رواية حلوة بطبعها من الفصل الاول للاخير بقلم شيماء سعيد
رواية حلوة بطبعها من الفصل الاول للاخير هي رواية من كتابة شيماء سعيد رواية حلوة بطبعها من الفصل الاول للاخير لاول مرة على موقع التواصل الاجتماعى فيسبوك رواية حلوة بطبعها من الفصل الاول للاخير حقق تفاعل كبير على الفيسبوك لذلك سنعرض لكم رواية حلوة بطبعها من الفصل الاول للاخير
رواية حلوة بطبعها من الفصل الاول للاخير
_ طلبتي نتقابل في الشقة ليه؟!..
قالها هو منتظر منها إجابة مريحة إلي قلبه، جذبته من أمام باب غرفة النوم ثم دفعت جسده بخفة على الفراش ثم جلست على الأرضية ساندة بذراعيها على ساقيه مردفة بنعومة:
_وحشتني هو أنت جبت كل القسوة اللي فيك دي منين ؟!..
رفع حاجبه بمعنى حقا!!.. وقال:
_ شهد أنا عايز أعلن جوازنا وأنتِ عارفة كدة بطلي تعملي إنك بريئة وأنا شرير..
أخذت نفس عميق ثم قالت:
_ وأنا كمان عايزة أعلن جوازنا وعايزة أقول للناس كلها إني مرات طه العلايلي بس تقدر تقولي هنعمل كده ازاي والناس كلها عارفة ان احنا الأتنين ولاد عمران العلايلي...
عجز من سؤالها الصريح، ربما لم يكتبه السيد عمران باسمه لكن أمام الجميع هو يحمل إسم عائلة العلايلي، بسوق الأعمال يعلم الكل إنه " طه عمران العلايلي" جذبها لتجلس أمامه على الفراش مردفاً بغضب:
_ عايز أخلف منك هنعملها كمان في السر زي ما بنتقابل هنا في السر؟!..
نفت بحركة بها الكثير من الدلال وقالت:
_ لأ طبعا بس مش دلوقتي شوية كمان على الأقل لما بابا يكمل سنة ميت وتعرف تقف على رجلك في السوق من غيره...
اللعنة عليه وعلى حبه لها، بكلمة ينسي كل شيء ويتذكر فقط إنها بين أحضانه، ألقي بجسدها على الفراش وهو فوقها مردفاً:
_ وحشتيني..
_ ما أنا بقولك كده من الصبح أنت اللي مضيع وقتنا في الكلام..
بعد وقت ألقي بجسده بجوارها، أغلق عينيه مستمتع بكل لحظة مرت عليه وهي بين أحضانه، شهد جنته المحرم عليه دخولها والذي لم يستطع الزواج بها إلا بعد موت السيد عمران، شعر بحركة يدها على صدره ففتح عينيه مردفاً بإبتسامة رجولية رائعة:
_ مادام لسة بتلعبي كده يبقى لك مصلحة انا سامعك قولي..
ضحكت بخفة قائلة:
_ تغيرلي عربيتي وتجيبلي عربية أحلى من بتاعت مدام حضرتك الست سمية هانم وتزود المصروف وووو...
وضع يده على شفتيها مردفاً:
_ بس أنتِ بتكلمي مصباح علاء الدين وبعدين كل الطلبات دي يا شوشو على ليلة بتحايل عليكي بقى لي شهر عليها..
مررت أحد أصابعها على ذقنه وقالت:
_ ما هي فلوس عيلة العلايلي كلها بإسمك يا طه يعني أنت فعلا بالنسبه مصباح علاء الدين، وبعدين هي الطلبات البسيطة دي خسارة في شوشو حبيبتك عايز سميه تبقى أحسن مني؟!..
يعلم شهد عن ظهر قلب، سبب عرضها عليه الزواج هو إن السيد عمران كتب إليه كل أملاكه، لكنه متقبل أي شيء منها مادامت زوجته وبين يديه، مسح على خصلاتها بنعومة وقال:
_ طلبات شهد هانم أوامر المصروف هيزيد والعربية هتتغير بس طلعي سمية من دماغك.. .
أنتفضت مبتعدة عنه بغضب مردفة:
_ أنت بتدافع عنها وأنا في حضنك يا طه؟!..
عاد بجسده ليسند على ظهر الفراش ثم أشار إليها بتحذير مردفاً:
_ سمية بنت عمك الكبيرة لما تيجي تتكلمي عنها تكلمي بأدب وأعرفي ان مقامها من مقامي لأنها مراتي وشايلة إسمي زيك بالظبط...
حدقت به بعتاب وصمتت ليزفر بضيق قائلا:
_ شهد يا حبيبتي أنتِ عارفة ظروفي وعارفة ان سمية مش وحشة وعارفة برضو إني بحبك أنتِ فبلاش تحطي نفسك معاها في كفه واحدة اتفقنا..
بلا نفس قالت:
_ اتفقنا..
فتح ذراعيه إليها بحنان مردفاً:
_ شطورة تعالي في حضني بقي عشان هعوض الشهر إللي فات كله النهاردة..
_____ شيماء سعيد عبده _____
_ ما تفوقي يا سندريلا هتفضلي ماسكة صوره ليل نهار..
أنتفض جسدها الصغير من فوق الفراش بخضة ثم ألقت الهاتف من يدها مردفة بغضب:
_ منك لله يا ريهام رعبتيني...
غمزت إليها ريهام مردفة:
_ عارفة لو أبله حمدية دخلت وأنتِ ماسكة الموبايل هتعمل فيكي ايه؟!..
حدقت بها بغيظ وقالت:
_ لسة باقي ربع ساعة على ميعاد قفل الموبايل وهي كده كده هتيجي تأخده خليكي أنتِ بس في حالك..
رفعت ريهام رأسها بكبرياء قائلة:
_ أخص عليكي يا سكر عايزاني أبقى في حالي وأنا اللي جايه أقولك إن عندي طريقة تخليكي تشوفي حبيب القلب مش بس كده وتدخلي بيته كمان..
بلحظة تبدل حالها من حال لحال، وضعت يدها على يد صديقتها وقالت بلهفة ظاهرة بعينيها الزرقاء الواسعة:
_ بجد يا ريهام أحلفي؟!..
نفت قائلة:
_ لأ يا سكر أنا غيرت رأيي بعد معاملتك ليا دي مش هقولك..
برجاء طفلة صغيرة قالت سكر:
_ لأ يا ريهام حقك عليا وأدي رأسك أهي هبوسها..
قبلت رأسها وقالت بترقب:
_ هااا مسامحة؟!..
ضحكت إليها ريهام بخفة قائلة:
_ يلا المسامح كريم مسامحة..
أتسعت ابتسامتها بسعادة مردفة:
_طول عمرك جدعة وصاحبة صاحبتك قولي بقى لصاحبتك حبيبتك هدخل بيته ازاي؟!...
لفت ريهام عينيها بالمكان لتتاكد من أشغال باقي الفتيات وهمست:
_ من أسبوعين كدة روحت أنضف شقة وبالصدفة عرفت إنها بتاعته، إمبارح بقى المعلم حسني قالي ان البية صاحب الشقة عايز ينضفها تاني بكرا، بدل ما تروحي الكلية روحي مكاني نضفي الشقة يمكن يبقى هناك بالصدفة وتشوفيه ولو مشفتيهوش خدي أي حاجة من ريحته إن شاء الله مشط وخليها معاكي...
أتسعت عينيها وتعالت دقات قلبها، أخيرا وبعد سنوات طويلة ستري حبيب قلبها طه، منذ أول يوم إليها هنا وهو متكفل بها، أكلها، ملابسها، تعليمها، كل شيء يخصها متكفل به، اختفت ابتسامتها قائلة بحيرة:
_ بس تفتكري أبلة حمدية مش هتكشفني؟!..
ضربتها ريهام بغيظ مردفة:
_ هتكشفك إزاي هتروحي الصبح في ميعاد الكلية وترجعي في ميعادك لا من شاف ولا من دري..
أومأت إليها ثم ضمت وسادتها إليها وأغلقت عينيها منتظرة أن يأتي غداً بسرعة البرق وقالت:
_ صح لا من شاف ولا من دري أخيراً يا ريهام هشوفه أخيراً...
_______ شيماء سعيد عبده _______
بصباح اليوم التالي..
بغرفة طه وسمية..
استيقظ طه على صوت المنبه، فتح عينيه واغلقها عدة مرات بضيق، ليري سمية تجلس على الفراش أمامه تنتظره فأعتدل مردفاً:
_ صباح الخير قاعدة كدة ليه ؟!...
طال صمتها فدقق بملامحها ليعلم إنها متوترة وجدا فأخذ نفسه بهدوء وقال:
_ مصيبة إيه اللي عندك يا سمية ؟!..
أبتلعت ريقها بصعوبة وهمست:
_ هتفضل لحد أمتى مانع أسر من المصروف؟!..
تنهد بثقل مردفاً:
_ لحد ما ابنك يتربى ويبقى راجل يا سمية أسر خلاص مش صغير ده عنده ١٢ سنة وكل تصرفاته بتقول انه هيبقى صايع..
وضعت يدها فوق يده برجاء مردفة :
_ والله يا طه أنا قعدت اتكلم معاه وفهمته كل الكلام ده وهو وعدني انه هيعمل كل اللي انت عايزه بس بلاش تبقى قاسي عليه كده الولد عمره ما أعتبرك جوز امه..
أومأ إليها بهدوء مردفاً:
_ ولا أنا عمري اعتبرته غير إبني وعشان كده بعلمه طلعي نفسك برة الليلة دي..
من نظرة عينه علمت أن الحديث معها قد انتهي إلي هنا فأومات إليه بصمت ليقوم من فوق الفراش مردفاً:
_ حضرتي لي الحمام..
عضت على شفتيها وقالت:
_ أيوة حضرته بس هو أنت كنت بايت فين امبارح؟!...
توقف عن السير ونظر إليها مردفاً:
_ جديدة دي من أمتى بتسألي السؤال ده؟!...
