرخامية وإتحركت معاها لحد ما وصلت لأخر المطبخ، حركت إيدي مكان السكاكين زي ما أنا فاكرة. 

لقيت واحدة، ومسكتها، ونزلت على الأرض وسندت ضهري على الطاولة الرخامية وإيدي بتترعش وحاطة إيدي التانية على بُقي عشان مطلعش صوت من خوفي وبُكاءي. 

وأنا مُنتظرة أي حركة بعد ما صوت الظتبط إختفى تماماً. 

_قتله. 

همست بدموع وأنا بضم رجليا ومُتأكدة إنه خلص عليه فعلاً. 

أنفاسي بتتسحب، ومش قادرة أتنفس أصلا، وحاسة إن دماغي هينفجر..أكيد الضغط عندي إرتفع، ما طبيعي وانا في الموقف دا كُل حواسي تطق. 

فجأة،جت في بالي حاجة إفتكرتها...أيوة أنا فاكرة كويس إنه قفل باب المطبخ قبل ما يمشي ويطلع من الفيلا....بس أنا دخلت،يعني الباب مفتوح...ي يعني هو جه منين؟..معقول في باب سري هنا دخل منه؟...ولا هو سابه قصد عشان يحاصرني؟ 

_شاطرة. 

إنتفضت من مكاني بعد ما سمعت صوته قريب مني...إتصدمت ا انا مكنتش بفكر دا أنا كُنت بكلم نفسي وبهمس...د دا قريب مني وسمع كلامي. 

بصيت يميني وزحفت للخلف وأنا ضامة السكينة لقلبي..

سمعته ضحكته الخفيفة الساخرة وهو بيقول بنبرته الغليظة:- حاسبي، هتتعوري. 

رفعت السكينة للأمام،وقومت وقفت وأنا بعيط وإنفاسي مسموعة بشكل واضح جداً...دا شايفني،بس إزاي والمكان كُله عتمة. 

صر.خت بعصبية رغم خوفي وكإني بتحدى خوفي مش بتحداه:- أنا مش خايــــفة منـك.

صمت رهيب حّل في المكان، دا نوع الصمت المُخيف...سمعت عنه لكن عمري ما جربته...لما يكون الصمت هو الخوف مش الكلام. 

مس سامعة غير صوت أنفاسي الغير موزونة وأنا بتحرك بعشوائية ورافعة السكينة قدامي، وكإني بحاول أعمل نفسي بستعد للخطر...لكن أنا خايفة فعلاً، الخوف بيقيدني وبيحبسني في قفص. 

حسيت بحرارة عند رقبتي من الخلف...أنفاس ساخنة ومُخيفة...ريحة عطر رجولية ملت المكان، غطتني أنا شخصياً.

مقدرتش ألف وأشوفه...وكإنه شيطان إل ورايا، مش بني آدم من لحم ودم زيي...وصدق المثل"البشر زي الشياطين" 

حسيت بإيد بتحاوطني من الخلف، ومِسك معصم إيدي إل ماسكة فيها السكينة بقوة قبضته. 

_غلط يا ليلى..دول أسوء. 

<my>

شعرت بذراع ضخمة تحاوط خصرها بشدة،ويد إمتدت ومسكت معصمها الذي تُمسك به السكينة. 

وجدت همساته تلاحق أذنها بصوته الأجش:

_هنلعب لعبة مجنونة...إتفقنا؟

نبضات قلبها وقفت، وصد.رها يعلو ويهبط ببطء، ليس راحة...إنما تعب وفقدان حياة. 

رفعت رأسها قليلاً لتنظر لوجهه...لم ترى شيئا سوى لمعة عيونه الزرقاء، تلك العيون الحادة كحدة الزمن، كالمكان الخالي والجاف...مثل القبو... وفجأة، وضع يده على مؤخرة رأسها ومالها للأمام،وإصدمت رأسها في الطاولة الرخامية بقوة، لدرجة أنها تُقسم على أنها سمعت صوت جمجمتها تتفتت وفقدت الوعي فجأة ووقعت على الأرض دون سابق إنذار ...تحت نظراته الشيطانية ولكنها ثاقبة لحدٍ كبير....وماحدث لن يمر بسلام. 

؁؁؁؁؁؁؁؁؁؁

في الصعيد_في بيت هارون_وتحديداً في شقة فارس. 

عمل حفلة صغيرة في شقته، بمناسبة نجاح أخته مروة في الثانوية. 

إبتسمت ورد وهي تضع الكيك الذي أحضره فارس وتضعه في مُنتصف الطاولة، وكانت هي ومروة وقمر فقط، والباقي كانو بيتكلمو في غرفة الجلوس. 

نظرت مروة للتورتة قائلة :-بس أنا مش بحب الشُكولاتة. 

قالت قمر بطفولية:-ومالها الشكولاتة؟ أنا بحبها أوي، وورد بتحبها برضوا. 