أقتربت منه وقالت برجاء:
_ أنا عارفة ان عمي غصب عليك عشان تتجوزني هو عارفه برضو انك عملت كده عشان ترد جميل عمي ليك بس والله العظيم يا طه أنا بحبك اتطلقت من أبو إبني مخصوص عشان أبقى مراتك..
مسح على خصلاتها بهدوء وقال:
_ مهما كانت طريقة جوازنا فأنتِ مراتي وأنا مش مقصر معاكي، قولي عايزة إيه على طول وأنا أعمله لك من غير المقدمة البايخة دي..
أدمعت عينيها وقالت بحزن:
_ عايزك تحبني نفسي أشوف في عينك نظرة حب واحدة ليا قبل ما أموت..
لو بيده لكان احبها وبجنون، سمية رقيقة تستحق الحب، تكبره بخمسة عشر عاماً لكنها مغرمة به من أول نظرة وهو ما بيده حيلة، رسم على وجهه إبتسامة حنونة وقال:
_ لأ ده أنا شكلي مقصر معاكي خالص ولأزم تأخدي حقك كله دلوقتي..
شهقت بخفة مع حمله إليها لتقول:
_ أنت بتعمل إيه ؟!..
أجابها بوقاحة وهو يلقي بجسدها على الفراش:
_ بدلعك...
_ والناس اللي مستنيانا على الفطار تحت..
_ تستني..
______ شيماء سعيد عبده ______
بعد ساعة..
دلف طه الي غرفة السفرة ومعه سمية أشار إليها لتجلس ثم أقترب من السيدة رقية مقبلاً رأسها وقال:
_ صباح الخير يا ست الكل..
ابتسمت إليه السيدة رقية بحنان مردفة:
_ صباح الخير يا حبيبي أتأخرت النهاردة على الفطار ليه؟!..
جلس على مقعده برأس الطاولة وقال:
_ صحيت متأخر..
ألقي بنظره على أسعد شقيق سمية ثم قال لأسر:
_ عايزني ارجع لك مصروفك ليه وأنت خالك بيديك من تحت الترابيزة...
ترك أسر الشوكة من يده بتوتر وقال:
_ مين قال الكلام دول حضرتك يا بابا..
بإبتسامة ساخرة قال طه:
_ عشان أنا اللي مربيك يا روح بابا وعارف شغلك أنت وأسعد كويس..
تدخل أسعد بالحديث بحدة مردفاً:
_ وفيها إيه لما أدي لإبن أختي فلوس يصرف طالما جوز امه حرمه؟!.. وبعدين يا طه بيه في الفلوس دي في الأساس بتاعتنا الله يرحمه بقى عمي هو اللي خلانا كلنا تحت جزمتك..
تحول مزاج طه بلحظة وضرب علي السفرة بغضب مردفاً:
_ الفلوس اللي انت بتتكلم عنها دي أنا كنت شغال بيها عمري كله وجنابك كنت بتتفسح وبابا الله يرحمه لما كتبلي كل حاجة كتبلي فلوسه هو بس... فلوس ابوك اللي ضيعها على النسوان متخصناش....
رفع أحد أصابعه مشيراً إليه بتحذير وأكمل:
_ إنك قاعد لحد دلوقتي على السفرة دي فأنت قاعد لأنك أخو سميه يا ريت تفهم ده كويس يا أسعد...
قام أسعد من فوق مقعده مردفاً:
_ أنا قاعد في البيت ده لأنه حق مراتي ولا أنت ناسي إني متجوز كريمان بنت عمران بيه صاحب البيت..
وضع طه ساق فوق الآخر مردفاً بهدوء:
_ ومن أمتى الراجل بيقعد في بيت مراته؟!.. عموما يا أسعد كل حاجة هنا بتاعتي وكريمان نفسها بتأخد مصروفها مني المصروف اللي هي بتديه لك..
قام من فوق المقعد وقال إلي كريمان:
_ عقلي جوزك وفهميه إن أنا لحد دلوقتي عامل حساب إنه جوزك وأخو مراتي..
نظر إلي أسر مردفاً:
_ ساعة وتكون عندي في الشركة عايزك مفهوم...
أومأ إليه أسر بتوتر:
_ مفهوم يا بابا..
أخذ كل متعلقاته وقال لشهد التي كانت تكمل طعامها بلا مبالاة للخناقة المعتادة:
_ يلا أوصلك الكلية...
لا الم يكتفي من ليلة أمس ؟!.. يريدها من جديد ؟!.. يستحيل يكفي إلي هذا الحد طاقتها لن تتحمل اقترابه فقالت بتوتر:
_ لا روح متعطلش نفسك أنا مش رايحة النهاردة..
نظر إليها نظرة حادة وقال:
_ خمس دقايق وتكوني قدامي هستناكي بره..
سألته سمية بلفهة:
_ مش هتفطر؟!..
نفي مردفاً:
_ نفسي اتسدد..
أقترب من السيدة رقية مردفاً:
_ عايزة مني حاجة يا ست الكل؟!..
_ كنت عايزاك تأكل يا طه مش معقول كده يا إبني كل مرة اتعصب نفسك وتمشي..
أبتسم إليها ثم أشار إلي سمية مردفاً:
_ أقعدي كملي فطارك..
بقلة حيلة جلست مردفة:
_ ماشي..
______ شيماء سعيد عبده ______
_ إيه شغل العيال اللي أنتِ عملتيه جوا ده هو أنا هجرك معايا عشان تطلعي؟!..
نفذ صبرها حقا نفذ صبرها فقالت بضيق:
_ عشان عارفة اللي في دماغك يا طه مش خلاص شبعت إمبارح والليلة خلصت هو كل يوم أنا زهقت..
اهتزت رجولته على أثر حديثها فقال:
_ زهقتي؟!.. ده أنتِ بتيجي على نفسك أوي عشان أقرب منك؟!..
أومات إليه قائلة:
_ باجي على نفسي وبحاول أتقبل بس أنت...
قطعت حديثها برعب عندما ضرب عجلة القيادة بغضب مردفاً:
_ بتغصبي على نفسك وبتحاولي تتقبلي إيه؟!.. تتقبلي انك مراتي وليا حق فيكي بأخد كل ما مزاج الهانم يهفها وتبقى عايزة مصلحة!!.. أوعي تكوني عبيط ومش فاهمك يا شهد أنا بس بعمل اللي أنتِ عايزاه طول ما أنتِ بتعملي اللي أنا عايزه..
صدمها من كشفه لما تفعله معها، ماذا تفعل الآن إذا تعامل معها مثل الجميع وسحب البساطة من أسفل قدميها ؟!.. أبتلعت ريقها بتوتر مردفة:
_ طه حبيبي أنت بتقول إيه ؟!..
أشار إليها بجبروت مردفاً:
_ مش عايز أسمع منك كلمة زيادة انزلي..
_ طه.
صرخ بقوة أنتفضت على أثرها:
_ انزلي..
______ شيماء سعيد عبده _____
مزاجه لا يسمح إليه بالذهاب للشركة أو حتى العودة للفيلا فالحل الأمثل إليه شقته، فتح الباب ليصل إلي أنفه رائحة عطر رائعة مع أنعام موسيقي عالية، أغلق الباب خلفه بتعجب وبدأ يتحرك بحذر حتى وصل إلي مكان الصوت..
اللعنة... فتاة قصيرة إلي حد ما ترتدي فستان قطني طويل باللون الاسود تتمايل باحترافيه على انغام الموسيقى تعطي إليه ظهرها وجمال لون خصلاتها الحمراء المموجة يزيد الأمر خطر، يريد أن يراها بوضح أكثر من المؤكد ان ملامحها أجمل فقال:
_ أنتِ مين ؟!..
سقطت المكنسة من يدها ودارت بوجهها إليه، يا ليتها لم تفعل، هل هو أمامها الآن ؟!.. هل يقف بكامل جسده دون صور وشاشات؟!.. نعم هو طه وكم هو وسيم، أخرجت عينيها نجوم بالمعني الحرفي وقلبها يطلب منها أن تقترب أكثر أن تمرر يدها على ملامحه أن تشعر بخشونة ذقنه...
ما هذا ؟!.. هل تلك الفتاة حقيقية ؟!.. وجه مستدير أبيض مع أنف صغيرة وخدود ينطبق عليها جملة " خدود تفاح " مع فم يا سبحان من صوره، اللعنة هل يريد أخذ قبلة ؟!.. طه ماذا بك يا رجل ؟!..
عاد خطوة للخلف ثم حمحم مردفاً:
_ أنتِ مين ؟!..
سؤال من حرفين طعنها به، لم يتذكرها، لم يفكر بها مثلما تفكر به، لم يتمني رؤيتها وهي التي عاشت سنوات منتظرة هذا اللقاء، إجابته بحزن:
_ أنا تبع المعلم حسني..
خادمة؟!.. الفاتنة خادمة ؟!.. عجباً لك يا زمان، وقعت عينيه على شفتيها وللمرة الثانية يرغب بتقبيلها، ضغط على يديه بذهول من حاله مردفاً بنبرة حاول أن تكون وقورة:
_ طيب خلصي شغلك وأمشي وملكيش دعوة بأوضة النوم..
فر أفضل حل الآن هو الفرار، دلف لغرفة النوم الخاصة به وبشهد واغلق الباب عليه سريعاً، ما يحدث معه الآن ليس له أي معني إلا الجنون جذب خصلاته مردفاً:
_ إيه ده إيه الجنان ده كأني أول مرة أشوف ست في حياتي.. معقول عايزها ؟!..
أجابه جسده السخيف إجابة كارثية، بداخله رغبه بفتاة لا يعرفها، ضرب الحائط خلفه لعله يسيطر على حاله ودلف إلي المرحاض مردفاً :
_ أنا شكلي خبت على كبر هستحمى يمكن أفوق..