إبتسمت ورد بخفة وقالت:-أنا أسفة يا مروة، إفتكرتك بتحبي الشكولاتة زيي، وقولت لفارس على النوع دا. 

نظرت لها مروة بضيق وقالت:-كُنتي تسأليني يا ورد...متنسيش إن الحفلة دي عشاني، مش عشانك عشان تختاري بنفسك. 

سكتت ورد قليلاً وبعدها قالت:- معلش، نسيت ولله.

إتنهدت مروة وأمسكت الكيكة وهي تقربها منها قائلة :-طب تقدري تمشي دلوقتي...كدا كدا مش هتاكلي منها، ولا إنتي عايزة تتخني أكتر من كدا؟ 

نظرت قمر لمروة بعصبية وقالت:-مروة، عيب كدا...ورد حلوة زيي،و وهي مش تخينة. 

إتضايقت ورد،ولكنها إبتسمت بخفة وطيبة قائلة :-متخافيش يا مروة...أصلا دي بتاعتك مش ليا، إيه إل هيخليني أكل منها أصلاً؟

سكتت مروة، وخرجت قمر ونادت على الجميع، وبالفعل إتلم الجميع في الصالة، وبما إن شقة فارس واسعة فمكانش عندهم مانع يعملوا الحفلة فيها. 

وقف فارس جمب ورد، والجميع إتلم حوالين الطاولة ما عدا يونس الذي كان خارج المنزل. 

قال هارون وهو يُخرج 200ج من جيبه:- خدي يا قردة، مش خسارة فيكي. 

إبتسمت مروة وأخدت النقود قائلة :-حبيبي يا بابا، بس مش قادر تزود عن كدا شوية ياحج. 

ضحكو عليها،والكل أخرج لها نقود كا هدية...والفرحة مكانتش سيعاها خصوصاً لما قمر عطتها 200ج وقالت لها إن دي من يونس..

ولا أحد يعلم بإن قمر معاها نفس المبلغ، وأيضاً من يونس. 

قال فارس بعدما بدأت أختوا في تقطيع الكيك ووجه حديثه لورد:- روحي هاتي الحاجة الساقعة يا وردة. 

نظرت له بدهشة من حديثه معاها بالطريقة دي، مش عشان طلب منها تجيب حاجة..بل عشان ولأول مرة من وقت جوازهم ينادي بإسمها، ومزود حرف كمان، من ورد ل وردة. 

نظرت مُنى لورد وغمزت قائلة :-وردة!..دا أمك عمرها ما نادتك كدا. 

إتكسفت ورد بخفة دون الإبتسام، وتحركت ناحية المطبخ وأحضرت المطلوب. 

قطعت مروة الكيكة، وبدأت تحطها في أطباق، ومُنى وزعت على الجميع، حتى ندى طلعت وإحتفلت معاهم. 

رن تلفون قاسم...وجاله مُكالمة مُستعجلة،وواضح إنها من الشُغل...إستأذن من والده ليذهب. 

وقالت مُنى بقلق:-في الساعة دي يا قاسم؟ 

قال قاسم:- معلش...بس دي حالة مُستعجلة. 

قال هارون:-في إيه؟ 

سكت قاسم قليلا وبعدها قال:-لقيو جُثة مرمية جمب البحر في القاهرة...أنا مُمكن أتأخر لحد بكرا كمان. 

وضعت مُنى يدها على صد.رها بضيق:-أعوذ بالله، طب روح يابني بس متتأخرش وخلي بالك من نفسك. 

أومأ، وإتحرك وخرج من المكان. 

بعد دقايق، وضعت مُنى طبق كيك أمام ورد، رفضت ورد كتير. 

ونظرت مُنى لفارس بضيق:-ما تشوف مراتك يابني. 

نظر فارس لورد لثواني، وبعدها إتنهد ونظر لوالدته وقال:-سبيها على راحتها. 

سكتت مُنى وقطبت حاجبيها ببعض الضيق والشك...ولكن قطع شكها فارس عندما إقترب من ورد وحاول كتفها قائلا :-هي مكسوفة بس...لما تمشوا هبقى أأكلها. 

إندهشت ورد، وإبتلعت ريقها، وإبتسم هارون ونظر لمُنى وهي يرى إبنه يتصرف بحنان مع زوجته. 

ذهبت مُنى ناحية هارون لتتحدث معه، وحاولت ورد تبعد عن فارس...لكنه شدها لعنده وأحكم قبضته قائلا :- إثبتي. 

رفعت نظرها له، قلبها بينبض بشدة وتشعر بأنها تريد البكاء...تخاف من أن تحبه، تخاف من أن تتعلق به وهي تعلم نهاية هذه العلاقة. 

وبعد نصف ساعة_

ذهب الجميع، وورد قلعت طرحتها وبدأت تشيل في الأطباق بهدوء وتحركت ناحية المطبخ. 