بعد أكثر من ساعتين فضل بهما الجلوس بحوض الإستحمام خرج مرتدي روب الإستحمام، حالته مثلما هي فأخذ هاتفه وقام بالاتصال على شهد التي قالت بعتاب:
_ بتكلمني ليه بعد ما طردتني من عربيتك؟!..
بنفاذ صبر قال:
_ سيبي أي حاجة في أيدك وتعالي على شقتنا يا شهد دلوقتي حالا..
ها هو مهما لف ودار يعود إليها بكامل رغبته ساقت عليه الدلال مردفة:
_ بعينك أنا زعلانة منك والمرة دي زعلي هيطول وصلحي هيبقى غالي..
لأول مرة لا يتقبل دلال شهد، لأول مرة يشعر إن ما تقوله يهين رجولته، بلا كلمة أغلق الهاتف بوجهها وألقي به على الفراش، دقات ناعمة على باب الغرفة جعلته يقول رغماً عنه:
_ ادخلي..
فتحت الباب بإبتسامة خجولة دون أن تدلف ومعها صينية عليها طعام قائلة:
_ أنا خلصت شغل البيت ولقيت حضرتك يعني طولت فقولت أكيد جوعت عملتلك حاجة خفيفة...
ماذا سيحدث إذا قال لها إنها الحاجة الخفيفة التي يريدها ؟!.. الأمر خطير يا طه، أشار إليها على الفراش مردفاً:
_ تعالي حطيها هنا..
كل ما ترغب به أن تزيد الحديث بينهما إلي أطول وقت ممكن، بخطوات مترددة دلفت الغرفة ووضعت الصنينة على الفراش مردفة:
_ يا رب أكلي يعجبك..
حدق على الطعام بتعجب مردفاً:
_ عرفتي منين إني بحب المكرونة كدة ؟!..
كيف تقول إنها تتابعه على الانستقرام وتعلم عنه الكثير، أشارت إلي الطعام بكف مرتجف قائلة:
_ معرفش.. معرفش أكيد صدفة..
ارتجف جسدها، احمرار وجهها، تلبك حديثها، كل هذا يقوده إلي أشياء عجيبة، أشار إليها مردفاً:
_ طيب اتفضلي أنتِ أمشي أنا مش محتاج حاجة تانية..
هو يريد الهروب وهي تريد البقاء معه قليلا لكن ما باليد حيلة، أومات إليه بحزن طفلة قائلة:
_ ماشي عن أذنك..
جملة قبل أن تخطو بها أول خطوة تعثرت بقدم المقعد المقابل للفراش فسقطت عليه، أمنيته وأمنيتها تحققت، هو ضم جسدها المهلك بين يديه وهي تعلقت يديها واحدة بعنقه والثانية على ذقنه، رفعت عينيها لعينه وهنا توقف عقل الاثنين عن العمل فهمس برغبة:
_ أبعدي لو مش عايزة..
لأول مرة بحياته تتحكم به رغبته لدرجة إنه يطلب منها هي السيطرة على الأمر، الكارثة الكبري إنها الأخري راغبة وأكثر منه بكثير، رفعت عينيها الزرقاء إلي عينيه وقالت بتوهان:
_ عايزة..
كلمة بعدها أنتهي أمرها خلع عنها ثوابها قطعة وراء الأخري، رأي بعينيه إمرأة رائعة الجمال لم يري مثلها، همهم بمتعة:
_ أنتِ حلوة أوي كدة إزاي ؟!..
هل حقاً يراها جميلة ؟!.. الآن فقط أخذت من الدنيا كل ما تريد لفت ذراعيه حول عنقه هامسة برجاء:
_ أنت شايفني حلوة بجد ؟!.
_ فرسة..
مغيب.. وضع عقله بركن بعيد وقرر الاستماع مع إمرأة غير شهد مهما كلفه الأمر، غرق معها وهي تركت نفسها إليه بصدر رحب لو ماذا حدث به ليلتها بأحضانه ستكون راضية، عاشت بين يديه لحظات من النعيم ليمر الوقت وكلا منهما يرغب بالمزيد وبدون توقف..
أنتهي الأمر ليلقي بجسده فوق الفراش وهي بجواره، تعالت أصوات أنفاسهم بالغرفة ليقرر كلا منهما الهروب بالنوم..
بصباح يوم جديد..
انتهت ليلة المتعة ليفتح طه العلايلي عينيه بضجر من إشاعة الشمس، ألقي نظرة على الجسد الضئيل النائم بجواره بتعب، مسح على وجهه مردفاً:
_ أخرتها تنام مع واحدة كانت جاية تنضف الشقة؟!..
تأملها قليلاً ليشعر أن جمالها خارق، خصلاتها الحمراء بمفردها كانت بالنسبة إليه كارثة تقوده إلي الجنون، زفر بضيق وبأحد أصابعه ضغط على ذراعها قائلاً:
_ أنتِ يا اسمك ايه أصحي..
صوته الخشن دلف إلي أحلامها ففتحت عينيها ، رأته فابتسمت متصورة إنها إلي الان بحلمها الجميل فقالت:
_ صباح الخير يا حب....
أشار إليها بالصمت مردفاً:
_ مش عايز كلام كتير إللي حصل إمبارح ده غلط وغلط كبير كمان أنا لحد دلوقتي مش عارف عملت كدة إزاي بس أهو حصل وخلاص...
اعتدل بجلسته ثم مال قليلاً ليأخذ جكيت بذلته من على الأرض وأخرج منه دفتر الشيكات، كتب إليها مبلغ مالي ثم قدم إليها الشيك مردفاً بهدوء:
_ خدي المبلغ ده تقدري تبدئي بيه حياتك وتبعدي عن الخدمة في البيوت...
رفعت عينيها إليه بضياع تتمني لو تخرج روحها الآن لعلها هذا الألم يختفي، ماذا فعلت بنفسها سلمت نفسها إليه دون مقاومة وها هي الآن تتعامل مثل فتيات الليل، سقطت من عينيها دمعة ثم وضعت كفها المرتجف فوق يده مردفة:
_ شكراً أنا مش عايزة فلوس أنا أناوووو..
ماذا تقول ؟!.. كل الكلمات الآن اختفت، أومأ إليها بتفهم مردفاً:
_ عارف إللي حصل غصب عنك مقدرتيش تسيطري على نفسك وبصراحة ولا أنا قدرت أسيطر واتبسط معاكي... عشان كدة من غير ما حد فينا يشوف التاني بشكل وحش خدي الفلوس والبسي هدومك وأمشي...
ثم أشار إليها بتحذير مردفاً:
_ بس بشرط مش عايز أشوفك تاني ولا إللي حصل ده حد يعرف بيه...
كثير عليها ما تعيشه الآن كثير عليها جدا، بكت فقام من مكانه مردفاً بضيق:
_ هدخل الحمام خدي راحتك هفضل جوا لحد ما تمشي..
ربع ساعة ظل بها بداخل المرحاض حتي سمع صوت باب الشقة فخرج، أقترب من الفراش ليجد الشيك مكان ما تركه وبجواره كارثة ، بجواره بقعة دماء حمراء بمحلها ليقول بذهول:
_ بنت بنوت ؟!..
_____ شيماء سعيد عبده _____
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
_ يعني إيه متعرفش هي مين يا حسني؟!.. دخلت واحدة في بيتي من غير ما تعرف هي مين؟!..
نفي حسني بتوتر وقال:
_ يا سعادة الباشا اللي أنا بجيبها لك عارفها لكن المواصفات اللي جانبك بتقولها دي مش هي..
هل كانت جنيه؟!.. ربما فهذا الجمال وسقوط بها دون أي مجهود منها ليس له أي معني آخر، ماذا تقول يا طه كانت حقيقة وأنت أكثر من يعلم ذلك، ضرب على سطح مكتبه بغضب مردفاً:
_ معاك ٢٤ ساعة تجيب لي فيهم البنت اللي بتيجي تنضف الشقة ٢٤ ودقيقة مش هيحصل لك كويس يا حسني...
أومأ إليه حسني برعب وقال:
_ أقل كمان من ٢٤ ساعة وهتكون قدامك يا باشا.. .
أشار إليه طه بالانصراف ليفر حسني إلي الخارج، سند على رأس المقعد وأغلق عينيه بتعب، يومين يبحث عنها دون أثر يومين عقلها يعيد ليلته معها بكل دقيقة، لأول مرة يشعر بالمتعة مع إمرأة لأول مرة تقوده رغبته لجنون لا يريده...
دلف إلي غرفة المكتب خالد عزمي صديقه المقرب، شعر به طه ففتح عينيه بلهفة مردفاً:
_ وصلت لأي حاجة يا خالد عرفت هي مين؟!..
جلس خالد على المقعد بتعجب مردفاً:
_ أنا مش فاهم حالتك يا طه معقول واحدة قضيت معاها ليلة بتدور عليها بالشكل ده..
قال طه بغضب:
_ عايزها جوايا نار مش هتنطفي غير بيها أنطق وصلت لايه..
أجابه خالد بعجز:
_ ولا أي حاجة حتى كاميرات المكان مفيش كاميرا واحدة لقطت وشها بشكل كامل، شعرها كان مغطي كل حاجة أنت حتى متعرفش إسمها إحنا مش عارفين بندور على إيه..
مسح طه على وجهه بتعب وقال:
_ بندور على أول ست كنت مبسوط وأنا معاها وكانت مبسوطة وهي معايا... خالد البنت دي لأزم تظهر لو قلبت مصر كلها عليها..
حالته صعبة، بعد ساعات قليلة من ذهابها وهو يبحث عنها مثل المجنون، عقد خالد حاجبه مردفاً بهدوء:
_ إن شاء الله هنلاقيها بس تقدر تقولي لو ده حصل وقتها أنت هتعمل معاها إيه ؟!...
سيغلق عليها باب شقة حتى لا يراها غيره، يحصل عليها فقط وبعدها يفعل ما يريده فقال:
_ نجيبها الأول وبعدين أنا حر فيها...
_ ماشي دلوقتي في حاجة أهم لأزم تعرفها..
سأله طه دون أن ينظر إليه:
_ إيه الأهم ؟!..
أخذ خالد نفسه بتوتر وقال:
_ الدار عاملة حفلة بتلم فيها تبرعات وبعت لك دعوة مخصوص...
الدار ؟!.. يا الله أكثر من ١٢ عشر عاماً لم يذهب إلي هناك، ذهب عقلة لحديثه مع السيد عمران..
فلاش باك..
_ أنت اتجننت يا طه واحد في مكانتك يروح لمكان زي ده يعمل إيه ؟!..
رد عليه طه بهدوء:
_ المكان ده كان بيتي لسنين والناس اللي في صحابي وأنا أعرفهم بروح أزورهم ده غير إن في بنت هناك برعاها فين المشكلة يا بابا؟!..
رد عليه السيد عمران بقوة:
_ المشكله انك مش عامل حساب مكانتك دلوقتي، أنت طه بيه العلايلي شاب صغير لكن ناجح والضوء بقى عليك وانك تتردد على المكان ده كتير خطر، أنا مش عايز حد يدور وراك ولا حد يعرف إنك مش إبني، ليك صحابك ابعت لهم تبرعات البنت اللي بترعاها أفضل جنبها لحد ما تشوف هي عايزة توصل لايه بس من غير ما تروح لهم ولا تشوفهم ولا تربط اسمك باسمهم مفهوم يا طه...
وهل طه يقدر على قول أي شيء غير مفهوم ؟!.. أومأ إليه بقلة حيلة مردفاً:
_ مفهوم يا بابا..
أنتهي الفلاش باك...
_ دماغك راحت فين يا باشا هتروح ولا هترفض زي العادة؟!..
حدق به طه بضيق مردفاً:
_ ابعت لهم التبرعات اللي هما عايزينها، لكن أنا لأ مش فاضي.
_ حتى لو قولتلك ان دادة حمدية عايزة تشوفك بنفسها وزعلانه منك كمان..
مربيته الحنونة لا يقدر على زعلها فقال:
_ ماشي يا خالد الحفلة دي أمتي؟!..
_ النهاردة بالليل..
أومأ إليه مردفاً:
_ طيب عايزك تسيب أي شغل في الشركة وتحط تركيزك كله في انك تجيب لي البنت دي عايزها تبقى معايا بأي شكل وبسرعة..
تنهد خالد مردفاً:
_ من غير ما تقول الرجاله كلها بتدور بس خد مني نصيحه أنت مش كده... إللي حصل ده غلطة ليلة خليها تخلص من غير ما تفتح فيها، كفاية عليك سمية وشهد اللي مش عارف لحد دلوقتي تقول للناس أنها مراتك..
_ نفذ اللي بقولك عليه يا خالد..
رفع خالد يديه باستسلام مردفاً:
_ اللي تشوفه يا باشا...
______ شيماء سعيد عبده ______
بالدار...
دلفت ريهام للغرفة ثم جلست على فراش سكر مردفة بقلق:
_ وبعدين معاكي يا سكر من يوم ما روحتي بيته وأنتِ كدة لا راضية تقولي إيه اللي حصل ولا راضية تقولي شوفتيه أصلا ولا لأ..
وأين سكر لتجيب عليها، شاردة بنقطة فارغة، إلي الآن تحاول أن تستوعب ما حدث، ماذا فعلت وكيف فعلت لا تعلم، هل تحكم بها قلبها أم شيطان، انتفضت على أثر لمسة ريهام لها بفزع مردفة:
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
_ إيه في إيه ؟!..
تعجبت ريهام مردفة:
_ مالك يا بنتي في إيه بقى لي ساعة بتكلم معاكي وأنتِ ولا أنتِ هنا، سكر أنا عايزة أعرف الحكاية بالضبط..
نفت قائلة:
_ مفيش حكاية ولا حاجة كل الموضوع إني تعبانة وعايزة أرتاح مش من حقي ارتاح..
_ تعبانة من إيه؟!.. وبعدين ده أنا جايبه لك النهاردة مفاجأة هتفرحك أوي...
ما ذهبت فرحتها دون رجعه وبكامل ارادتها، ضربتها ريهام بغيظ مردفة:
_ مع إنك بقيتي باردة وخسارة فيكي الكلام بس هقولك، الدار عاملة حفلة النهاردة ومش بس كده ده حبيب القلب جاي فيها ومأكد كمان ان هو هيجي يعني هيشوفك يا سكر ويتعرف عليكي أخيراً يا بت..
لا لا هذا فوق طاقتها، أنتفضت من مكانها بجنون صارخة:
_ لأ لأ أنا مش عايزاة ولا عايزة أشوفه ولا عايزة يعرفني مش عايزة مش عايزة أرحموني بقى حرام عليكم..
حالتها كانت مرعبة إلي درجة غريبة، ضمتها ريهام بخوف قائلة:
_ أهدي بس يا حبيبتي وفهميني فيكي إيه. إيه اللي حصل يوم ما رحتي له الشقة..
بكت بحرقة قهر، ما فعلته كارثة كبيرة لا تصدق إلي الآن أنها فعلتها، سكر الفتاة الرقيقة الخجولة التي لا تفوت صلاة أصبحت " زانية" زاد بكائها بشكل هستيري لتبتعد عنها ريهام بخوف قائلة:
_ لأ كدة مينفعش أنا أروح عند أبلة حمدية واطلبلك الدكتورة..
طبيبة... الآن فقط عادت إلي وعيها فأعتدلت مردفة برجاء:
_ لأ يا ريهام متناديش حد أنا هبقى كويسة بس عايزة أفضل لوحدي أرجوكي..
عادت ريهام للجلوس أمامها وقالت:
_ طيب خلاص أهدي مش هجيب حد بس فهميني فيكي إيه..
كارثتها لا ينفع معها إلا الكذب، هربت بعينيها من ريهام وقالت:
_ لما روحت الشقة حسيت ان احنا بعيد أوي عن بعض، ده باشا من عيلة كبيرة وأنا واحدة يا دوب شافها في الشارع بتبيع، عطف عليها دخلها ملجا وتكفل بيها وبتعلمها، طه بالنسبة لي حاجة مستحيلة، عشان كده مش عايزاكي تجيبي سيرته تاني..
ضمتها ريهام بحزن وقالت:
_ بلاش تقفليها في وشك كده لو لك نصيب فيه هيبقى من نصيبك ولو ملكيش ربنا هيبعت لك الاحسن..
على ذكر اسم الله بكت بقهر، كيف ستقف أمامه وما عقابه إليها، ضمت نفسها إلي ريهام بندم وخوف قائلة:
_ ادعيلي ربنا يرحمني يا ريهام أنا مش عايزة أي حاجة من الدنيا غير رحمته..
طبطبت عليها ريهام مردفة:
_ كلنا محتاجين رحمة ربنا مش أنتِ بس نامي وانا هفضل جنبك..
همهمت سكر بتعب:
_ ماشي...
______ شيماء سعيد عبده ______
بالمساء..
رأت شهد طه بطريقه إلي الخارج ببذلة رسمية فخمة، ركضت إليه مردفة بتوتر:
_ هو أنت هتفضل مخاصمني كتير؟؟..
لعنة حياته كلها شهد، كل ما وصل إليه كان بسبب حبه إليها وكبريائها عليه، نظر إليها بطرف عينيه مردفاً بجمود:
_ أرجعي أوضتك أنا مش فاضي لك دلوقتي..
علقت يدها بيده وقالت:
_ إيه يا طه اللي أنت بتعمله ده من أمتى بتفضل زعلان مني كدة؟!.. ده أنا شهد حبيبتك..
نظرة الحزن بعينيها تجعله يضعف فقال:
_ ماشي يا شهد هعمل نفسي مصدق إن زعلي غالي عليكي لما أرجع نبقى نتكلم..
أتسعت ابتسامتها، حصلت على ما تريده بأقل مجهود فقالت:
_ طيب ما تكنسل المشوار ونطلع على شقتنا..
للحظة طلب منه عقله الموافقة، لحظة لحظة يا طه الشقة تشهد على ليلتك مع الحمراء لن تدلف بها إمرأة، حتي الفراش بنفس وضعهما معا، حمحم مردفاً:
_ بعت الشقة هبقى أجيب واحدة جديدة وأقولك نتقابل...
_ بعت الشقة إزاي وليه ؟!..
قالتها بذهول ليتحرك من أمامها بهروب مردفاً:
_ نتكلم بعدين...
______ شيماء سعيد عبده _____
بالدار..
بدأ الحفل لتأتي السيدة حمدية بفستان وردي رقيق لسكر قائلة:
_ خدي البسي يا سكر عايزة لما طه يشوفك يعرف ان تربيتي وتربيته فيكي مراحتش في الارض..
حدقت بها سكر ساخرة، عن أي تربية تتحدث عنها فهو لم يأتي إليها إلا ثلاث سنوات وبعدما اختفي فقط يرسل أموال، قالت:
_ أنا تعبانة ومش قادرة أحضر الحفلة يا أبلة سيبيني في اوضتي احسن...
شهقت السيدة حمدية قائلة:
_ تعبانة عندك إيه ولما أنتِ تعبانة مقلتيش من الصبح ليه؟!.. سكر أنتِ عارفة غلاوتك عند طه كويس مستحيل يعدي اليوم طالما جه من غير ما يشوفك، ده حتى بعتلك الفستان مع راجل من رجالته...
غلاوتها عنده ؟!.. هل هي حقاً غالية بالنسبة إليه ؟!.. حتي لو عندما يراها ويعلم حقيقة ما حدث ستنتهي قيمتها بقلبه، بكف مرتجف أخذت الفستان قائلة:
_ ماشي يا أبلة 10 دقايق وهكون جاهزة..
ابتسمت إليها السيدة حمدية وخرجت لتلقي بالفستان بعيداً عنها مردفة ببكاء:
_ مينفعش يشوفني ولا ينفع يعرفني كفاية إني رخصت نفسي أوي معاه، مش عارفة عملت كدة إزاي عقلي كان فين خوفي من ربنا كان فين يا رب سامحني سامحني...