وضعت الإطباق في الحوض، وفتحت الصنبور...وبدأت تغسلهم جيداً. 

فجأة،لقت فارس يلف زراعيه من حولها وهو واقف خلفها...شهقت بخوف، ولفت بسرعة ونظر له. 

نظر لها بهدوء قائلا :- عايز أتكلم معاكي شوية. 

إبتلعت ريقها،وأعادت خصلة من شعرها للخلف وقالت بصوت خافت:-م...ماشي. 

إتنهد، ولف وخرج،وهي أخدت نفس وإتحركت خلفه. 

جلس في الصالة على الأريكة، وهي جلست على الكرسي وهي تنظر له تارة وللأرض تارة. 

إتنهد، وبدأ بالكلام وقال:-أنا عارف إنك مضايقة من قربي منك الصبح...بس أنا مُطضر،وإنتي كمان هتبقى مُضطرة تمثلي كدا قدام أمي وأبويا.. 

سكتت،وآكمل حديثه قائلا :-لو إتطلقنا وإحنا في حالنا دا أبويا مش هيسيبني، وأكيد هيزن عليا ومش هنطلق بسببه...لازم نبان إننا بنحب بعض، عشان لما ييجي وقت الإنفصال محدش يشك في حاجة. 

نظرت للأسفل،وعقلها ماسك في كلمة "إننا بنحب بعض" ياترا التمثيلية دي هتكون أخرها إيه؟ 

إتنهد وقال وهو ينظر لها:-ووعد يا وردة، إنك هتاخدي كامل حقوقك ومش هحرمك من حاجة. 

رفعت نظرها لها وهمست:-وردة؟ 

سِكت قليلا من ذكرها لنطق إسمها من على لسانه. 

نظر للأسفل، وبعدها رفع عينه لها، إبتسم بخفة وقال:- عادي..إنتي مراتي آه، بس متنسيش إنك بنت خالتي، وكنا صحاب زمان. 

إبتسمت بخفة وهي تنظر للإسفل، وهو نظر لها وشاف إبتسامتها معاه لإول مرة بعد الجواز إستغرب...جملة بسيطة زي دي جعلتها تبتسم، فماذا لو فعل أكثر من هذا؟...قلبها هش وبيفرح بأقل كلمة، وبيزعل بأقل إهانة. 

إتفق معاها على سيفعلونه أمام أمه وأبوه، وكيف سيتحدثون مع بعض أو كيف يتعاملون حتى ينتهي هذا العام، وليفترق كُل منهم في طريق. 

؁؁؁؁؁؁؁؁؁

عِندَ ليلى_

عادت أنفاسها مُجددا، وشهقت بقوة وهي تفتح عينيها...لقت نفسها جالسة على الأرض...وضعت يديها على رأسها تحديدا لجانب جبينها، وبِكت بسبب الألم، تساقطت دموعها وهي تحاول الرؤية لكن لا تسطيع كُل شيء أمامها ضبابي...مش حاسة بإيديها ولا سامعة ولا شايفة ولا شامة. 

حلقها جاف ولا تستطيع إبتلاع ريقها، وشهقاتها بتتسحب بدل الخروج..وتأوهات خفيفة تتصاعد من حنجرتها...شعرت بالدماء الذي جفت على جبينها، ولا تسطيع تكميش ملامحها لأن الجرح يؤلمها أكثر وأكثر...غير ألمها الداخلي. 

بدأت تشعر بحواسها، وتسمع كويس، وإشتمت رائحة كريهة وعفنة...وكإنها ريحة شيء ميّ.... 

مقدرتش تكمل حديث أفكارها لما سمعت صوت حشرجة قوية...صوت حيوان...أنين غريب لا يمس لصوت البشر بشيء. 

مسحت دموعها بسرعة عشان تشوف، غمضت عينها كتير وفتحتها ورمشت أكتر من مرة عشان الرؤية توضح

...وجدت نفسها في غرفة بجدران ذات لون بني وفي شباك صغير جدا في أحلى الحائط هو الذي يُنير المكان، وضوء الشمس ساطع للداخل. 

ريحة الغرفة عفنة، وعليها أثار ولون أحمر...زي الدم....ولكن الصدمة الحقيقة إل جعلت دمها ينشف في عروقها، وأنفاسها تتسحب وتجحظ عيناها وهي تنظر للزاوية إل قصادها... مشهد فظيع، مش هتقدر تنساه طول ما هي عايشة، دا لو عاشت أصلا!...

إتجمدت حواسها تاني وهي تنظر لذالك الحيوان بالمعنى الحرفي...

ذئب ذات لون أسود حجمه كبير وأنيابه بارزة بشدة يتناول قطعة لحم كبيرة أمامه بشراسة وشكل مُخيف تقشعر له الأبدان...ولم تكن كأي قطعة لحم...كانت ذراع بشرية...لحم إنسان... كُل إل جه في بالها بأن تلك الذراع تكون ل...."الظابط"

________________