عضت على شفتيها تكتم شهقاتها حتي لا يسمعها أحد وبدأ عقلها يتحرك بكل الاتجاهات حتي قامت من فوق الأرض بجسد مرتجف قائلة:
_ لأزم أهرب من هنا دلوقتي حالا، لازم أختفي لحد ما الحفلة دي تخلص وهو يمشي أو حتى مرجعش هنا تاني أنا مينفعش أصرف على نفسي من فلوسه تاني..
لم تأخذ معها أي شيء بالملابس التي على جسدها خرجت من غرفتها، بدأت تتحرك على أطراف أصابعها حتى وصلت إلي الحديقة الخلفية لتري كم السور عالي، مسحت على خصلاتها بتعب وقالت:
_ هطلع عليه إزاي وهنزل منه إزاي ؟!..
غير مهم حتى لو سقطت منه على رأسها سيكون أفضل حل لديها، وجدت شجرة عالية أمام السور تسلقت عليها ثم ألقت بجسدها على السور أخذت نفسها بتوتر ثم أغلقت عينيها والقت بنفسها أرضا..
هل طلعت منها سليمة ؟!.. نعم وبلا خدش، إبتسمت على حالها بسخرية حتي عندما تمنت الموت لم تطوله، قامت من فوق الأرض وركضت بكل قوتها ركضت لتفر من مصيبتها بعد عناء طويل وقفت بمنطقة بعيدة بعض الشئ عن الدار حاولت أخذ نفسها بصعوبة لتجد ما فرت منه أمام عينيها..
يجلس بداخل سيارته بالمقعد الخلفي والعم ناصر يقود السيارة، عينيه على الطريق بعقل شارد يتذكر لحظات عاشها بلذة مع فتاة مجهولة..
بطريق خالي رآها تركض، خصلاتها ميزتها هو متأكد من تلك الخصلات، بلهفة قال:
_ وقف العربية بسرعة يا عم ناصر..
نفذ أوامره بتعجب وقبل أن ينطق خرج الآخر من السيارة بخطوات سريعة يسبق بها الزمن، جذبها من ذراعها لتصطدم بصدره مردفاً:
_ أنتِ صح..
رفعت عينيها إليه بخوف ثم نفت برأسها عدة مرات وجسدها يحاول الفرار من قبضته، ضغط عليها أكثر مردفاً بحدة:
_ بطلي فرك واثبتي مكانك..
تجمدت بمحلها قائلة بخوف:
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
_ أنت عايز مني ؟!.. أنا معرفش أنت مين..
أبتسم إليها بسخرية مردفاً:
_ مش معقولة تكون ذاكرتك ضعيفة أوي كده لدرجه انك تنسي الراجل اللي فضلتي في حضنه ليلة كاملة في يومين اتنين..
بكت بقهر مردفة:
_ أبعد عني سيبني أمشي..
يا ليته يقدر، يومين وهو يرغبها من جديد يومين يتذكر ليلته معها ويتخيل إذا وقعت بين يديه مرة أخري، نفي قائلاً:
_ لما أنتِ كنتي وقتها بنت بنوت سبتيني أقرب منك ليه مع إني قولتلك لو عايزة تبعدي أبعدي...
حديثه يهينها وقبضته تمنعها من الفرار فبكت بعجز شديد، بكاء جعله يشعر بالشفقة عليها دون أن يعرف قصتها، جذبها من كفها واتجه بها إلي السيارة مردفاً:
_ اركبي..
سمعت منه نفس الجملة من سنوات، حدقت به بضياع قائلة:
_ سبني أمشي..
دفعها بخفة قائلا:
_ مش هتمشي بعد اللي عملتيه فيا واللي خليتيني أحس بيه مش هينفع تمشي الإحساس ده أنا مش هخليه يروح مني بالعكس هبقى عايز أحس على طول اركبي..
نظراته مرعبة تقول إن القادم مرعب، حركت رأسها برفض قائلة:
_ أنا مش كدة أنا مش زي ما أنت فاهم ومش زي ما أنت عايزني أعمل اللي حصل....
صمتت وزاد بكائها ليقول بهدوء:
_ اللي حصل كان غصب عنك ضعفتي ومقدرتيش تبعدي ده نفس اللي حصل معايا بالظبط عشان كدة لا أنا هبعد ولا أنتِ هتبعدي...
أبتلعت ريقها بصعوبة وهمست:
_ أنت عايز مني إيه سيبني أمشي حرام عليك..
حرك رأسه بقلة حيلة مردفاً:
_ كنتي مبسوطة كنتي زي واحدة كانت بتحلم باليوم ده وأخيرا وصلت له، خليتيني راجل مبسوط ومزاجي رايق خليتيني عايزك تاني، بعد ما عملتي كل ده مينفعش تطلبي تمشي طيب على الاقل اتحايل عليا شويه أستر عليكي ولا أنتِ مش عايزة الستر؟!..
صوته، كلماته، نظراته، جعلها تشعر كم هي رخيصة، كيف وصلت بنفسها إلي مرحلة تجعل رجل يسومها على جسدها ؟!... بلحظة شعرت إن لا شيء يفرق معها حتي إذا علم هويتها لا يفرق، نفذت طلبه وصعدت إلي السيارة ليصعد بجوارها مردفاً بهدوء:
_ في مشوار مهم كنت رايحه هتفضلي في العربية مع عم ناصر لحد ما أخلص مشواري وارجع لك ..
صمتت فضغط على كفها قائلة بتحذير:
_ إياكي لما أنزل تحاولي تمشي أو تعملي أي حاجة تزعلني منك وقتها هتزعلي وأوي اتفقنا يا غالي..
حتي لم يسأل عن إسمها، كل ما يريده منها شئ واحد وهي تستحق ماذا كانت تنتظر، أبتلعت ريقها بضياع قائلة:
_ اتفقنا...
أخذ نفسه براحة ثم أشار للعم ناصر قائلا:
_ اطلع يا عم ناصر..
دقائق قليلة ووصل أمام الدار، نزل من السيارة ناظرا اليها بتحذير لتبتعد بعينيها بعيداً عنه، دلف إلي الداخل بوقار سلم على المدير وكبار رجال الأعمال ثم ذهب إلي السيدة حمدية مردفاً بحب:
_ ازيك يا دادة..
حدقت به بخوف قائلة:
_ أنا في مصيبة يا طه يا إبني دخلت عشان استعجل سكر ملقيتهاش في الاوضة قلبت عليها الدار كلها مش موجودة..
آت الرد من خلفه بصوت رقيق:
_ أنا أهو يا أبله حمدية..
الصوت يعلم صاحبته لف وجهه سريعا قائلا بذهول:
_ أنتِ..
_ أيوة أنا سكر...
_____ شيماء سعيد عبده _____
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
_ أنتِ..
_ أيوة أنا سكر...
كارثة حقا ما قالته الآن عبارة عن كارثة، سكر ؟!.. طفلته الصغيرة.. زرعته الصالحة بداخل عالمه الأسود ؟!.. كيف... كيف حدث هذا ؟!.. كيف لم يشعر بها كيف قدرت الأيام تجعله ينسي ملامحها وخصلاتها المميزة ؟!..
قالت السيدة حمدية بإبتسامة سعيدة:
_ إيه رأيك بقى في سكر يا طه كبرت وبقت زي القمر..
نعم هذا حقيقي، هي زي القمر، مشتت لا يعلم ما عليه فعله، فتاة تذوقها وهو الآن يرغب بالمزيد ليكتشف أنها " سكر" نظر إليها وجدها تضع عينيها أرضاً بخذلان، وضعت السيدة حمدية يدها فوق ظهر سكر مردفة:
_ سلمي على أبيه طه يا سكر مش كان نفسك تشوفيه أهو قدامك أهو..
مدت كفها المرتجف إليه مردفة:
_ أهلا بحضرتك..
أبيه ؟!.. نعم سمعها جيداً السيدة حمدية أطلقت عليه أبيه، طه أنتبه على حالك أنت الآن بحفل به أكبر رجال الأعمال والصحافة، لم يقدر على ضم كفها إلي كفه فأكتفى بإشارة بسيطة من رأسه مردفاً:
_ أهلاً يا سكر.
قالها وأت إليه أحد رجال الأعمال ليجد فرصته المناسبة بالفرار من أمامها، اندمج معهم لتجذبها السيدة حمدية مردفة بحدة:
_ بقى الراجل باعتلك فستان تحضري بيه الحفلة تقومي تختفي وفي الآخر تظهري بهدوم بتاعت بيت يا سكر من أمتى وانتِ مش مسؤوله بالشكل ده؟!..
فاشلة هي تستحق هذا اللقب عن جدارة، لم تتحمل كم الضغط عليها وبكت مردفة:
_ حقك عليا يا أبلة حمدية بس أنا فعلا تعبانة ومش هقدر أحضر عايزة ارجع الأوضة لو سمحتي..
حالتها غير طبيعية بالمرة، أومأت إليها قائلة بقلق:
_ ماشي أدخلي أرتاحي وهيبقى لنا كلام تاني مع بعض لما الناس تمشي..
ركضت مبتعدة بكل قوتها دون أن تلقي أي نظرة عليه، ألقي بجسدها على الفراش وبكت كتمت فمها بالوسادة وصرخت بكل قوتها، خائفة من مواجهة العباد ماذا سيكون حالها أمام رب العباد...
فعلت كبيرة لم تتوقع بيوم فعلها، فعلتها دون لحظة تفكير أو خوف فقط تركت نفسها للمتعة بأحضانه، شيطانها زين إليها الحرام بإسم الحب، لحظة واحدة حولتها من فتاة إلي حد كبير تعرف الحلام والحرام إلي أخري غارقة ببحر من الحرام..
حبها الجنوني إليه هو السبب الرئيسي بكل هذا، تتذكر رغم صغر سنها انتظارها إليه كل يوم جمعة لتقضي اليوم معه، عامين تعيش تحت حمايته تشكو إليه كل ما يضايقها وهو يأخذ حقها ..
فلاش باك..
بفستان أبيض رقيق به بعض الورود الصفراء دارت الصغيرة سكر صاحبة التسع سنوات حول نفسها مردفاً بحماس:
_ إيه رأيك في الفستان بتاعي يا طه حلو؟!..
أنحني ليصل إلي مستواها وقال بحنان:
_ بقى أحلى لما لبستيه..
حدقت به بسعادة وقالت:
_ أنت الهيرو بتاعي اللي بيحققلي كل أحلامي ما تيجي كل يوم، يوم الجمعة بيقعد كتير كتير على ما يجي..
ضحك بخفة مردفاً:
_ كتير كتير اه منك يا لمضة.. عموما مش هينفع يوم الجمعة ده يوم اجازتي الوحيد وبقضيه كله معاكي قوليلي مبسوطة في المدرسة الجديدة وإلا زي القديمة؟!..
أشارت على الأرجوحة وقالت:
_ مرجحني الأول..
حملها بخفة ووضعها فوق الأرجوحة وبدأ يحركها لتقول:
_ الجديدة أحلى وكلهم هناك بيحبوني، المس قالتلي إن عيلة العلايلي بنفسها موصية عليا دي عيلتك صح يا طه؟!...
بشرود قال:
_ صح..
دق هاتفه برقم السيد عمران فأجاب وبدون كلمة أغلق الخط مردفاً بضيق:
_ أنا لأزم أمشي دلوقتي بس هاجيلك الجمعة الجاية تحكيلي كل حاجة بالتفاصيل..
بحنق قالت:
_ رايح فين هتمشي من غير ما نقضي اليوم أنت وعدتني تفسحني النهاردة..
وضع قبلة حنونة فوق رأسها مردفاً:
_ هنأجل الفسحة للجمعة الجاية ونخليها فصحتين اتفقنا..
بثقة عمياء به قالت:
_ اتفقنا..
إتفاق لم يحدث لأنه لم يأتي بها أبدا، أسبوع وراء الآخر والآخر بدونه، بكت، صرخت، انهارت، امتنعت عن الطعام، مرضت، وكانت النتيجه واحدة طه لم يأتي..
مع زيادة تعبها دلفت إليها السيدة حمدية بالهاتف مردفة:
_ خدي يا سكر كلمي طه..
أنتفضت من فوق فراشها ووضعت الهاتف فوق أذنها مردفة بعتاب حزين:
_ كدة يا طه تسيبني كل الأيام دي من غير ما تيجي تشوفني أنت وحشتني ووو..
قطعها بصوته الحنون قائلا:
_ أنا مش هينفع اجي تاني يا سكر سافرت بره خليكي شطورة واسمعي كلام أبلة حمدية وأنا لما ارجع من السفر هاجي لك..
هنا كانت آخر مرة تسمع بها صوته يحدثها، شعور بالأمان قدمه إليها وذهب مع ذهابه لتظل هي بين الذكريات والانتظار..
أنتهي الفلاش باك...
ذهب عقلها إلي هوسها الجنوني به وإلي صوره الموضوعة بداخل صندوق كبير، صور أخذتها إلي بنفسها من مراقبتها اليومية الي أسفل شركته لم تحضر بحياتها أول محضرة باليوم فهذا معاد تصويرها لطه وهو يدلف إلي الشركة..
بكت بقهر متذكرة معرفتها بأنه متزوج من إبنة عمه..
فلاش باك..
مثل عادتها اليومية تنتظر قدومه أسفل شركته وبيدها كاميرا صغيرة تأخذ له صور وفيديوهاته تحتفظ بهما بصندوق حبها، دق قلبها وهي تري سيارته تقترب وخلفها سيارة الحارسة، نزل بهيبته المعتادة لكن... لحظة لحظة من تلك المرأة المجاورة إليه ؟!.. بلا تفكير أقتربت من أحد العاملين المقربين من المكان الذي يعلم حبها الشديد لطه العلاليلي وقالت:
_ هي مين اللي معاه دي يا عم حسن ؟!..
صمت الرجل قليلاً بتوتر وبالنهاية حسم أمره مردفاً:
_ دي سمية هانم مراته يا سكر يا بنتي..
زوجته ؟!.. طه متزوج بإمرأة أخري ؟!.. يحب غيرها.. غيرها تحمل إسمه وربما تكون أم إلي أولاده، لا لم تتحمل أكثر وسقطت بلحظة فاقدة الوعي..
من يومها لم تراه فقط تتابع أخباره عبر الهاتف من بعيد لبعيد، تحلم به تحلم بنفسها داخل أحضانه، أحلام بعيدة كل البعد عن الحقيقة..
أنتهي الفلاش باك...
ضمت وسادتها أكثر وبكت أكثر وأكثر حتي تعب جسدها، حبها له أنتهي حبها للحياة عموماً أنتهي هي الآن ضائعة خائفة من غضب الله عليها، آت بأذنها آية قرآنية محببة إليها مثل طوق النجاة..
سورة آل عمران (الآية 135): ﴿وَالَّذِينَ إِذَا فَعَلُوا فَاحِشَةً أَوْ ظَلَمُوا أَنفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَن يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَىٰ مَا فَعَلُوا وَهُمْ يَعْلَمُونَ﴾.
أنتفضت من محلها بشعور غريب، جسدها بأكمله يرتجف، قلبها منتظر أن تفعل وشيطانها بين إن الا تفعل لتتذكر آية أخري..
سورة النساء (الآية 110): ﴿وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَّحِيمًا}
بخطوات سريعة توضت ثم بدأت بصلاة التوبة ، سجدت وزاد بكائها مرددة بندم صادق:
_ "اللَّهُمَّ أَنْتَ رَبِّي لا إِلَهَ إِلا أَنْتَ، خَلَقْتَنِي وَأَنَا أمتك، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمِتِكَ عَلَيَّ، وَأَبُوءُ لَكَ بِذَنْبِي، فَاغْفِرْ لِي؛ فَإِنَّهُ لا يَغْفِرُ الذُّنُوبَ إِلا أَنْتَ".
ارتفعت شهقاتها قائلة:
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
_ غلطت غلطة كبيرة، لأ مش غلطة دي كارثة، عندي إستعداد أشيلها العمر كله بس مش هقدر أقف بيها قدامك يا رب، مش هقدر أشيلها وأقولك أنا عملتها... أرحمني وأغفرلي أفتحلي باب ليك، باب رحمة يبعد الشيطان عني ويشيل عني ذنبي ذنبي الكبير والتقيل يا رب...
انتهت من صلاتها فضمت كتاب الله إلي صدرها وغفت مكانها بتعب..
_____ شيماء سعيد عبده _____
من بين كل الناس لم يجد سوا خالد ليذهب إليه، فتح إليه باب الشقة وأثر النوم ظاهرة على ملامحه مردفاً بتعجب:
_ في حد طبيعي يخبط على حد الساعة 3:00 الفجر؟!..
دفعه طه إلي الداخل ودلف ثم أغلق الباب خلفه وألقي بجسده على أقرب أريكة مردفاً بتعب:
_ عارف البنت طلعت مين؟!..
انتبه حواس خالد وقال:
_ أنت لقيتها؟!..
أومأ إليه طه بسخرية فقال خالد:
_ وطلعت مين؟!..
أغلق عينيه بهروب واضح وقال:
_ سكر..
أتسعت عيني خالد بفزع قائلا:
_ سكر ؟! سكر مين أوعي تقول...
أوما إليه طه مردفاً:
_ هي...
جلس خالد بجواره وهو مذهول، كيف وقع صديقه بكارثة مثل تلك، سألته بتوتر:
_ عرفت إزاي وهتعمل إيه ؟!..
فتح عينيه ونظر إليه بضياع قائلاً:
_ شوفتها في الحفلة النهاردة المصيبة مش في هعمل إيه المصيبة ان دي سكر، البنت اللي انقذتها زمان من المستقبل ممكن تضيع فيه ضيعتها بنفسي، أنا مش عارف احط عيني في عينها مش عارف أتكلم معاها لوحدنا ولا عارف المفروض أقول لها إيه..
عاجز هو حقا عاجز عن فعل أي شيء، بداخله كارثة أكبر لا يستطيع قولها إلي خالد " إنه مازال يريدها كإمراة " ضرب رأسه عده مرات بالمقعد ليقول خالد بقلق:
_ طه ممكن تهدى شوية اللي حصل ده مكانش غلطتك لوحدك هي كانت معاك، أنت راجل ممكن تضعف لكن تقدر تقولي هي سكتت وقتها ليه بلاش تشيل نفسك الليلة كلها..
هذا ما يزيد جنونه لما قبلت بما حدث وربما رحبت به وجدا، نظر إلي خالد بحدة مردفاً:
_ خالد إياك تتكلم عنها كدة تاني ولو في حد غلطان هيبقى أنا مش هي، لان أنا الراجل زي ما أنت قولت وأنا اللي المفروض أكون عارف بعمل إيه كويس، دي حته عيلة جربت مشاعر حلوة فكملت لكن تقدر تقولي أنا كملت ليه؟!... .
حالته صعبه وغضبه سيحرق أي شخص يقترب منه الآن فقال خالد:
_ طيب أهدى وادخل نام دلوقتي أنت أعصابك مشدودة الصبح نبقي نفكر براحتنا.. ...
أشار على غرفة النوم مردفاً:
_ أدخل نام أنت وأنا هفضل هنا..
_ ليه يا ابني ما أوضتك موجودة ومتنضفة متقلقش..
أبعد وجهه عنه بضيق مردفاً:
_ خالد أنا مش ناقص مناهدة أدخل نام..
يعلمه ويعلم جنون غضبه لذلك انسحب بهدوء، ظل الآخر بمفرده تائه سكر ابنته من وجهة نظره يرغبها وبجنون، فقد أعصابه فدفع الفاظة المجاورة إليه مردفاً:
_ إزاي... إزاي كانت جوا حضني من غير ما أشم فيها ريحة سكر؟!.. إزاي معرفتهاش وكملت القرف اللي عملته معاها ده وأنا مبسوط؟!.. إزاي عايزها تاني بعد ما عرفت هي مين؟!..
جنون ما يشعر به الآن تخطئ كل مراحل الجنون، دق هاتفه مرة والثانية فأخرجه مقرراً إفراغ غضبه بالمتصل ليجدها شهد، شهد يحبها شهد هي حله للخروج من حالة الرغبة الغير طبيعية تلك، فتح الخط ليسمع صوتها تقول:
_ أنت فين لحد دلوقتي يا طه؟!.. قلقتني عليك..
هل حقاً قلقت عليه ؟!.. حاول أخذ نفسه براحة مردفاً:
_ أنتِ إللي إيه اللي مصحيكي لحد دلوقتي؟!.. .
آت إليه صوتها الرقيق قائلة:
_ وحشتني يا طه أول مرة تبقي قاسي عليا أوي كدة..
شهد تقدم إليه الآن كلمات تمني سماعها وتخيل كم سيكون سعيد بها، قال بتعب:
_ بجد وحشتك ؟!..
_ أوي..
_ طيب البسي واستنيني في باب الجنينة إللي ورا..
______ شيماء سعيد عبده _____
نصف ساعة وصعدت بجواره السيارة قائلة:
_ مالك يا حبيبي شكلك مش مبسوط؟!..
حبيبها ؟!.. كم هي كلمة جميلة لكنه وبكل أسف لا يشعر بها، تنهد مردفاً:
_ زهقان وناوي أهرب يومين هتهربي معايا ولا هتهربي مني؟!..
إبتسمت إليه بنعومة وقالت:
_ ودي عايزة كلام معاك طبعاً بس هنقولهم في البيت إيه ؟!..
بدأ بقيادة السيارة مردفاً:
_ مش فارق معايا حد يا شهد ركزي معايا وبس..
عجيب هو اليوم، تشعر بالحيرة خصوصاً من تغيره المفاجئ كانت مدللته وتصرفاته توحي إنه بدأ يشعر بالملل إذا عليها التصرف وبسرعة، مالت على كتفه قائلة:
_ ده كدة كدة، هو أنا عندي غيرك ركز معاه..
صمت فقالت:
_ قولي بقى هنروح فين بعد ما بعت الشقة فجأة ومن غير أسباب..
اللعنة لما أتت بسيرة الشقة، عقله بأقل من لحظة يذهب إلي ليلته مع فتاته الحمراء، ضغط على المقود بقوة وقال:
_ هنقضي يومين في اليخت..
يومين معه ؟!.. كثير والله كثير، اهدئي يا شهد لا تجعلي رجل مثل طه يذهب من بين يديكي، أبتعدت عنه وعلقت عينيها بالشارع حتي مر بهما الوقت ووصل بها أمام اليخت، فقال:
_ إنزلي..
نزلت وصعدت بمساعدته على اليخت ليدلف إلي غرفة النوم مردفاً:
_ اتفرجي على المكان براحتك لحد ما أنام شوية دماغي مصدعة..
نعم!.. ينام وهي معه دون أن يطلب قربها ؟!.. كيف حدث ذلك ؟!.. دلفت خلفه مردفة بضيق:
_ هو أنت حكايتك إيه بالظبط؟!.. بقى لك كام يوم متغير وكأنك بتهرب مني هو اللي أنا حاسه بيه ده بجد يا طه؟!..
هو نفسه لا يعلم إجابة سؤالها فقال:
_ حاسة بايه ؟!..
نظرت إليه بحزن وقالت:
_ إنك زهقت.. مع إنك فضلت تجري ورايا سنين وتطلب مني الجواز وعدتني إني هعيش معاك ملكة وهتغرقني بحبك... ومن وقت ما اتجوزتك وأنت بتمن عليا بفلوس أبويا، قولت مش مشكلة كفاية حبه لكن كمان هتمن عليا بحبك ؟!.. أنا مش هقدر أستحمل حاجه زي دي اوعى تقول إنك زهقت مني وبطلت تحبني..
ماهرة لدرجة إن قلبه حن إليها، شعور بالذنب رهيب دلف إلي أعماق قلبه وتأكد إنه المذنب الأول بحياة الجميع، فتح ذراعيه إليها لتلقي بنفسها داخل صدر مردفة:
_ قولي فيك إيه وريحني..
أغلق عينيه ثم تنهد بثقل مردفاً:
_ شوية مشاكل في الشغل حقك عليا طلعت قرفي ومشاكلي عليكي من غير ما أحس اني بوجعك..
أتسعت ابتسامتها وقالت:
_ مش مشكلة يا حبيبي احنا الاتنين واحد وأنا مستعدة استحمل تعبك العمر كله..
أبتسم إليها وقبل رأسها مردفاً:
_ وبتقولي عليا متغير!.. محدش متغير النهاردة غيرك.
بدلال قالت:
_ ليه عملتلك إيه يا أستاذ عشان تقول عليا متغيرة؟!..
_ بتدلعي عليا والمهم عندك راحتي وكلام كبير كدة..
ضحكت بخفة قائلة:
_ من وقت ما خاصمتني وأنا عرفت قيمتك يا طه لما اغلط عاقبني بأي حاجة الا الخصم..
رفع حاجبه متعجباً ثم قال:
_ لأ طالما الخصام جاب معاكي فايدة كدة يبقى هو ده عقابك الوحيد بعد كدة..
ضربت بمنتصف صدره مردفة:
_ أخص عليك وأهون عليك..
الكارثة الكبري إنه الآن لا يجد أي حديث بعقله يجيبها به، تفكيره بنقطة واحدة مهما حاول الهروب وهذا يزيد من جنونه، أنتبه على صوتها القائل:
_ وبعدين بقى هتفضل تسرح كده كتير لو مش عايزني ممكن أمشي..
للمرة الثانية يؤنبه ضميره على تصرفه معها فجذبها قبل ان تتحرك قائلا:
_ لو مكنتش عايزك مكنتش جبتك معايا بس قولتلك تعبان وأنتِ قولتي هتتحمليني رجعتي في كلامك ولا إيه ؟!..
إبتسمت قائلة:
_ طيب وحشتني أنا كمان وحشتك صح ؟!..
لأول مرة تطلب منه شهد الإقتراب بتلك الطريقة الشبه مباشرة، وليكن صادق تلك أفضل طريقة ليتخطي ليلة تحرق روحه، فحملها بخفة مردفاً:
_ صح...
_____ شيماء سعيد عبده _____
يومين هو يفر بعيداً مع شهد حتي هاتفه مغلق، بعرض البحر يسبح ويأتي بعقله فجأة مشهد مرهق جدا إليه لا يذهب من رأسه " _ أبعدي لو مش عايزة..
لأول مرة بحياته تتحكم به رغبته لدرجة إنه يطلب منها هي السيطرة على الأمر، الكارثة الكبري إنها الأخري راغبة وأكثر منه بكثير، رفعت عينيها الزرقاء إلي عينيه وقالت بتوهان:
_ عايزة..
كلمة بعدها أنتهي أمرها خلع عنها ثوابها قطعة وراء الأخري، رأي بعينيه إمرأة رائعة الجمال لم يري مثلها، همهم بمتعة:
_ أنتِ حلوة أوي كدة إزاي ؟!.. "
اللعنة ماذا يحدث معه، كيف يقول لجسده إنها لو آخر نساء الأرض لن يستطيع لمسها مرة أخري؟!.. خرج من المياة بغضب لتقدم شهد إليه المنشفة مردفة بترقب:
انضم لجروب التليجرام ( هينزل فيه الرواية كاملة ) اضغط هنا
للانضمام لقناة الواتساب اضغط هنا
↚
_ هو إحنا هنرجع أمتى؟!..
حدق بها بطرف عينيه مردفاً:
_ زهقتي ؟!.
نفت قائلة:
_ لأ طبعاً بس أكيد قلقوا عليا في البيت وكمان مش عارفه هقولهم إيه..
بهدوء قال:
_ هتقولي إنك كنتي معايا سفرية شغل..
عقدت حاجبها:
_ شغل ؟!.. شغل إيه ده؟!..
_ مش كان نفسك يبقى لك شركة سياحة خاصة بيكي..
هل بيومين بين أحضانه سيحقق حلمها ؟!.. سألته بلهفة:
_ أيوة.
_ الشهر بالكتير تقدر تبداي شغل..
رائع هو مصباح علاء الدين الخاص بها إبتسمت بسعادة غامرة ثم قالت:
_ شكراً يا حبيبي شكراً..
قبل رأسها مردفاً:
_ مفيش داعي للشكر ده حقك يا شهد حضري نفسك عشان هنرجع..
_____ شيماء سعيد عبده _____
بالدار..
_ إيه اللي أنتِ عملتيه ده خلاص عقلك باظ روحتي سحبتي ورقك من الكلية في أخر سنة يا مجنونة ؟!..
قالتها ريهام بغضب إلي سكر الجالس على الفراش وبيدها كتاب الله تقرأ به بخشوع، أغلقته ثم وضعت فوقه قبلة ووضعته بجوارها مردفة بهدوء:
_ عرفتي منين؟!..
اجابتها ريهام بسخرية:
_ عرفت من أبلة حمدية ومش كده بس مديرية الدار عرفت بتتصل دلوقتي بطه بيه تعرفه عملتي كده ليه ؟!..
أخذت سكر نفسها بلا مبالاة وقالت:
_ ومش كده وبس أنا كمان هسيب الدار خلاص عديت سني القانوني ومن حقي أمشي..
ضربت ريهام على صدرها برعب قائلة:
_ يا لهوي كمان عايزة تمشي ولما تمشي هتروحي فين؟!.. تقدري تقوليلي هتشتغلي إيه من غير الشهادة اللي أنتِ سبتيها في آخر سنة هو إحنا لينا شغلانه ولا حتى معانا قرش عشان نمشي؟!..
لا يشعر بها أحد، أصبحت لا ترغب بالحياة تحت حمايته وبماله، تريد الفرار أن تبعد كل البعد عن أي مكان يجمعها به أو يذكرها برخصها فقالت:
_ مسبتش التعليم ولا حاجة انا سبت الجامعة الغالية وهقدم السنة الجاية في أي جامعة حكومية هكمل تعليمي واشتغل فين المشكلة هنا..
عقدت ريهام حاجبها بشك قائلة:
_ أنا مش مرتاحة من يوم ما روحتي تنضفي الشقة بتاعته وأنتِ حالك متغير ريحي قلبي وقوليلي إيه اللي حصل هناك..
_ مفيش حاجة حصلت قولتلك كل الموضوع اني عرفت مقامي وعرفت ان مينفعش أبص له سيبيني بقى أعيش براحتي ممكن؟!..
بقلة حيلة قامت ريهام من مكانها وقالت:
_ فكري براحتك يمكن تعرفي ان اللي أنتِ بتعمليه ده غلط وعايزة أقولك إن المديرة بتكلم دلوقتي طه بيه ابقي تصرفي معاه..
_____ شيماء سعيد عبده _____
بفيلا العلاليلي..
دلف طه إلي غرفته مع سمية بقلق، وجدها تنام فوق فراشها فأقترب منها بغضب مردفاً:
_ كام مرة قولتلك متفكريش تعملي كده؟!..
أعتدلت بجلستها برعب قائلة:
_ هو أنا عملت إيه ؟!..
أشار إليها بتحذير مردفاً:
_ إياكي تكدبي عشان أنتِ عارفة إني مبكرهش في حياتي أد الكدب يا سمية، سافرت يومين مع شهد أخلص لها المشروع بتاعها قفلت موبايلي ووقت ما افتحه الدكتور بتاعك يرن عليا يقولي انك بتحضري لعملية حقن مجهري للمرة العاشرة، احنا مش كنا اتفقنا ان الموضوع ده يتقفل وان أسر وجوده في حياتنا إحنا الأتنين كفاية ؟!..
وقفت أمامه ثم نفت برأسها مردفة بحزن:
_ لأ مش كفاية يا طه أنا عايزة ابن تبقى أنت أبوه، بلاش نكدب على بعض أي راجل في الدنيا بيبقى عايز يخلف وأنت من حقك تكون اب وأنا من حقي أكون أم لابنك ليه مش عايزنا نحاول تاني..
كل يوم يمر عليه مع سمية يشعر بالشفقة عليها، أخذ نفسه بثقل ثم مسح بيديه على وجهها مردفاً بهدوء:
_ يا حبيبتي أنا خايف عليكي جربنا كتير والدكاترة قالوا ان المرة دي الخطورة أكتر من أي مرة عدت ليه مصممه تخاطري بحياتك..
بحب قالت:
_ عشانك أنا مستعدة أموت عشانك كل اللي يهمني إنك تبقى مبسوط معايا وانك متحسش بأي حاجة ناقصة بجوازك مني..
أبتسم إليها بحنان مردفاً:
_ مفيش حاجة ناقصه وزي ما أنتِ مستعدة تموتي عشاني لازم تعرفي اني مش مستعد أخسرك فاهمة ده؟!..
ابتسمت قائلة:
_ فاهمة بس خلينا نجرب المرة دي كمان..
رنين هاتفه منعه من الحديث، أخرج الهاتف من جيب بذلته ليجده رقم مديرة الملجا، لا يعلم لما دق قلبه، لما تغلغل بداخله شعور باللهفة مرعب فتح الخط قائلاً:
_ أهلا يا مدام درية..
_ أهلا يا طه بيه آسفه لو بكلم حضرتك الصبح بدري كده بس سكر سحبت ورقها من الكلية اللي حضرتك قدمت لها فيها وكمان مصممة تمشي من الدار..
تحولت معالم وجهه الي الغضب بأقل من ثانية وقال:
_ محدش يتكلم معاها ولا تتحرك من مكانها لحد ما أوصل..
أغلق الخط لتقول سمية بتوتر:
_ هي مين دي ومالك اتعصبت فجأة كدة ليه؟!..
_ مش وقته دلوقتي يا سمية رايح مشوار مهم وراجعلك تاني، كلامنا مع بعض لسه مخلصش متعمليش حاجة من دماغك لحد ما ارجعلك مفهوم...
_ مفهوم..
______ شيماء سعيد عبده _____
بمكتب المديرة.
_ هو أنا محبوسة هنا ولا إيه يا أبلة حمدية مش من حقي أمشي؟!..
بحسرة إجابتها السيدة حمدية:
_ تمشي تروحي فين بس يا بنتي هو إحنا لينا غير بعض يا سكر؟!.. مش وعدتيني توصليني بأيدك لقبري دلوقتي عايزة تسيبيني وتمشي.. ..
بكت سكر بحزن:
_ بعد الشر عليكي يا أبلة حمدية وبعدين والله أنا مش هسيبك أول ما أقدر أقف على رجلي هاجي أخدك من هنا ونعيش إحنا الأتنين مع بعض كفاية تعب وشقى عليكي لحد كدة..
وصل طه أمام باب المكتب وسمعها، فتح الباب ودلف مردفاً بقوة:
_ أخدتي إذن مين قبل ما تسحبي ورقك من الكلية وتقرري تمشي من هنا؟!.
للحظة أرتجف جسدها بخوف ومع ذلك دارت وجهها إليه قائلة:
_ هو أنا المفروض أخد رأي حد قبل ما أقرر أعمل إيه في حياتي؟!..
أومأ إليها بسخرية مردفاً:
_ المفروض إن قبل ما تتنفسي يوصلي خبر وأنا اللي قرر إيه الصح وايه الغلط..
حديثه مستفز إلي أبعد درجة، تشعر وكأنه يبعث إليها رسائل مهينة من أسفل الترابيزة فصرخت بغضب:
_ وحضرتك تبقى إيه بالنسبه لي عشان أقولك هتنفس ولا لأ؟!.. أنا مليش أهل ووصلت للسن اللي يخليني أقدر أمشي من هنا وأعمل اللي أنا عايزاه..
فقد أعصابه فقال بحدة:
_ معلش يا دادة سيبينا لوحدنا..
قالت السيدة حمدية بخوف:
_ أهدى طه يا إبني سكر غلبانة بس هي عصبية شوية ومش بتعرف هي بتقول إيه، سايقة عليك النبي ما تزعل منها..
أومأ مردفاً:
_ متقلقيش أنا بس عايز أتكلم معاها لوحدنا..
بقلة حيلة خرجت السيدة حمدية، بعدها بلحظة واحدة جذبها لتبقي بالقرب منه وقال بغضب:
_ لو مش واخده بالك فأنا المتكفل بيكي يعني كل حاجة تخصك تخصني واللي أنتِ عملتيه ده غلط وهتتعاقبي عليه عشان تحرمي تتصرفي من دماغك بعد كده..
نظرت بداخل عينيه بضيق قائلة:
_ أنا بعفيك من أي حاجة تخصني وكتر ألف خيرك معايا لحد كدة..
يا ليتها لم تنظر إليه، اللعنة كم هي جميلة مغرية تجعله يفقد السيطرة بنظرة عين منها دون أدني مجهود، زاد غضبه منها ومن حاله فأبتعد عنها خطوة إلي الخلف مردفاً:
_ بتتكلمي وكأن مفيش أي حاجة حصلت بينا، وكأنك من يومين تلاتة مكنتيش متمرمغة في حضني، اللي حصل كبير مش حاجه تقدري تهربي منها لما تسيبي الكلية ولا لما تطلعي من الدار.. .
اهتزت بعنف عندما ذكرها، كم أصبحت تكره نفسها بسبب تلك الليلة وضعفها بها، هربت بعينيها بعيداً عنه وهي تشعر بالعار من نفسها ثم قالت بنبرة مهزوزة:
_ دي غلطتي وأنا هشيلها لوحدي..
رفع حاجبه بسخرية مردفاً:
_ شيليها لوحدك إزاي؟!.. مش يمكن تكوني طالعة من الليلة دي حامل وقتها برضو هتشيليها لوحدك؟!..
ماذا ؟!.. حامل ؟!.. حامل من ليلة زنا ؟!.. انتفض جسدها برعب قائلة:
_ حامل هو أنا ممكن أطلع حامل؟!..
للحظة أشفق عليها ومع ذلك قال بقوة:
_ راجل وست كانوا مع بعض إيه اللي يمنع الست إنها تحمل؟!.. أخدتي حاجة قبلها وكنتي عامله حسابك؟!..
لم تشعر بنفسها إلا وهي تضربه بكل قوتها بمنتصف صدره قائلة ببكاء:
_ أنت تقصد إيه؟!.. تقصد إن أنا كنت مخططة أخليك تعمل معايا كدة؟!.. متقولش عليا كدة أنا مش بالشكل اللي أنت شايفه ده، قولتلك 100 مرة دي حاجة حصل غصب عني وقرفانة من نفسي من وقت ما عملتها..
بكائها جعله يلعن حاله فجذبها إلي مردفاً بحنان:
_ طيب أهدي وبطلي عياط..
أبتعدت قائلة:
_ أرجوك سيبني أمشي من هنا أنا مش عايزة أفتكر أي حاجة عن الليلة دي..
اللعنة هي ترغب النسيان وهو مستمتع بكل لمسة لمسها لها بتلك الليلة بل ويرغب بالمزيد والمزيد من الليالي، حاول الهدوء مردفاً:
_ مش هقولك إنك غلطتي لما سلمتلي نفسك لأني كمان مقدرش اتحكم في نفسي بس اللي هقوله لك ان الغلطة دي لأزم تتصلح، لا هينفع أهرب منها ولا هينفع أنتِ تهربي منها..
______ شيماء سعيد عبده _____
